வால்மீகிராமாயணே ஆதி³காவ்யே பா³லகாண்டே³ த்³விஸப்ததிதம꞉ ஸர்க³꞉
Shlokas in audio recited by Mrs.Ranganayaki, Chennai.
தமுக்தவந்தம் வைதே³ஹம் விஷ்²வாமித்ரோ மஹாமுநி꞉ |
உவாச வசநம் வீரம் வஸிஷ்ட²ஸஹிதோ ந்ருபம் || 1-72-1
அசிந்த்யாந்யப்ரமேயாணி குலாநி நரபுங்க³வ |
இக்ஷ்வாகூணாம் விதே³ஹாநாம் நைஷாம் துல்யோ(அ)ஸ்தி கஷ்²சந || 1-72-2
ஸத்³ருஷோ² த⁴ர்மஸம்ப³ந்த⁴꞉ ஸத்³ருஷோ² ரூபஸம்பதா³ |
ராமலக்ஷ்மணயோ ராஜன் ஸீதா சோர்மிலயா ஸஹ || 1-72-3
வக்தவ்யம் ச நரஷ்²ரேஷ்ட² ஷ்²ரூயதாம் வசநம் மம |
ப்⁴ராதா யவீயான் த⁴ர்மஜ்ஞ ஏஷ ராஜா குஷ²த்⁴வஜ꞉ || 1-72-4
அஸ்ய த⁴ர்மாத்மநோ ராஜன் ரூபேணாப்ரதிமம் பு⁴வி |
ஸுதாத்³வயம் நரஷ்²ரேஷ்ட² பத்ந்யர்த²ம் வரயாமஹே || 1-72-5
ப⁴ரதஸ்ய குமாரஸ்ய ஷ²த்ருக்⁴நஸ்ய ச தீ⁴மத꞉ |
வரயேம ஸுதே ராஜம்ஸ்தயோரர்தே² மஹாத்மநோ꞉ || 1-72-6
புத்ரா த³ஷ²ரத²ஸ்யேமே ரூபயௌவநஷா²லிந꞉ |
லோகபாலஸமா꞉ ஸர்வே தே³வதுல்யபராக்ரமா꞉ || 1-72-7
உப⁴யோரபி ராஜேந்த்³ர ஸம்ப³ந்தே⁴நாநுப³த்⁴யதாம் |
இக்ஷ்வாகோ꞉ குலமவ்யக்³ரம் ப⁴வத꞉ புண்யகர்மண꞉ || 1-72-8
விஷ்²வாமித்ரவச꞉ ஷ்²ருத்வா வஸிஷ்ட²ஸ்ய மதே ததா³ |
ஜநக꞉ ப்ராஞ்ஜலிர்வாக்யமுவாச முநிபுங்க³வௌ || 1-72-9
குலம் த⁴ந்யமித³ம் மந்யே யேஷாம் தௌ முநிபுங்க³வௌ |
ஸத்³ருஷ²ம் குலஸம்ப³ந்த⁴ம் யதா³ஜ்ஞாபயத²꞉ ஸ்வயம் || 1-72-10
ஏவம் ப⁴வது ப⁴த்³ரம் வ꞉ குஷ²த்⁴வஜஸுதே இமே |
பத்ந்யௌ ப⁴ஜேதாம் ஸஹிதௌ ஷ²த்ருக்⁴நப⁴ரதாவுபௌ⁴ || 1-72-11
ஏகாஹ்நா ராஜபுத்ரீணாம் சதஸ்ரூணாம் மஹாமுநே |
பாணீன் க்³ருஹ்ணந்து சத்வாரோ ராஜபுத்ரா மஹாப³லா꞉ || 1-72-12
உத்தரே தி³வஸே ப்³ரஹ்மன் ப²ல்கு³நீப்⁴யாம் மநீஷிண꞉ |
வைவாஹிகம் ப்ரஷ²ம்ஸந்தி ப⁴கோ³ யத்ர ப்ரஜாபதி꞉ || 1-72-13
ஏவமுக்த்வா வச꞉ ஸௌம்யம் ப்ரத்யுத்தா²ய க்ருதாஞ்ஜலி꞉ |
உபௌ⁴ முநிவரௌ ராஜா ஜநகோ வாக்யமப்³ரவீத் || 1-72-14
பரோ த⁴ர்ம꞉ க்ருதோ மஹ்யம் ஷி²ஷ்யோ(அ)ஸ்மி ப⁴வதோ꞉ ஸதா³ |
இமாந்யாஸநமுக்²யாநி ஆஸ்யதாம் முநிபுங்க³வௌ || 1-72-15
யதா² த³ஷ²ரத²ஸ்யேயம் ததா²(அ)யோத்⁴யா புரீ மம |
ப்ரபு⁴த்வே நாஸ்தி ஸந்தே³ஹோ யதா²ர்ஹம் கர்துமர்ஹத² || 1-72-16
ததா² ப்³ருவதி வைதே³ஹே ஜநகே ரகு⁴நந்த³ந꞉ |
ராஜா த³ஷ²ரதோ² ஹ்ருஷ்ட꞉ ப்ரத்யுவாச மஹீபதிம் || 1-72-17
யுவாமஸங்க்²யேயகு³ணௌ ப்⁴ராதரௌ மிதி²லேஷ்²வரௌ |
ருஷயோ ராஜஸங்கா⁴ஷ்²ச ப⁴வத்³ப்⁴யாமபி⁴பூஜிதா꞉ || 1-72-18
ஸ்வஸ்தி ப்ராப்நுஹி ப⁴த்³ரம் தே க³மிஷ்யாம꞉ ஸ்வமாலயம் |
ஷ்²ராத்³த⁴கர்மாணி விதி⁴வத் விதா⁴ஸ்யேதி சாப்³ரவீத் || 1-72-19
தமாப்ருஷ்ட்வா நரபதிம் ராஜா த³ஷ²ரத²ஸ்ததா³ |
முநீந்த்³ரௌ தௌ புரஸ்க்ருத்ய ஜகா³மாஷு² மஹாயஷா²꞉ || 1-72-20
ஸ க³த்வா நிலயம் ராஜா ஷ்²ராத்³த⁴ம் க்ருத்வா விதா⁴நத꞉ |
ப்ரபா⁴தே கால்யமுத்தா²ய சக்ரே கோ³தா³நமுத்தமம் || 1-72-21
க³வாம் ஷ²தஸஹஸ்ரம் ச ப்³ராஹ்மணேப்⁴யோ நராதி⁴ப꞉ |
ஏகைகஷோ² த³தௌ³ ராஜா புத்ராநுத்³தி³ஷ்²ய த⁴ர்மத꞉ || 1-72-22
ஸுவர்ணஷ்²ருங்கா³꞉ ஸம்பந்நா꞉ ஸவத்ஸா꞉ காம்ஸ்யதோ³ஹநா꞉ |
க³வாம் ஷ²தஸஹஸ்ராணி சத்வாரி புருஷர்ஷப⁴꞉ || 1-72-23
வித்தமந்யச்ச ஸுப³ஹு த்³விஜேப்⁴யோ ரகு⁴நந்த³ந꞉ |
த³தௌ³ கோ³தா³நமுத்³தி³ஷ்²ய புத்ரா புத்ரவத்ஸல꞉ || 1-72-24
ஸு ஸுதை꞉ க்ருதகோ³தா³நைர்வ்ருத꞉ ஸ꞉ ந்ருபதிஸ்ததா³ |
லோகபாலைரிவாபா⁴தி வ்ருத꞉ ஸௌம்ய꞉ ப்ரஜாபதி꞉ || 1-72-25
இதி வால்மீகிராமாயணே ஆதி³காவ்யே பா³லகாண்டே³ த்³விஸப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
