Wednesday, 24 November 2021

பாலகாண்டம் 71ம் ஸர்கம்

வால்மீகிராமாயணே ஆதி³காவ்யே பா³லகாண்டே³ ஏகஸப்ததிதம꞉ ஸர்க³꞉

Rama and Lakshmana


Shlokas in audio recited by Mrs.Ranganayaki, Chennai.


ஏவம் ப்³ருவாணம் ஜநக꞉ ப்ரத்யுவாச க்ருதாஞ்ஜலி꞉ |
ஷ்²ரோதுமர்ஹஸி ப⁴த்³ரம் தே குலம் ந꞉ பரிகீர்திதம் || 1-71-1

ப்ரதா³நே ஹி முநிஷ்²ரேஷ்ட² குலம் நிரவஷே²ஷத꞉ |
வக்தவ்யம் குலஜாதேந தந்நிபோ³த⁴ மஹாமுநே || 1-71-2

ராஜாபூ⁴த் த்ரிஷு லோகேஷு விஷ்²ருத꞉ ஸ்வேந கர்மணா |
நிமி꞉ பரமத⁴ர்மாத்மா ஸர்வஸத்த்வவதாம் வர꞉ || 1-71-3

தஸ்ய புத்ரோ மிதி²ர்நாம ஜநகோ மிதி²புத்ரக꞉ |
ப்ரத²மோ ஜநகோ நாம ஜநகாத³ப்யுதா³வஸு꞉ || 1-71-4

உதா³வஸோஸ்து த⁴ர்மாத்மா ஜாதோ வை நந்தி³வர்த⁴ந꞉ |
நந்தி³வர்த⁴நபுத்ரஸ்து ஸுகேதுர்நாம நாமத꞉ || 1-71-5

ஸுகேதோரபி த⁴ர்மாத்மா தே³வராதோ மஹாப³ல꞉ |
தே³வராதஸ்ய ராஜர்ஷேர்ப்³ருஹத்³ரத² இதி ஸ்ம்ருத꞉ || 1-71-6

ப்³ருஹத்³ரத²ஸ்ய ஷூ²ரோ(அ)பூ⁴ந்மஹாவீர꞉ ப்ரதாபவான் |
மஹாவீரஸ்ய த்⁴ருதிமான் ஸுத்⁴ருதி꞉ ஸத்யவிக்ரம꞉ || 1-71-7

ஸுத்⁴ருதேரபி த⁴ர்மாத்மா த்⁴ருஷ்டகேது꞉ ஸுதா⁴ர்மிக꞉ |
த்⁴ருஷ்டகேதோஷ்²ச ராஜர்ஷேர்ஹர்யஷ்²வ இதி விஷ்²ருத꞉ || 1-71-8

ஹர்யஷ்²வஸ்ய மரு꞉ புத்ரோ மரோ꞉ புத்ர꞉ ப்ரதீந்த⁴க꞉ |
ப்ரதீந்த⁴கஸ்ய த⁴ர்மாத்மா ராஜா கீர்திரத²꞉ ஸுத꞉ || 1-71-9

புத்ர꞉ கீர்திரத²ஸ்யாபி தே³வமீட⁴ இதி ஸ்ம்ருத꞉ |
தே³வமீட⁴ஸ்ய விபு³தோ⁴ விபு³த⁴ஸ்ய மஹீத்⁴ரக꞉ || 1-71-10

மஹீத்⁴ரகஸுதோ ராஜா கீர்திராதோ மஹாப³ல꞉ |
கீர்திராதஸ்ய ராஜர்ஷேர்மஹாரோமா வ்யஜாயத || 1-71-11

மஹாரோம்ணஸ்து த⁴ர்மாத்மா ஸ்வர்ணரோமா வ்யஜாயத |
ஸ்வர்ணரோம்ணஸ்து ராஜர்ஷேர்ஹ்ரஸ்வரோமா வ்யஜாயத || 1-71-12

தஸ்ய புத்ரத்³வயம் ஜஜ்ஞே த⁴ர்மஜ்ஞஸ்ய மஹாத்மந꞉ |
ஜ்யேஷ்டோ²(அ)ஹமநுஜோ ப்⁴ராதா மம வீர꞉ குஷ²த்⁴வஜ꞉ || 1-71-13

மாம் து ஜ்யேஷ்ட²ம் பிதா ராஜ்யே ஸோ(அ)பி⁴ஷிச்ய நராதி⁴ப꞉ |
குஷ²த்⁴வஜம் ஸமாவேஷ்²ய பா⁴ரம் மயி வநம் க³த꞉|| 1-71-14

வ்ருத்³தே⁴ பிதரி ஸ்வர்யாதே த⁴ர்மேண து⁴ரமாவஹம் |
ப்⁴ராதரம் தே³வஸங்காஷ²ம் ஸ்நேஹாத் பஷ்²யன் குஷ²த்⁴வஜம் || 1-71-15

கஸ்யசித்த்வத² காலஸ்ய ஸாங்காஷ்²யாத³க³மத்புராத் |
ஸுத⁴ந்வா வீர்யவான் ராஜா மிதி²லாமவரோத⁴க꞉ || 1-71-16

ஸ ச மே ப்ரேஷயாமாஸ ஷை²வம் த⁴நுரநுத்தமம் |
ஸீதா கந்யா ச பத்³மாக்ஷீ மஹ்யம் வை தீ³யதாமிதி || 1-71-17

தஸ்யாப்ரதா³நாத்³ப்³ரஹ்மர்ஷே யுத்³த⁴மாஸீந்மயா ஸஹ |
ஸ ஹதோ(அ)பி⁴முகோ² ராஜா ஸுத⁴ந்வா து மயா ரணே || 1-71-18

நிஹத்ய தம் முநிஷ்²ரேஷ்ட² ஸுத⁴ந்வாநம் நராதி⁴பம் |
ஸாங்காஷ்²யே ப்⁴ராதரம் ஷூ²ரமப்⁴யஷிஞ்சம் குஷ²த்⁴வஜம் || 1-71-19

கநீயாநேஷ மே ப்⁴ராதா அஹம் ஜ்யேஷ்டோ² மஹாமுநே |
த³தா³மி பரமப்ரீதோ வத்⁴வௌ தே முநிபுங்க³வ || 1-71-20

ஸீதாம் ராமாய ப⁴த்³ரம் தே ஊர்மிலாம் லக்ஷ்மணாய வை |
வீர்யஷு²ல்காம் மம ஸுதாம் ஸீதாம் ஸுரஸுதோபமாம் || 1-71-21

த்³விதீயாமூர்மிலாம் சைவ த்ரிர்வதா³மி ந ஸம்ஷ²ய꞉ |
த³தா³மி பரமப்ரீதோ வத்⁴வௌ தே முநிபுங்க³வ || 1-71-22

ராமலக்ஷ்மணயோ ராஜன் கோ³தா³நம் காரயஸ்வ ஹ |
பித்ருகார்யம் ச ப⁴த்³ரம் தே ததோ வைவாஹிகம் குரு || 1-71-23

மகா⁴ ஹ்யத்³ய மஹாபா³ஹோ த்ருதீயே தி³வஸே ப்ரபோ⁴ |
ப²ல்கு³ந்யாமுத்தரே ராஜம்ஸ்தஸ்மின் வைவாஹிகம் குரு |
ராமலக்ஷ்மணயோரர்தே² தா³நம் கார்யம் ஸுகோ²த³யம் || 1-71-24

இதி வால்மீகிராமாயணே ஆதி³காவ்யே பா³லகாண்டே³ ஏகஸப்ததிதம꞉ ஸர்க³꞉



Source: https://valmikiramayan.pcriot.com/   

Converted to Tamil Script using Aksharamukha : 
Script Converter: http://aksharamukha.appspot.com/converter   

Labels

அக்னி அம்சுமான் அம்பரீசன் அஸமஞ்சன் அஹல்யை ஆதூர்த்தரஜஸ் இந்திரன் இராமன் இலக்ஷ்மணன் உமை கங்கை கசியபர் கபிலர் காதி கிருத்திகை குசநாபன் குசன் குசன்1 குசாம்பன் கேசினி கைகேயி கௌசல்யை கௌசிகி கௌதமர் சதாநந்தர் சத்தியவதி சத்ருக்னன் சபளை சாந்தை சிவன் சீதை சுக்ரீவன் சுமதி சுமந்திரன் சுமித்திரை சுனசேபன் சூளி தசரதன் தாடகை திதி திரிசங்கு திலீபன் நளன் நாரதர் நீலன் பகீரதன் பரதன் பரத்வாஜர் பலி பிரம்மதத்தன் பிரம்மன் பிருகு மருத்துக்கள் மாரீசன் மோஹினி ரிஷ்யசிருங்கர் ரோமபாதன் லவன் வசிஷ்டர் வஸு வாமதேவர் வாமனன் வாலி வால்மீகி விபாண்டகர் விஷ்ணு விஷ்வாமித்ரர் ஜனகன் ஜஹ்னு ஜாம்பவான் ஸகரன் ஸுபாஹு ஸோமதை ஸ்கந்தன் ஹனுமான் ஹிமவான்