வால்மீகிராமாயணே ஆதி³காவ்யே பா³லகாண்டே³ சது꞉ஷஷ்டிதம꞉ ஸர்க³꞉
Shlokas in audio recited by Mrs.Ranganayaki, Chennai.
ஸுரகார்யமித³ம் ரம்பே⁴ கர்தவ்யம் ஸுமஹத்த்வயா |
லோப⁴நம் கௌஷி²கஸ்யேஹ காமமோஹஸமந்விதம் || 1-64-1
ததோ²க்தா ஸாப்ஸரா ராம ஸஹஸ்ராக்ஷேண தீ⁴மதா |
வ்ரீடி³தா ப்ராஞ்ஜலிர்வாக்யம் ப்ரத்யுவாச ஸுரேஷ்²வரம் || 1-64-2
அயம் ஸுரபதே கோ⁴ரோ விஷ்²வாமித்ரோ மஹாமுநி꞉ |
க்ரோத⁴முத்ஸ்ரக்ஷ்யதே கோ⁴ரம் மயி தே³வ ந ஸம்ஷ²ய꞉ || 1-64-3
ததோ ஹி மே ப⁴யம் தே³வ ப்ரஸாத³ம் கர்துமர்ஹஸி |
ஏவமுக்தஸ்தயா ராம ஸப⁴யம் பீ⁴தயா ததா³ || 1-64-4
தாமுவாச ஸஹஸ்ராக்ஷோ வேபமாநாம் க்ருதாஞ்ஜலிம் |
மா பை⁴ஷி ரம்பே⁴ ப⁴த்³ரம் தே குருஷ்வ மம ஷா²ஸநம் || 1-64-5
கோகிலோ ஹ்ருத³யக்³ராஹீ மாத⁴வே ருசிரத்³ருமே |
அஹம் கந்த³ர்பஸஹித꞉ ஸ்தா²ஸ்யாமி தவ பார்ஷ்²வத꞉ || 1-64-6
த்வம் ஹி ரூபம் ப³ஹுகு³ணம் க்ருத்வா பரமபா⁴ஸ்வரம் |
தம்ருஷிம் கௌஷி²கம் ரம்பே⁴ பே⁴த³யஸ்வ தபஸ்விநம் || 1-64-7
ஸா ஷ்²ருத்வா வசநம் தஸ்ய க்ருத்வா ரூபமநுத்தமம் |
லோப⁴யாமாஸ லலிதா விஷ்²வாமித்ரம் ஷு²சிஸ்மிதா || 1-64-8
கோகிலஸ்ய து ஷு²ஷ்²ராவ வல்கு³ வ்யாஹரத꞉ ஸ்வநம் |
ஸம்ப்ரஹ்ருஷ்டேந மநஸா ஸ ஏநாமந்வைக்ஷத || 1-64-9
அத² தஸ்ய ச ஷ²ப்³தே³ந கீ³தேநாப்ரதிமேந ச |
த³ர்ஷ²நேந ச ரம்பா⁴யா முநி꞉ ஸந்தே³ஹமாக³த꞉ || 1-64-10
ஸஹஸ்ராக்ஷஸ்ய தத் கர்ம விஜ்ஞாய முநிபுங்க³வ꞉ |
ரம்பா⁴ம் க்ரோத⁴ஸமாவிஷ்ட꞉ ஷ²ஷா²ப குஷி²காத்மஜ꞉ || 1-64-11
யந்மாம் லோப⁴யஸே ரம்பே⁴ காமக்ரோத⁴ஜயைஷிணம் |
த³ஷ² வர்ஷஸஹஸ்ராணி ஷை²லீ ஸ்தா²ஸ்யஸி து³ர்ப⁴கே³ || 1-64-12
ப்³ராஹ்மண꞉ ஸுமஹாதேஜாஸ்தபோப³லஸமந்வித꞉ |
உத்³த⁴ரிஷ்யதி ரம்பே⁴ த்வாம் மத்க்ரோத⁴கலுஷீக்ருதாம் || 1-64-13
ஏவமுக்த்வா மஹாதேஜா விஷ்²வாமித்ரோ மஹாமுநி꞉ |
அஷ²க்நுவன் தா⁴ரயிதும் கோபம் ஸந்தாபமாக³த꞉ || 1-64-14
தஸ்ய ஷா²பேந மஹதா ரம்பா⁴ ஷை²லீ ததா³ப⁴வத் |
வச꞉ ஷ்²ருத்வா ச கந்த³ர்போ மஹர்ஷே꞉ ஸ ச நிர்க³த꞉ || 1-64-15
கோபேந ஸ மஹாதேஜாஸ்தபோ(அ)பஹரணே க்ருதே |
இந்த்³ரியைரஜிதை ராம ந லேபே⁴ ஷா²ந்திமாத்மந꞉ || 1-64-16
ப³பூ⁴வாஸ்ய மநஷ்²சிந்தா தபோ(அ)பஹரணே க்ருதே |
நைவ க்ரோத⁴ம் க³மிஷ்யாமி ந ச வக்ஷ்யே கத²ஞ்சந || 1-64-17
அத²வா நோச்ச்²வஸிஷ்யாமி ஸம்வத்ஸரஷ²தாந்யபி |
அஹம் ஹி ஷோ²ஷயிஷ்யாமி ஆத்மாநம் விஜிதேந்த்³ரிய꞉ || 1-64-18
தாவத்³யாவத்³தி⁴ மே ப்ராப்தம் ப்³ராஹ்மண்யம் தபஸார்ஜிதம் |
அநுச்ச்²வஸந்நபு⁴ஞ்ஜாஸ்திஷ்டே²யம் ஷா²ஷ்²வதீ꞉ ஸமா꞉ || 1-64-19
ந ஹி மே தப்யமாநஸ்ய க்ஷயம் யாஸ்யந்தி மூர்தய꞉ |
ஏவம் வர்ஷஸஹஸ்ரஸ்ய தீ³க்ஷாம் ஸ முநிபுங்க³வ꞉ |
சகார ப்ரதிமாம் லோகே ப்ரதிஜ்ஞாம் ரகு⁴ந்ந்த³ந || 1-64-20
இதி வால்மீகிராமாயணே ஆதி³காவ்யே பா³லகாண்டே³ சது꞉ஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
