வால்மீகிராமாயணே ஆதி³காவ்யே பா³லகாண்டே³ த்ரிஷஷ்டிதம꞉ ஸர்க³꞉
Shlokas in audio recited by Mrs.Ranganayaki, Chennai.
பூர்ணே வர்ஷஸஹஸ்ரே து வ்ரதஸ்நாதம் மஹாமுநிம் |
அப்⁴யாக³ச்ச²ன் ஸுரா꞉ ஸர்வே தப꞉ப²லசிகீர்ஷவ꞉ || 1-63-1
அப்³ரவீத் ஸுமஹாதேஜா ப்³ரஹ்மா ஸுருசிரம் வச꞉ |
ருஷிஸ்த்வமஸி ப⁴த்³ரம் தே ஸ்வார்ஜிதை꞉ கர்மபி⁴꞉ ஷு²பை⁴꞉ || 1-63-2
தமேவமுக்த்வா தே³வேஷ²ஸ்த்ரிதி³வம் புநரப்⁴யகா³த் |
விஷ்²வாமித்ரோ மஹாதேஜா பூ⁴யஸ்தேபே மஹத்தப꞉ || 1-63-3
தத꞉ காலேந மஹதா மேநகா பரமாப்ஸரா꞉ |
புஷ்கரேஷு நரஷ்²ரேஷ்ட² ஸ்நாதும் ஸமுபசக்ரமே || 1-63-4
தாம் த³த³ர்ஷ² மஹாதேஜா மேநகாம் குஷி²காத்மஜ꞉ |
ரூபேணாப்ரதிமாம் தத்ர வித்³யுதம் ஜலதே³ யதா² || 1-63-5
த்³ருஷ்ட்வா கந்த³ர்பவஷ²கோ³ முநிஸ்தாமித³மப்³ரவீத் |
அப்ஸர꞉ ஸ்வாக³தம் தே(அ)ஸ்து வஸ சேஹ மமாஷ்²ரமே || 1-63-6
அநுக்³ருஹ்ணீஷ்வ ப⁴த்³ரம் தே மத³நேந ஸுமோஹிதம் |
இத்யுக்தா ஸா வராரோஹா தத்ர வாஸமதா²கரோத் || 1-63-7
தபஸோ ஹி மஹாவிக்⁴நோ விஷ்²வாமித்ரமுபாக³தம் |
தஸ்யாம் வஸந்த்யாம் வர்ஷாணி பஞ்ச பஞ்ச ச ராக⁴வ || 1-63-8
விஷ்²வாமித்ராஷ்²ரமே ஸௌம்ய ஸுகே²ந வ்யதிசக்ரமு꞉ |
அத² காலே க³தே தஸ்மின் விஷ்²வாமித்ரோ மஹாமுநி꞉ || 1-63-9
ஸவ்ரீட³ இவ ஸம்வ்ருத்தஷ்²சிந்தாஷோ²கபராயண꞉ |
பு³த்³தி⁴ர்முநே꞉ ஸமுத்பந்நா ஸாமர்ஷா ரகு⁴நந்த³ந || 1-63-10
ஸர்வம் ஸுராணாம் கர்மைதத்தபோ(அ)பஹரணம் மஹத் |
அஹோ ராத்ராபதே³ஷே²ந க³தா꞉ ஸம்வத்ஸரா த³ஷ² || 1-63-11
காமமோஹாபி⁴பூ⁴தஸ்ய விக்⁴நோ(அ)யம் ப்ரத்யுபஸ்தி²த꞉ |
விநி꞉ஷ்²வஸன் முநிவர꞉ பஷ்²சாத்தாபேந து³꞉கி²த꞉ || 1-63-12
பீ⁴தாமப்ஸரஸம் த்³ருஷ்ட்வா வேபந்தீம் ப்ராஞ்ஜலிம் ஸ்தி²தாம் |
மேநகாம் மது⁴ரைர்வாக்யைர்விஸ்ருஜ்ய குஷி²காத்மஜ꞉ || 1-63-13
உத்தரம் பர்வதம் ராம விஷ்²வாமித்ரோ ஜகா³ம ஹ |
ஸ க்ருத்வா நைஷ்டி²கீம் பு³த்³தி⁴ம் ஜேதுகாமோ மஹாயஷா²꞉ || 1-63-14
கௌஷி²கீதீரமாஸாத்³ய தபஸ்தேபே து³ராஸத³ம் |
தஸ்ய வர்ஷஸஹஸ்ராணி கோ⁴ரம் தப உபாஸத꞉ || 1-63-15
உத்தரே பர்வதே ராம தே³வதாநாமபூ⁴த்³ப⁴யம் |
ஆமந்த்ரயன் ஸமாக³ம்ய ஸர்வே ஸர்ஷிக³ணா꞉ ஸுரா꞉ || 1-63-16
மஹர்ஷிஷ²ப்³த³ம் லப⁴தாம் ஸாத்⁴வயம் குஷி²காத்மஜ꞉ |
தே³வதாநாம் வச꞉ ஷ்²ருத்வா ஸர்வலோகபிதாமஹ꞉ || 1-63-17
அப்³ரவீந்மது⁴ரம் வாக்யம் விஷ்²வாமித்ரம் தபோத⁴நம் |
மஹர்ஷே ஸ்வாக³தம் வத்ஸ தபஸோக்³ரேண தோஷித꞉ || 1-63-18
மஹத்த்வம்ருஷிமுக்²யத்வம் த³தா³மி தவ கௌஷி²க |
ப்³ரஹ்மண꞉ ஸ வச꞉ ஷ்²ருத்வா விஷ்²வாமித்ரஸ்தபோத⁴ந꞉ || 1-63-19
ப்ராஞ்ஜலி꞉ ப்ரணதோ பூ⁴த்வா ப்ரத்யுவாச பிதாமஹம் |
ப்³ரஹ்மர்ஷிஷ²ப்³த³மதுலம் ஸ்வார்ஜிதை꞉ கர்மபி⁴꞉ ஷு²பை⁴꞉ || 1-63-20
யதி³ மே ப⁴க³வாநாஹ ததோ(அ)ஹம் விஜிதேந்த்³ரிய꞉ |
தமுவாச ததோ ப்³ரஹ்மா ந தாவத்த்வம் ஜிதேந்த்³ரிய꞉ || 1-63-21
யதஸ்வ முநிஷா²ர்தூ³ல இத்யுக்த்வா த்ரிதி³வம் க³த꞉ |
விப்ரஸ்தி²தேஷு தே³வேஷு விஷ்²வாமித்ரோ மஹாமுநி꞉ || 1-63-22
ஊர்த்⁴வபா³ஹுர்நிராலம்போ³ வாயுப⁴க்ஷஸ்தபஷ்²சரன் |
த⁴ர்மே பஞ்சதபா பூ⁴த்வா வர்ஷாஸ்வாகாஷ²ஸம்ஷ்²ரய꞉ || 1-63-23
ஷி²ஷி²ரே ஸலிலே ஷா²யீ ராத்ர்யஹாநி தபோத⁴ந꞉ |
ஏவம் வர்ஷஸஹஸ்ரம் ஹி தபோ கோ⁴ரமுபாக³மத் || 1-63-24
தஸ்மின் ஸந்தப்யமாநே து விஷ்²வாமித்ரே மஹாமுநௌ |
ஸந்தாப꞉ ஸுமஹாநாஸீத் ஸுராணாம் வாஸவஸ்ய ச || 1-63-25
ரம்பா⁴மப்ஸரஸம் ஷ²க்ர꞉ ஸஹ ஸர்வைர்மருத்³க³ணை꞉ |
உவாசாத்மஹிதம் வாக்யமஹிதம் கௌஷி²கஸ்ய ச || 1-63-26
இதி வால்மீகிராமாயணே ஆதி³காவ்யே பா³லகாண்டே³ த்ரிஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
