வால்மீகிராமாயணே ஆதி³காவ்யே பா³லகாண்டே³ பஞ்சஷஷ்டிதம꞉ ஸர்க³꞉
Shlokas in audio recited by Mrs.Ranganayaki, Chennai.
அத² ஹைமவதீம் ராம தி³ஷ²ம் த்யக்த்வா மஹாமுநி꞉ |
பூர்வாம் தி³ஷ²மநுப்ராப்ய தபஸ்தேபே ஸுதா³ருணம் || 1-65-1
மௌநம் வர்ஷஸஹஸ்ரஸ்ய க்ருத்வா வ்ரதமநுத்தமம் |
சகாராப்ரதிமம் ராம தப꞉ பரமது³ஷ்கரம் || 1-65-2
பூர்ணே வர்ஷஸஹஸ்ரே து காஷ்ட²பூ⁴தம் மஹாமுநிம் |
விக்⁴நைர்ப³ஹுபி⁴ராதூ⁴தம் க்ரோதோ⁴ நாந்தரமாவிஷ²த் || 1-65-3
ஸ க்ருத்வா நிஷ்²சயம் ராம தப ஆதிஷ்ட²த³வ்யயம் |
தஸ்ய வர்ஷஸஹஸ்ரஸ்ய வ்ரதே பூர்ணே மஹாவ்ரத꞉ || 1-65-4
போ⁴க்துமாரப்³த⁴வாநந்நம் தஸ்மின் காலே ரகூ⁴த்தம |
இந்த்³ரோ த்³விஜாதிர்பூ⁴த்வா தம் ஸித்³த⁴மந்நமயாசத || 1-65-5
தஸ்மை த³த்த்வா ததா³ ஸித்³த⁴ம் ஸர்வம் விப்ராய நிஷ்²சித꞉ |
நி꞉ஷேஷிதே(அ)ந்நே ப⁴க³வாநபு⁴க்த்வைவ மஹாதபா꞉ || 1-65-6
ந கிஞ்சித³வத³த்³விப்ரம் மௌநவ்ரதமுபாஸ்தி²த꞉ |
ததை²வாஸீத்புந꞉ மௌநமநுச்ச்²வாஸம் சகார ஹ || 1-65-7
அத² வர்ஷஸஹஸ்ரம் ச நோச்ச்²வஸந்முநிபுங்க³வ꞉ |
தஸ்யாநுச்ச்²வஸமாநஸ்ய மூர்த்⁴நி தூ⁴மோ வ்யஜாயத || 1-65-8
த்ரைலோக்யம் யேந ஸம்ப்⁴ராந்தமாதாபிதமிவாப⁴வத் |
ததோ தே³வர்ஷிக³ந்த⁴ர்வா꞉ பந்நகோ³ரக³ராக்ஷஸா꞉ || 1-65-9
மோஹிதா தபஸா தஸ்ய தேஜஸா மந்த³ரஷ்²மய꞉ |
கஷ்²மலோபஹதா꞉ ஸர்வே பிதாமஹமதா²ப்³ருவன் || 1-65-10
ப³ஹுபி⁴꞉ காரணைர்தே³வ விஷ்²வாமித்ரோ மஹாமுநி꞉ |
லோபி⁴த꞉ க்ரோதி⁴தஷ்²சைவ தபஸா சாபி⁴வர்த⁴தே || 1-65-11
ந ஹ்யஸ்ய வ்ருஜிநம் கிஞ்சித்³ த்³ருஷ்²யதே ஸூக்ஷ்மமப்யத² |
ந தீ³யதே யதி³ த்வஸ்ய மநஸா யத³பீ⁴ப்ஸிதம் || 1-65-12
விநாஷ²யதி த்ரைலோக்யம் தபஸா ஸ சராசரம் |
வ்யாகுலாஷ்²ச தி³ஷ²꞉ ஸர்வா ந ச கிஞ்சித் ப்ரகாஷ²தே || 1-65-13
ஸாக³ரா꞉ க்ஷுபி⁴தா꞉ ஸர்வே விஷீ²ர்யந்தே ச பர்வதா꞉ |
ப்ரகம்பதே ச வஸுதா⁴ வாயுர்வாதீஹ ஸங்குல꞉ || 1-65-14
ப்³ரஹ்மந்ந ப்ரதிஜாநீமோ நாஸ்திகோ ஜாயதே ஜந꞉ |
ஸம்மூட⁴மிவ த்ரைலோக்யம் ஸம்ப்ரக்ஷுபி⁴தமாநஸம் || 1-65-15
பா⁴ஸ்கரோ நிஷ்ப்ரப⁴ஷ்²சைவ மஹர்ஷேஸ்தஸ்ய தேஜஸா |
பு³த்³தி⁴ம் ந குருதே யாவந்நாஷே² தே³வ மஹாமுநி꞉ || 1-65-16
தாவத்ப்ரஸாதோ³ ப⁴க³வாநக்³நிரூபோ மஹாத்³யுதி꞉ |
காலாக்³நிநா யதா² பூர்வம் த்ரைலோக்யம் த³ஹ்யதே(அ)கி²லம் || 1-65-17
தே³வராஜ்யம் சிகீர்ஷேத தீ³யதாமஸ்ய யந்மதம் |
தத꞉ ஸுரக³ணா꞉ ஸர்வே பிதாமஹபுரோக³மா꞉ || 1-65-18
விஷ்²வாமித்ரம் மஹாத்மாநம் வாக்யம் மது⁴ரமப்³ருவன் |
ப்³ரஹ்மர்ஷே ஸ்வாக³தம் தே(அ)ஸ்து தபஸா ஸ்ம ஸுதோஷிதா꞉ || 1-65-19
ப்³ராஹ்மண்யம் தபஸோக்³ரேண ப்ராப்தவாநஸி கௌஷி²க |
தீ³ர்க⁴மாயுஷ்²ச தே ப்³ரஹ்மன் த³தா³மி ஸமருத்³க³ண꞉ || 1-65-20
ஸ்வஸ்தி ப்ராப்நுஹி ப⁴த்³ரம் தே க³ச்ச² ஸௌம்ய யதா²ஸுக²ம் |
பிதாமஹவச꞉ ஷ்²ருத்வா ஸர்வேஷாம் த்ரிதி³வௌகஸாம் || 1-65-21
க்ருத்வா ப்ரணாமம் முதி³தோ வ்யாஜஹார மஹாமுநி꞉ |
ப்³ராஹ்மண்யம் யதி³ மே ப்ராப்தம் தீ³ர்க⁴மாயுஸ்ததை²வ ச || 1-65-22
ஓங்காரோ(அ)த² வஷட்காரோ வேதா³ஷ்²ச வரயந்து மாம் |
க்ஷத்ர வேத³விதா³ம் ஷ்²ரேஷ்டோ² ப்³ரஹ்மவேத³விதா³மபி || 1-65-23
ப்³ரஹ்மபுத்ரோ வஸிஷ்டோ² மாமேவம் வத³து தே³வதா꞉ |
யத்³யயம் பரம꞉ காம꞉ க்ருதோ யாந்து ஸுரர்ஷபா⁴꞉ || 1-65-24
தத꞉ ப்ரஸாதி³தோ தே³வைர்வஸிஷ்டோ² ஜபதாம் வர꞉ |
ஸக்²யம் சகார ப்³ரஹ்மர்ஷிரேவமஸ்த்விதி சாப்³ரவீத் || 1-65-25
ப்³ரஹ்மர்ஷிஸ்த்வம் ந ஸந்தே³ஹ꞉ ஸர்வம் ஸம்பத்³யதே தவ |
இத்யுக்த்வா தே³வதாஷ்²சாபி ஸர்வா ஜக்³முர்யதா²க³தம் || 1-65-26
விஷ்²வாமித்ரோ(அ)பி த⁴ர்மாத்மா லப்³த்⁴வா ப்³ராஹ்மண்யமுத்தமம் |
பூஜயாமாஸ ப்³ரஹ்மர்ஷிம் வஸிஷ்ட²ம் ஜபதாம் வரம் || 1-65-27
க்ருதகாமோ மஹீம் ஸர்வாம் சசார தபஸி ஸ்தி²த꞉ |
ஏவம் த்வநேந ப்³ராஹ்மண்யம் ப்ராப்தம் ராம மஹாத்மநா || 1-65-28
ஏஷ ராம முநிஷ்²ரேஷ்ட² ஏஷ விக்³ரஹவான் தப꞉ |
ஏஷ த⁴ர்ம꞉ பரோ நித்யம் வீர்யஸ்யைஷ பராயணம் || 1-65-29
ஏவமுக்த்வா மஹாதேஜா விரராம த்³விஜோத்தம꞉ |
ஷ²தாநந்த³வச꞉ ஷ்²ருத்வா ராமலக்ஷ்மணஸம்நிதௌ⁴ ||1-65-30
ஜநக꞉ ப்ராஞ்ஜலிர்வாக்யமுவாச குஷி²காத்மஜம் |
த⁴ந்யோ(அ)ஸ்ம்யநுக்³ருஹீதோ(அ)ஸ்மி யஸ்ய மே முநிபுங்க³வ || 1-65-31
யஜ்ஞம் காகுத்ஸ்த²ஸஹித꞉ ப்ராப்தவாநஸி கௌஷி²க |
பாவிதோ(அ)ஹம் த்வயா ப்³ரஹ்மன் த³ர்ஷ²நேந மஹாமுநே || 1-65-32
கு³ணா ப³ஹுவிதா⁴꞉ ப்ராப்தாஸ்தவ ஸந்த³ர்ஷ²நாந்மயா |
விஸ்தரேண ச வை ப்³ரஹ்மன் கீர்த்யமாநம் மஹத்தப꞉ || 1-65-33
ஷ்²ருதம் மயா மஹாதேஜோ ராமேண ச மஹாத்மநா |
ஸத³ஸ்யை꞉ ப்ராப்ய ச ஸத³꞉ ஷ்²ருதாஸ்தே ப³ஹவோ கு³ணா꞉ || 1-65-34
அப்ரமேயா தபஸ்துப்⁴யமப்ரமேயம் ச தே ப³லம் |
அப்ரமேயா கு³ணாஷ்²சைவ நித்யம் தே குஷி²காத்மஜ || 1-65-35
த்ருப்திராஷ்²சர்யபூ⁴தாநாம் கதா²நாம் நாஸ்தி மே விபோ⁴ |
கர்மகாலோ முநிஷ்²ரேஷ்ட² லம்ப³தே ரவிமண்ட³லம் || 1-65-36
ஷ்²வ꞉ ப்ரபா⁴தே மஹாதேஜோ த்³ரஷ்டுமர்ஹஸி மாம் புந꞉ |
ஸ்வாக³தம் ஜபதாம் ஷ்²ரேஷ்ட² மாமநுஜ்ஞாதுமர்ஹஸி || 1-65-37
ஏவமுக்தோ முநிவர꞉ ப்ரஷ²ஸ்ய புருஷர்ஷப⁴ம் |
விஸஸர்ஜாஷு² ஜநகம் ப்ரீதம் ப்ரீதிமாம்ஸ்ததா³ || 1-65-38
ஏவமுக்த்வா முநிஷ்²ரேஷ்ட²ம் வைதே³ஹோ மிதி²லாதி⁴ப꞉ |
ப்ரத³க்ஷிணம் சகாராஷு² ஸோபாத்⁴யாய꞉ ஸபா³ந்த⁴வ꞉ || 1-65-39
விஷ்²வாமித்ரோ(அ)பி த⁴ர்மாத்மா ஸஹராம꞉ ஸலக்ஷ்மண꞉ |
ஸ்வம் வாஸமபி⁴சக்ராம பூஜ்யமாநோ மஹர்ஷிபி⁴꞉ || 1-65-40
இதி வால்மீகிராமாயணே ஆதி³காவ்யே பா³லகாண்டே³ பஞ்சஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
