Tuesday, 26 October 2021

பாலகாண்டம் 59ம் ஸர்கம்

வால்மீகிராமாயணே ஆதி³காவ்யே பா³லகாண்டே³ ஏகோநஷஷ்டிதம꞉ ஸர்க³꞉

Disciples Vishvamitra and Trishanku


Shlokas in audio recited by Mrs.Ranganayaki, Chennai.


உக்தவாக்யம் து ராஜாநம் க்ருபயா குஷி²காத்மஜ꞉ |
அப்³ரவீந்மது⁴ரம் வாக்யம் ஸாக்ஷாச்சண்டா³லதாம் க³தம் || 1-59-1

இக்ஷ்வாகோ ஸ்வாக³தம் வத்ஸ ஜாநாமி த்வாம் ஸுதா⁴ர்மிகம் |
ஷ²ரணம் தே ப⁴விஷ்யாமி மா பை⁴ஷீர்ந்ருபபுங்க³வ || 1-59-2

அஹமாமந்த்ரயே ஸர்வான் மஹர்ஷீன் புண்யகர்மண꞉ |
யஜ்ஞஸாஹ்யகரான் ராஜம்ஸ்ததோ யக்ஷ்யஸி நிர்வ்ருத꞉ || 1-59-3

கு³ருஷா²பக்ருதம் ரூபம் யதி³த³ம் த்வயி வர்ததே |
அநேந ஸஹ ரூபேண ஸஷ²ரீரோ க³மிஷ்யஸி || 1-59-4

ஹஸ்தப்ராப்தமஹம் மந்யே ஸ்வர்க³ம் தவ நரேஷ்²வர |
யஸ்த்வம் கௌஷி²கமாக³ம்ய ஷ²ரண்யம் ஷ²ரணாக³த꞉ || 1-59-5

ஏவமுக்த்வா மஹாதேஜா꞉ புத்ரான் பரமதா⁴ர்மிகான் |
வ்யாதி³தே³ஷ² மஹாப்ராஜ்ஞாந்யஜ்ஞஸம்பா⁴ரகாரணாத் || 1-59-6

ஸர்வான் ஷி²ஷ்யான் ஸமாஹூய வாக்யமேதது³வாச ஹ |
ஸர்வாந்ருஷிவரான் வத்ஸா ஆநயத்⁴வம் மமாஜ்ஞயா || 1-59-7

ஸஷி²ஷ்யான் ஸுஹ்ருத³ஷ்²சைவ ஸர்த்விஜ꞉ ஸுப³ஹுஷ்²ருதான் |
யத³ந்யோ வசநம் ப்³ரூயாந்மத்³வாக்யப³லசோதி³த꞉ || 1-59-8

தத்ஸர்வமகி²லேநோக்தம் மமாக்²யேயமநாத்³ருதம் |
தஸ்ய தத்³வசநம் ஷ்²ருத்வா தி³ஷோ² ஜக்³முஸ்ததா³ஜ்ஞயா || 1-59-9

ஆஜக்³முரத² தே³ஷே²ப்⁴ய꞉ ஸர்வேப்⁴யோ ப்³ரஹ்மவாதி³ந꞉ |
தே ச ஷி²ஷ்யா꞉ ஸமாக³ம்ய முநிம் ஜ்வலிததேஜஸம் || 1-59-10

ஊசுஷ்²ச வசநம் ஸர்வே ஸர்வேஷாம் ப்³ரஹ்மவாதி³நாம் |
ஷ்²ருத்வா தே வசநம் ஸர்வே ஸமாயாந்தி த்³விஜாதய꞉ || 1-59-11

ஸர்வதே³ஷே²ஷு சாக³ச்ச²ன் வர்ஜயித்வா மஹோத³யம் |
வாஸிஷ்ட²ம் தச்ச²தம் ஸர்வம் க்ரோத⁴பர்யாகுலாக்ஷரம் || 1-59-12

யதா²ஹ வசநம் ஸர்வம் ஷ்²ருணு த்வம் முநிபுங்க³வ |
க்ஷத்ரியோ யாஜகோ யஸ்ய சண்டா³லஸ்ய விஷே²ஷத꞉ || 1-59-13

கத²ம் ஸத³ஸி போ⁴க்தாரோ ஹவிஸ்தஸ்ய ஸுரர்ஷய꞉ |
ப்³ராஹ்மணா வா மஹாத்மாநோ பு⁴க்த்வா சண்டா³லபோ⁴ஜநம் || 1-59-14

கத²ம் ஸ்வர்க³ம் க³மிஷ்யந்தி விஷ்²வாமித்ரேண பாலிதா꞉ |
ஏதத்³வசநம் நைஷ்டு²ர்யமூசு꞉ ஸம்ரக்தலோசநா꞉ || 1-59-15

வாஸிஷ்டா² முநிஷா²ர்தூ³ல ஸர்வே ஸஹ மஹோத³யா꞉ |
தேஷாம் தத்³வசநம் ஷ்²ருத்வா ஸர்வேஷாம் முநிபுங்க³வ꞉ || 1-59-16

க்ரோத⁴ஸம்ரக்தநயந꞉ ஸரோஷமித³மப்³ரவீத் |
யே தூ³ஷயந்த்யது³ஷ்டம் மாம் தபோக்³ரம் ஸமாஸ்தி²தம் || 1-59-17

ப⁴ஸ்மீபூ⁴தா து³ராத்மாநோ ப⁴விஷ்யந்தி ந ஸம்ஷ²ய꞉ |
அத்³ய தே காலபாஷே²ந நீதா வைவஸ்வதக்ஷயம் || 1-59-18

ஸப்த ஜாதிஷ²தாந்யேவ ம்ருதபா꞉ ஸந்து ஸர்வஷ²꞉ |
ஷ்²வமாம்ஸநியதாஹாரா முஷ்டிகா நாம நிர்க்⁴ருணா꞉ || 1-59-19

விக்ருதாஷ்²ச விரூபாஷ்²ச லோகாநநுசரந்த்விமான் |
மஹோத³யஷ்²ச து³ர்பு³த்³தி⁴ர்மாமதூ³ஷ்யம் ஹ்யதூ³ஷயத் || 1-59-20

தூ³ஷித꞉ ஸர்வலோகேஷு நிஷாத³த்வம் க³மிஷ்யதி |
ப்ராணாதிபாதநிரதோ நிரநுக்ரோஷ²தாம் க³த꞉ || 1-59-21

தீ³ர்க⁴காலம் மம க்ரோதா⁴த் து³ர்க³திம் வர்தயிஷ்யதி |
ஏதாவது³க்த்வா வசநம் விஷ்²வாமித்ரோ மஹாதபா꞉ |
விரராம மஹாதேஜா ருஷிமத்⁴யே மஹாமுநி꞉ || 1-59-22

இதி வால்மீகிராமாயணே ஆதி³காவ்யே பா³லகாண்டே³ ஏகோநஷஷ்டிதம꞉ ஸர்க³꞉



Source: https://valmikiramayan.pcriot.com/   

Converted to Tamil Script using Aksharamukha : 
Script Converter: http://aksharamukha.appspot.com/converter   

Labels

அக்னி அம்சுமான் அம்பரீசன் அஸமஞ்சன் அஹல்யை ஆதூர்த்தரஜஸ் இந்திரன் இராமன் இலக்ஷ்மணன் உமை கங்கை கசியபர் கபிலர் காதி கிருத்திகை குசநாபன் குசன் குசன்1 குசாம்பன் கேசினி கைகேயி கௌசல்யை கௌசிகி கௌதமர் சதாநந்தர் சத்தியவதி சத்ருக்னன் சபளை சாந்தை சிவன் சீதை சுக்ரீவன் சுமதி சுமந்திரன் சுமித்திரை சுனசேபன் சூளி தசரதன் தாடகை திதி திரிசங்கு திலீபன் நளன் நாரதர் நீலன் பகீரதன் பரதன் பரத்வாஜர் பலி பிரம்மதத்தன் பிரம்மன் பிருகு மருத்துக்கள் மாரீசன் மோஹினி ரிஷ்யசிருங்கர் ரோமபாதன் லவன் வசிஷ்டர் வஸு வாமதேவர் வாமனன் வாலி வால்மீகி விபாண்டகர் விஷ்ணு விஷ்வாமித்ரர் ஜனகன் ஜஹ்னு ஜாம்பவான் ஸகரன் ஸுபாஹு ஸோமதை ஸ்கந்தன் ஹனுமான் ஹிமவான்