வால்மீகிராமாயணே ஆதி³காவ்யே பா³லகாண்டே³ அஷ்டபஞ்சாஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தத꞉ த்ரிஷ²ங்கோர்வசநம் ஷ்²ருத்வா க்ரோத⁴ஸமந்விதம் |
ருஷிபுத்ரஷ²தம் ராம ராஜாநமித³மப்³ரவீத் || 1-58-1
ப்ரத்யாக்²யாதோ(அ)ஸி து³ர்பு³த்³தே⁴ கு³ருணா ஸத்யவாதி³நா |
தம் கத²ம் ஸமதிக்ரம்ய ஷா²கா²ந்தரமுபேயிவான் || 1-58-2
இக்ஷ்வாகூணாம் ஹி ஸர்வேஷாம் புரோதா⁴꞉ பரமா க³தி꞉ |
ந சாதிக்ரமிதும் ஷ²க்யம் வசநம் ஸத்யவாதி³ந꞉ || 1-58-3
அஷ²க்யமிதி ஸோவாச வஸிஷ்டோ² ப⁴க³வாந்ருஷி꞉ |
தம் வயம் வை ஸமாஹர்தும் க்ரதும் ஷ²க்தா꞉ கத²ஞ்சந || 1-58-4
பா³லிஷ²ஸ்த்வம் நரஷ்²ரேஷ்ட² க³ம்யதாம் ஸ்வபுரம் புந꞉ |
யாஜநே ப⁴க³வான் ஷ²க்தஸ்த்ரைலோக்யஸ்யாபி பார்தி²வ || 1-58-5
அவமாநம் கத²ம் கர்தும் தஸ்ய ஷ²க்ஷ்யாமஹே வயம் |
தேஷாம் தத்³வசநம் ஷ்²ருத்வா க்ரோத⁴பர்யாகுலாக்ஷரம் || 1-58-6
ஸ ராஜா புநரேவைதாநித³ம் வசநமப்³ரவீத் |
ப்ரத்யாக்²யாதோ ப⁴க³வதா கு³ருபுத்ரைஸ்ததை²வ ஹி || 1-58-7
அந்யாம் க³திம் க³மிஷ்யாமி ஸ்வஸ்தி வோ(அ)ஸ்து தபோத⁴நா꞉ |
ருஷிபுத்ராஸ்து தச்ச்²ருத்வா வாக்யம் கோ⁴ராபி⁴ஸம்ஹிதம் || 1-58-8
ஷே²பு꞉ பரமஸங்க்ருத்³தா⁴ஷ்²சண்டா³லத்வம் க³மிஷ்யஸி |
இத்யுக்த்வா தே மஹாத்மாநோ விவிஷு²꞉ ஸ்வம் ஸ்வமாஷ்²ரமம் || 1-58-9
அத² ராத்ர்யாம் வ்யதீதாயாம் ராஜா சண்டா³லதாம் க³த꞉ |
நீலவஸ்த்ரத⁴ரோ நீல꞉ பருஷோ த்⁴வஸ்தமூர்த⁴ஜ꞉ || 1-58-10
சித்யமால்யாநுலேபஷ்²ச ஆயஸாப⁴ரணோ(அ)ப⁴வத் |
தம் த்³ருஷ்ட்வா மந்த்ரிண꞉ ஸர்வே த்யக்த்வா சண்டா³லரூபிணம் || 1-58-11
ப்ராத்³ரவன் ஸஹிதா ராம பௌரா யே(அ)ஸ்யாநுகா³மிந꞉ |
ஏகோ ஹி ராஜா காகுத்ஸ்த² ஜகா³ம பரமாத்மவான் || 1-58-12
த³ஹ்யமாநோ தி³வாராத்ரம் விஷ்²வாமித்ரம் தபோத⁴நம் |
விஷ்²வாமித்ரஸ்து தம் த்³ருஷ்ட்வா ராஜாநம் விப²லீக்ருதம் ||1-58-13
சண்டா³லரூபிணம் ராம முநி꞉ காருண்யமாக³த꞉ |
காருண்யாத்ஸ மஹாதேஜா வாக்யம் பரமதா⁴ர்மிக꞉ || 1-58-14
இத³ம் ஜகா³த³ ப⁴த்³ரம் தே ராஜாநம் கோ⁴ரத³ர்ஷ²நம் |
கிமாக³மநகார்யம் தே ராஜபுத்ர மஹாப³ல || 1-58-15
அயோத்⁴யாதி⁴பதே வீர ஷா²பாச்சண்டா³லதாம் க³த꞉ |
அத² தத்³வாக்யமாகர்ண்ய ராஜா சண்டா³லதாம் க³த꞉ || 1-58-16
அப்³ரவீத் ப்ராஞ்ஜலிர்வாக்யம் வாக்யஜ்ஞோ வாக்யகோவித³ம் |
ப்ரத்யாக்²யாதோ(அ)ஸ்மி கு³ருணா கு³ருபுத்ரைஸ்ததை²வ ச || 1-58-17
அநவாப்யைவ தம் காமம் மயா ப்ராப்தோ விபர்யய꞉ |
ஸஷ²ரீரோ தி³வம் யாயாமிதி மே ஸௌம்ய த³ர்ஷ²ந || 1-58-18
மயா சேஷ்டம் க்ரதுஷ²தம் தச்ச நாவாப்யதே ப²லம் |
அந்ருதம் நோக்தபூர்வம் மே ந ச வக்ஷ்யே கதா³சந || 1-58-19
க்ருச்ச்²ரேஷ்வபி க³த꞉ ஸௌம்ய க்ஷத்ரத⁴ர்மேண தே ஷ²பே |
யஜ்ஞைர்ப³ஹுவிதை⁴ரிஷ்டம் ப்ரஜாத⁴ர்மேண பாலிதா꞉ || 1-58-20
கு³ரவஷ்²ச மஹாத்மாந꞉ ஷீ²லவ்ருத்தேந தோஷிதா꞉ |
த⁴ர்மே ப்ரயதமாநஸ்ய யஜ்ஞம் சாஹர்துமிச்ச²த꞉ || 1-58-21
பரிதோஷம் ந க³ச்ச²ந்தி கு³ரவோ முநிபுங்க³வ |
தை³வமேவ பரம் மந்யே பௌருஷம் து நிரர்த²கம் || 1-58-22
தை³வேநாக்ரம்யதே ஸர்வம் தை³வம் ஹி பரமா க³தி꞉ |
தஸ்ய மே பரமார்தஸ்ய ப்ரஸாத³மபி⁴காங்க்ஷத꞉ |
கர்துமர்ஹஸி ப⁴த்³ரம் தே தை³வோபஹதகர்மண꞉ || 1-58-23
நாந்யாம் க³திம் க³மிஷ்யாமி நாந்ய꞉ ஷ²ரணமஸ்தி மே |
தை³வம் புருஷகாரேண நிவர்தயிதுமர்ஹஸி || 1-58-24
இதி வால்மீகிராமாயணே ஆதி³காவ்யே பா³லகாண்டே³ அஷ்டபஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
