வால்மீகிராமாயணே ஆதி³காவ்யே பா³லகாண்டே³ ஷட்பஞ்சாஷ²꞉ ஸர்க³꞉
Shlokas in audio recited by Mrs.Ranganayaki, Chennai.
ஏவமுக்தோ வஸிஷ்டே²ந விஷ்²வாமித்ரோ மஹாப³ல꞉ |
ஆக்³நேயமஸ்த்ரமுத்க்ஷிப்ய திஷ்ட² திஷ்டே²தி சாப்³ரவீத் || 1-56-1
ப்³ரஹ்மத³ண்ட³ம் ஸமுத்³யம்ய காலத³ண்ட³மிவாபரம் |
வஸிஷ்டோ² ப⁴க³வான் க்ரோதா⁴தி³த³ம் வசநமப்³ரவீத் || 1-56-2
க்ஷத்ரப³ந்தோ⁴ ஸ்தி²தோ(அ)ஸ்ம்யேஷ யத்³ப³லம் தத்³வித³ர்ஷ²ய |
நாஷ²யாம்யத்³ய தே த³ர்பம் ஷ²ஸ்த்ரஸ்ய தவ கா³தி⁴ஜ || 1-56-3
க்வ ச தே க்ஷத்ரியப³லம் க்வ ச ப்³ரஹ்மப³லம் மஹத் |
பஷ்²ய ப்³ரஹ்மப³லம் தி³வ்யம் மம க்ஷத்ரியபாம்ஸந || 1-56-4
தஸ்யாஸ்த்ரம் கா³தி⁴புத்ரஸ்ய கோ⁴ரமாக்³நேயமுத்தமம் |
ப்³ரஹ்மத³ண்டே³ந தச்சா²ந்தமக்³நேர்வேக³ இவாம்ப⁴ஸா || 1-56-5
வாருணம் சைவ ரௌத்³ரம் ச ஐந்த்³ரம் பாஷு²பதம் ததா² |
ஐஷீகம் சாபி சிக்ஷேப ருஷிதோ கா³தி⁴நந்த³ந꞉ || 1-56-6
மாநவம் மோஹநம் சைவ கா³ந்த⁴ர்வம் ஸ்வாபநம் ததா² |
ஜ்ரும்ப⁴ணம் மாத³நம் சைவ ஸந்தாபநவிலாபநே || 1-56-7
ஷோ²ஷணம் தா³ரணம் சைவ வஜ்ரமஸ்த்ரம் ஸுது³ர்ஜயம் |
ப்³ரஹ்மபாஷ²ம் காலபாஷ²ம் வாருணம் பாஷ²மேவ ச || 1-56-8
பைநாகாஸ்த்ரம் ச த³யிதம் ஷு²ஷ்கார்த்³ரே அஷ²நீ ததா² |
த³ண்டா³ஸ்த்ரமத² பைஷா²சம் க்ரௌஞ்சமஸ்த்ரம் ததை²வ ச || 1-56-9
த⁴ர்மசக்ரம் காலசக்ரம் விஷ்ணுசக்ரம் ததை²வ ச |
வாயவ்யம் மத²நம் சைவ அஸ்த்ரம் ஹயஷி²ரஸ்ததா² || 1-56-10
ஷ²க்தித்³வயம் ச சிக்ஷேப கங்காலம் முஸலம் ததா² |
வைத்³யாத⁴ரம் மஹாஸ்த்ரம் ச காலாஸ்த்ரமத² தா³ருணம் || 1-56-11
த்ரிஷூ²லமஸ்த்ரம் கோ⁴ரம் ச காபாலமத² கங்கணம் |
ஏதாந்யஸ்த்ராணி சிக்ஷேப ஸர்வாணி ரகு⁴நந்த³ந || 1-56-12
வஸிஷ்டே² ஜபதாம் ஷ்²ரேஷ்டே² தத³த்³பு⁴தமிவாப⁴வத் |
தாநி ஸர்வாணி த³ண்டே³ந க்³ரஸதே ப்³ரஹ்மண꞉ ஸுத꞉ || 1-56-13
தேஷு ஷா²ந்தேஷு ப்³ரஹ்மாஸ்த்ரம் க்ஷிப்தவான் கா³தி⁴நந்த³ந꞉ |
தத³ஸ்த்ரமுத்³யதம் த்³ருஷ்ட்வா தே³வா꞉ ஸாக்³நிபுரோக³மா꞉ || 1-56-14
தே³வர்ஷயஷ்²ச ஸம்ப்⁴ராந்தா க³ந்த⁴ர்வா꞉ ஸமஹோரகா³꞉ |
த்ரைலோக்யமாஸீத் ஸந்த்ரஸ்தம் ப்³ரஹ்மாஸ்த்ரே ஸமுதீ³ரிதே || 1-56-15
தத³ப்யஸ்த்ரம் மஹாகோ⁴ரம் ப்³ராஹ்மம் ப்³ராஹ்மேண தேஜஸா |
வஸிஷ்டோ² க்³ரஸதே ஸர்வம் ப்³ரஹ்மத³ண்டே³ந ராக⁴வ || 1-56-16
ப்³ரஹ்மாஸ்த்ரம் க்³ரஸமாநஸ்ய வஸிஷ்ட²ஸ்ய மஹாத்மந꞉ |
த்ரைலோக்யமோஹநம் ரௌத்³ரம் ரூபமாஸீத் ஸுதா³ருணம் || 1-56-17
ரோமகூபேஷு ஸர்வேஷு வஸிஷ்ட²ஸ்ய மஹாத்மந꞉ |
மரீச்ய இவ நிஷ்பேதுரக்³நேர்தூ⁴மாகுலார்சிஷ꞉ || 1-56-18
ப்ராஜ்வலத் ப்³ரஹ்மத³ண்ட³ஷ்²ச வஸிஷ்ட²ஸ்ய கரோத்³யத꞉ |
விதூ⁴ம இவ காலாக்³நிர்யமத³ண்ட³ இவாபர꞉ || 1-56-19
ததோ(அ)ஸ்துவன் முநிக³ணா வஸிஷ்ட²ம் ஜபதாம் வரம் |
அமோக⁴ம் தே ப³லம் ப்³ரஹ்மம்ஸ்தேஜோ தா⁴ரய தேஜஸா || 1-56-20
நிக்³ருஹீதஸ்த்வயா ப்³ரஹ்மன் விஷ்²வாமித்ரோ மஹாதபா꞉ |
ப்ரஸீத³ ஜபதாம் ஷ்²ரேஷ்ட²லோகா꞉ ஸந்து க³தவ்யதா²꞉ || 1-56-21
ஏவமுக்தோ மஹாதேஜா꞉ ஷ²மம் சக்ரே மஹாதபா꞉ |
விஷ்²வாமித்ரோ(அ)பி நிக்ருதோ விநி꞉ஷ்²வஸ்யேத³மப்³ரவீத் || 1-56-22
தி⁴க்³ப³லம் க்ஷத்ரியப³லம் ப்³ரஹ்மதேஜோப³லம் ப³லம் |
ஏகேந ப்³ரஹ்மத³ண்டே³ந ஸர்வாஸ்த்ராணி ஹதாநி மே || 1-56-23
ததே³தத் ஸமவேக்ஷ்யாஹம் ப்ரஸந்நேந்த்³ரியமாநஸ꞉ |
தபோ மஹத் ஸமாஸ்தா²ஸ்யே யத்³வை ப்³ரஹ்மத்வகாரணம் || 1-56-24
இதி வால்மீகிராமாயணே ஆதி³காவ்யே பா³லகாண்டே³ ஷட்பஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
