வால்மீகிராமாயணே ஆதி³காவ்யே பா³லகாண்டே³ சது꞉பஞ்சாஷ²꞉ ஸர்க³꞉
Shlokas in audio recited by Mrs.Ranganayaki, Chennai.
காமதே⁴நும் வஸிஷ்டோ²(அ)பி யதா³ ந த்யஜதே முநி꞉ |
ததா³ஸ்ய ஷ²ப³லாம் ராம விஷ்²வாமித்ரோ(அ)ந்வகர்ஷத || 1-54-1
நீயமாநா து ஷ²ப³லா ராம ராஜ்ஞா மஹாத்மநா |
து³꞉கி²தா சிந்தயாமாஸ ருத³ந்தீ ஷோ²ககர்ஷிதா || 1-54-2
பரித்யக்தா வஸிஷ்டே²ந கிமஹம் ஸுமஹாத்மநா |
யாஹம் ராஜப்⁴ருதைர்தீ³நா ஹ்ரியேயம் ப்⁴ருஷ²து³꞉கி²தா || 1-54-3
கிம் மயாபக்ருதம் தஸ்ய மஹர்ஷேர்பா⁴விதாத்மந꞉ |
யந்மாமநாக³ஸம் ப⁴க்தாமிஷ்டாம் த்யஜதி தா⁴ர்மிக꞉ || 1-54-4
இதி ஸஞ்சிந்தயித்வா து நி꞉ஷ்²வஸ்ய ச புந꞉ புந꞉ |
ஜகா³ம வேகே³ந ததா³ வஸிஷ்ட²ம் பரமௌஜஸம் || 1-54-5
நிர்தூ⁴ய தாம் ததா³ ப்⁴ருத்யான் ஷ²தஷ²꞉ ஷ²த்ருஸூத³ந |
ஜகா³மாநிலவேகே³ந பாத³மூலம் மஹாத்மந꞉ || 1-54-6
ஷ²ப³லா ஸா ருத³ந்தீ ச க்ரோஷ²ந்தீ சேத³மப்³ரவீத் |
வஸிஷ்ட²ஸ்யாக்³ரத꞉ ஸ்தி²த்வா மேக⁴து³ந்து³பி⁴நி꞉ஸ்வநா || 1-54-7
ப⁴க³வன் கிம் பரித்யக்தா த்வயாஹம் ப்³ரஹ்மண꞉ ஸுத |
யஸ்மாத்³ராஜப⁴டா மாம் ஹி நயந்தே த்வத்ஸகாஷ²த꞉ || 1-54-8
ஏவமுக்தஸ்து ப்³ரஹ்மர்ஷிரித³ம் வசநமப்³ரவீத் |
ஷோ²கஸந்தப்தஹ்ருத³யாம் ஸ்வஸாரமிவ து³꞉கி²தாம் || 1-54-9
ந த்வாம் த்யஜாமி ஷ²ப³லே நாபி மே(அ)பக்ருதம் த்வயா |
ஏஷ த்வாம் நயதே ராஜா ப³லாந்மத்தோ மஹாப³ல꞉ || 1-54-10
ந ஹி துல்யம் ப³லம் மஹ்யம் ராஜா த்வத்³ய விஷே²ஷத꞉ |
ப³லீ ராஜா க்ஷத்ரியஷ்²ச ப்ருதி²வ்யா꞉ பதிரேவ ச || 1-54-11
இயமக்ஷௌஹிணீ பூர்ணா க³ஜவாஜிரதா²குலா |
ஹஸ்தித்⁴வஜஸமாகீர்ணா தேநாஸௌ ப³லவத்தர꞉ || 1-54-12
ஏவமுக்தா வஸிஷ்டே²ந ப்ரத்யுவாச விநீதவத் |
வசநம் வசநஜ்ஞா ஸா ப்³ரஹ்மர்ஷிமதுலப்ரப⁴ம் || 1-54-13
ந ப³லம் க்ஷத்ரியஸ்யாஹுர்ப்³ராஹ்மணோ ப³லவத்தர꞉ |
ப்³ரஹ்மன் ப்³ரஹ்மப³லம் தி³வ்யம் க்ஷத்ராத்து ப³லவத்தரம் || 1-54-14
அப்ரமேயப³லம் துப்⁴யம் ந த்வயா ப³லவத்தர꞉ |
விஷ்²வாமித்ரோ மஹாவீர்யஸ்தேஜஸ்தவ து³ராஸத³ம் || 1-54-15
நியுங்க்ஷ்வ மாம் மஹாதேஜஸ்த்வத்³ப்³ரஹ்மப³லஸம்ப்⁴ருதாம் |
தஸ்ய த³ர்பம் ப³லம் யத்நம் நாஷ²யாமி து³ராத்மந꞉ || 1-54-16
இத்யுக்தஸ்து தயா ராம வஸிஷ்ட²꞉ ஸுமஹாயஷா²꞉ |
ஸ்ருஜஸ்வேதி ததோ³வாச ப³லம் பரப³லார்த³நம் || 1-54-17
தஸ்ய தத்³வசநம் ஷ்²ருத்வா ஸுரபி⁴꞉ ஸா அஸ்ருஜத்ததா³ |
தஸ்யா ஹும்பா⁴ரவோத்ஸ்ருஷ்டா꞉ பஹ்லவா꞉ ஷ²தஷோ² ந்ருப || 1-54-18
நாஷ²யந்தி ப³லம் ஸர்வம் விஷ்²வாமித்ரஸ்ய பஷ்²யத꞉ |
ஸ ராஜா பரமக்ருத்³த⁴꞉ க்ரோத⁴விஸ்பா²ரிதேக்ஷண꞉ || 1-54-19
பஹ்லவாந்நாஷ²யாமாஸ ஷ²ஸ்த்ரைருச்சாவசைரபி |
விஷ்²வாமித்ரார்தி³தான் த்³ருஷ்ட்வா பஹ்லவான் ஷ²தஷ²ஸ்ததா³ || 1-54-20
பூ⁴ய ஏவாஸ்ருஜத்³கோ⁴ரான் ஷ²கான் யவநமிஷ்²ரிதான் |
தைராஸீத் ஸம்வ்ருதா பூ⁴மி꞉ ஷ²கைர்யவநமிஷ்²ரிதை꞉ || 1-54-21
ப்ரபா⁴வத்³பி⁴ர்மஹாவீர்யைர்ஹேமகிஞ்ஜல்கஸம்நிபை⁴꞉ |
தீ³ர்கா⁴ஸிபட்டிஷ²த⁴ரைர்ஹேமவர்ணாம்ப³ராவ்ருதை꞉ || 1-54-22
நிர்த³க்³த⁴ம் தத்³ப³லம் ஸர்வம் ப்ரதீ³ப்தைரிவ பாவகை꞉ |
ததோ(அ)ஸ்த்ராணி மஹாதேஜா விஷ்²வாமித்ரோ முமோச ஹ |
தைஸ்தைர்யவநகாம்போ⁴ஜா ப³ர்ப³ராஷ்²சாகுலீக்ருதா꞉ || 1-54-23
இதி வால்மீகிராமாயணே ஆதி³காவ்யே பா³லகாண்டே³ சது꞉பஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
