வால்மீகிராமாயணே ஆதி³காவ்யே பா³லகாண்டே³ த்³விபஞ்சாஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தம் த்³ருஷ்ட்வா பரமப்ரீதோ விஷ்²வாமித்ரோ மஹாப³ல꞉ |
ப்ரணதோ விநயாத்³வீரோ வஸிஷ்ட²ம் ஜபதாம் வரம் || 1-52-1
ஸ்வாக³தம் தவ சேத்யுக்தோ வஸிஷ்டே²ந மஹாத்மநா |
ஆஸநம் சாஸ்ய ப⁴க³வான் வஸிஷ்டோ² வ்யாதி³தே³ஷ² ஹ || 1-52-2
உபவிஷ்டாய ச ததா³ விஷ்²வாமித்ராய தீ⁴மதே |
யதா²ந்யாயம் முநிவர꞉ ப²லமூலமுபாஹரத் || 1-52-3
ப்ரதிக்³ருஹ்ய து தாம் பூஜாம் வஸிஷ்டா²த்³ராஜஸத்தம꞉ |
தபோ(அ)க்³நிஹோத்ரஷி²ஷ்யேஷு குஷ²லம் பர்யப்ருச்ச²த || 1-52-4
விஷ்²வாமித்ரோ மஹாதேஜா வநஸ்பதிக³ணே ததா² |
ஸர்வத்ர குஷ²லம் சாஹ வஸிஷ்டோ² ராஜஸத்தம꞉ || 1-52-5
ஸுகோ²பவிஷ்டம் ராஜாநம் விஷ்²வாமித்ரம் மஹாதபா꞉ |
பப்ரச்ச² ஜபதாம் ஷ்²ரேஷ்டோ² வஸிஷ்டோ² ப்³ரஹ்மண꞉ ஸுத꞉ || 1-52-6
கச்சித்தே குஷ²லம் ராஜன் கச்சித்³த⁴ர்மேண ரஞ்ஜயன் |
ப்ரஜா꞉ பாலயஸே ராஜன் ராஜவ்ருத்தேந தா⁴ர்மிக || 1-52-7
கச்சித்தே ஸுப்⁴ருதா ப்⁴ருத்யா꞉ கச்சித்திஷ்ட²ந்தி ஷா²ஸநே |
கச்சித்தே விஜிதா꞉ ஸர்வே ரிபவோ ரிபுஸூத³ந || 1-52-8
கச்சித் ப³லே ச கோஷே² ச மித்ரேஷு ச பரந்தப |
குஷ²லம் தே நரவ்யாக்⁴ர புத்ரபௌத்ரே ததா²நக⁴ || 1-52-9
ஸர்வத்ர குஷ²லம் ராஜா வஸிஷ்ட²ம் ப்ரத்யுதா³ஹரத் |
விஷ்²வாமித்ரோ மஹாதேஜா வஸிஷ்ட²ம் விநயாந்விதம் || 1-52-10
க்ருத்வா தௌ ஸுசிரம் காலம் த⁴ர்மிஷ்டௌ² தா꞉ கதா²ஸ்ததா³ |
முதா³ பரமயா யுக்தௌ ப்ரீயேதாம் தௌ பரஸ்பரம் || 1-52-11
ததோ வஸிஷ்டோ² ப⁴க³வான் கதா²ந்தே ரகு⁴நந்த³ந |
விஷ்²வாமித்ரமித³ம் வாக்யமுவாச ப்ரஹஸந்நிவ || 1-52-12
ஆதித்²யம் கர்துமிச்சா²மி ப³லஸ்யாஸ்ய மஹாப³ல |
தவ சைவாப்ரமேயஸ்ய யதா²ர்ஹம் ஸம்ப்ரதீச்ச² மே || 1-52-13
ஸத்க்ரியாம் து ப⁴வாநேதாம் ப்ரதீச்ச²து மயா க்ருதாம் |
ராஜம்ஸ்த்வமதிதி²ஷ்²ரேஷ்ட²꞉ பூஜநீய꞉ ப்ரயத்நத꞉ || 1-52-14
ஏவமுக்தோ வஸிஷ்டே²ந விஷ்²வாமித்ரோ மஹாமதி꞉ |
க்ருதமித்யப்³ரவீத்³ராஜா பூஜாவாக்யேந மே த்வயா || 1-52-15
ப²லமூலேந ப⁴க³வந்வித்³யதே யத்தவாஷ்²ரமே |
பாத்³யேநாசமநீயேந ப⁴க³வத்³த³ர்ஷ²நேந ச || 1-52-16
ஸர்வதா² ச மஹாப்ராஜ்ஞ பூஜார்ஹேண ஸுபூஜித꞉ |
நமஸ்தே(அ)ஸ்து க³மிஷ்யாமி மைத்ரேணேக்ஷஸ்வ சக்ஷுஷா || 1-52-17
ஏவம் ப்³ருவந்தம் ராஜாநம் வஸிஷ்ட²꞉ புநரேவ ஹி |
ந்யமந்த்ரயத த⁴ர்மாத்மா புந꞉ புநருதா³ரதீ⁴꞉ || 1-52-18
பா³ட⁴மித்யேவ கா³தே⁴யோ வஸிஷ்ட²ம் ப்ரத்யுவாச ஹ |
யதா² ப்ரியம் ப⁴க³வதஸ்ததா²ஸ்து முநிஸத்தம || 1-52-19
ஏவமுக்தஸ்ததா² தேந வஸிஷ்டோ² ஜபதாம் வர꞉ |
ஆஜுஹாவ தத꞉ ப்ரீத꞉ கல்மாஷீம் தூ⁴தகல்மஷ꞉ || 1-52-20
ஏஹ்யேஹி ஷ²ப³லே க்ஷிப்ரம் ஷ்²ருணு சாபி வசோ மம |
ஸப³லஸ்யாஸ்ய ராஜர்ஷே꞉ கர்தும் வ்யவஸிதோ(அ)ஸ்ம்யஹம் |
போ⁴ஜநேந மஹார்ஹேண ஸத்காரம் ஸம்வித⁴த்ஸ்வ மே || 1-52-21
யஸ்ய யஸ்ய யதா²காமம் ஷட்³ரஸேஷ்வபி⁴பூஜிதம் |
தத்ஸர்வம் காமது⁴க் தி³வ்யே அபி⁴வர்ஷ க்ருதே மம || 1-52-22
ரஸேநாந்நேந பாநேந லேஹ்யசோஷ்யேண ஸம்யுதம் |
அந்நாநாம் நிசயம் ஸர்வம் ஸ்ருஜஸ்வ ஷ²ப³லே த்வர || 1-52-23
இதி வால்மீகிராமாயணே ஆதி³காவ்யே பா³லகாண்டே³ த்³விபஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
