வால்மீகிராமாயணே ஆதி³காவ்யே பா³லகாண்டே³ ஏகோநசத்வாரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
விஷ்²வாமித்ரவச꞉ ஷ்²ருத்வா கதா²ந்தே ரகு⁴நந்த³ந |
உவாச பரமப்ரீதோ முநிம் தீ³ப்தமிவாநலம் || 1-39-1
ஷ்²ரோதுமிச்சா²மி ப⁴த்³ரம் தே விஸ்தரேண கதா²மிமாம் |
பூர்வஜோ மே கத²ம் ப்³ரஹ்மன் யஜ்ஞம் வை ஸமுபாஹரத் || 1-39-2
தஸ்ய தத்³வசநம் ஷ்²ருத்வா கௌதூஹலஸமந்வித꞉ |
விஷ்²வாமித்ரஸ்து காகுத்ஸ்த²முவாச ப்ரஹஸந்நிவ || 1-39-3
ஷ்²ரூயதாம் விஸ்தரோ ராம ஸக³ரஸ்ய மஹாத்மந꞉ |
ஷ²ங்கரஷ்²வஷு²ரோ நாம ஹிமவாநிதி விஷ்²ருத꞉ || 1-39-4
விந்த்⁴யபர்வதமாஸாத்³ய நிரீக்ஷேதே பரஸ்பரம் |
தயோர்மத்⁴யே ப்ரவ்ருத்தோ(அ)பூ⁴த்³யஜ்ஞ꞉ ஸ புருஷோத்தம|| 1-39-5
ஸ ஹி தே³ஷோ² நரவ்யாக்⁴ர ப்ரஷ²ஸ்தோ யஜ்ஞகர்மணி|
தஸ்யாஷ்²வசர்யாம் காகுத்ஸ்த² த்³ருட⁴த⁴ந்வா மஹாரத²꞉ || 1-39-6
அம்ஷு²மாநகரோத்தாத ஸக³ரஸ்ய மதே ஸ்தி²த꞉ |
தஸ்ய பர்வணி தம் யஜ்ஞம் யஜமாநஸ்ய வாஸவ꞉ || 1-39-7
ராக்ஷஸீம் தநுமாஸ்தா²ய யஜ்ஞீயாஷ்²வமபாஹரத் |
ஹ்ரியமாணே து காகுத்ஸ்த² தஸ்மிந்நஷ்²வே மஹாத்மந꞉ ||1-39-8
உபாத்⁴யாயக³ணா꞉ ஸர்வே யஜமாநமதா²ப்³ருவன் |
அயம் பர்வணி வேகே³ந யஜ்ஞியாஷ்²வோ(அ)பநீயதே ||1-39-9
ஹர்தாரம் ஜஹி காகுத்ஸ்த² ஹயஷ்²சைவோபநீயதாம் |
யஜ்ஞஷ்²ச்சி²த்³ரம் ப⁴வத்யேதத்ஸர்வேஷாமஷி²வாய ந꞉ || 1-39-10
தத்ததா² க்ரியதாம் ராஜன் யஜ்ஞோ(அ)ச்சி²த்³ர꞉ க்ரதுர்ப⁴வேத் |
ஸோ(அ)பாத்⁴யாயவச꞉ ஷ்²ருத்வா தஸ்மிந்ஸத³ஸி பார்தி²வ꞉ ||1-39-11
ஷஷ்டிம் புத்ரஸஹஸ்ராணி வாக்யமேதது³வாச ஹ |
க³திம் புத்ரா ந பஷ்²யாமி ரக்ஷஸாம் புருஷர்ஷபா⁴꞉ ||1-39-12
மந்த்ரபூதைர்மஹாபா⁴கை³ராஸ்தி²தோ ஹி மஹாக்ரது꞉ |
தத்³க³ச்ச²த விசிந்வத்⁴வம் புத்ரகா ப⁴த்³ரமஸ்து வ꞉ ||1-39-13
ஸமுத்³ரமாலிநீம் ஸர்வாம் ப்ருதி²வீமநுக³ச்ச²த |
ஏகைகம் யோஜநம் புத்ரா விஸ்தாரமபி⁴க³ச்ச²த || 1-39-14
யாவத்துரக³ஸந்த³ர்ஷ²ஸ்தாவத்க²நத மேதி³நீம் |
தமேவ ஹயஹர்தாரம் மார்க³மாணா மமாஜ்ஞயா ||1-39-15
தீ³க்ஷித꞉ பௌத்ரஸஹித꞉ ஸோபாத்⁴யாயக³ணஸ்த்வஹம் |
இஹ ஸ்தா²ஸ்யாமி ப⁴த்³ரம் வோ யாவத்துரக³த³ர்ஷ²நம் ||1-39-16
தே ஸர்வே ஹ்ருஷ்டமநஸோ ராஜபுத்ரா மஹாப³லா꞉ |
ஜக்³முர்மஹீதலம் ராம பிதுர்வசநயந்த்ரிதா꞉ ||1-39-17
க³த்வா து ப்ருதி²வீம் ஸர்வமத்³ருஷ்டா தம் மஹப³லா꞉ |
யோஜநாயாமவிஸ்தாரமேகைகோ த⁴ரணீதலம் |
பி³பி⁴து³꞉ புருஷவ்யாக்⁴ர வஜ்ரஸ்பர்ஷ²ஸமைர்பு⁴ஜை꞉ ||1-39-18
ஷூ²லைரஷ²நிகல்பைஷ்²ச ஹலைஷ்²சாபி ஸுதா³ருணை꞉ |
பி⁴த்³யமாநா வஸுமதீ நநாத³ ரகு⁴நந்த³ந ||1-39-19
நாகா³நாம் வத்⁴யமாநாநாமஸுராணாம் ச ராக⁴வ |
ராக்ஷஸாநாம் ச து³ர்த⁴ர்ஷ꞉ ஸத்த்வாநாம் நிநதோ³(அ)ப⁴வத் ||1-39-20
யோஜநாநாம் ஸஹஸ்ராணி ஷஷ்டிம் து ரகு⁴நந்த³ந |
பி³பி⁴து³ர்த⁴ரணீம் ராம ரஸாதலமநுத்தமம் ||1-39-21
ஏவம் பர்வதஸம்பா³த⁴ம் ஜம்பூ³த்³வீபம் ந்ருபாத்மஜா꞉ |
க²நந்தோ ந்ருபஷா²ர்தூ³ல ஸர்வத꞉ பரிசக்ரமு꞉ ||1-39-22
ததோ தே³வா꞉ ஸக³ந்த⁴ர்வா꞉ ஸாஸுரா꞉ ஸஹபந்நகா³꞉ |
ஸம்ப்⁴ராந்தமநஸ꞉ ஸர்வே பிதாமஹமுபாக³மன் ||1-39-23
தே ப்ரஸாத்³ய மஹாத்மாநம் விஷண்ணவத³நாஸ்ததா³ |
ஊசு꞉ பரமஸந்த்ரஸ்தா꞉ பிதாமஹமித³ம் வச꞉ ||1-39-24
ப⁴க³வன் ப்ருதி²வீ ஸர்வா க²ந்யதே ஸக³ராத்மஜை꞉ |
ப³ஹவஷ்²ச மஹாத்மாநோ வத்⁴யந்தே ஜலசாரிண꞉ ||1-39-25
அயம் யஜ்ஞ ஹரோ(அ)ஸ்மாகமநேநாஷ்²வோ(அ)பநீயதே |
இதி தே ஸர்வபூ⁴தாநி ஹிம்ஸந்தி ஸக³ராத்மஜா꞉ ||1-39-26
இதி வால்மீகிராமாயணே ஆதி³காவ்யே பா³லகாண்டே³ ஏகோநசத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
