வால்மீகிராமாயணே ஆதி³காவ்யே பா³லகாண்டே³ அஷ்டாத்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தாம் கதா²ம் கௌஷி²கோ ராமே நிவேத்³ய மது⁴ராக்ஷரம் |
புந ரேவாபரம் வாக்யம் காகுத்ஸ்த²மித³மப்³ரவீத் || 1-38-1
அயோத்⁴யாதி⁴பதிர்வீர꞉ பூர்வமாஸீந்நராதி⁴ப꞉ |
ஸக³ரோ நாம த⁴ர்மாத்மா ப்ரஜாகாம꞉ ஸ சாப்ரஜ꞉ || 1-38-2
வைத³ர்ப⁴து³ஹிதா ராம கேஷி²நீ நாம நாமத꞉ |
ஜ்யேஷ்டா² ஸக³ரபத்நீ ஸா த⁴ர்மிஷ்டா² ஸத்யவாதி³நீ || 1-38-3
அரிஷ்ட²நேமிது³ஹிதா ஸுபர்ணப⁴கி³நீ து ஸா |
த்³விதீயா ஸக³ரஸ்யாஸீத் பத்நீ ஸுமதிஸஞ்ஜ்ஞிதா || 1-38-4
தாப்⁴யாம் ஸஹ மஹாராஜா பத்நீப்⁴யாம் தப்தவாம்ஸ்தப꞉ |
ஹிமவந்தம் ஸமாஸாத்³ய ப்⁴ருகு³ப்ரஸ்ரவணே கி³ரௌ || 1-38-5
அத² வர்ஷஷ²தே பூர்ணே தபஸாராதி⁴தோ முநி꞉ |
ஸக³ராய வரம் ப்ராதா³த்³ ப்⁴ருகு³꞉ ஸத்யவதாம் வர꞉ || 1-38-6
அபத்யலாப⁴꞉ ஸுமஹான் ப⁴விஷ்யதி தவாநக⁴ |
கீர்திம் சாப்ரதிமாம் லோகே ப்ராப்ஸ்யஸே புருஷர்ஷப⁴ || 1-38-7
ஏகா ஜநயிதா தாத புத்ரம் வம்ஷ²கரம் தவ |
ஷஷ்டிம் புத்ரஸஹஸ்ராணி ஹ்யபரா ஜநயிஷ்யதி || 1-38-8
பா⁴ஷமாணம் மஹாத்மாநம் ராஜபுத்ர்யௌ ப்ரஸாத்³ய தம் |
ஊசது꞉ பரமப்ரீதே க்ருதாஞ்ஜலிபுடே ததா³ || 1-38-9
ஏக꞉ கஸ்யா꞉ ஸுதோ ப்³ரஹ்மன் கா ப³ஹூன் ஜநயிஷ்யதி |
ஷ்²ரோதுமிச்சா²வஹே ப்³ரஹ்மன் ஸத்யமஸ்து வசஸ்தவ || 1-38-10
தயோஸ்தத்³வசநம் ஷ்²ருத்வா ப்⁴ருகு³꞉ பரமதா⁴ர்மிக꞉ |
உவாச பரமாம் வாணீம் ஸ்வச்ச²ந்தோ³(அ)த்ர விதீ⁴யதாம் || 1-38-11
ஏகோ வம்ஷ²கரோ வாஸ்து ப³ஹவோ வா மஹாப³லா꞉ |
கீர்திமந்தோ மஹோத்ஸாஹா꞉ கா வா கம் வரமிச்ச²தி || 1-38-12
முநேஸ்து வசநம் ஷ்²ருத்வா கேஷி²நீ ரகு⁴நந்த³ந |
புத்ரம் வம்ஷ²கரம் ராம ஜக்³ராஹ ந்ருபஸம்நிதௌ⁴ || 1-38-13
ஷஷ்டிம் புத்ரஸஹஸ்ராணி ஸுபர்ணப⁴கி³நீ ததா³ |
மஹோத்ஸாஹான் கீர்திமதோ ஜக்³ராஹ ஸுமதி꞉ ஸுதான் || 1-38-14
ப்ரத³க்ஷிணம்ருஷிம் க்ருத்வா ஷி²ரஸாபி⁴ப்ரணம்ய ச |
ஜகா³ம ஸ்வபுரம் ராஜா ஸபா⁴ர்யா ரகு⁴நந்த³ந || 1-38-15
அத² காலே க³தே தஸ்மின் ஜ்யேஷ்டா² புத்ரம் வ்யஜாயத |
அஸமஞ்ஜ இதி க்²யாதம் கேஷி²நீ ஸக³ராத்மஜம் || 1-38-16
ஸுமதிஸ்து நரவ்யாக்⁴ர க³ர்ப⁴தும்ப³ம் வ்யஜாயத |
ஷஷ்டி꞉ புத்ரஸஹஸ்ராணி தும்ப³பே⁴தா³த்³விநி꞉ஸ்ருதா꞉ || 1-38-17
க்⁴ருதபூர்ணேஷு கும்பே⁴ஷு தா⁴த்ர்யஸ்தான் ஸமவர்த⁴யன் |
காலேந மஹதா ஸர்வே யௌவநம் ப்ரதிபேதி³ரே || 1-38-18
அத² தீ³ர்கே⁴ண காலேந ரூபயௌவநஷா²லிந꞉ |
ஷஷ்டி꞉ புத்ரஸஹஸ்ராணி ஸக³ரஸ்யாப⁴வம்ஸ்ததா³ || 1-38-19
ஸ ச ஜ்யேஷ்டோ² நரஷ்²ரேஷ்ட² ஸக³ரஸ்யாத்மஸம்ப⁴வ꞉ |
பா³லான் க்³ருஹீத்வா து ஜலே ஸரய்வா ரகு⁴நந்த³ந || 1-38-20
ப்ரக்ஷிப்ய ப்ரஹஸன் நித்யம் மஜ்ஜதஸ்தான் நிரீக்ஷ்ய வை |
ஏவம் பாபஸமாசார꞉ ஸஜ்ஜநப்ரதிபா³த⁴க꞉ || 1-38-21
பௌராணாமஹிதே யுக்த꞉ பித்ரா நிர்வாஸித꞉ புராத் |
தஸ்ய புத்ரோம்(அ)ஷு²மாந்நாம அஸமஞ்ஜஸ்ய வீர்யவான் || 1-38-22
ஸம்மத꞉ ஸர்வலோகஸ்ய ஸர்வஸ்யாபி ப்ரியம்வத³꞉ |
தத꞉ காலேந மஹதா மதி꞉ ஸமபி⁴ஜாயத || 1-38-23
ஸக³ரஸ்ய நரஷ்²ரேஷ்ட² யஜேயமிதி நிஷ்²சிதா |
ஸ க்ருத்வா நிஷ்²சயம் ராஜா ஸோபாத்⁴யாயக³ணஸ்ததா³ |
யஜ்ஞகர்மணி வேத³ஜ்ஞோ யஷ்டும் ஸமுபசக்ரமே || 1-38-24
இதி வால்மீகிராமாயணே ஆதி³காவ்யே பா³லகாண்டே³ அஷ்டாத்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
