வால்மீகிராமாயணே ஆதி³காவ்யே பா³லகாண்டே³சத்வாரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தே³வதாநாம் வச꞉ ஷ்²ருத்வா ப⁴க³வாந்வை பிதாமஹ꞉ |
ப்ரத்யுவாச ஸுஸந்த்ரஸ்தான் க்ருதாந்தப³லமோஹிதான் || 1-40-1
யஸ்யேயம் வஸுதா⁴ க்ருத்ஸ்நா வாஸுதே³வஸ்ய தீ⁴மத꞉|
மஹிஷீ மாத⁴வஸ்யைஷா ஸ ஏவ ப⁴க³வான் ப்ரபு⁴꞉|| 1-40-2
காபிலம் ரூபமாஸ்தா²ய தா⁴ரயத்யநிஷ²ம் த⁴ராம் |
தஸ்ய கோபாக்³நிநா த³க்³தா⁴ ப⁴விஷ்யந்தி ந்ருபாத்மஜா꞉ || 1-40-3
ப்ருதி²வ்யாஷ்²சாபி நிர்பே⁴தோ³ த்³ருஷ்ட ஏவ ஸநாதந꞉ |
ஸக³ரஸ்ய ச புத்ராணாம் விநாஷோ² தீ³ர்க⁴த³ர்ஷி²நாம் ||1-40-4
பிதாமஹ வச꞉ ஷ்²ருத்வா த்ரயஸ்த்ரிம்ஷ²த³ரிந்த³ம |
தே³வா꞉ பரமஸம்ஹ்ருஷ்டா꞉ புநர்ஜக்³முர்யதா²க³தம் || 1-40-5
ஸக³ரஸ்ய ச புத்ராணாம் ப்ராது³ராஸீந்மஹாஸ்வந꞉ |
ப்ருதி²வ்யாம் பி⁴த்³யமாநாயாம் நிர்கா⁴தஸமநி꞉ஸ்வந꞉ || 1-40-6
ததோ பி⁴த்த்வா மஹீம் ஸர்வாம் க்ருத்வா சாபி ப்ரத³க்ஷிணம் |
ஸஹிதா꞉ ஸக³ரா꞉ ஸர்வே பிதரம் வாக்யமப்³ருவன் || 1-40-7
பரிக்ராந்தா மஹீ ஸர்வா ஸத்த்வவந்தஷ்²ச ஸூதி³தா꞉ |
தே³வதா³நவரக்ஷாம்ஸி பிஷா²சோரக³பந்நகா³꞉ || 1-40-8
ந ச பஷ்²யாமஹே(அ)ஷ்²வம் தமஷ்²வஹர்தாரமேவ ச |
கிம் கரிஷ்யாம ப⁴த்³ரம் தே பு³த்³தி⁴ரத்ர விசார்யதாம் || 1-40-9
தேஷாம் தத்³வசநம் ஷ்²ருத்வா புத்ராணாம் ராஜஸத்தம꞉ |
ஸமந்யுரப்³ரவீத்³வாக்யம் ஸக³ரோ ரகு⁴நந்த³ந || 1-40-10
பூ⁴ய꞉ க²நத ப⁴த்³ரம் வோ விபே⁴த்³ய வஸுதா⁴தலம்
அஷ்²வஹர்தாரமாஸாத்³ய க்ருதார்தா²ஷ்²ச நிவர்தத || 1-40-11
பிதுர்வசநமாஸாத்³ய ஸக³ரஸ்ய மஹாத்மந꞉ |
ஷஷ்டி꞉ புத்ரஸஹஸ்ராணி ரஸாதலமபி⁴த்³ரவன் || 1-40-12
க²ந்யமாநே ததஸ்தஸ்மின் த³த்³ருஷு²꞉ பர்வதோபமம் |
தி³ஷா²க³ஜம் விரூபாக்ஷம் தா⁴ரயந்தம் மஹீதலம் || 1-40-13
ஸபர்வதவநாம் க்ருத்ஸ்நாம் ப்ருதி²வீம் ரகு⁴நந்த³ந |
தா⁴ரயாமாஸ ஷி²ரஸா விரூபாக்ஷோ மஹாக³ஜ꞉ || 1-40-14
யதா³ பர்வணி காகுத்ஸ்த² விஷ்²ரமார்த²ம் மஹாக³ஜ꞉ |
கே²தா³ச்சாலயதே ஷீ²ர்ஷம் பூ⁴மிகம்பஸ்ததா³ ப⁴வேத் || 1-40-15
தே தம் ப்ரத³க்ஷிணம் க்ருத்வா தி³ஷா²பாலம் மஹாக³ஜம் |
மாநயந்தோ ஹி தே ராம ஜக்³முர்பி⁴த்த்வா ரஸாதலம் || 1-40-16
தத꞉ பூர்வாம் தி³ஷ²ம் பி⁴த்த்வா த³க்ஷிணாம் பி³பி⁴து³꞉ புந꞉ |
த³க்ஷிணஸ்யாமபி தி³ஷி² த³த்³ருஷு²ஸ்தே மஹாக³ஜம் || 1-40-17
மஹாபத்³மம் மஹாத்மாநம் ஸுமஹத்பர்வதோபமம் |
ஷி²ரஸா தா⁴ரயந்தம் கா³ம் விஸ்மயம் ஜக்³முருத்தமம் || 1-40-18
தே தம் ப்ரத³க்ஷிணம் க்ருத்வா ஸக³ரஸ்ய மஹாத்மந꞉ |
ஷஷ்டி꞉ புத்ரஸஹஸ்ராணி பஷ்²சிமாம் பி³பி⁴து³ர்தி³ஷ²ம் || 1-40-19
பஷ்²சிமாயாமபி தி³ஷி² மஹாந்தமசலோபமம் |
தி³ஷா²க³ஜம் ஸௌமநஸம் த³த்³ருஷு²ஸ்தே மஹாப³லா꞉ || 1-40-20
தே தம் ப்ரத³க்ஷிணம் க்ருத்வா ப்ருஷ்ட்வா சாபி நிராமயம் |
க²நந்த꞉ ஸமுபக்ராந்தா தி³ஷ²ம் ஸோமவதீம் ததா³ || 1-40-21
உத்தரஸ்யாம் ரகு⁴ஷ்²ரேஷ்ட² த³த்³ருஷு²ர்ஹிமபாண்டு³ரம் |
ப⁴த்³ரம் ப⁴த்³ரேண வபுஷா தா⁴ரயந்தம் மஹீமிமாம் || 1-40-22
ஸமாலப்⁴ய தத꞉ ஸர்வே க்ருத்வா சைநம் ப்ரத³க்ஷிணம் |
ஷஷ்டி꞉ புத்ரஸஹஸ்ராணி பி³பி⁴து³ர்வஸுதா⁴தலம் || 1-40-23
தத꞉ ப்ராகு³த்தராம் க³த்வா ஸாக³ரா꞉ ப்ரதி²தாம் தி³ஷ²ம் |
ரோஷாத³ப்⁴யக²நந்ஸர்வே ப்ருதி²வீம் ஸக³ராத்மஜா꞉ || 1-40-24
தே து ஸர்வே மஹத்மாநோ பீ⁴மவேகா³ மஹப³லா꞉ |
த³த்³ருஷு²꞉ கபிலம் தத்ர வாஸுதே³வம் ஸநாதநம் || 1-40-25
ஹயம் ச தஸ்ய தே³வஸ்ய சரந்தமவிதூ³ரத꞉ |
ப்ரஹர்ஷமதுலம் ப்ராப்தா꞉ ஸர்வே தே ரகு⁴நந்த³ந || 1-40-26
தே தம் ஹயஹரம் ஜ்ஞாத்வா க்ரோத⁴பர்யாகுலேக்ஷணா꞉ |
க²நித்ரலாங்க³லத⁴ரா நாநாவ்ருக்ஷஷி²லாத⁴ரா꞉ || 1-40-27
அப்⁴யதா⁴வந்த ஸங்க்ருத்³தா⁴ஸ்திஷ்ட² திஷ்டே²தி சாப்³ருவன் |
அஸ்மாகம் த்வம் ஹி துரக³ம் யஜ்ஞியம் ஹ்ருதவாநஸி || 1-40-28
து³ர்மேத⁴ஸ்த்வம் ஹி ஸம்ப்ராப்தான் வித்³தி⁴ ந꞉ ஸக³ராத்மஜான் |
ஷ்²ருத்வா தத்³வசநம் தேஷாம் கபிலோ ரகு⁴நந்த³ந || 1-40-29
ரோஷேண மஹதாவிஷ்டோ ஹும் காரமகரோத்ததா³ |
ததஸ்தேநாப்ரமேயேண கபிலேந மஹாத்மநா |
ப⁴ஸ்மராஷீ²க்ருதா꞉ ஸர்வே காகுத்ஸ்த² ஸக³ராத்மஜா꞉ || 1-40-30
இதி வால்மீகிராமாயணே ஆதி³காவ்யே பா³லகாண்டே³ சத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
