வால்மீகிராமாயணே ஆதி³காவ்யே பா³லகாண்டே³ த்³வாத³ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தத꞉ காலே ப³ஹுதிதே² கஸ்மிம்ஷ்²சித்ஸுமநோஹரே |
வஸந்தே ஸமநுப்ராப்தே ராஜ்ஞோ யஷ்டும் மநோ(அ)ப⁴வத் ||1-12-1
தத꞉ ப்ரஸாத்³ய ஷி²ரஸா தம் விப்ரம் தே³வவர்ணிநம் |
யஜ்ஞாய வரயாமாஸ ஸந்தாநார்த²ம் குலஸ்ய ச || 1-12-2
ததே²தி ச ஸ ராஜாநமுவாச ச ஸுஸத்க்ருத꞉ |
ஸம்பா⁴ரா꞉ ஸம்ப்⁴ரியந்தாம் தே துரக³ஷ்²ச விமுச்யதாம் || 1-12-3
ஸரவ்யாஷ்²சோத்தரே தீரே யஜ்ஞபூ⁴மிர்விதீ⁴யதாம் |
ததோ ந்ருபோ(அ)ப்³ரவீத்³வாக்யம் ஸுமந்த்ரம் மந்த்ரிஸத்தமம் || 1-12-4
ஸுமந்த்ராவாஹய க்ஷிப்ரம்ருத்விஜோ ப்³ரஹ்மவாதி³ந꞉ |
ஸுயஜ்ஞம் வாமதே³வம் ச ஜாபா³லிமத² காஷ்²யபம் || 1-12-5
புரோஹிதம் வஸிஷ்ட²ம் ச யே சாந்யே த்³விஜஸத்தமா꞉ |
தத꞉ ஸுமந்த்ரஸ்த்வரிதம் க³த்வா த்வரிதவிக்ரம꞉ || 1-12-6
ஸமாநயத்ஸ தாந்ஸர்வான் ஸமஸ்தாந்வேத³பாரகா³ன் |
தான் பூஜயித்வா த⁴ர்மாத்மா ராஜா த³ஷ²ரத²ஸ்ததா³ || 1-12-7
த⁴ர்மார்த²ஸஹிதம் யுக்தம் ஷ்²லக்ஷ்ணம் வசநமப்³ரவீத் |
மம லாலப்யமாநஸ்ய புத்ரார்த²ம் நாஸ்தி வை ஸுக²ம் || 1-12-8
தத³ர்த²ம் ஹயமேதே⁴ந யக்ஷ்யாமீதி மதிர்மம |
தத³ஹம் யஷ்டுமிச்சா²மி ஷா²ஸ்த்ரத்³ருஷ்டேந கர்மணா || 1-12-9
ருஷிபுத்ரப்ரபா⁴வேண காமாந்ப்ராப்ஸ்யாமி சாப்யஹம் |
தத꞉ ஸாத்⁴விதி தத்³வாக்யம் ப்³ராஹ்மணா꞉ ப்ரத்யபூஜயன் || 1-12-10
வஸிஷ்ட²ப்ரமுகா²꞉ ஸர்வே பார்தி²வஸ்ய முகா²ச்ச்யுதம் |
ருஷ்யஷ்²ருங்க³புரோகா³ஷ்²ச ப்ரத்யூசுர்ந்ருபதிம் ததா³ || 1-12-11
ஸம்பா⁴ரா꞉ ஸம்ப்⁴ரியந்தாம் தே துரக³ஷ்²ச விமுச்யதாம் |
ஸரவ்யாஷ்²சோத்தரே தீரே யஜ்ஞபூ⁴மிர்விதீ⁴யதாம் || 1-12-12
ஸர்வதா² ப்ராப்யஸே புத்ராம்ஷ்²சதுரோ(அ)மிதவிக்ரமான் |
யஸ்ய தே தா⁴ர்மிகீ பு³த்³தி⁴ரியம் புத்ரார்த²மாக³தா || 1-12-13
தத꞉ ப்ரீதோ(அ)ப⁴வத்³ராஜா ஷ்²ருத்வா தத் த்³விஜபா⁴ஷிதம் |
அமாத்யாம்ஷ்²சாப்³ரவீத்³ராஜா ஹர்ஷேணேத³ம் ஷு²பா⁴க்ஷரம் || 1-12-14
கு³ரூணாம் வசநாச்சீ²க்⁴ரம் ஸம்பா⁴ரா꞉ ஸம்ப்⁴ரியந்து மே |
ஸமர்தா²தி⁴ஷ்டி²தஷ்²சாஷ்²வ꞉ ஸோபாத்⁴யாயோ விமுச்யதாம் || 1-12-15
ஸரயவ்யாஷ்²சோத்தரே தீரே யஜ்ஞபூ⁴மிர்விதீ⁴யதாம் |
ஷா²ந்தயஷ்²சாபி⁴வர்த⁴ந்தாம் யதா²கல்பம் யதா²விதி⁴ || 1-12-16
ஷ²க்ய꞉ கர்துமயம் யஜ்ஞ꞉ ஸர்வேணாபி மஹீக்ஷிதா |
நாபராதோ⁴ ப⁴வேத்கஷ்டோ யத்³யஸ்மின் க்ரதுஸத்தமே || 1-12-17
சி²த்³ரம் ஹி ம்ருக³யந்தே(அ)த்ர வித்³வாம்ஸோ ப்³ரஹ்மராக்ஷஸா꞉ |
விக்⁴நிதஸ்ய ஹி யஜ்ஞஸ்ய ஸத்³ய꞉ கர்தா விநஷ்²யதி || 1-12-18
தத்³யதா² விதி⁴பூர்வம் மே க்ரதுரேஷ ஸமாப்யதே |
ததா² விதா⁴நம் க்ரியதாம் ஸமர்தா²꞉ கரணேஷ்விஹ || 1-12-19
ததே²தி ச தத꞉ ஸர்வே மந்த்ரிண꞉ ப்ரத்யபூஜயன் |
பார்தி²வேந்த்³ரஸ்ய தத்³வாக்யம் யதா²ஜ்ஞப்தமகுர்வத || 1-12-20
ததோ த்³விஜாஸ்தே த⁴ர்மஜ்ஞமஸ்துவந்பார்தி²வர்ஷப⁴ம் |
அநுஜ்ஞாதாஸ்தத꞉ ஸர்வே புநர்ஜக்³முர்யதா²க³தம் || 1-12-21
க³தேஷ்வத² த்³விஜாக்³ர்யேஷு மந்த்ரிணஸ்தாந்நராதி⁴ப꞉ |
விஸர்ஜயித்வா ஸ்வம் வேஷ்²ம ப்ரவிவேஷ² மஹாத்³யுதி꞉ ||1-12-22
இதி வால்மீகிராமாயணே ஆதி³காவ்யே பா³லகாண்டே³ த்³வாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
