வால்மீகி ராமாயணே ஆதி³ காவ்யே யுத்³த⁴காண்டே³ ஸப்தத³ஷா²தி⁴கஷ்²ததம꞉ ஸர்க³꞉
ததோ ஹி து³ர்மனா ராம꞉ ஷ்²ருத்வைவம் வத³தாம் கி³ர꞉ |
த³த்⁴யௌ முஹூர்தம் த⁴ர்மாத்மா பா³ஷ்பவ்யாகுலலோசன꞉ || 6-117-1
ததோ வைஷ்²ரவணோ ராஜா யமஷ்²ச ப்ருபி⁴꞉ ஸஹ |
ஸஹஸ்ராக்ஷஷ்²ச தே³வேஷோ² வருணஷ்²ச ஜலேஷ்²வர꞉ || 6-117-2
ஷட்³ர்த⁴நயன꞉ ஶ்ரீமான் மஹாதே³வோ வ்ருஷத்⁴வஜ꞉ |
கர்தா ஸர்வஸ்ய லோகஸ்ய ப்³ரஹ்மா ப்³ரஹ்மவிதா³ம் வர꞉ || 6-117-3
ஏதே ஸர்வே ஸமாக³ம்ய விமானை꞉ ஸூர்யஸம்நிபை⁴꞉ |
ஆக³ம்ய நக³ரீம் லங்காமபி⁴ஜக்³முஷ்²ச ராக⁴வம் || 6-117-4
தத꞉ ஸஹஸ்தாப⁴ரணான் ப்ரக்³ருஹ்ய விபுலான் பு⁴ஜான் |
அப்³ருவம்ஸ்த்ரித³ஷ²ஷ்²ரேஷ்டா² ராக⁴வம் ப்ராஞ்ஜலிம் ஸ்தி²தம் || 6-117-5
கர்தா ஸர்வஸ்ய லோகஸ்ய ஷ்²ரேஷ்டோ² ஜ்ஞானவதாம் ப்ரபு⁴꞉ |
உபேக்ஷஸே கத²ம் ஸீதாம் பதந்தீம் ஹவ்யவாஹனே || 6-117-6
கத²ம் தே³வக³ணஷ்²ரேஷ்ட²மாத்மானம் நாவபு³த்³த்⁴யஸே |
ருததா⁴மா வஸு꞉ பூர்வம் வஸூனாம் ச ப்ரஜாபதி꞉ || 6-117-7
த்ரயாணாமபி லோகாநாமாதி³கர்தா ஸ்வயம் ப்ரபு⁴꞉ |
ருத்³ராணாமஷ்டமோ ருத்³ர꞉ ஸாத்⁴யாநாமபி பஞ்சம꞉ || 6-117-8
அஷ்²வினௌ சாபி கர்ணௌ தே ஸூர்யாசந்த்³ராமஸௌ த்³ருஷௌ² |
அந்தே சாதௌ³ ச லோகானாம் த்³ருஷ்²யஸே ச பரந்தப || 6-117-9
உபேக்ஷஸே ச வைதே³ஹீம் மானுஷ꞉ ப்ராக்ருதோ யதா² |
இத்யுக்தோ லோகபாலைஸ்தை꞉ ஸ்வாமீ லோகஸ்ய ராக⁴வ꞉ || 6-117-10
அப்³ரவித்த்ரித³ஷ²ஷ்²ரேஷ்டா²ன் ராமோ த⁴ர்மப்⁴ருதாம் வர꞉ |
ஆத்மானம் மானுஷம் மன்யே ராமம் த³ஷ²ரதா²த்மஜம் || 6-117-11
ஸோ(அ)ஹம் யஸ்ய யதஷ்²சாஹம் ப⁴க³வம்ஸ்தத்³ப்³ரவீது மே |
இதி ப்³ருவாணம் காகுத்த்²ஸம் ப்³ரஹ்மா ப்³ரஹ்மவிதா³ம் வர꞉ || 6-117-12
அப்³ரவீச்ச்²ருணு மே வாக்யம் ஸத்யம் ஸத்யபராக்ரம |
ப⁴வாந்நாராயணோ தே³வ꞉ ஶ்ரீமாம்ஷ்²சக்ராயுத⁴꞉ ப்ரபு⁴꞉ || 6-117-13
ஏகஷ்²ருங்கோ³ வராஹஸ்த்வம் பூ⁴தப⁴வ்யஸபத்னஜித் |
அக்ஷரம் ப்³ரஹ்ம ஸத்யம் ச மத்⁴யே சாந்தே ச ராக⁴வ || 6-117-14
லோகானாம் த்வம் பரோ த⁴ர்மோ விஷ்வக்ஸேனஷ்²சதுர்ப⁴ஜ꞉ |
ஷா²ர்ங்க³த⁴ன்வா ஹ்ருஷீகேஷ²꞉ புருஷ꞉ புருஷோத்தம꞉ || 6-117-15
அஜித꞉ க²ட்³க³த்⁴ருக்³விஷ்ணு꞉ க்ருஷ்ணஷ்²சைவ மஹாப³ல꞉ |
ஸேனாநீர்க்³ராமணீஷ்²ச த்வம் த்வம் பு³த்³தி⁴ ஸ்த்வம் க்ஷமா த³ம꞉ || 6-117-16
ப்ரப⁴வஷ்²சாப்யயஷ்²ச த்வமுபேந்த்³ரோ மது⁴ஸூத³ன꞉ |
இந்த்³ரகர்மா மஹேந்த்³ரஸ்த்வம் பத்³மநாபோ⁴ ரணாந்தக்ருத் || 6-117-17
ஷ²ரண்யம் ஷ²ரணம் ச த்வாமஹுர்தி³வ்யா மஹர்ஷய꞉ |
ஸஹஸ்ரஷ்²ருங்கோ³ வேதா³த்மா ஷ²தஷீ²ர்ஷோ மஹர்ஷப⁴꞉ || 6-117-18
த்வம் த்ரயாணாம் ஹி லோகாநாமாதி³கர்தா ஸ்வயம்ப்ரபு⁴꞉ |
ஸித்³தா⁴நாமபி ஸாத்⁴யாநாமாஷ்²ரயஷ்²சாஸி பூர்வஜ꞉ || 6-117-19
த்வம் யஜ்ஞ்ஸ்த்வம் வஷட்காரஸ்த்வமோங்கார꞉ பராத்பர꞉ || 6-117-20
ப்ரப⁴வம் நித⁴னம் வா தே நோ விது³꞉ கோ ப⁴வானிதி |
த்³ருஷ்²யஸே ஸர்வபூ⁴தேஷு கோ³ஷு ச ப்³ராஹ்மணேஷு ச || 6-117-21
தி³க்ஷு ஸர்வாஸு க³க³னே பர்வதேஷு நதீ³ஷு ச |
ஸஹஸ்ரசரண꞉ ஶ்ரீமான் ஷ²தஷீ²ர்ஷ꞉ ஸஹஸ்ரத்³ருக் || 6-117-22
த்வம் தா⁴ரயஸி பூ⁴தானி ப்ருதி²வீம் ச ஸபர்வதாம் |
அந்தே ப்ருதி²வ்யா꞉ ஸலிலே த்³ருஷ்²யஸே த்வம் மஹோரக³꞉ || 6-117-23
த்ரீன் லோகான் தா⁴ரயன் ராம தே³வக³ந்த⁴ர்வதா³னவான் |
அஹம் தே ஹ்ருத³யம் ராம ஜிஹ்வா தே³வீ ஸரஸ்வதீ || 6-117-24
தே³வா ரோமாணி கா³த்ரேஷு ப்³ரஹ்மணா நிர்மிதா꞉ ப்ரபோ⁴ |
நிமேஷஸ்தே ஸ்ம்ருதா ராத்ரிருன்மேஷோ தி³வஸஸ்ததா² || 6-117-25
ஸம்ஸ்காராஸ்த்வப⁴வன்வேதா³ நைதத³ஸ்தி த்வயா வினா |
ஜக³த்ஸர்வம் ஷ²ரீரம் தே ஸ்தை²ர்யம் தே வஸுதா⁴தலம் || 6-117-26
அக்³னி꞉ கோப꞉ ப்ரஸாத³ஸ்தே ஸோம꞉ ஶ்ரீவத்ஸலக்ஷண꞉ |
த்வயா லோகாஸ்த்ரய꞉ க்ராந்தா꞉ புரா ஸ்வைர்விக்ரமைஸ்த்ரிபி⁴꞉ || 6-117-27
மஹேந்த்³ரஷ்²ச க்ருதோ ராஜா ப³லிம் ப³த்³த்⁴வா ஸுதா³ருணம் |
ஸீதா லக்ஷ்மீர்ப⁴வான் விஷ்ணுர்தே³வ꞉ க்ருஷ்ண꞉ ப்ரஜாபதி꞉ || 6-117-28
வதா⁴ர்த²ம் ராவணஸ்யேஹ ப்ரவிஷ்டோ மானுஷீம் தனும் |
ததி³த³ம் நஸ்த்வயா கார்யம் க்ருதம் த⁴ர்மப்⁴ருதாம் வர || 6-117-29
நிஹதோ ராவணோ ராம ப்ரஹ்ருஷ்டோ தி³வமாக்ரம |
அமோக⁴ம் தே³வ வீர்யம் தே ந தே மோகா⁴꞉ பராக்ரமா꞉ || 6-117-30
அமோக⁴ம் த³ர்ஷ²னம் ராம அமோக⁴ஸ்தவ ஸம்ஸ்தவ꞉ |
அமோகா⁴ஸ்தே ப⁴விஷ்யந்தி ப⁴க்திமந்தோ நரா பு⁴வி || 6-117-31
யே த்வாம் தே³வம் த்⁴ருவம் ப⁴க்தா꞉ புராணம் புருஷோத்தமம் |
ப்ராப்னுவந்தி ஸதா³ காமானிஹ லோகே பாத்ர ச || 6-117-32
இமமார்ஷம் ஸ்தவம் தி³வ்யமிதிஹாஸம் புராதனம் || 6-117-33
யே நரா꞉ கீர்தயிஷ்யந்தி நாஸ்தி தேஷாம் பராப⁴வ꞉ | 6-117-34
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஸப்தத³ஷா²தி⁴கஷ்²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
