வால்மீகி ராமாயணே ஆதி³ காவ்யே யுத்³த⁴காண்டே³ பஞ்சத³ஷா²தி⁴கஷ²ததம꞉ ஸர்க³꞉
தாம் து பார்ஷ்²வே ஸ்தி²தாம் ப்ரஹ்வாம் ராம꞉ ஸம்ப்ரேக்ஷ்யே மைதி²லீம் |
ஹ்ருத³யாந்தர்க³தம் பா⁴வம் வ்யாஹர்துமுபசக்ரமே || 6-115-1
ஏஷாஸி நிர்ஜிதா ப⁴த்³ரே ஷ²த்ரும் ஜித்வா ரணாஜிரே |
பௌருஷாத்³யத³னுஷ்டே²யம் மயைதது³பபாதி³தம் || 6-115-2
க³தோ(அ)ஸ்ம்யந்தமமர்ஷஸ்ய த⁴ர்ஷணா ஸம்ப்ரமார்ஜிதா |
அவமானஷ்²ச ஷ²த்ரஷ்²ச யுக³பன்னிஹதௌ மயா || 6-115-3
அத்³ய மே பௌருஷம் த்³ருஷ்டமத்³ய மே ஸப²ல꞉ ஷ்²ரம꞉ |
அத்³ய தீர்ணப்ரதிஜ்ஞோ(அ)ஹம் ப்ரப⁴வாம்யத்³ய சாத்மன꞉ || 6-115-4
யா த்வம் விரஹிதா நீதா சலசித்தேன ரக்ஷஸா |
தை³வஸம்பாதி³தோ தோ³ஷோ மானுஷேண மயா ஜித꞉ || 6-115-5
ஸம்ப்ராப்தமவமானம் யஸ்தேஜஸா ந ப்ரமார்ஜதி |
கஸ்தஸ்ய பௌருஷேணார்தோ² மஹதாப்யல்பசேதஸ꞉ || 6-115-6
லங்கு⁴னம் ஸமுத்³ரஸ்ய லங்காயாஷ்²சாபி மர்த³னம் |
ஸப²லம் தஸ்ய ச ஷ்²லாக்⁴யமத்³ய கர்ம ஹனூமத꞉ || 6-115-7
யுத்³தே⁴ விக்ரமதஷ்²சைவ ஹிதம் மந்த்ரயதஸ்ததா² |
ஸுக்³ரீவஸ்ய ஸஸைன்யஸ்ய ஸப²லோ(அ)த்³ய பரிஷ்²ரம꞉ || 6-115-8
விபீ⁴ஷணஸ்ய ச ததா² ஸப²லோ(அ)த்³ய பரிஷ்²ரம꞉ |
விகு³ணம் ப்⁴ராதரம் த்வக்த்வா யோ மாம் ஸ்வயமுபஸ்தி²த꞉ || 6-115-9
இத்யேவம் வத³த꞉ ஷ்²ருத்வா ஸீதா ராமஸ்ய தத்³வச꞉ |
ம்ருகீ³வோத்பு²ல்லநயனா ப³பூ⁴வாஷ்²ருபரிப்லுதா || 6-115-10
பஷ்²யதஸ்தாம் து ராமஸ்ய ஸமீபே ஹ்ருத³யப்ரியாம் |
ஜனவாத³ப⁴யாத்³ராஜ்ஞோ ப³பூ⁴வ ஹ்ருத³யம் த்³விதா⁴ || 6-115-11
ஸீதாமுத்பலபத்ராக்ஷீம் நீலகுஞ்சிதமூர்த⁴ஜாம் |
அவத³த்³வை வராரோஹாம் மத்⁴யே வானரரக்ஷஸாம் || 6-115-12
யத்கர்தவ்யம் மனுஷ்யேண த⁴ர்ஷணாம் ப்ரதிமார்ஜதா |
தத்க்ருதம் ராவணம் ஹத்வா மயேத³ம் மானகாங்க்க்ஷிணா || 6-115-13
நிர்ஜிதா ஜீவலோகஸ்ய தபஸா பா⁴விதாத்மனா |
அக³ஸ்த்யேன து³ராத⁴ர்ஷா முனினா த³க்ஷிணேவ தி³க் || 6-115-14
விதி³தஷ்²சாஸ்து ப⁴த்³ரம் தே யோ(அ)யம் ரணபரிஷ்²ரம꞉ |
ஸுதீர்ண꞉ ஸுஹ்ருதா³ம் வீர்யான்ன த்வத³ர்த²ம் மயா க்ருத꞉ || 6-115-15
ரக்ஷதா து மயா வ்ருத்தமபவாத³ம் ச ஸர்வத꞉ |
ப்ரக்²யாதஸ்யாத்மவம்ஷ²ஸ்ய ந்யங்க³ம் ச பரிமார்ஜதா || 6-115-16
ப்ராப்தசாரித்ரஸந்தே³ஹ மம ப்ரதிமுகே² ஸ்தி²தா |
தீ³போ நேத்ராதுரஸ்யேவ ப்ரதிகூலாஸி மே த்³ருட⁴ம் || 6-115-17
தத்³க³ச்ச² த்வானுஜானே(அ)த்³ய யதே²ஷ்டம் ஜனகாத்மஜே |
ஏதா த³ஷ² தி³ஷோ² ப⁴த்³ரே கார்யமஸ்தி ந மே த்வயா || 6-115-18
க꞉ புமாம்ஸ்து குலே ஜாதஹ் ஸ்த்ரியம் பரக்³ருஹோஷிதாம் |
தேஜஸ்வீ புனராத³த்³யாத் ஸுஹ்ருல்லேக்²யேன சேதஸா || 6-115-19
ராவணாங்கபரிக்லிஷ்டாம் த்³ருஷ்டாம் து³ஷ்டேன சக்ஷுஷா |
கத²ம் த்வாம் புனராத³த்³யாம் குலம் வ்யபதி³ஷ²ன் மஹத் || 6-115-20
தத³ர்த²ம் நிர்ஜிதா மே த்வம் யஷ²꞉ ப்ரத்யாஹ்ருதம் மயா |
நாஸ்த்² மே த்வய்யபி⁴ஷ்வங்கோ³ யதே²ஷ்டம் க³ம்யதாமித꞉ || 6-115-21
தத³த்³ய வ்யாஹ்ருதம் ப⁴த்³ரே மயைதத் க்ருதபு³த்³தி⁴னா |
லக்ஷ்மணே வாத² ப⁴ரதே குரு பு³த்³தி⁴ம் யதா²ஸுக²ம் || 6-115-22
ஷ²த்ருக்⁴னே வாத² ஸுக்³ரீவே ராக்ஷஸே வா விபீ⁴ஷணே |
நிவேஷ²ய மன꞉ ஸீதே யதா² வா ஸுக²மாத்மன꞉ || 6-115-23
ந ஹி த்வாம் ராவணோ த்³ருஷ்ட்வோ தி³வ்யரூபாம் மனோரமாம் |
மர்ஷயேத சிரம் ஸீதே ஸ்வக்³ருஹே பர்யவஸ்தி²தாம் || 6-115-24
தத꞉ ப்ரியார்ஹஷ்²ரவணா தத³ப்ரியம் |
ப்ரியாது³பஷ்²ருத்ய சிரஸ்ய மைதி²லீ |
முமோச பா³ஷ்பம் ஸுப்⁴ருஷ²ம் ப்ரவேபிதா |
க³ஜேந்த்³ரஹஸ்தாபி⁴ஹதேவ வல்லரீ || 6-115-25
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ பஞ்சத³ஷா²தி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
