வால்மீகி ராமாயணே ஆதி³ காவ்யே யுத்³த⁴காண்டே³ த்ர்யஷீ²திதம꞉ ஸர்க³꞉
ராக⁴வஷ்²சாபி விபுலம் தம் ராக்ஷஸவனௌகஸாம் |
ஷ்²ருத்வா ஸங்க்³ராமநிர்கோ⁴ஷம் ஜாம்ப³வந்தமுவாச ஹ || 6-83-1
ஸௌம்ய நூனம் ஹனுமதா க்ருதம் கர்ம ஸுது³ஷ்கரம் |
ஷ்²ரூயதே ஹி யதா² பீ⁴ம꞉ ஸுமஹானாயுத⁴ஸ்வன꞉ || 6-83-2
தத்³க³ச்ச² குரு ஸாஹாய்யம் ஸ்வப³லேநாபி⁴ஸம்வ்ருத꞉ |
க்ஷிப்ரம்ருஷ்கபதே தஸ்ய கபிஷ்²ரேஷ்ட²ஸ்ய யுத்⁴யத꞉ || 6-83-3
ருக்ஷராஜஸ்ததே²த்யுக்த்வா ஸ்வேனானீகேன ஸம்வ்ருத꞉ |
ஆக³ச்ச²த்பஷ்²சிமத்³வாரம் ஹனூமான்யத்ர வானர꞉ || 6-83-4
அதா²யாந்தம் ஹனூமந்தம் த³த³ர்ஷ²ர்க்ஷபதி꞉ பதி² |
வானரை꞉ க்ருதஸங்க்³ராமை꞉ ஷ்²வஸத்³பி⁴ரபி⁴ஸம்வ்ருதம் || 6-83-5
த்³ருஷ்ட்வா பதி² ஹனூமாம்ஷ்²ச தத்³ருஷ்கப³லமுத்³யதம் |
நீலமேக⁴னிப⁴ம் பீ⁴மம் ஸம்நிவார்ய ந்யவர்தத || 6-83-6
ஸ தேன ஹரிஸைன்யேன ஸம்நிகர்ஷம் மஹாயஷா²꞉ |
ஷீ²க்⁴ரமாக³ம்ய ராமாய து³꞉கி²தோ வாக்யமப்³ரவீத் || 6-83-7
ஸமரே யுத்⁴யமானாநாமஸ்மாகம் ப்ரேக்ஷதாம் ச ஸ꞉ |
ஜகா⁴ன ருத³தீம் ஸீதாமிந்த்³ரஜித்³ராவணாத்மஜ꞉ || 6-83-8
உத்³ப்⁴ராந்தசித்தஸ்தாம் த்³ருஷ்ட்வா விஷண்ணோ(அ)ஹமரிந்த³ம |
தத³ஹம் ப⁴வதோ வ்ருத்தம் விஜ்ஞாபயிதுமாக³த꞉ || 6-83-9
தஸ்ய தத்³வசனம் ஷ்²ருத்வா ராக⁴வ꞉ ஷோ²கமூர்சி²த꞉ |
நிபபாத ததா³ பூ⁴மௌ சி²ன்னமூல இவ த்³ரும꞉ || 6-83-10
தம் பூ⁴மௌ தே³வஸங்காஷ²ம் பதிதம் த்³ருஷ்²ய ராக⁴வம் |
அபி⁴பேது꞉ ஸமுத்பத்ய ஸர்வத꞉ கபிஸத்தமா꞉ || 6-83-11
அஸிஞ்சன்ஸலிலைஷ்²சைனம் பத்³மோத்பலஸுக³ந்தி⁴பி⁴꞉ |
ப்ரத³ஹந்தமஸஹ்யம் ச ஸஹஸாக்³னிமிவோத்தி²தம் || 6-83-12
தம் லக்ஷ்மணோ(அ)த² பா³ஹுப்⁴யாம் பரிஷ்வஜ்ய ஸுது³꞉கி²த꞉ |
உவாச ராமமஸ்வஸ்த²ம் வாக்யம் ஹேத்வர்த²ஸம்ஹிதம் || 6-83-13
ஷு²பே⁴ வர்த்மனி திஷ்ட²ந்தம் த்வாமார்யவிஜிதேந்த்³ரியம் |
அனர்தே²ப்⁴யோ ந ஷ²க்னோதி த்ராதும் த⁴ர்மோ நிரர்த²க꞉ || 6-83-14
பூ⁴தானாம் ஸ்தா²வராணாம் ச ஜங்க³மானாம் ச த³ர்ஷ²னம் |
யதா²ஸ்தி ந ததா² த⁴ர்மஸ்தேன நாஸ்தீதி மே மதி꞉ || 6-83-15
யதை²வ ஸ்தா²வரம் வ்யக்தம் ஜங்க³மம் ச ததா²வித⁴ம் |
நாயமர்த²ஸ்ததா² யுக்தஸ்த்வத்³விதோ⁴ ந விபத்³யதே || 6-83-16
யத்³யத⁴ர்மோ ப⁴வேத்³பூ⁴தோ ராவணோ நரகம் வ்ரஜேத் |
ப⁴வாம்ஷ்²ச த⁴ர்மஸம்யுக்தோ நைவம் வ்யஸனமாப்னுயாத் || 6-83-17
தஸ்ய ச வ்யஸநாபா⁴வாத்³வ்யஸனம் ச க³தே த்வயி |
த⁴ர்மேணோபலபே⁴த்³த⁴ர்மமத⁴ர்மம் சாப்யத⁴ர்மத꞉ || 6-83-18
த⁴ர்மேணோபலபே⁴த்³த⁴ர்மமத⁴ர்மம் சாப்யத⁴ர்மத꞉ |
யதி³ த⁴ர்மேண யுஜ்யேரன்னாத⁴ர்ம꞉ ப்ரதிஷ்ட²த꞉ || 6-86-19
ந த⁴ர்மேண வியுஜ்யேரன்னத⁴ர்மருசயோ ஜனா꞉ |
த⁴ர்மேண சரதாம் த⁴ர்மஸ்ததா² சைஷாம் ப²லம் ப⁴வேத் || 6-83-20
யஸ்மாத³ர்தா² விவர்த⁴ந்தே யேஷ்வத⁴ர்ம꞉ ப்ரதிஷ்டி²த꞉ |
க்லிஷ்²யந்தே த⁴ர்மஷீ²லாஷ்²ச தஸ்மாதே³தௌ நிரர்த²கௌ || 6-83-21
வத்⁴யந்தே பாபகர்மாணோ யத்³யத⁴ர்மேண ராக⁴வ |
வத⁴கர்மஹதோ த⁴ர்ம꞉ ஸ ஹத꞉ கம் வதி⁴ஷ்யதி || 6-83-22
அத² வா விஹிதேனாயம் ஹன்யதே ஹந்தி வா பரம் |
விதி⁴ராளிப்யதே தேன ந ஸ பாபேன கர்மணா || 6-83-23
அத்³ருஷ்டப்ரதிகாரேண அவ்யக்தேனாஸதா ஸதா |
கத²ம் ஷ²க்யம் பரம் ப்ராப்தும் த⁴ர்மேணாரிவிகர்ஷ²ன || 6-83-24
யதி³ ஸத்ஸ்யாத்ஸதாம் முக்²ய நாஸத்ஸ்யாத்தவ கிம் சன |
த்வயா யதீ³த்³ருஷ²ம் ப்ராப்தம் தஸ்மாத்ஸன்னோபபத்³யதே || 6-83-25
அத² வா து³ர்ப³ல꞉ க்லீபோ³ ப³லம் த⁴ர்மோ(அ)னுவர்ததே |
து³ர்ப³லோ ஹ்ருதமர்யாதோ³ ந ஸேவ்ய இதி மே மதி꞉ || 6-83-26
ப³லஸ்ய யதி³ சேத்³த⁴ர்மோ கு³ணபூ⁴த꞉ பராக்ரமே |
த⁴ர்மமுத்ஸ்ருஜ்ய வர்தஸ்வ யதா² த⁴ர்மே ததா² ப³லே || 6-83-27
அத² சேத்ஸத்யவசனம் த⁴ர்ம꞉ கில பரந்தப |
அந்ருதஸ்த்வய்யகருண꞉ கிம் ந ப³த்³த⁴ஸ்த்வயா பிதா || 6-83-28
யதி³ த⁴ர்மோ ப⁴வேத்³பூ⁴த அத⁴ர்மோ வா பரந்தப |
ந ஸ்ம ஹத்வா முனிம் வஜ்ரீ குர்யாதி³ஜ்யாம் ஷ²தக்ரது꞉ || 6-83-29
அத⁴ர்மஸம்ஷ்²ரிதோ த⁴ர்மோ விநாஷ²யதி ராக⁴வ |
ஸர்வமேதத்³யதா²காமம் காகுத்ஸ்த² குருதே நர꞉ || 6-83-30
மம சேத³ம் மதம் தாத த⁴ர்மோ(அ)யமிதி ராக⁴வ |
த⁴ர்மமூலம் த்வயா சி²ன்னம் ராஜ்யமுத்ஸ்ருஜதா ததா³ || 6-83-31
அர்தே²ப்⁴யோ ஹி விவ்ருத்³தே⁴ப்⁴ய꞉ ஸம்வ்ருத்³தே⁴ப்⁴யஸ்ததஸ்தத꞉ |
க்ரியா꞉ ஸர்வா꞉ ப்ரவர்தந்தே பர்வதேப்⁴ய இவாபகா³꞉ || 6-83-32
அர்தே²ன ஹி வியுக்தஸ்ய புருஷஸ்யாள்பதேஜஸ꞉ |
வ்யுச்சி²த்³யந்தே க்ரியா꞉ ஸர்வா க்³ரீஷ்மே குஸரிதோ யதா² || 6-83-33
ஸோ(அ)யமர்த²ம் பரித்யஜ்ய ஸுக²காம꞉ ஸுகை²தி⁴த꞉ |
பாபமாரப⁴தே கர்தும் ததா² தோ³ஷ꞉ ப்ரவர்ததே || 6-83-34
யஸ்யார்தா²ஸ்தஸ்ய மித்ராணி யஸ்யார்தா²ஸ்தஸ்ய பா³ந்த⁴வ꞉ |
யஸ்யார்தா²꞉ ஸ புமாம்ல்லோகே யஸ்யார்தா²꞉ ஸ ச பண்டி³த꞉ || 6-83-35
யஸ்யார்தா²꞉ ஸ ச விக்ராந்தோ யஸ்யார்தா²꞉ ஸ ச பு³த்³தி⁴மான் |
யஸ்யார்தா²꞉ ஸ மஹாபா⁴கோ³ யஸ்யார்தா²꞉ ஸ மஹாகு³ண꞉ || 6-83-36
அர்த²ஸ்யைதே பரித்யாகே³ தோ³ஷா꞉ ப்ரவ்யாஹ்ருதா மயா |
ராஜ்யமுத்ஸ்ருஜதா வீர யேன பு³த்³தி⁴ஸ்த்வயா க்ருதா || 6-83-37
யஸ்யார்தா² த⁴ர்மகாமார்தா²ஸ்தஸ்ய ஸர்வம் ப்ரத³க்ஷிணம் |
அத⁴னேனார்த²காமேன நார்த²꞉ ஷ²க்யோ விசின்வதா || 6-83-38
ஹர்ஷ꞉ காமஷ்²ச த³ர்பஷ்²ச த⁴ர்ம꞉ க்ரோத⁴꞉ ஷ²மோ த³ம꞉ |
அர்தா²தே³தானி ஸர்வாணி ப்ரவர்தந்தே நராதி⁴ப || 6-83-39
யேஷாம் நஷ்²யத்யயம் லோகஷ்²சரதாம் த⁴ர்மசாரிணாம் |
தே(அ)ர்தா²ஸ்த்வயி ந த்³ருஷ்²யந்தே து³ர்தி³னேஷு யதா² க்³ரஹா꞉ || 6-83-40
த்வயி ப்ரவ்ரஜிதே வீர கு³ரோஷ்² ச வசனே ஸ்தி²தே |
ரக்ஷஸாபஹ்ருதா பா⁴ர்யா ப்ராணை꞉ ப்ரியதரா தவ || 6-83-41
தத³த்³ய விபுலம் வீர து³꞉க²மிந்த்³ரஜிதா க்ருதம் |
கர்மணா வ்யபனேஷ்யாமி தஸ்மாது³த்திஷ்ட² ராக⁴வ || 6-83-42
உத்திஷ்ட² நரஷா²ர்தூ³ள தீ³ர்க⁴பா³ஹோ த்⁴ருதவ்ரத |
கிமாத்மானம் மஹாத்மானம் க்ருதாத்மானம் ந பு³த்⁴யஸே || 6-83-43
அயமனக⁴ தவோதி³த꞉ ப்ரியார்த²ம் |
ஜனகஸுதா நித⁴னம் நிரீக்ஷ்ய ருஷ்ட꞉ |
ஸஹயக³ஜரதா²ம் ஸராக்ஷஸேந்த்³ராம் |
ப்⁴ருஷ²மிஷுபி⁴ர்வினிபாதயாமி லங்காம் || 6-83-44
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ர்யஷீ²திதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
