வால்மீகி ராமாயணே ஆதி³ காவ்யே யுத்³த⁴காண்டே³ ஸப்தஸப்ததிதம꞉ ஸர்க³꞉
நிகும்போ⁴ ப்⁴ராதரம் த்³ருஷ்ட்வா ஸுக்³ரீவேண நிபாதிதம் |
ப்ரத³ஹன்னிவ கோபேன வானரேந்த்³ரமுதை³க்ஷத || 6-77-1
தத꞉ ஸ்ரக்³தா³மஸம்நத்³த⁴ம் த³த்தபஞ்சாங்கு³ளம் ஷு²ப⁴ம் |
ஆத³தே³ பரிக⁴ம் தீ⁴ரோ மஹேந்த்³ரஷி²க²ரோபமம் || 6-77-2
ஹேமபட்டபரிக்ஷிப்தம் வஜ்ரவித்³ருமபூ⁴ஷிதம் |
யமத³ண்டோ³பமம் பீ⁴மம் ரக்ஷஸாம் ப⁴யநாஷ²னம் || 6-77-3
தமாவித்⁴ய மஹாதேஜா꞉ ஷ²க்ரத்⁴வஜஸமௌஜஸம் |
நினநாத³ விவ்ருத்தாஸ்யோ நிகும்போ⁴ பீ⁴மவிக்ரம꞉ || 6-77-4
உரோக³தேன நிஷ்கேண பு⁴ஜஸ்தை²ரங்க³தை³ரபி |
குண்ட³லாப்⁴யாம் ச சித்ராப்⁴யாம் மாலயா ச ஸ சித்ரயா || 6-77-5
நிகும்போ⁴ பூ⁴ஷணைர்பா⁴தி தேன ஸ்ம பரிகே⁴ண ச |
யதே²ந்த்³ரத⁴னுஷா மேக⁴꞉ ஸ வித்³யுத்ஸ்தனயித்னுமான் || 6-77-6
பரிகா⁴க்³ரேண புஸ்போ²ட வாதக்³ரந்தி²ர்மஹாத்மன꞉ |
ப்ரஜஜ்வால ஸகோ⁴ஷஷ்²ச விதூ⁴ம இவ பாவக꞉ || 6-77-7
நக³ர்யா விடபாவத்யா க³ந்த⁴ர்வப⁴வனோத்தமை꞉ |
ஸதாராக்³ரஹநக்ஷத்ரம் ஸசந்த்³ரம் ஸமஹாக்³ரஹம் || 6-77-8
நிகும்ப⁴பரிகா⁴கூ⁴ர்ணம் ப்⁴ரமதீவ நப⁴꞉ஸ்த²லம் |
து³ராஸத³ஷ்²ச ஸஞ்ஜஜ்ஞே பரிகா⁴ப⁴ரணப்ரப⁴꞉ || 6-77-9
க்ரோதே⁴ந்த⁴னோ நிகும்பா⁴க்³நிர்யுகா³ந்தாக்³நிரிவோத்தி²த꞉ |
ராக்ஷஸா வானராஷ்²சாபி ந ஷே²கு꞉ ஸ்பந்தி³தும் ப⁴யாத் || 6-77-10
ஹனுமாம்ஸ்து விவ்ருத்யோரஸ்தஸ்தௌ² ப்ரமுக²தோ ப³லீ |
பரிகோ⁴பமபா³ஹுஸ்து பரிக⁴ம் பா⁴ஸ்கரப்ரப⁴ம் || 6-77-11
ப³லீ ப³லவதஸ்தஸ்ய பாதயாமாஸ வக்ஷஸி |
ஸ்தி²ரே தஸ்யோரஸி வ்யூடே⁴ பரிக⁴꞉ ஷ²ததா⁴ க்ருத꞉ || 6-77-12
விகீர்யமாண꞉ ஸஹஸா உல்காஷ²தமிவாம்ப³ரே |
ஸ து தேன ப்ரஹாரேண விசசால மஹாகபி꞉ || 6-77-13
பரிகே⁴ண ஸமாதூ⁴தோ யதா² பூ⁴மிசலே(அ)சல꞉ |
ஸ ததா²பி⁴ஹதஸ்தேன ஹனுமான் பவகோ³த்தம꞉ || 6-77-14
முஷ்டிம் ஸம்வர்தயாமாஸ ப³லேனாதிமஹாப³ல꞉ |
தமுத்³யம்ய மஹாதேஜா நிகும்போ⁴ரஸி வீர்யவான் || 6-77-15
அபி⁴சிக்ஷேப வேகே³ன வேக³வான் வாயுவிக்ரம꞉ |
தத்ர புஸ்போ²ட வர்மாஸ்ய ப்ரஸுஸ்ராவ ச ஷோ²ணிதம் |
முஷ்டினா தேன ஸஞ்ஜஜ்ஞே மேகே⁴ வித்³யுதி³வோத்தி²தா || 6-77-16
ஸ து தேன ப்ரஹாரேண நிகும்போ⁴ விசசால ஹ |
ஸ்வஸ்த²ஷ்²சாபி நிஜக்³ராஹ ஹனூமந்தம் மஹாப³லம் || 6-77-17
சுக்ருஷு²ஷ்²ச ததா³ ஸங்க்²யே பீ⁴மம் லங்காநிவாஸின꞉ |
நிகும்பே⁴னோத்³யதம் த்³ருஷ்ட்வா ஹனூமந்தம் மஹாப³லம் || 6-77-18
ஸ ததா² ஹ்ரியமாணோ(அ)பி ஹனுமாம்ஸ்தேன ரக்ஷஸா |
ஆஜகா⁴னானிலஸுதோ வஜ்ரகல்பேன முஷ்டினா || 6-77-19
ஆத்மானம் மோக்ஷயித்வாத² க்ஷிதாவப்⁴யவபத்³யத |
ஹனூமானுன்மமாதா²ஷு² நிகும்ப⁴ம் மாருதாத்மஜ꞉ || 6-77-20
நிக்ஷிப்ய பரமாயத்தோ நிகும்ப⁴ம் நிஷ்பிபேஷ ச |
உத்பத்ய சாஸ்ய வேகே³ன பபாதோரஸி வேக³வான் || 6-77-21
பரிக்³ருஹ்ய ச பா³ஹுப்⁴யாம் பரிவ்ருத்ய ஷி²ரோத⁴ராம் |
உத்Pஆடயாமாஸ ஷி²ரோ பை⁴ரவம் நத³தோ மஹத் || 6-77-22
அத² நினத³தி ஸாதி³தே நிகும்பே⁴ |
பவனஸுதேன ரணே ப³பூ⁴வ யுத்³த⁴ம் |
த³ஷ²ரத²ஸுதராக்ஷஸேந்த்³ரஸூன்வோ |
ர்ப்⁴ருஷ²தரமாக³தரோஷயோ꞉ ஸுபீ⁴மம் || 6-77-23
வ்யபேதே து ஜீவே நிகும்ப⁴ஸ்ய ஹ்ருஷ்டா |
வினேது³꞉ ப்லவங்கா³ தி³ஷ²꞉ ஸஸ்வனுஷ்²ச |
சசாலேவ சோர்வீ பபாதேவ ஸா த்³வௌ |
ர்ப³லம் ராக்ஷஸானாம் ப⁴யம் சாவிவேஷ² || 6-77-24
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஸப்தஸப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
