வால்மீகி ராமாயணே ஆதி³ காவ்யே யுத்³த⁴காண்டே³ த்ரிஸப்ததிதம꞉ ஸர்க³꞉
ததோ ஹதான்ராக்ஷஸபுங்க³வாம்ஸ்தான் |
தே³வாந்தகாதி³த்ரிஷி²ரோ(அ)திகாயான் |
ரக்ஷோக³ணாஸ்தத்ர ஹதாவஷி²ஷ்டாஸ் |
தே ராவணாய த்வரிதம் ஷ²ஷ²ம்ஸு꞉ || 6-73-1
ததோ ஹதாம்ஸ்தான்ஸஹஸா நிஷ²ம்ய |
ராஜா முமோஹாஷ்²ருபரிப்லுதாக்ஷ꞉|
புத்ரக்ஷயம் ப்⁴ராத்ருவத⁴ம் ச கோ⁴ரம் |
விசிந்த்ய ராஜா விபுலம் ப்ரத³த்⁴யௌ || 6-73-2
ததஸ்து ராஜானமுதீ³க்ஷ்ய தீ³னம் |
ஷோ²கார்ணவே ஸம்பரிபுப்லுவானம்|
அத²ர்ஷபோ⁴ ராக்ஷஸராஜஸூனுர் |
அதே²ந்த்³ரஜித்³வாக்யமித³ம் ப³பா⁴ஷே || 6-73-3
ந தாத மோஹம் ப்ரதிக³ந்துமர்ஹஸி |
யத்ரேந்த்³ரஜிஜ்ஜீவதி ராக்ஷஸேந்த்³ர|
நேந்த்³ராரிபா³ணாபி⁴ஹதோ ஹி கஷ்² சித் |
ப்ராணான்ஸமர்த²꞉ ஸமரே(அ)பி⁴த⁴ர்தும் || 6-73-4
பஷ்²யாத்³ய ராமம் ஸஹலக்ஷ்மணேன |
மத்³பா³ணநிர்பி⁴ன்னவிகீர்ணதே³ஹம்|
க³தாயுஷம் பூ⁴மிதலே ஷ²யானம் |
ஷ²ரை꞉ ஷி²தைராசிதஸர்வகா³த்ரம் || 6-73-5
இமாம் ப்ரதிஜ்ஞாம் ஷ்²ருணு ஷ²க்ரஷ²த்ரோ꞉ |
ஸுநிஷ்²சிதாம் பௌருஷதை³வயுக்தாம்|
அத்³யைவ ராமம் ஸஹலக்ஷ்மணேன |
ஸந்தாபயிஷ்யாமி ஷ²ரைரமோகை⁴꞉ || 6-73-6
அத்³யேந்த்³ரவைவஸ்வதவிஷ்ணுமித்ர |
ஸாத்⁴யாஷ்²விவைஷ்²வானரசந்த்³ரஸூர்யா꞉|
த்³ரக்ஷ்யந்தி மே விக்ரமமப்ரமேயம் |
விஷ்ணோரிவோக்³ரம் ப³லியஜ்ஞவாடே || 6-73-7
ஸ ஏவமுக்த்வா த்ரித³ஷே²ந்த்³ரஷ²த்ருர் |
ஆப்ருச்ச்²ய ராஜானமதீ³னஸத்த்வ꞉ |
ஸமாருரோஹானிலதுல்யவேக³ம் |
ரத²ம் க²ரஷ்²ரேஷ்ட²ஸமாதி⁴யுக்தம் || 6-73-8
ஸமாஸ்தா²ய மஹாதேஜா ரத²ம் ஹரிரதோ²பமம்|
ஜகா³ம ஸஹஸா தத்ர யத்ர யுத்³த⁴மரிந்த³ம || 6-73-9
தம் ப்ரஸ்தி²தம் மஹாத்மானமனுஜக்³முர்மஹாப³லா꞉|
ஸம்ஹர்ஷமாணா ப³ஹவோ த⁴னு꞉ப்ரவரபாணய꞉ || 6-73-10
க³ஜஸ்கந்த⁴க³தா꞉ கே சித்கே சித்பரமவாஜிபி⁴꞉|
வ்யாக்⁴ரவ்ருஷ்²சிகமார்ஜாரக²ரோஷ்ட்ட்ரைஷ்²ச பு⁴ஜம்க³மை꞉ || 6-73-11
வராஹை꞉ ஷ்²வாபதை³꞉ ஸிம்ஹைர்ஜம்பு³கை꞉ பர்வதோபமை꞉ |
காகஹம்ஸமயூரைஷ்²ச ராக்ஷஸா பீ⁴மவிக்ரமா꞉ || 6-73-12
ப்ராஸமுத்³க³ரநிஸ்த்ரிம்ஷ² பரஷ்²வத⁴க³தா³த⁴ரா꞉ |
பு⁴ஷு²ண்டி³முத்³க³ராயஷ்டிஷ²தக்³னீபரிகா⁴யுதா⁴꞉ || 6-73-13
ஸ ஷ²ங்க²னினதை³ர்பீ⁴மைர்பே⁴ரீணாம் ச மஹாஸ்வனை꞉|
ஜகா³ம த்ரித³ஷே²ந்த்³ராரி꞉ ஸ்தூயமானோ நிஷா²சரை꞉ || 6-73-14
ஸ ஷ²ங்க²ஷ²ஷி²வர்ணேன ச²த்ரேண ரிபுஸாத³ன꞉|
ரராஜ பரிபூர்ணேன நப⁴ஷ்²சந்த்³ரமஸா யதா² || 6-73-15
அவீஜ்யத ததோ வீரோ ஹைமைர்ஹேமவிபூ⁴ஷிதை꞉|
சாருசாமரமுக்²யைஷ்²ச முக்²ய꞉ ஸர்வத⁴னுஷ்மதாம் || 6-73-16
ஸ து த்³ருஷ்ட்வா விநிர்யாந்தம் ப³லேன மஹதா வ்ருதம் |
ராக்ஷஸாதி⁴பதி꞉ ஶ்ரீமான் ராவண꞉ புத்ரமப்³ரவீத் || 6-73-17
த்வமப்ரதிரத²꞉ புத்ர த்வயா வை வாஸவோ ஜித꞉ |
கிம்புனர்மானுஷம் த்⁴ருஷ்யம் நிஹநிஷ்யஸி ராக⁴வம் || 6-73-18
ததோ²க்தோ ராக்ஷஸேந்த்³ரேண ப்ரத்யக்³ருஹ்ணான்மஹாஷ்²ஷ꞉ |
ததஸ்த்விந்த்³ரஜிதா லங்கா ஸூர்யப்ரதிமதேஜஸா || 6-73-19
ரராஜாப்ரதிவீர்யேண த்³யௌரிவார்கேண பா⁴ஸ்வதா |
ஸ ஸம்ப்ராப்ய மஹாதேஜா யுத்³த⁴பூ⁴மிமரிந்த³ம꞉ || 6-73- 20
ஸ்தா²பயாமாஸ ரக்ஷாம்ஸி ரத²ம் ப்ரதி ஸமந்தத꞉ |
ததஸ்து ஹுதபோ⁴க்தாரம் ஹுதபு⁴க்ஸத்³ருஷ²ப்ரப⁴꞉ || 6-73- 21
ஜுஹுவே ராக்ஷஸஷ்²ரேஷ்டோ² மந்த்ரவத்³விதி⁴வத்ததா³ |
ஸ ஹவிர்ஜாலஸம்ஸ்காரைர்மால்யக³ந்த⁴புரஸ்க்ருதை꞉ || 6-73-22
ஜுஹுவே பாவகம் தத்ர ராக்ஷஸேந்த்³ர꞉ ப்ரதாபவான் |
ஷ²ஸ்த்ராணி ஷ²ரபத்ராணி ஸமிதோ⁴(அ)த² விபீ⁴தக꞉ || 6-73-23
லோஹிதானி ச வாஸாம்ஸி ஸ்ருவம் கார்ஷ்ணாயஸம் ததா² |
ஸ தத்ராக்³னிம் ஸமாஸ்தீர்ய ஷ²ரபத்ரை꞉ ஸதோமரை꞉ || 6-73-24
சா²க³ஸ்ய ஸர்வக்ருஷ்ணஸ்ய க³ளம் ஜக்³ராஹ ஜீவத꞉ |
ஸக்ருதே³வ ஸமித்³த⁴ஸ்ய விதூ⁴மஸ்ய மஹார்சிஷ꞉ || 6-73-25
ப³பூ⁴வுஸ்தானி லிங்கா³னி விஜயம் யான்யத³ர்ஷ²யன் |
ப்ரத³க்ஷிணாவர்தஷி²க²ஸ்தப்தகாஞ்சனஸம்நிப⁴꞉ || 6-73-26
ஹவிஸ்தத்ப்ரதிஜக்³ராஹ பாவக꞉ ஸ்வயமுத்தி²த꞉ |
ஸோ(அ)ஸ்த்ரமாஹாரயாமாஸ ப்³ராஹ்மமஸ்த்ரவிதா³ம் வர꞉ || 6-73-27
த⁴னுஷ்²சாத்மரத²ம் சைவ ஸர்வம் தத்ராப்⁴யமந்த்ரயத் |
தஸ்மின்னாஹூயமானே(அ)ஸ்த்ரே ஹூயமானே ச பாவகே || 6-73-28
ஸார்கக்³ரஹேந்து³ நக்ஷத்ரம் விதத்ராஸ நப⁴ஸ்தலம் |
ஸ பாவகம் பாவகதீ³ப்ததேஜா |
ஹுத்வா மஹேந்த்³ரப்ரதிமப்ரபா⁴வ꞉|
ஸ சாபபா³ணாஸிரதா²ஷ்²வஸூத꞉ |
கே²(அ)ந்தர்த³த⁴ ஆத்மானமசிந்த்யரூப꞉ || 6-73-29
ததோ ஹயரதா²கீர்ணம் பதாகாத்⁴வஜஷோ²பி⁴தம் |
நிர்யயௌ ராக்ஷஸப³லம் நர்த³மானம் யுயுத்ஸயா || 6-73-30
தே ஷ²ரைர்ப³ஹுபி⁴ஷ்²சித்ரைஸ்தீக்ஷணவேகை³ரளங்க்ருதை꞉ |
தோமரைரங்குஷ²ஷ்²சாபி வானரான் ஜக்⁴னுராஹவே || 6-73-31
ராவணிஸ்து ஸுஸம்க்ருத்³த⁴ஸ்தாந்நிரீக்ஷ்ய நிஷா²சரான் |
ஹ்ருஷ்டா ப⁴வந்தோ யுத்⁴யந்து வானராணாம் ஜிகா⁴ம்ஸயா || 6-73-32
ததஸ்தே ராக்ஷஸா꞉ ஸர்வே க³ர்ஜந்தோ ஜயகாஙிக்ஷிண꞉ |
அப்⁴யவர்ஷம்ஸ்ததோ கோ⁴ரம் வானரான் ஷ²ரவ்ருஷ்டிபி⁴꞉ || 6-73-33
ஸ து நாலீகனாராசைர்க³தா³பி⁴ர்முஸலைரபி |
ரக்ஷோபி⁴꞉ ஸம்வ்ருத꞉ ஸங்க்²யே வானரான் விசகர்த ஹ || 6-73-34
தே வத்⁴யமானா꞉ ஸமரே வானரா꞉ பாத³பாயுதா⁴꞉ |
அப்⁴யவர்ஷந்த ஸஹஸா ராவணிம் ஷை²லபாத³பை꞉ || 6-73-35
இந்த்³ரஜித்து ததா³ க்ருத்³தோ⁴ மஹாதேஜா மஹாப³ல꞉ |
வானராணாம் ஷ²ரீராணி வ்ய்த⁴மத்³ராவணாத்மஜ꞉ || 6-73-36
ஷ²ரேணைகேன ச ஹரீன்னவ பஞ்ச ச ஸப்த ச |
பி³பே⁴த³ ஸமரே க்ருத்³தோ⁴ ராக்ஷஸான் ஸம்ப்ரஹர்ஷயன் || 6-73-37
ஸ ஷ²ரை꞉ ஸூர்யஸம்காஷை²꞉ ஷா²தகும்ப⁴விபூ⁴ஷணை꞉ |
வானரான் ஸமரே வீர꞉ ப்ரமமாத² ஸுது³ர்ஜய꞉ || 6-73-38
தே பி⁴ன்னகா³த்ரா꞉ ஸமரே வானரா꞉ ஷ²ரபீடி³தா꞉ |
பேதுர்மதி²தஸங்கல்பா꞉ ஸுரைரிவ மஹாஸுரா꞉ || 6-73-39
தே தபந்தமிவாதி³த்யம் கோ⁴ரை ர்பா³ணக³ப⁴ஸ்திபி⁴꞉ |
அப்⁴யாதா⁴வந்த ஸம்க்ருத்³தா⁴꞉ ஸம்யுகே³ வானரர்ஷபா⁴꞉ || 6-73-40
ததஸ்து வானரா꞉ ஸர்வே பி⁴ன்னதே³ஹா விசேதஸ꞉ |
வ்யதி²தா வித்³ரவந்தி ஸ்ம ருதி⁴ரேண ஸமுக்ஷிதா꞉ || 6-73-41
தாமஸ்யார்தே² பராக்ரம்ய வானராஸ்த்யக்தஜீவிதா꞉ |
நர்த³ந்தஸ்தே(அ)நிவ்ருத்தாஸ்து ஸமரே ஸஷி²லாயுதா⁴꞉ || 6-73-42
தே த்³ருமை꞉ பர்வதாக்³ரைஷ்²ச ஷி²லாபி⁴ஷ்²ச ப்லவங்க³மா꞉ |
அப்⁴யவர்ஷந்த ஸமரே ராவணிம் ஸமவஸ்தி²தா꞉ || 6-73-43
தம் த்³ருமாணாம் ஷி²லானாம் ச வர்ஷம் ப்ராணஹரம் மஹத் |
வ்யபோஹத மஹாதேஜா ராவணி꞉ ஸமிதிஞ்ஜய꞉ || 6-73-44
தத꞉ பாவகஸங்காஷை²꞉ ஷ²ரைராஷீ²விஷோபமை꞉ |
வானராணாமனீகானி பி³பே⁴த³ ஸமரே ப்ரபு⁴꞉ || 6-73-45
அஷ்டாத³ஷ²ஷ²ரைஸ்தீக்ஷணை꞉ ஸ வித்³த்⁴வா க³ந்த⁴மாத³னம் |
விவ்யாத⁴ நவபி⁴ஷ்²சைவ ளம் தூ³ராத³வஸ்தி²தம் || 6-73-46
ஸப்தபி⁴ஸ்து மஹாவீர்யோ மைந்த³ம் மர்மவிதா³ரணை꞉ |
பஞ்சபி⁴ர்விஷி²கை²ஷ்²சைவ க³ஜம் விவ்யாத⁴ ஸம்யுகே³ || 6-73-47
ஜாம்ப³வந்தம் து த³ஷ²பி⁴ர்நீலம் த்ரிம்ஷ²த்³பி⁴ரேவ ச |
ஸுக்³ரீவம்ருஷப⁴ம் சைவ ஸோ(அ)ங்க³த³ம் த்³விவித³ம் ததா² || 6-73-48
கோ⁴ரைர்த³த்தவரைஸ்தீக்ஷணைர்நிஷ்ப்ரானகரோத்ததா³ |
அன்யானபி ததா³ முக்²யான்வானரான் ப³ஹுபி⁴꞉ ஷ²ரை꞉ || 6-73-49
அர்த³யாமாஸ ஸம்க்ருத்³த⁴꞉ காலாக்³நிரிவ மூர்சித꞉ |
ஸ ஷ²ரை꞉ ஸூர்யஸம்காஷை²꞉ ஸுமுகை²꞉ ஷீ²க்³ரகா³மிபி⁴꞉ || 6-73-50
வானராணாமனீகானி நிர்மமந்த² மஹாரணே |
ஆகுலாம் வானரீம் ஸேனாம் ஷ²ரஜாலேன பீடி³தாம் || 6-73-51
ஹ்ருஷ்ட꞉ ஸ பரயா ப்ரீத்யா த³த³ர்ஷ² க்ஷதஜோக்ஷிதாம் |
புனரேவ மஹாதேஜா ராக்ஷஸேந்த்³ராத்மஜோ ப³லீ || 6-73-52
ஸம்ஸ்ருஜ்ய பா³ணவர்ஷம் ச ஷ²ஸ்த்ரவர்ஷம் ச தா³ருணம் |
மமர்த³ வானரானீகம் பரிதஸ்த்விந்த்³ரஜித்³ப³லீ || 6-73-53
ஸ ஸைன்யமுத்ஸ்ருஜ்ய ஸமேத்ய தூர்ணம் |
மஹாரணே வானரவாஹினீஷு|
அத்³ருஷ்²யமான꞉ ஷ²ரஜாலமுக்³ரம் |
வவர்ஷ நீலாம்பு³த⁴ரோ யதா²ம்பு³ || 6-73-54
தே ஷ²க்ரஜித்³பா³ணவிஷீ²ர்ணதே³ஹா |
மாயாஹதா விஸ்வரமுன்னத³ந்த꞉|
ரணே நிபேதுர்ஹரயோ(அ)த்³ரிகல்பா |
யதே²ந்த்³ரவஜ்ராபி⁴ஹதா நகே³ந்த்³ரா꞉ || 6-73-55
தே கேவலம் ஸந்த³த்³ருஷு²꞉ ஷி²தாக்³ரான் |
பா³ணான்ரணே வானரவாஹினீஷு|
மாயா நிகூ³ட⁴ம் ச ஸுரேந்த்³ரஷ²த்ரும் |
ந சாத்ர தம் ராக்ஷஸமப்⁴யபஷ்²யன் || 6-73- 56
தத꞉ ஸ ரக்ஷோ(அ)தி⁴பதிர்மஹாத்மா |
ஸர்வா தி³ஷோ² பா³ணக³ணை꞉ ஷி²தாக்³ரை꞉|
ப்ரச்சா²த³யாமாஸ ரவிப்ரகாஷை²ர் |
விஷாத³யாமாஸ ச வானரேந்த்³ரான் || 6-73-57
ஸ ஷூ²லநிஸ்த்ரிம்ஷ² பரஷ்²வதா⁴னி |
வ்யாவித்⁴ய தீ³ப்தானலஸம்நிபா⁴னி|
ஸவிஸ்பு²லிங்கோ³ஜ்ஜ்வலபாவகானி |
வவர்ஷ தீவ்ரம் ப்லவகே³ந்த்³ரஸைன்யே || 6-73-58
ததோ ஜ்வலனஸங்காஷை²꞉ ஷி²தைர்வானரயூத²பா꞉|
தாடி³தா꞉ ஷ²க்ரஜித்³பா³ணை꞉ ப்ரபு²ல்லா இவ கிம்ஷு²கா꞉ || 6-73-59
தே(அ)ன்யோன்யமபி⁴ஸர்பந்தோ நினத³ந்தஷ்² ச விஸ்வரம்|
ராக்ஷஸேந்த்³ராஸ்த்ரநிர்பி⁴ன்னா நிபேதுர்வானரர்ஷபா⁴꞉ || 6-73-60
உதீ³க்ஷமாணா க³க³னம் கே சிந்நேத்ரேஷு தாடி³தா꞉|
ஷ²ரைர்விவிஷு²ரன்யோன்யம் பேதுஷ்²ச ஜக³தீதலே || 6-73-61
ஹனூமந்தம் ச ஸுக்³ரீவமங்க³த³ம் க³ந்த⁴மாத³னம்|
ஜாம்ப³வந்தம் ஸுஷேணம் ச வேக³த³ர்ஷி²னமேவ ச || 6-73-62
மைந்த³ம் ச த்³விவித³ம் நீலம் க³வாக்ஷம் க³ஜகோ³முகௌ²|
கேஸரிம் ஹரிலோமானம் வித்³யுத்³த³ம்ஷ்ட்ரம் ச வானரம் || 6-73-63
ஸூர்யானனம் ஜ்யோதிமுக²ம் ததா² த³தி⁴முக²ம் ஹரிம்|
பாவகாக்ஷம் ளம் சைவ குமுத³ம் சைவ வானரம் || 6-73- 64
ப்ராஸை꞉ ஷூ²லை꞉ ஷி²தைர்பா³ணைரிந்த்³ரஜின்மந்த்ரஸம்ஹிதை꞉|
விவ்யாத⁴ ஹரிஷா²ர்தூ³ளான்ஸர்வாம்ஸ்தான்ராக்ஷஸோத்தம꞉ || 6-73-65
ஸ வை க³தா³பி⁴ர்ஹரியூத²முக்²யான் |
நிர்பி⁴த்³ய பா³ணைஸ்தபனீயபுங்கை²꞉ |
வவர்ஷ ராமம் ஷ²ரவ்ருஷ்டிஜாலை꞉ |
ஸலக்ஷ்மணம் பா⁴ஸ்கரரஷ்²மிகல்பை꞉ || 6-73-66
ஸ பா³ணவர்ஷைரபி⁴வர்ஷ்யமாணோ |
தா⁴ரானிபாதானிவ தான்விசிந்த்ய|
ஸமீக்ஷமாண꞉ பரமாத்³பு⁴தஶ்ரீ |
ராமஸ்ததா³ லக்ஷ்மணமித்யுவாச ||6-73-67
அஸௌ புனர்லக்ஷ்மண ராக்ஷஸேந்த்³ரோ |
ப்³ரஹ்மாஸ்த்ரமாஷ்²ரித்ய ஸுரேந்த்³ரஷ²த்ரு꞉|
நிபாதயித்வா ஹரிஸைன்யமுக்³ரம் |
அஸ்மாஞ்ஷ²ரைரர்த³யதி ப்ரஸக்தம் ||6-73-68
ஸ்வயம்பு⁴வா த³த்தவரோ மஹாத்மா |
க²மாஸ்தி²தோ(அ)ந்தர்ஹிதபீ⁴மகாய꞉ |
கத²ம் நு ஷ²க்யோ யுதி⁴ நஷ்டதே³ஹோ |
நிஹந்துமத்³யேந்த்³ரஜிது³த்³யதாஸ்த்ர꞉ ||6-73-69
மன்யே ஸ்வயம்பூ⁴ர்ப⁴க³வானசிந்த்யோ |
யஸ்யைதத³ஸ்த்ரம் ப்ரப⁴வஷ்² ச யோ(அ)ஸ்ய|
பா³ணாவபாதாம்ஸ்த்வமிஹாத்³ய தீ⁴மன்
மயா ஸஹாவ்யக்³ரமனா꞉ ஸஹஸ்வ || 6-73-70
ப்ரச்சா²த³யத்யேஷ ஹி ராக்ஷஸேந்த்³ர꞉ |
ஸர்வா தி³ஷ²꞉ ஸாயகவ்ருஷ்டிஜாலை꞉|
ஏதச்ச ஸர்வம் பதிதாக்³ர்யவீரம் |
ந ப்⁴ராஜதே வானரராஜஸைன்யம் || 6-73-71
ஆவாம் து த்³ருஷ்ட்வா பதிதௌ விஸஞ்ஜ்ஞௌ |
நிவ்ருத்தயுத்³தௌ⁴ ஹதரோஷஹர்ஷௌ|
த்⁴ருவம் ப்ரவேக்ஷ்யத்யமராரிவாஸம் |
அஸௌ ஸமாதா³ய ரணாக்³ரளக்ஷ்மீம் || 6-73-72
ததஸ்து தாவிந்த்³ரஜித³ஸ்த்ரஜாலைர் |
ப³பூ⁴வதுஸ்தத்ர ததா³ விஷ²ஸ்தௌ|
ஸ சாபி தௌ தத்ர விஷாத³யித்வா |
நநாத³ ஹர்ஷாத்³யுதி⁴ ராக்ஷஸேந்த்³ர꞉ || 6-73-73
ததஸ்ததா³ வானரராஜஸைன்யம் |
ராமம் ச ஸங்க்²யே ஸஹலக்ஷ்மணேன|
விஷாத³யித்வா ஸஹஸா விவேஷ² |
புரீம் த³ஷ²க்³ரீவபு⁴ஜாபி⁴கு³ப்தாம் || 6-73-74
ஸம்ஸ்தூயமான꞉ ஸ து யாதுதா⁴னை꞉ |
பித்ரே ச ஸர்வம் ஹ்ருஷிதோ(அ)ப்⁴யுவாச || 6-73-75
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ரிஸப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
