வால்மீகி ராமாயணே ஆதி³ காவ்யே யுத்³த⁴காண்டே³ த்³விபப்ததிதம꞉ ஸர்க³꞉
அதிகாயம் ஹதம் ஷ்²ருத்வா லக்ஷ்மணேன மஹாத்மனா |
உத்³வேக³மக³மத்³ராஜா வசனம் சேத³மப்³ரவீத் || 6-72-1
தூ⁴ம்ராக்ஷ꞉ பரமாமர்ஷீ ஸர்வஷ²ஸ்த்ரப்⁴ருதாம் வர꞉ |
அகம்பன꞉ ப்ரஹஸ்தஷ்²ச கும்ப⁴கர்ணஸ்த்ததை²வ ச || 6-72-2
ஏதே மஹாப³லா வீரா ராக்ஷஸா யுத்³த⁴காஙிக்ஷண꞉ |
ஜேதார꞉ பரஸைன்யானாம் பரைர்நித்யாபராஜிதா꞉ || 6-72-3
ஸஸைந்யாஸ்தே ஹதா வீரா ராமேணாக்லிஷ்டகர்மணா |
ராக்ஷஸா꞉ ஸுமஹாகாயா நாநாஷ²ஸ்த்ரவிஷா²ரதா³꞉ || 6-72-4
அன்யே ச ப³ஹவ꞉ ஷூ²ரா மஹாத்மானோ நிபாதிதா꞉ |
ப்ரக்²யாதப³லவீர்யேண புத்ரேணேந்த்³ரஜிதா மம || 6-72-5
தௌ ப்⁴ராதரௌ ததா³ ப³த்³தௌ⁴ கோ⁴ரைர்த³த்தவரை꞉ ஷ²ரை꞉ |
யன்ன ஷ²க்யம் ஸுரை꞉ ஸர்வைரஸுரைர்வா மஹாப³லை꞉ || 6-72-6
மோக்தும் தத்³ ப³ந்த⁴னம் கோ⁴ரம் யக்ஷக³ந்த⁴ர்வபன்னகை³꞉ |
தன்ன ஜானே ப்ரபா⁴வைர்வா மாயயா மோஹனேன வா || 6-72-7
ஷ²ரப³ந்தா⁴த்³விமுக்தௌ தௌ ப்⁴ராதரௌ ராமலக்ஷ்மணௌ |
யே யோதா⁴ நிர்க³தாஹ் ஷூ²ரா ராக்ஷஸா மம ஷா²ஸனாத் 6-72-8
தே ஸர்வே நிஹதா யுத்³தே⁴ வானரை꞉ ஸுமஹாப³லை꞉ |
தம் ந பஷ்²யாம்யஹம் யுத்³தே⁴ யோ.த்³ய ராமம் ஸலக்ஷ்மணம் 6-72-9
நாஷ²யேத்ஸப³லம் வீரம் ஸஸுக்³ரீவவிபீ⁴ஷணம் |
அஹோ ஸுப³லவான் ராமோ மஹத³ஸ்த்ரப³லம் ச வை || 6-72-10
யஸ்ய விக்ரமமாஸாத்³ய ராக்ஷஸா நித⁴னம் க³தா꞉ |
அப்ரமத்தேஷ்²ச ஸர்வத்ரா கு³ள்மை ரக்ஷ்யா புரீ த்வியம் || 6-72-11
அஷோ²கவனிகா சைவ யத்ர ஸீதாபி⁴ரக்ஷ்யதே |
நிஷ்க்ரமோ வா ப்ரவேஷோ² வா ஜ்ஞாத்வ்ய꞉ ஸர்வதை³வ ந꞉ || 6-72-12
யத்ர யத்ர ப⁴வேத்³கு³ள்மஸ்தத்ர தத்ர புன꞉ புன꞉ |
ஸர்வதஷ்²சாபி திஷ்ட²த்⁴வம் ஸ்வை꞉ ஸ்வை꞉ பரிவ்ருதா ப³லை꞉ || 6-72-13
த்³ரஷ்டவ்யம் ச பத³ம் தேஷாம் வானராணாம் நிஷா²சரா꞉ |
ப்ரதோ³ஷே வார்த⁴ராத்ரே வா ப்ரத்யூஷே வாபி ஸர்வஷ²꞉ || 6-72-14
நாவஜ்ஞா தத்ர கர்தவ்யா வானரேஷு கதா³சன |
த்³விஷதாம் ப³லமுத்³யுக்தமாபதத்கிம் ஸ்தி²தம் ததா² || 6-72-15
ததஸ்தே ராக்ஷஸாஹ் ஸர்வே ஷ்²ருத்வா லங்காதி⁴பஸ்ய தத் |
வசனம் ஸர்வமாதிஷ்ட²ன் யதா²வத்து மஹாப³லா꞉ || 6-72-16
ஸ தான் ஸர்வான் ஹி ஸந்தி³ஷ்²ய ராவணோ ராக்ஷஸாதி⁴ப꞉ |
மன்யுஷ²ல்யம் வஹன் தீ³ன꞉ ப்ரவிவேஷ² ஸ்வமாலயம் || 6-72-17
தத꞉ ஸ ஸந்தீ³பிதகோபபஹ்னி |
ர்நிஷா²சராணாமதி⁴போ மஹாப³ல꞉ |
ததே³வ புத்ரவ்யஸனம் விசிந்தயன் |
முஹுர்முஹுஷ்²சைவ ததா³ வ்யநி꞉ஷ்²வஸத் || 6-72-18
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்³விபப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
