வால்மீகி ராமாயணே ஆதி³ காவ்யே யுத்³த⁴காண்டே³ ஏகோனஷஷ்டிதம꞉ ஸர்க³꞉
தஸ்மின் ஹதே ராக்ஷஸ ஸைன்ய பாலே |
ப்லவம் க³மானாம் ருஷபே⁴ண யுத்³தே⁴ |
பீ⁴ம ஆயுத⁴ம் ஸாக³ர துல்ய வேக³ம் |
விது³த்³ருவே ராக்ஷஸ ராஜ ஸைன்யம் || 6-59-1
க³த்வா து ரக்ஷோ அதி⁴பதேஹ் ஷ²ஷ²ம்ஸுஹ் |
ஸேனா பதிம் பாவக ஸூனு ஷ²ஸ்தம் |
தச் ச அபி தேஷாம் வசனம் நிஷ²ம்ய |
ரக்ஷோ அதி⁴பஹ் க்ரோத⁴ வஷ²ம் ஜகா³ம || 6-59-2
ஸம்க்²யே ப்ரஹஸ்தம் நிஹதம் நிஷ²ம்ய |
ஷோ²க அர்தி³தஹ் க்ரோத⁴ பரீத சேதாஹ் |
உவாச தான் நைர்ருத யோத⁴ முக்²யான் |
இந்த்³ரோ யதா² ச அமர யோத⁴ முக்²யான் || 6-59-3
ந அவஜ்னா ரிபவே கார்யா யைர் இந்த்³ர ப³ல ஸூத³னஹ் |
ஸூதி³தஹ் ஸைன்ய பாலோ மே ஸானுயாத்ரஹ் ஸகுன்ஜரஹ் || 6-59-4
ஸோ அஹம் ரிபு விநாஷா²ய விஜயாய அவிசாரயன் |
ஸ்வயம் ஏவ க³மிஷ்யாமி ரண ஷீ²ர்ஷம் தத்³ அத்³பு⁴தம் || 6-59-5
அத்³ய தத்³ வானர அனீகம் ராமம் ச ஸஹ லக்ஷ்மணம் |
நிர்த³ஹிஷ்யாமி பா³ண ஓகை⁴ர் வனம் தீ³ப்தைர் இவ அக்³னிபி⁴ஹ் || 6-59-6
அத்³ய ஸம்தர்பயிஷ்யாமி ப்ருதி²வீம் கபிஷோ²ணிதை꞉ |
ஸ;ஏவம் உக்த்வா ஜ்வலன ப்ரகாஷ²ம் |
ரத²ம் துரம்க³ உத்தம ராஜி யுக்தம் |
ப்ரகாஷ²மானம் வபுஷா ஜ்வலந்தம் |
ஸமாருரோஹ அமர ராஜ ஷ²த்ருஹ் || 6-59-7
ஸ ஷ²ன்க² பே⁴ரீ படஹ ப்ரணாதை³ர் |
ஆஸ்போ²டித க்ஷ்வேடி³த ஸிம்ஹ நாதை³ஹ் |
புண்யைஹ் ஸ்தவைஷ்² ச அப்ய் அபி⁴பூஜ்யமானஸ் |
ஸ்ததா³ யயௌ ராக்ஷஸ ராஜ முக்²யஹ் || 6-59-8
ஸ நீலஜீமூதனிகாஷ²ரூபை |
ர்மாம்ஸ அஷ²னைஹ் பாவக தீ³ப்த நேத்ரைஹ் |
ப³பௌ⁴ வ்ருதோ ராக்ஷஸ ராஜ முக்²யைர் |
பூ⁴தைர் வ்ருதோ ருத்³ர;இவ அமர ஈஷ²ஹ் || 6-59-9
ததோ நக³ர்யாஹ் ஸஹஸா மஹா ஓஜா |
நிஷ்க்ரம்ய தத்³ வானர ஸைன்யம் உக்³ரம் |
மஹா அர்ணவ அப்⁴ர ஸ்தனிதம் த³த³ர்ஷ² |
ஸமுத்³யதம் பாத³ப ஷை²ல ஹஸ்தம் || 6-59-10
தத்³ ராக்ஷஸ அனீகம் அதிப்ரசண்ட³ம் |
ஆலோக்ய ராமோ பு⁴ஜக³ இந்த்³ர பா³ஹுஹ் |
விபீ⁴ஷணம் ஷ²ஸ்த்ரப்⁴ருதாம் வரிஷ்ட²ம் |
உவாச ஸேனா அனுக³தஹ் ப்ருது² ஶ்ரீஹ் || 6-59-11
நானா பதாகா த்⁴வஜ ஷ²ஸ்த்ர ஜுஷ்டம் |
ப்ராஸ அஸி ஷூ²ல ஆயுத⁴ சக்ர ஜுஷ்டம் |
ஸைன்யம் நக³ இந்த்³ர உபம நாக³ ஜுஷ்டம் |
கஸ்ய இத³ம் அக்ஷோப்⁴யம் அபீ⁴ரு ஜுஷ்டம் || 6-59-12
ததஸ் து ராமஸ்ய நிஷ²ம்ய வாக்யம் |
விபீ⁴ஷணஹ் ஷ²க்ர ஸமான வீர்யஹ் |
ஷ²ஷ²ம்ஸ ராமஸ்ய ப³ல ப்ரவேகம் |
மஹாத்மனாம் ராக்ஷஸ பும்க³வானாம் || 6-59-13
யோ அஸௌ க³ஜ ஸ்கந்த⁴ க³தோ மஹாத்மா |
நவ உதி³த அர்க உபம தாம்ர வக்த்ரஹ் |
ப்ரகம்பயன் நாக³ ஷி²ரோ அப்⁴யுபைதி ஹ்ய் |
அகம்பனம் த்வ் ஏனம் அவேஹி ராஜன் || 6-59-14
யோ அஸௌ ரத²ஸ்தோ² ம்ருக³ ராஜ கேதுர் |
தூ⁴ன்வன் த⁴னுஹ் ஷ²க்ர த⁴னுஹ் ப்ரகாஷ²ம் |
கரீ இவ பா⁴த்ய் உக்³ர விவ்ருத்த த³ம்ஷ்ட்ரஹ் |
ஸ;இந்த்³ரஜின் நாம வர ப்ரதா⁴னஹ் || 6-59-15
யஷ்² ச ஏஷ விந்த்⁴ய அஸ்த மஹா இந்த்³ர கல்போ |
த⁴ன்வீ ரத²ஸ்தோ² அதிரதோ² அதிவீர்யஹ் |
விஸ்பா²ரயம்ஷ்² சாபம் அதுல்ய மானம் |
நாம்னா அதிகாயோ அதிவிவ்ருத்³த⁴ காயஹ் || 6-59-16
யோ அஸௌ நவ அர்க உதி³த தாம்ர சக்ஷுர் |
ஆருஹ்ய க⁴ண்டா நினத³ ப்ரணாத³ம் |
க³ஜம் க²ரம் க³ர்ஜதி வை மஹாத்மா |
மஹா உத³ரோ நாம ஸ;ஏஷ வீரஹ் || 6-59-17
யோ அஸௌ ஹயம் கான்சன சித்ர பா⁴ண்ட³ம் |
ஆருஹ்ய ஸந்த்⁴யா அப்⁴ர கி³ரி ப்ரகாஷ²ம் |
ப்ராஸம் ஸமுத்³யம்ய மரீசி நத்³த⁴ம் |
பிஷா²ச;ஏஷ அஷ²னி துல்ய வேக³ஹ் || 6-59-18
யஷ்² ச ஏஷ ஷூ²லம் நிஷி²தம் ப்ரக்³ருஹ்ய |
வித்³யுத் ப்ரப⁴ம் கிம்கர வஜ்ர வேக³ம் |
வ்ருஷ இந்த்³ரம் ஆஸ்தா²ய கி³ரி ப்ரகாஷ²ம் |
ஆயாதி ஸோ அஸௌ த்ரிஷி²ரா யஷ²ஸ்வீ || 6-59-19
அஸௌ ச ஜீமூத நிகாஷ² ரூபஹ் |
கும்ப⁴ஹ் ப்ருது² வ்யூட⁴ ஸுஜாத வக்ஷாஹ் |
ஸமாஹிதஹ் பன்னக³ ராஜ கேதுர் |
விஸ்பா²ரயன் பா⁴தி த⁴னுர் விதூ⁴ன்வன் || 6-59-20
யஷ்² ச ஏஷ ஜாம்பூ³ நத³ வஜ்ர ஜுஷ்டம் |
தீ³ப்தம் ஸதூ⁴மம் பரிக⁴ம் ப்ரக்³ருஹ்ய |
ஆயாதி ரக்ஷோ ப³ல கேது பூ⁴தஹ் |
ஸோ அஸௌ நிகும்போ⁴ அத்³பு⁴த கோ⁴ர கர்மா || 6-59-21
யஷ்² ச ஏஷ சாப அஸி ஷ²ர ஓக⁴ ஜுஷ்டம் |
பதாகினம் பாவக தீ³ப்த ரூபம் |
ரத²ம் ஸமாஸ்தா²ய விபா⁴த்ய் உத³க்³ரோ |
நர அந்தகோ அஸௌ நக³ ஷ்²ருன்க³ யோதீ⁴ || 6-59-22
யஷ்² ச ஏஷ நானா வித⁴ கோ⁴ர ரூபைர் |
வ்யாக்⁴ர உஷ்ட்ர நாக³ இந்த்³ர ம்ருக³ இந்த்³ர வக்த்ரைஹ் |
பூ⁴தைர் வ்ருதோ பா⁴தி விவ்ருத்த நேத்ரைஹ் |
ஸோ அஸௌ ஸுராணாம் அபி த³ர்ப ஹந்தா || 6-59-23
யத்ர ஏதத்³ இந்து³ ப்ரதிமம் விபா⁴திச் |
சத்த்ரம் ஸிதம் ஸூக்ஷ்ம ஷ²லாகம் அக்³ர்யம் |
அத்ர ஏஷ ரக்ஷோ அதி⁴பதிர் மஹாத்மா |
பூ⁴தைர் வ்ருதோ ருத்³ர;இவ அவபா⁴தி || 6-59-24
அஸௌ கிரீடீ சல குண்ட³ல ஆஸ்யோ |
நாக³ இந்த்³ர விந்த்⁴ய உபம பீ⁴ம காயஹ் |
மஹா இந்த்³ர வைவஸ்வத த³ர்ப ஹந்தா |
ரக்ஷோ அதி⁴பஹ் ஸூர்ய;இவ அவபா⁴தி || 6-59-25
ப்ரத்யுவாச ததோ ராமோ விபீ⁴ஷணம் அரிம் த³மம் |
அஹோ தீ³ப்தோ மஹா தேஜா ராவணோ ராக்ஷஸ ஈஷ்²வரஹ் || 6-59-26
ஆதி³த்ய;இவ து³ஷ்ப்ரேக்ஷ்யோ ரஷ்²மிபி⁴ர் பா⁴தி ராவணஹ் |
ஸுவ்யக்தம் லக்ஷயே ஹ்ய் அஸ்ய ரூபம் தேஜஹ் ஸமாவ்ருதம் || 6-59-27
தே³வ தா³னவ வீராணாம் வபுர் ந ஏவம் வித⁴ம் ப⁴வேத் |
யாத்³ருஷ²ம் ராக்ஷஸ இந்த்³ரஸ்ய வபுர் ஏதத் ப்ரகாஷ²தே || 6-59-28
ஸர்வே பர்வத ஸம்காஷா²ஹ் ஸர்வே பர்வத யோதி⁴னஹ் |
ஸர்வே தீ³ப்த ஆயுத⁴ த⁴ரா யோத⁴ஷ்² ச அஸ்ய மஹா ஓஜஸஹ் || 6-59-29
பா⁴தி ராக்ஷஸ ராஜோ அஸௌ ப்ரதீ³ப்தைர் பீ⁴ம விக்ரமைஹ் |
பூ⁴தைஹ் பரிவ்ருதஸ் தீக்ஷ்ணைர் தே³ஹவத்³பி⁴ர் இவ அந்தகஹ் || 6-59-30
தி³ஷ்ட்யாயமத்³ய பாபாத்மா மம த்³ருஷ்டிபத²ம் க³த꞉ |
அத்³ய க்ரோத⁴ம் விமோக்ஷ்யாமி ஸீதாஹரணஸம்ப⁴வம் || 6-59-31
ஏவம் உக்த்வா ததோ ராமோ த⁴னுர் ஆதா³ய வீர்யவான் |
லக்ஷ்மண அனுசரஸ் தஸ்தௌ² ஸமுத்³த்⁴ருத்ய ஷ²ர உத்தமம் || 6-59-32
ததஹ் ஸ ரக்ஷோ அதி⁴பதிர் மஹாத்மா |
ரக்ஷாம்ஸி தான்ய் ஆஹ மஹா ப³லானி |
த்³வாரேஷு சர்யா க்³ருஹ கோ³புரேஷு |
ஸுநிர்வ்ருதாஸ் திஷ்ட²த நிர்விஷ²ன்காஹ் || 6-59-33
இஹாக³தம் மாம் ஸஹிதம் ப⁴வத்³பி⁴ |
ர்வனௌகஸஷ்²சித்³ரமித்த³ம் விதி³த்வா |
ஷூ²ன்யாம் புரீம் து³ஷ்ப்ரஸஹாம் ப்ரமத்²ய |
ப்ரத⁴ர்ஷயேயு꞉ ஸஹஸா ஸமேதா꞉ || 6-59-34
விஸர்ஜயித்வா ஸஹஸா ததஸ் தான் |
க³தேஷு ரக்ஷஹ்ஸு யதா²நியோக³ம் |
வ்யதா³ரயத்³ வானர ஸாக³ர ஓக⁴ம் |
மஹா ஜ²ஷஹ் பூர்மம் இவ அர்ணவ ஓக⁴ம் || 6-59-35
தம் ஆபதந்தம் ஸஹஸா ஸமீக்ஷ்ய |
தீ³ப்த இஷு சாபம் யுதி⁴ ராக்ஷஸ இந்த்³ரம் |
மஹத் ஸமுத்பாட்ய மஹீ த⁴ர அக்³ரம் |
து³த்³ராவ ரக்ஷோ அதி⁴பதிம் ஹரி ஈஷ²ஹ் || 6-59-36
தத் ஷை²ல ஷ்²ருன்க³ம் ப³ஹு வ்ருக்ஷ ஸானும் |
ப்ரக்³ருஹ்ய சிக்ஷேப நிஷா² சராய |
தம் ஆபதந்தம் ஸஹஸா ஸமீக்ஷ்ய |
பி³பே⁴த³ பா³ணைஸ் தபனீய புன்கை²ஹ் || 6-59-37
தஸ்மின் ப்ரவ்ருத்³த⁴ உத்தம ஸானு வ்ருக்ஷே |
ஷ்²ருன்கே³ விகீர்ணே பதிதே ப்ருதி²வ்யாம் |
மஹா அஹி கல்பம் ஷ²ரம் அந்தக ஆப⁴ம் |
ஸமாத³தே³ ராக்ஷஸ லோக நாத²ஹ் || 6-59-38
ஸ தம் க்³ருஹீத்வா அனில துல்ய வேக³ம் |
ஸவிஸ்பு²லின்க³ ஜ்வலன ப்ரகாஷ²ம் |
பா³ணம் மஹா இந்த்³ர அஷ²னி துல்ய வேக³ம் |
சிக்ஷேப ஸுக்³ரீவ வதா⁴ய ருஷ்டஹ் || 6-59-39
ஸ ஸாயகோ ராவண பா³ஹு முக்தஹ் |
ஷ²க்ர அஷ²னி ப்ரக்²ய வபுஹ் ஷி²த அக்³ரஹ் |
ஸுக்³ரீவம் ஆஸாத்³ய பி³பே⁴த³ வேகா³த்³ |
கு³ஹ ஈரிதா க்ரௌசம் இவ உக்³ர ஷ²க்திஹ் || 6-59-40
ஸ ஸாயக ஆர்தோ விபரீத சேதாஹ் |
கூஜன் ப்ருதி²வ்யாம் நிபபாத வீரஹ் |
தம் ப்ரேக்ஷ்ய பூ⁴மௌ பதிதம் விஸம்ஜ்மம் |
நேது³ஹ் ப்ரஹ்ருஷ்டா யுதி⁴ யாது தா⁴னாஹ் || 6-59-41
ததோ க³வ அக்ஷோ க³வயஹ் ஸுத³ம்ஷ்ட்ரஸ் |
ததா² ருஷபோ⁴ ஜ்யோதி முகோ² ளஷ்² ச |
ஷை²லான் ஸமுத்³யம்ய விவ்ருத்³த⁴ காயாஹ் |
ப்ரது³த்³ருவுஸ் தம் ப்ரதி ராக்ஷஸ இந்த்³ரம் || 6-59-42
தேஷாம் ப்ரஹாரான் ஸ சகார மேகா⁴ன் |
ரக்ஷோ அதி⁴போ பா³ண க³ணைஹ் ஷி²த அக்³ரைஹ் |
தான் வானர இந்த்³ரான் அபி பா³ண ஜாலைர் |
பி³பே⁴த³ ஜாம்பூ³ நத³ சித்ர புன்கை²ஹ் || 6-59-43
தே வானர இந்த்³ராஸ் த்ரித³ஷ² அரி பா³ணைர் |
பி⁴ன்னா நிபேதுர் பு⁴வி பீ⁴ம ரூபாஹ் |
ததஸ் து தத்³ வானர ஸைன்யம் உக்³ரம் |
ப்ரச்சாத³யாம் ஆஸ ஸ பா³ண ஜாலைஹ் || 6-59-44
தே வத்⁴யமானாஹ் பதித அக்³ர்ய வீரா |
நானத்³யமானா ப⁴ய ஷ²ல்ய வித்³தா⁴ஹ் |
ஷா²கா² ம்ருகா³ ராவண ஸாயக ஆர்தா |
ஜக்³முஹ் ஷ²ரண்யம் ஷ²ரணம் ஸ்ம ராமம் || 6-59-45
ததோ மஹாத்மா ஸ த⁴னுர் த⁴னுஷ்மான் |
ஆதா³ய ராமஹ் ஸஹரா ஜகா³ம |
தம் லக்ஷ்மணஹ் ப்ரான்ஜலிர் அப்⁴யுபேத்ய |
உவாச வாக்யம் பரம அர்த² யுக்தம் || 6-59-46
காமம் ஆர்யஹ் ஸுபர்யாப்தோ வதா⁴ய அஸ்ய து³ராத்மனஹ் |
வித⁴மிஷ்யாம்ய் அஹம் நீசம் அனுஜானீஹி மாம் விபோ⁴ || 6-59-47
தம் அப்³ரவீன் மஹா தேஜா ராமஹ் ஸத்ய பராக்ரமஹ் |
க³ச்ச யத்ன பரஷ்² ச அபி ப⁴வ லக்ஷ்மண ஸம்யுகே³ || 6-59-48
ராவணோ ஹி மஹா வீர்யோ ரணே அத்³பு⁴த பராக்ரமஹ் |
த்ரைலோக்யேன அபி ஸம்க்ருத்³தோ⁴ து³ஷ்ப்ரஸஹ்யோ ந ஸம்ஷ²யஹ் || 6-59-49
தஸ்ய சித்³ராணி மார்க³ஸ்வ ஸ்வச் சித்³ராணி ச கோ³பய |
சக்ஷுஷா த⁴னுஷா யத்நாத்³ ரக்ஷ ஆத்மானம் ஸமாஹிதஹ் || 6-59-50
ராக⁴வஸ்ய வசஹ் ஷ்²ருத்வா ஸம்பரிஷ்வஜ்ய பூஜ்ய ச |
அபி⁴வாத்³ய ததோ ராமம் யயௌ ஸௌமித்ரிர் ஆஹவம் || 6-59-51
ஸ ராவணம் வாரண ஹஸ்த பா³ஹுர் |
த³த³ர்ஷ² தீ³ப்த உத்³யத பீ⁴ம சாபம் |
ப்ரச்சாத³யந்தம் ஷ²ரவ்ருஷ்டி ஜாலைஸ் |
தான் வானரான் பி⁴ன்ன விகீர்ண தே³ஹான் || 6-59-52
தம் ஆலோக்ய மஹா தேஜா ஹனூமான் மாருத ஆத்மஜா |
நிவார்ய ஷ²ர ஜாலானி ப்ரது³த்³ராவ ஸ ராவணம் || 6-59-53
ரத²ம் தஸ்ய ஸமாஸாத்³ய பு⁴ஜம் உத்³யம்ய த³க்ஷிணம் |
த்ராஸயன் ராவணம் தீ⁴மான் ஹனூமான் வாக்யம் அப்³ரவீத் || 6-59-54
தே³வ தா³னவ க³ந்த⁴ர்வா யக்ஷாஷ்² ச ஸஹ ராக்ஷஸைஹ் |
அவத்⁴யத்வாத் த்வயா ப⁴க்³னா வானரேப்⁴யஸ் து தே ப⁴யம் || 6-59-55
ஏஷ மே த³க்ஷிணோ பா³ஹுஹ் பன்ச ஷா²க²ஹ் ஸமுத்³யதஹ் |
வித⁴மிஷ்யதி தே தே³ஹாத்³ பூ⁴த ஆத்மானம் சிர உஷிதம் || 6-59-56
ஷ்²ருத்வா ஹனூமதோ வாக்யம் ராவணோ பீ⁴ம விக்ரமஹ் |
ஸம்ரக்த நயனஹ் க்ரோதா⁴த்³ இத³ம் வசனம் அப்³ரவீத் || 6-59-57
க்ஷிப்ரம் ப்ரஹர நிஹ்ஷ²ன்கம் ஸ்தி²ராம் கீர்திம் அவாப்னுஹி |
ததஸ் த்வாம் ஜ்னாதி விக்ராந்தம் நாஷ²யிஷ்யாமி வானர || 6-59-58
ராவணஸ்ய வசஹ் ஷ்²ருத்வா வாயு ஸூனுர் வசோ அப்³ரவீத் |
ப்ரஹ்ருதம் ஹி மயா பூர்வம் அக்ஷம் ஸ்மர ஸுதம் தவ || 6-59-59
ஏவம் உக்தோ மஹா தேஜா ராவணோ ராக்ஷஸ ஈஷ்²வரஹ் |
ஆஜகா⁴ன அனில ஸுதம் தலேன உரஸி வீர்யவான் || 6-59-60
ஸ தல அபி⁴ஹதஸ் தேன சசால ச முஹுர் முஹுஹ் |
ஆஜகா⁴ன அபி⁴ஸம்க்ருத்³த⁴ஸ் தலேன ஏவ அமர த்³விஷம் || 6-59-61
ஆஜகா⁴ன ச ஸம்க்ருத்³த⁴ஸ்தலேனைவாமரத்³விஷம் |
ததஸ் தலேன அபி⁴ஹதோ வானரேண மஹாத்மனா || 6-59-62
த³ஷ²க்³ரீவஹ் ஸமாதூ⁴தோ யதா² பூ⁴மி சலே அசலஹ் |
ஸம்க்³ராமே தம் ததா² த்³ருஷ்ட்வ ராவணம் தல தாடி³தம் || 6-59-63
ருஷயோ வானராஹ் ஸித்³தா⁴ நேது³ர் தே³வாஹ் ஸஹ அஸுராஹ் |
அத² ஆஷ்²வஸ்ய மஹா தேஜா ராவணோ வாக்யம் அப்³ரவீத் || 6-59-64
ஸாது⁴ வானர வீர்யேண ஷ்²லாக⁴னீயோ அஸி மே ரிபுஹ் |
ராவணேன ஏவம் உக்தஸ் து மாருதிர் வாக்யம் அப்³ரவீத் || 6-59-65
தி⁴க்³ அஸ்து மம வீர்யம் து யத் த்வம் ஜீவஸி ராவண |
ஸக்ருத் து ப்ரஹர இதா³னீம் து³ர்பு³த்³தே⁴ கிம் விகத்த²ஸே || 6-59-66
ததஸ் த்வாம் மாமகோ முஷ்டிர் நயிஷ்யாமி யதா² க்ஷயம் |
ததோ மாருதி வாக்யேன க்ரோத⁴ஸ் தஸ்ய ததா³ அஜ்வலத் || 6-59-67
ஸம்ரக்த நயனோ யத்னான் முஷ்டிம் உத்³யம்ய த³க்ஷிணம் |
பாதயாம் ஆஸ வேகே³ன வானர உரஸி வீர்யவான் || 6-59-68
ஹனூமான் வக்ஷஸி வ்யூதே⁴ ஸஞ்சசால ஹதஹ் புனஹ் |
விஹ்வலம் தம் ததா³ த்³ருஷ்ட்வா ஹனூமந்தம் மஹா ப³லம் || 6-59-69
ரதே²ன அதிரத²ஹ் ஷீ²க்⁴ரம் நீலம் ப்ரதி ஸமப்⁴யகா³த் |
ராக்ஷஸாநாமதி⁴பதிர்த³ஷ²க்³ரீவ꞉ || 6-59-70
பன்னக³ ப்ரதிமைர் பீ⁴மைஹ் பர மர்ம அதிபே⁴தி³பி⁴ஹ் |
ஷ²ரைர் ஆதீ³பயாம் ஆஸ நீலம் ஹரி சமூ பதிம் || 6-59-71
ஸ ஷ²ர ஓக⁴ ஸமாயஸ்தோ நீலஹ் கபி சமூ பதிஹ் |
கரேண ஏகேன ஷை²ல அக்³ரம் ரக்ஷோ அதி⁴பதயே அஸ்ருஜத் || 6-59-72
ஹனூமான் அபி தேஜஸ்வீ ஸமாஷ்²வஸ்தோ மஹா மனாஹ் |
விப்ரேக்ஷமாணோ யுத்³த⁴ ஈப்ஸுஹ் ஸரோஷம் இத³ம் அப்³ரவீத் || 6-59-73
நீலேன ஸஹ ஸம்யுக்தம் ராவணம் ராக்ஷஸ ஈஷ்²வரம் |
அன்யேன யுத்⁴யமானஸ்ய ந யுக்தம் அபி⁴தா⁴வனம் || 6-59-74
ராவணோ அபி மஹா தேஜாஸ் தத் ஷ்²ருன்க³ம் ஸப்தபி⁴ஹ் ஷ²ரைஹ் |
ஆஜகா⁴ன ஸுதீக்ஷ்ண அக்³ரைஸ் தத்³ விகீர்ணம் பபாத ஹ || 6-59-75
தத்³ விகீர்ணம் கி³ரேஹ் ஷ்²ருன்க³ம் த்³ருஷ்ட்வா ஹரி சமூ பதிஹ் |
கால அக்³நிர் இவ ஜஜ்வால க்ரோதே⁴ன பர வீரஹா || 6-59-76
ஸோ அஷ்²வ கர்ணான் த⁴வான் ஸாலாம்ஷ்² சூதாம்ஷ்² ச அபி ஸுபுஷ்பிதான் |
அன்யாம்ஷ்² ச விவிதா⁴ன் வ்ருக்ஷான் நீலஷ்² சிக்ஷேப ஸம்யுகே³ || 6-59-77
ஸ தான் வ்ருக்ஷான் ஸமாஸாத்³ய ப்ரதிசிச்சேத³ ராவணஹ் |
அப்⁴யவர்ஷத் ஸுகோ⁴ரேண ஷ²ர வர்ஷேண பாவகிம் || 6-59-78
அபி⁴வ்ருஷ்டஹ் ஷ²ர ஓகே⁴ண மேகே⁴ன இவ மஹா அசலஹ் |
ஹ்ரஸ்வம் க்ருத்வா ததா³ ரூபம் த்⁴வஜ அக்³ரே நிபபாத ஹ || 6-59-79
பாவக ஆத்மஜம் ஆலோக்ய த்⁴வஜ அக்³ரே ஸமவஸ்தி²தம் |
ஜஜ்வால ராவணஹ் க்ரோதா⁴த் ததோ நீலோ நநாத³ ஹ || 6-59-80
த்⁴வஜ அக்³ரே த⁴னுஷஷ்² ச அக்³ரே கிரீட அக்³ரே ச தம் ஹரிம் |
லக்ஷ்மணோ அத² ஹனூமாம்ஷ்² ச த்³ருஷ்ட்வா ராமஷ்² ச விஸ்மிதாஹ் || 6-59-81
ராவணோ அபி மஹா தேஜாஹ் கபி லாக⁴வ விஸ்மிதஹ் |
அஸ்த்ரம் ஆஹாரயாம் ஆஸ தீ³ப்தம் ஆக்³னேயம் அத்³பு⁴தம் || 6-59-82
ததஸ் தே சுக்ருஷு²ர் ஹ்ருஷ்டா லப்³த⁴ லக்ஷ்யாஹ் ப்லவம் க³மாஹ் |
நீல லாக⁴வ ஸம்ப்⁴ராந்தம் த்³ருஷ்ட்வா ராவணம் ஆஹவே || 6-59-83
வானராணாம் ச நாதே³ன ஸம்ரப்³தோ⁴ ராவணஸ் ததா³ |
ஸம்ப்⁴ரம ஆவிஷ்ட ஹ்ருத³யோ ந கிஞ்சித் ப்ரத்யபத்³யத || 6-59-84
ஆக்³னேயேன அத² ஸம்யுக்தம் க்³ருஹீத்வா ராவணஹ் ஷ²ரம் |
த்⁴வஜ ஷீ²ர்ஷ ஸ்தி²தம் நீலம் உதை³க்ஷத நிஷா² சரஹ் || 6-59-85
ததோ அப்³ரவீன் மஹா தேஜா ராவணோ ராக்ஷஸ ஈஷ்²வரஹ் |
கபே லாக⁴வ யுக்தோ அஸி மாயயா பரயா அனயா || 6-59-86
ஜீவிதம் க²லு ரக்ஷஸ்வ யதி³ ஷ²க்னோஷி வானர |
தானி தான்ய் ஆத்ம ரூபாணி ஸ்ருஜஸே த்வம் அனேகஷ²ஹ் || 6-59-87
ததா² அபி த்வாம் மயா முக்தஹ் ஸாயகோ அஸ்த்ர ப்ரயோஜிதஹ் |
ஜீவிதம் பரிரக்ஷந்தம் ஜீவிதாத்³ ப்⁴ரம்ஷ²யிஷ்யதி || 6-59-88
ஏவம் உக்த்வா மஹா பா³ஹூ ராவணோ ராக்ஷஸ ஈஷ்²வரஹ் |
ஸந்தா⁴ய பா³ணம் அஸ்த்ரேண சமூ பதிம் அதாட³யத் || 6-59-89
ஸோ அஸ்த்ர யுக்தேன பா³ணேன நீலோ வக்ஷஸி தாடி³தஹ் |
நிர்த³ஹ்யமானஹ் ஸஹஸா நிபபாத மஹீ தலே || 6-59-90
பித்ரு மாஹாத்ம்ய ஸம்யோகா³த்³ ஆத்மனஷ்² ச அபி தேஜஸா |
ஜானுப்⁴யாம் அபதத்³ பூ⁴மௌ ந ச ப்ராணைர் வ்யயுஜ்யத || 6-59-91
விஸம்ஜ்னம் வானரம் த்³ருஷ்ட்வா த³ஷ²க்³ரீவோ ரண உத்ஸுகஹ் |
ரதே²ன அம்பு³த³ நாதே³ன ஸௌமித்ரிம் அபி⁴து³த்³ருவே || 6-59-92
ஆஸாத்³ய ரணமத்⁴யே தம் வாரைத்வா ஸ்தி²தோ ஜ்வலன் |
த⁴னுர்விஷ்பா²ரயாமாஸ ராக்ஷஸேந்த்³ர꞉ ப்ரதாபவான் || 6-59-93
தம் ஆஹ ஸௌமித்ரிர் அதீ³ன ஸத்த்வோ |
விஸ்பா²ரயந்தம் த⁴னுர் அப்ரமேயம் |
அபே⁴ஹி மாம் ஏவ நிஷா² சர இந்த்³ர |
ந வானராம்ஸ் த்வம் ப்ரதி யோத்³து⁴ம் அர்ஹஸி || 6-59-94
ஸ தஸ்ய வாக்யம் பரிபூர்ண கோ⁴ஷம் |
ஜ்யா ஷ²ப்³த³ம் உக்³ரம் ச நிஷ²ம்ய ராஜா |
ஆஸாத்³ய ஸௌமித்ரிம் அவஸ்தி²தம் தம் |
கோப அன்விதம் வாக்யம் உவாச ரக்ஷஹ் || 6-59-95
தி³ஷ்ட்யா அஸி மே ராக⁴வ த்³ருஷ்டி மார்க³ம் |
ப்ராப்தோ அந்த கா³மீ விபரீத பு³த்³தி⁴ஹ் |
அஸ்மின் க்ஷணே யாஸ்யஸி ம்ருத்யு தே³ஷ²ம் |
ஸம்ஸாத்³யமானோ மம பா³ண ஜாலைஹ் || 6-59-96
தம் ஆஹ ஸௌமித்ரிர் அவிஸ்மயானோ |
க³ர்ஜந்தம் உத்³வ்ருத்த ஸித அக்³ர த³ம்ஷ்ட்ரம் |
ராஜன் ந க³ர்ஜந்தி மஹா ப்ரபா⁴வா |
விகத்த²ஸே பாபக்ருதாம் வரிஷ்ட² || 6-59-97
ஜாநாமி வீர்யம் தவ ராக்ஷஸ இந்த்³ர |
ப³லம் ப்ரதாபம் ச பராக்ரமம் ச |
அவஸ்தி²தோ அஹம் ஷ²ர சாப பாணிர் |
ஆக³ச்ச கிம் மோக⁴ விகத்த²னேன || 6-59-98
ஸ;ஏவம் உக்தஹ் குபிதஹ் ஸஸர்ஜ |
ரக்ஷோ அதி⁴பஹ் ஸப்த ஷ²ரான் ஸுபுன்கா²ன் |
தாம்ல் லக்ஷ்மணஹ் கான்சன சித்ர புன்கை²ஷ்² |
சிச்சேத³ பா³ணைர் நிஷி²த அக்³ர தா⁴ரைஹ் || 6-59-99
தான் ப்ரேக்ஷமாணஹ் ஸஹஸா நிக்ருத்தான் |
நிக்ருத்த போ⁴கா³ன் இவ பன்னக³ இந்த்³ரான் |
லன்கா ஈஷ்²வரஹ் க்ரோத⁴ வஷ²ம் ஜகா³ம |
ஸஸர்ஜ ச அன்யான் நிஷி²தான் ப்ருஷத்கான் || 6-59-100
ஸ பா³ண வர்ஷம் து வவர்ஷ தீவ்ரம் |
ராம அனுஜஹ் கார்முக ஸம்ப்ரயுக்தம் |
க்ஷுர அர்த⁴ சந்த்³ர உத்தம கர்ணி ப⁴ல்லைஹ் |
ஷ²ராம்ஷ்² ச சிச்சேத³ ந சுக்ஷுபே⁴ ச || 6-59-101
ஸ பா³ணஜாலான்யபி தானி தானி |
மோகா⁴னி பஷ்²யாம்ஸ்த்ரித³ஷா²ரிராஜ꞉ |
விஸிஸ்மியே லக்ஷ்மணலாக⁴வேன |
புனஷ்²ச பா³ணாந்நிஷி²தான்முமோச || 6-59-102
ஸ லக்ஷ்மணஷ்² ச ஆஷு² ஷ²ரான் ஷி²த அக்³ரான் |
மஹா இந்த்³ர வஜ்ர அஷ²னி துல்ய வேகா³ன் |
ஸந்தா⁴ய சாபே ஜ்வலன ப்ரகாஷா²ன் |
ஸஸர்ஜ ரக்ஷோ அதி⁴பதேர் வதா⁴ய || 6-59-103
ஸ தான் ப்ரசிச்சேத³ ஹி ராக்ஷஸ இந்த்³ரஷ்² |
சித்த்வா ச தாம்ல் லக்ஷ்மணம் ஆஜகா⁴ன |
ஷ²ரேண கால அக்³னி ஸம ப்ரபே⁴ண |
ஸ்வயம்பு⁴ த³த்தேன லலாட தே³ஷே² || 6-59-104
ஸ லக்ஷ்மணோ ராவண ஸாயக ஆர்தஷ்² |
சசால சாபம் ஷி²தி²லம் ப்ரக்³ருஹ்ய |
புனஷ்² ச ஸம்ஜ்னாம் ப்ரதிலப்⁴ய க்ருச்ச்ராச் |
சிச்சேத³ சாபம் த்ரித³ஷ² இந்த்³ர ஷ²த்ரோஹ் || 6-59-105
நிக்ருத்த சாபம் த்ரிபி⁴ர் ஆஜகா⁴ன |
பா³ணைஸ் ததா³ தா³ஷ²ரதி²ஹ் ஷி²த அக்³ரைஹ் |
ஸ ஸாயக ஆர்தோ விசசால ராஜா |
க்ருச்ச்ராச் ச ஸம்ஜ்னாம் புனர் ஆஸஸாத³ || 6-59-106
ஸ க்ருத்த சாபஹ் ஷ²ர தாடி³தஷ்² ச |
ஸ்வேத³ ஆர்த்³ர கா³த்ரோ ருதி⁴ர அவஸிக்தஹ் |
ஜக்³ராஹ ஷ²க்திம் ஸமுத³க்³ர ஷ²க்திஹ் |
ஸ்வயம்பு⁴ த³த்தாம் யுதி⁴ தே³வ ஷ²த்ருஹ் || 6-59-107
ஸ தாம் விதூ⁴ம அனல ஸம்னிகாஷா²ம் |
வித்ராஸனீம் வானர வாஹினீனாம் |
சிக்ஷேப ஷ²க்திம் தரஸா ஜ்வலந்தீம் |
ஸௌமித்ரயே ராக்ஷஸ ராஷ்ட்ர நாத²ஹ் || 6-59-108
தாம் ஆபதந்தீம் ப⁴ரத அனுஜோ அஸ்த்ரைர் |
ஜகா⁴ன பா³ணைஷ்² ச ஹுத அக்³னி கல்பைஹ் |
ததா² அபி ஸா தஸ்ய விவேஷ² ஷ²க்திர் |
பு⁴ஜ அந்தரம் தா³ஷ²ரதே²ர் விஷா²லம் || 6-59-109
ஸ ஷ²க்திமான் ஷ²க்திஸமாஹத꞉ ஸன் |
ஜஜ்வால பூ⁴மௌ ஸ ரகு⁴ப்ரவீர꞉ |
தம் விஹ்வலந்தம் ஸஹஸாபு⁴பேத்ய |
ஜக்³ராஹ ராஜா தரஸா பு⁴ஜாப்⁴யாம் || 6-59-110
ஹிமவான் மந்த³ரோ மேருஸ்த்ரைலோக்யம் வா ஸஹாமரை꞉ |
ஷ²க்யம் பு⁴ஜாப்⁴யாமுத்³த³ர்தும் ந ஷ²க்யோ ப⁴ரதானுஜ꞉ || 6-59-111
ஷ²க்த்யாப்³ராஹ்ம்யா து ஸௌமித்ரிஸ்தாடி³தோ(அ)பி ஸ்தனாந்தரே |
விஷ்ணோரமீமாம்ஸ்யபா⁴க³மாத்மானம் ப்ரத்யனுஸ்மரத் || 6-59-112
ததோ தா³னவத³ர்பக்⁴னம் ஸௌமித்ரிம் தே³வகண்டக꞉ |
தம் பீட³யித்வா பா³ஹுப்⁴யாம் ந ப்ரபு⁴ர்ணங்க⁴னே(அ)ப⁴வத் || 6-59-113
தத꞉ க்ருத்³தோ⁴ வாயுஸுதோ ராவணம் ஸமபி⁴த்³ரவத் |
ஆஜகா⁴னோரஸி க்ருத்³தோ⁴ வஜ்ரகல்பேன முஷ்டினா || 6-59-114
தேன முஷ்டிப்ரஹாரேண ராவணோ ராக்ஷஸேஷ்²வர꞉ |
ஜானுப்⁴யாமக³மத்³பூ⁴மௌ சசால ச பபாத ச || 6-59-115
ஆஸ்யைஷ்²ச நேத்ரை꞉ ஷ்²ரவணை꞉ பபாத ருதி⁴ரம் ப³ஹு |
விகா⁴ர்ணமானோ நிஷ்²சேஷ்டோ ரதோ²பஸ்த² உபாசிஷ²த் || 6-59-116
விஸஞ்ஜ்ஞோ மூர்சிதஷ்²சாஸீன்ன ச ஸ்தா²னம் ஸமாலப⁴த் |
விஸம்ஜ்ஞம் ராவணம் த்³ருஷ்ட்வா ஸமரே பீ⁴மவிக்ரமம் || 6-59-117
ருஷய் வானராஷ்²சைவ நேது³ர்தே³வாஷ்²ச ஸாஸுரா꞉ |
ஹனூமனத² தேஜஸ்வீ லக்ஷ்மணம் ராவணார்தி³தம் || 6-59-118
அனயத்³ரக⁴வாப்⁴யாஷ²ம் பா³ஹுப்⁴யாம் பரிக்³ருஹ்ய தம் |
வாயுஸூனோ꞉ ஸுஹ்ருத்த்வேன ப⁴க்த்யா பரமயா ச ஸ꞉ || 6-59-119
ஷ²த்ரூணாமப்ரகம்ப்யோ(அ)பி லகு⁴த்வமக³மத்கபே꞉ |
தம் ஸமுத்ஸ்ருஜ்ய ஸா ஷ²க்தி꞉ ஸௌமித்ரிம் யுதி² நிர்ஜிதம் || 6-59-120
ராவணஸ்ய ரதே² தஸ்மின் ஸ்தா²னம் புனருபாக³மத் |
ராவணோ(அ)பி மஹாதேஜா꞉ ப்ராப்ய ஸம்ஜ்ஞாம் மஹாஹவே || 6-59-121
ஆத³தே³ நிஷி²தான் பா³ணான் ஜக்³ரஹ ச மஹத்³த⁴னு꞉ |
அஷ்²வஸ்தஷ்²ச விஷ²ல்யஷ்²ச லக்ஷ்மண꞉ ஷ²த்ருஸூத³ன꞉ || 6-59-122
விஷ்ணோர்பா⁴க³மமீமாம்ஸ்யமாத்மானம் ப்ரத்யனுஸ்மரன் |
நிபாதிதமஹாவீராம் வானராணாம் மஹாசமூம் || 6-59-123
ராக⁴வஸ்து ரணே த்³ருஷ்ட்வா ராவணம் ஸமபி⁴த்³ரவத் |
அதை²னமுபஸம்க³ம்ய ஹனூமான்வாக்யமப்³ரவீத் || 6-59-124
மம ப்ருஷ்டோ²ம் ஸமாருஹ்ய ராக்ஷஸம் ஷா²ஸ்துமர்ஹஸி |
விஷ்ணுர்யதா² க³ருத்மந்தமாருஹ்யமரவைரிணம் || 6-59-125
தச்ச்²ருத்வா ராக³வோ வாக்யம் வாயுபுத்ரேண பா⁴ஷிதம் |
அதா²ருரோஹ ஸஹஸா ஹனூமந்தம் மஹாகபிம் || 6-59-126
ரத²ஸ்த²ம் ராவணம் ஸம்க்²யே த³த³ர்ஷ² மனுஜாதி⁴ப꞉ |
தமாலோக்ய மஹாதேஜா꞉ ப்ரது³த்³ராவ ஸ ராவணம் || 6-59-127
வைரோசனமிவ க்ருத்³தோ⁴ விஷ்ணுரப்⁴யுத்³யதாயுத⁴꞉ |
ஜ்யாஷ²ப்³த³மகரோத்தீவ்ரம் வஜ்ரநிஷ்பேஷநிஷ்டு²ரம் || 6-59-128
கி³ரா க³ம்பீ⁴ரயா ராமோ ராக்ஷஸேந்த்³ரமுவாச ஹ |
திஷ்ட² திஷ்ட² மம த்வம் ஹி க்ருத்வா விப்ரியமீத்³ருஷ²ம் || 6-59-129
க்வ நு ராக்ஷஸஷா²ர்தூ³ள க³த்வா மோக்ஷமவாப்ஸ்யஸி |
யதீ³ந்த்³ரவைவஸ்வதபா⁴ஸ்கரான்வா |
ஸ்வயமுப⁴வைஷ்²வானரஷ²ங்கரான்வா |
க³மிஷ்யஸி த்வம் த³ஷ²தா⁴ தி³ஷோ² வா |
ததா²பி மே நாத்³ய க³தோ விமோக்ஷ்யஸே || 6-59-130
யஷ்²சைஷ ஷ²க்த்யா நிஹதஸ்த்வயாத்³ய |
க³ச்ச²ன்விஷாத³ம் ஸஹஸாப்⁴யுபேத்ய |
ஸ ஏஷ ரக்ஷோக³ணராஜ ம்ருத்யு꞉ |
ஸபுத்ரபௌத்ரஸ்ய தவாத்³ய யுத்³தே⁴ || 6-59-131
ஏதேன சாத்யத்³பு⁴தத³ர்ஷ²னானி |
ஷ²ரைர்ஜனஸ்தா²னக்ருதாலயானி |
சதுர்த³ஷா²ன்யாத்தவராயுதா⁴னி |
ரக்ஷ꞉ ஸஹஸ்ராணி நிஷூதி³தானி || 6-59-132
ராக⁴வஸ்ய வச꞉ ஷ்²ருத்வா ராக்ஷஸேந்த்³ரோ மஹாப³ல꞉ |
வாயுபுத்ரம் மஹாவேக³ம் வஹந்தம் ராக⁴வம் ரணே || 6-59-133
ரோஷேண மஹதாவிஷ்ட꞉ பூர்வவைரமனுஸ்மரன் |
ஆஜகா⁴ன ஷ²ரைர்தீ³பை꞉ காலானலஷி²கோ²பமை꞉ || 6-59-134
ராக்ஷஸேனாஹவே தஸ்ய தாடி³தஸ்யாபி ஸாயகை꞉ |
ஸ்வபா⁴வதேஜோயுக்தஸ்ய பூ⁴யஸ்தேஜோ(அ)ப்⁴யவர்த⁴த || 6-59-135
ததோ ராமோ மஹாதேஜா ராவணேன க்ருதவ்ரணம் |
த்³ருஷ்ட்வா ப்லவக³ஷா²ர்தூ³ளம் க்ரோத⁴ஸ்ய வஷ²மேயுவான் || 6-59-136
தஸ்யாபி⁴ஸம்க்ரம்ய ரத²ம் ஸசக்ரம் |
ஸாஷ்²வத்⁴வஜச்ச²த்ரமஹாபதாகம் |
ஸஸாரதி²ம் ஸாஷ²நிஷூ²லக²ட்³க³ம் |
ராம꞉ ப்ரசிச்சே²த³ ஷி²தை꞉ ஷ²ராக்³ரை꞉ || 6-59-137
அதே²ந்த்³ரஷ²த்ரும் தரஸா ஜகா⁴ன |
பா³ணேன வஜ்ராஷ²நிஸம்னிபே⁴ன |
பு⁴ஜாந்தரே வ்யூட⁴ஸுஜாதரூபே |
வஜ்ரேண மேரும் ப⁴க³வானிவேந்த்³ர꞉ || 6-59-138
யோ வஜ்ரபாதாஷ²நிஸம்நிபாதா |
ந்ன சுக்ஷுபே⁴ நாபி ச்சால ராஜா |
ஸ ராமபா³ணாபி⁴ஹதோ ப்⁴ருஷா²ர்த |
ஷ்²சசால சாபம் ச முமோச வீர꞉ || 6-59-139
தம் விஹ்வலந்தம் ப்ரஸமீக்ஷ்ய ராம꞉ |
ஸமாத³தே³ தீ³ப்தமதா²ர்த⁴சந்த்³ரம் |
தேனார்கவர்ணம் ஸஹஸா கிரீடம் |
சிச்சே²த³ ரக்ஷோதி⁴பதேர்மஹாத்மா || 6-59-140
தம் நிர்விஷாஷீ²விஷஸம்நிகாஷ²ம் |
ஷா²ந்தார்சிஷம் ஸூர்யமிவாப்ரகாஷ²ம் |
க³தஷ்²ரியம் க்ருத்தகிரீடகூட |
முவாச ராமோ யுதி⁴ ராக்ஷஸேந்த்³ரம் || 6-59-141
க்ருதம் த்வயா கர்ம மஹத்ஸுபீ⁴மம் |
ஹதப்ரவீரஷ்²ச க்ருதஸ்த்வயாஹம் |
தஸ்மாத்பரிஷ்²ராந்த இதி வ்யவஸ்ய |
ந்ன த்வாம் ஷ²ரைர்மருத்யுவஷ²ம் நயாமி || 6-59-142
ப்ரயாஹி ஜாநாமி ரணார்தி³தஸ்த்வம் |
ப்ரவிஷ்²ய ராத்ரிஞ்சரராஜ லங்காம் |
அஷ்²வஸ்ய நிர்யாஹி ரதீ² ச த⁴ன்வீ |
ததா³ ப³லம் ப்ரேக்ஷ்யஸி மே ரத²ஸ்த²꞉ || 6-59-143
ஸ ஏவமுக்தோ ஹதத³ர்பஹர்ஷோ |
நிக்ருத்தசாப꞉ ஸ ஹதாஷ்²வஸூத꞉ |
ஷ²ரார்தி³தோ ப⁴க்³னமஹாகிரீடோ |
விவேஷ² லங்காம் ஸஹஸா ஸ்ம ராஜா || 6-59-144
தஸ்மின் ப்ரவிஷ்டே ரஜநீசரேந்த்³ரே |
மஹாப³லே தா³னவதே³வஷ²த்ரௌ |
ஹரீன் விஷ²ல்யான் ஸஹ லக்ஷ்மணேன |
சகார ராம꞉ பரமாஹவாக்³ரே || 6-59-145
தஸ்மின் ப்ரப⁴க்³னே த்ரித³ஷே²ந்த்³ரஷ²த்ரௌ |
ஸுராஸுரா பூ⁴தக³ணா தி³ஷ²ஷ்²ச |
ஸஸாக³ரா꞉ ஸர்வமஹோரகா³ஷ்²ச |
ததை²வ பூ⁴ம்யம்பு³ச ரா꞉ ப்ரஹ்ருஷ்டா꞉ || 6-59-146
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஏகோனஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
