வால்மீகி ராமாயணே ஆதி³ காவ்யே யுத்³த⁴காண்டே³ சத்வாரிம்ஷ²꞉ ஸர்க³꞉
ததோ ராம꞉ ஸுவேலாக்³ரம் யோஜனத்³வயமண்ட³லம் |
உபாரோஹத்ஸஸுக்³ரீவோ ஹரியூதை²꞉ ஸமன்வித꞉ || 6-40-1
ஸ்தி²த்வா முஹூர்தம் தத்ரைவ தி³ஷோ² த³ஷ² விளோகயன் |
த்ரிஃகூ²டஷி²க²ரே ரம்யே நிர்மிதாம் விஷ்²வகர்மணா || 6-40-2
த³த³ர்ஷ² லங்காம் ஸுன்யஸ்தாம் ரம்யகானனஷோ²பி⁴தாம் |
தஸ்யாம் கோ³புரஷ்²ருங்க³ஸ்த²ம் ராக்ஷஸேந்த்³ரம் து³ராஸத³ம் || 6-40-3
ஷ்²வேதசாமரபர்யந்தம் விஜயச்சத்ரஷோ²பி⁴தம் |
ரக்தசந்த³னஸம்லிப்தம் ரக்தாப⁴ரணபூ⁴ஷிதம் || 6-40-4
வீலஜீமூதஸங்காஷ²ம் ஹேமஸஞ்சாதி³தாம்ப³ரம் |
ஐராவதவிஷாணாக்³ரைருத்க்ருஷ்டகிணவக்ஷஸம் || 6-40-5
ஷ²ஷ²லோஹிதராகே³ண ஸம்வீதம் ரக்தவாஸஸா |
ஸந்த்⁴யாதபேன ஸஞ்சன்னம் மேக⁴ராஷி²மிவாம்ப³ரே || 6-40-6
பஷ்²யதாம் வானரேந்த்³ராணாம் ராக⁴வஸ்யாபி பஷ்²யத꞉ |
த³ர்ஷ²நாத்³ராக்ஷஸேந்த்³ரஸ்ய ஸுக்³ரீவ꞉ ஸஹஸோத்தி²த꞉ || 6-40-7
க்ரோத⁴வேகே³ன ஸம் யுக்த꞉ ஸத்த்வேன ச ப³லேன ச |
அசலாக்³ராத³தோ²த்தா²ய புப்லுவே கோ³புரஸ்த²லே || 6-40-8
ஸ்தி²த்வா முஹூர்தம் ஸம்ப்ரேக்ஷ்ய நிர்ப⁴யேனாந்தராத்மனா |
த்ருணீக்ருத்ய ச தத்³ரக்ஷ꞉ ஸோ(அ)ப்³ரவீத்பருஷம் வச꞉ || 6-40-9
லோகநாத²ஸ்ய ராமஸ்ய ஸகா² தா³ஸோ(அ)ஸ்மி ராக்ஷஸ |
ந மயா மோக்யஸே.த்³ய த்வம் பார்தி²வேந்த்³ரஸ்ய தேஜஸா || 6-40-10
இத்யுக்த்வா ஸஹஸோத்பத்ய ப்லுப்லுவே தஸ்ய சோபரி |
ஆக்ருஷ்ய முகுடம் சித்ரம் பாதயாமாஸ தத்³பு⁴வி || 6-40-11
ஸமீக்ஸ்ய தூர்ணமாயாந்தம் ப³பா⁴ஷே தம் நிஷா²சர꞉ |
ஸுக்³ரீவஸ்த்வம் பரோக்ஷே மே ஹீனக்³ரீவோ ப⁴விஷ்யஸி || 6-40-12
இத்யுக்த்வோத்தா²ய தம் க்ஷிப்ரம் பா³ஹுப்⁴யாமாக்ஷிபத்தலே |
கந்து³வத்ஸ ஸமுத்தா²ய பா³ஹுப்⁴யாமாக்ஷிபத்³த⁴ரி꞉ || 6-40-13
பரஸ்பரம் ஸ்வேத³விதி³க்³த⁴கா³த்ரௌ |
பரஸ்பரம் ஷோ²ணிதரக்ததே³ஹௌ |
பரஸ்பரம் ஷ்²லிஷ்டநிருத்³த⁴சேஷ்டௌ |
பரஸ்பரம் ஷா²ல்மலிகிம்ஷு²காவிவ || 6-40-14
முஷ்டிப்ரஹாரைஷ்²ச தலப்ரஹாரை |
ரரத்னிகா⁴தைஷ்²ச கராக்³ரகா⁴தை꞉ |
தௌ சக்ரதுர்யுத்³த⁴மஸஹ்யரூபம் |
மஹாப³லௌ ராக்ஷஸவானரேந்த்³ரௌ || 6-40-15
க்ருத்வா நியுத்³த⁴ம் ப்⁴ருஷ²முக்³ரவேகௌ³ |
காலம் சிரம் கோ³புரவேதி³மத்⁴யே |
உத்க்ஷிப்ய சோத்க்ஷிப்ய வினம்ய தே³ஹௌ |
பாத³க்ரமாத்³கோ³புரவேதி³ளக்³னௌ || 6-40-16
அன்யோன்யமாபீட்³ய விளக்³னதே³ஹௌ |
தௌ பேதுது꞉ பாலனிகா²தமத்⁴யே |
உத்பேததுர்பூ⁴மிதலம் ஸ்ப்ருஷ²ந்தௌ |
ஸ்தி²த்வா முஹூர்தம் த்வபி⁴நி꞉ஷ்²வஸந்தௌ || 6-40-17
ஆலிங்க்³ய சாலிங்ஃக்³ய ச பா³ஹுயோக்த்ரை꞉ |
ஸம்யோஜயாமாஸதுராஹவே தௌ |
ஸம்ரம்ப⁴ஷி²க்ஷாப³லஸம்ப்ரயுக்தௌ |
ஸுசேரது꞉ ஸம்ப்ரதி யுத்³த⁴மார்கே³ || 6-40-18
ஷா²ர்தூ³ளஸிம்ஹவிவ ஜாதத³ம்ஷ்ட்ரௌ |
க³ஜேந்த்³ரபோதாவிவ ஸம்ப்ரயுக்தௌ |
ஸம்ஹத்ய ஸம்வேத்³ய ச தௌ கராப்⁴யாம் |
தஊ பேதுதுர்வை யுக³பத்³த⁴ராயாம் || 6-40-19
உத்³யம்ய சான்யோன்யமதி⁴க்ஷிபந்தௌ |
ஸஞ்சக்ரமாதே ப³ஹு யுத்³த⁴மார்கே³ |
வ்யாயாமஷி²க்ஷாப³லஸம்ப்ரயுக்தௌ |
க்லமம் ந தௌ ஜக்³மதுராஷு² வீரௌ || 6-40-20
பா³ஹுத்தமைர்வாரணவாரணாபை⁴ |
ர்நிவாரயந்தௌ பரவாரணாபௌ⁴|
சிரேண காலேன ப்⁴ருஷ²ம் ப்ரயுத்³தௌ⁴ |
ஸஞ்சேரதுர்மண்ட³லமார்க³மாஷு² || 6-40-21
தௌ பரஸ்பர மாஸாத்³ய யத்தாவன்யோன்யஸூத³னே |
மார்ஜாராவிவ ப⁴க்ஷார்தே²(அ)வதஸ்தா²தே முஹுர்முஹு꞉ || 6-40-22
மண்ட³லானி விசித்ராணி ஸ்தா²னானி விவிதா⁴னி ச |
கோ³மூத்ரகாணி சித்ராணி க³தப்ரத்யாக³தானி ச || 6-40-23
தீர்ஷீ²னக³தான்யேவ ததா² வக்ரக³தானி ச |
பரிமோக்ஷம் ப்ரஹாராணாம் வர்ஜனம் பரிதா⁴வனம் || 6-40-24
அபி⁴த்³ரவணமாப்லாவமவஸ்தா²னம் ஸவிக்³ரஹம் |
பராவ்ருத்தமபாவ்ருத்தமபத்³ருதமவப்லுதம் || 6-40-25
உபன்யஸ்தமபன்யஸ்தம் யுத்³த⁴மார்க³விஷா²ரதௌ³ |
தௌ விசேரதுர்ன்யோன்யம் வானரேந்த்³ரஷ்²ச ராவண꞉ || 6-40-26
ஏதஸ்மின்னந்தரே ரக்ஷோ மாயாப³லமதா²த்மன꞉ |
ஆரப்³து³முபஸம் பேதே³ ஜ்ஞாத்வா தம் வானராதி⁴ப꞉ || 6-40-27
உத்பபாத ததா³காஷ²ம் ஜிதகாஷீ² ஜிதக்லம꞉ |
ராவண꞉ ஸ்தி²த ஏவாத்ர ஹரிராஜேன வஞ்சித꞉ || 6-40-28
அத² ஹரிவரநாத²꞉ ப்ராப்தஸங்க்³ராமகீர்தி |
ர்நிஷி²சரபதிமாஜௌ யோஜயித்வா ஷ்²ரமேண |
க³க³னமதிவிஷா²லம் லங்க⁴யித்வார்கஸூந |
ர்ஹரிக³ணப³லமத்⁴யே ராமபார்ஷ்²வம் ஜகா³ம் || 6-40-29
ஸ இதி ஸவித்ருஸூனுஸ்தத்ர தத்கர்ம க்ருத்வா |
பவனக³திரனீகம் ப்ராவிஷ²த்ஸம்ப்ரஹ்ருஷ்ட꞉ |
ரகு⁴வரந்ருபஸூனோத்³வர்த⁴யன் யுத்³த⁴ஹர்ஷம் |
தரும்ருக³க³ணமுக்²யை꞉ பூஜ்யமானோ ஹரீந்த்³ர꞉ || 6-40-30
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ சத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
