வால்மீகி ராமாயணே ஆதி³ காவ்யே யுத்³த⁴காண்டே³ ஏகோனசத்வாரிம்ஷ²꞉ ஸர்க³꞉
தாம் ராத்ரிம் உஷிதாஸ் தத்ர ஸுவேலே ஹரி பும்க³வா꞉ |
லன்காயாம் த³த்³ருஷு²ர் வீரா வனான்ய் உபவனானி ச || 6-39-1
ஸம ஸௌம்யானி ரம்யாணி விஷா²லான்ய் ஆயதானி ச |
த்³ருஷ்டி ரம்யாணி தே த்³ருஷ்ட்வா ப³பூ⁴வுர் ஜாத விஸ்மயா꞉ || 6-39-2
சம்பக அஷோ²க பும்நாக³ ஸால தால ஸமாகுலா |
தமால வன ஸஞ்சன்னா நாக³ மாலா ஸமாவ்ருதா || 6-39-3
ஹிந்தாலைர் அர்ஜுனைர் நீபை꞉ ஸப்த பர்ணைஷ்² ச புஷ்பிதை꞉ |
திலகை꞉ கர்ணிகாரைஷ்² ச படாலைஷ்² ச ஸமந்தத꞉ || 6-39-4
ஷு²ஷு²பே⁴ புஷ்பித அக்³ரைஷ்² ச லதா பரிக³தைர் த்³ருமை꞉ |
லன்கா ப³ஹு விதை⁴ர் தி³வ்யைர் யதா² இந்த்³ரஸ்ய அமராவதீ || 6-39-5
விசித்ர குஸும உபேதை ரக்த கோமள பல்லவை꞉ |
ஷா²த்³வலைஷ்² ச ததா² நீலைஷ்² சித்ராபி⁴ர் வன ராஜிபி⁴꞉ || 6-39-6
க³ந்த⁴ ஆட்⁴யான்ய் அபி⁴ரம்யாணி புஷ்பாணி ச ப²லானி ச |
தா⁴ரயந்த்ய் அக³மாஸ் தத்ர பூ⁴ஷணானி இவ மானவா꞉ || 6-39-7
தச் சைத்ர ரத² ஸம்காஷ²ம் மனோஜ்னம் நந்த³ன உபமம் |
வனம் ஸர்வ ருதுகம் ரம்யம் ஷு²ஷு²பே⁴ ஷட்பத³ ஆயுதம் || 6-39-8
நத்யூஹ கோயஷ்டி ப⁴கைர் ந்ருத்யமானைஷ்² ச ப³ர்ஹிபி⁴꞉ |
ருதம் பர ப்⁴ருதானாம் ச ஷு²ஷ்²ருவே வன நிர்ஜ²ரே || 6-39-9
நித்ய மத்த விஹம்கா³னி ப்⁴ரமர ஆசரிதானி ச |
கோகில ஆகுல ஷண்டா³னி விஹக³ அபி⁴ருதானி ச || 6-39-10
ப்⁴ருன்க³ ராஜ அபி⁴கீ³தானி ப்⁴ரமரை꞉ ஸேவிதானி ச |
கோணாலக விகு⁴ஷ்டானி ஸாரஸ அபி⁴ருதானி ச || 6-39-11
விவிஷு²ஸ் தே ததஸ் தானி வனான்ய் உபவனானி ச |
ஹ்ருஷ்டாஹ் ப்ரமுதி³தா வீரா ஹரய꞉ காம ரூபிண꞉ || 6-39-12
தேஷாம் ப்ரவிஷ²தாம் தத்ர வானராணாம் மஹா ஓஜஸாம் |
புஷ்ப ஸம்ஸர்க³ ஸுரபி⁴ர் வவௌ க்⁴ராண ஸுகோ² அனில꞉ || 6-39-13
அன்யே து ஹரி வீராணாம் யூதா²ன் நிஷ்க்ரம்ய யூத²பா꞉ |
ஸுக்³ரீவேண அப்⁴யனுஜ்னாதா லன்காம் ஜக்³மு꞉ பதாகினீம் || 6-39-14
வித்ராஸயந்தோ விஹகா³ம்ஸ் த்ராஸயந்தோ ம்ருக³ த்³விபான் |
கம்பயந்தஷ்² ச தாம் லன்காம் நாதை³꞉ ஸ்வைர் நத³தாம் வரா꞉ || 6-39-15
குர்வந்தஸ் தே மஹா வேகா³ மஹீம் சாரண பீடி³தாம் |
அஜஷ்² ச ஸஹஸா ஏவ ஊர்த்⁴வம் ஜகா³ம சரண உத்³த⁴தம் || 6-39-16
ருக்ஷா꞉ ஸிம்ஹா வராஹாஷ்² ச மஹிஷா வாரணா ம்ருகா³꞉ |
தேன ஷ²ப்³தே³ன வித்ரஸ்தா ஜக்³முர் பீ⁴தா தி³ஷோ² த³ஷ² || 6-39-17
ஷி²க²ரம் து த்ரிகூடஸ்ய ப்ராம்ஷு² ச ஏகம் தி³வி ஸ்ப்ருஷ²ம் |
ஸமந்தாத் புஷ்ப ஸஞ்சன்னம் மஹா ரஜத ஸம்னிப⁴ம் || 6-39-18
ஷ²த யோஜன விஸ்தீர்ணம் விமலம் சாரு த³ர்ஷ²னம் |
ஷ்²லக்ஷ்ணம் ஶ்ரீமன் மஹச் சைவ து³ஷ்ப்ராபம் ஷ²குனைர் அபி || 6-39-19
மனஸா அபி து³ராரோஹம் கிம் புன꞉ கர்மணா ஜனை꞉ |
நிவிஷ்டா தத்ர ஷி²க²ரே லன்கா ராவண பாலிதா || 6-39-20
த³ஷ²யோஜனவிஸ்தீர்ணா விம்ஷ²த்³யோஜனமாயதா |
ஸா புரீ கோ³புரைர் உச்சை꞉ பாண்டு³ர அம்பு³த³ ஸம்னிபை⁴꞉ |
கான்சனேன ச ஸாலேன ராஜதேன ச ஷோ²பி⁴தா || 6-39-21
ப்ராஸாதை³ஷ்² ச விமானைஷ்² ச லன்கா பரம பூ⁴ஷிதா |
க⁴னைர் இவ ஆதப அபாயே மத்⁴யமம் வைஷ்ணவம் பத³ம் || 6-39-22
தஸ்யாம் ஸ்தம்ப⁴ ஸஹஸ்ரேண ப்ராஸாத³꞉ ஸமலம்க்ருத꞉ |
கைலாஸ ஷி²க²ர ஆகாரோ த்³ருஷ்²யதே க²ம் இவ உல்லிக²ன் || 6-39-23
சைத்ய꞉ ஸ ராக்ஷஸ இந்த்³ரஸ்ய ப³பூ⁴வ புர பூ⁴ஷணம் |
ஷ²தேன ரக்ஷஸாம் நித்யம் ய꞉ ஸமக்³ரேண ரக்ஷ்யதே || 6-39-24
மனோஜ்ஞாம் காஞ்சனவதீம் ஸர்வதைருபஷோ²பி⁴தாம் |
நானாதா⁴துவிசித்ரைஷ்²ச உத்³யானைருபஷோ²பி⁴தாம் || 6-39-25
நானாவிஹக³ஸம்க⁴ஷ்டாம் நானாம்ருக³நிஷேவிதாம் |
நானாகுஸுமஸம்பன்னாம் நானாராக்ஷஸஸேவிதாம் || 6-39-26
தாம் ஸம்ருத்³தா⁴ம் ஸம்ருத்³த⁴ அர்தோ² லக்ஷ்மீவாம்ல் லக்ஷ்மண அக்³ரஜ꞉ |
ராவணஸ்ய புரீம் ராமோ த³த³ர்ஷ² ஸஹ வானரை꞉ || 6-39-27
தாம் மஹாக்³ருஹஸம்பா³தா⁴ம் த்³ருஷ்ட்வா லக்ஷ்மணபூர்வஜ꞉ |
நக³ரீம் த்ரிதி³வப்ரக்²யாம் விஸ்மயம் ப்ராப வீர்யவான் 6-39-28
தாம் ரத்ன பூர்ணாம் ப³ஹு ஸம்விதா⁴னாம் |
ப்ராஸாத³ மாலாபி⁴ர் அலம்க்ருதாம் ச |
புரீம் மஹா யந்த்ர கவாட முக்²யாம் |
த³த³ர்ஷ² ராமோ மஹதா ப³லேன || 6-39-29
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஏகோனசத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
