வால்மீகி ராமாயணே ஆதி³ காவ்யே யுத்³த⁴காண்டே³ த்ரிம்ஷ²꞉ ஸர்க³꞉
ததஸ்தமக்ஷோப்⁴ய ப³லம் லங்கா அதி⁴பதயே சரா꞉ |
ஸுவேலே ராக⁴வம் ஷை²லே நிவிஷ்டம் ப்ரத்யவேத³யன் || 6-30-1
சாராணாம் ராவண꞉ ஷ்²ருத்வா ப்ராப்தம் ராமம் மஹாப³லம் |
ஜாத உத்³வேகோ³ அப⁴வத் கிஞ்சித் ஷா²ர்தூ³லம் வாக்யம் அப்³ரவீத் || 6-30-2
அயதா²வச் ச தே வர்ணோ தீ³ந꞉ ச அஸி நிஷா² சர |
ந அஸி கச்சித்³ அமித்ராணாம் க்ருத்³தா⁴நாம் வஷ²ம் ஆக³த꞉ || 6-30-3
இதி தேந அநுஷி²ஷ்டஸ் து வாசம் மந்த³ம் உதீ³ரயத் |
ததா³ ராக்ஷஸ ஷா²ர்தூ³லம் ஷா²ர்தூ³லோ ப⁴ய விஹ்வல꞉ || 6-30-4
ந தே சாரயிதும் ஷ²க்யா ராஜன் வாநர பும்க³வா꞉ |
விக்ராந்தா ப³லவந்த꞉ ச ராக⁴வேண ச ரக்ஷிதா꞉ || 6-30-5
ந அபி ஸம்பா⁴ஷிதும் ஷ²க்யா꞉ ஸம்ப்ரஷ்²நோ அத்ர ந லப்⁴யதே |
ஸர்வதோ ரக்ஷ்யதே பந்தா² வாநரை꞉ பர்வத உபமை꞉ || 6-30-6
ப்ரவிஷ்ட மாத்ரே ஜ்ஞாதோ அஹம் ப³லே தஸ்மிந்ன் அசாரிதே |
ப³லாத்³ க்³ருஹீதோ ப³ஹுபி⁴ர் ப³ஹுதா⁴ அஸ்மி விதா³ரித꞉ || 6-30-7
ஜாநுபி⁴ர் முஷ்டிபி⁴ர் த³ந்தைஸ் தலை꞉ ச அபி⁴ஹதோ ப்⁴ருஷ²ம் |
பரிணீதோ அஸ்மி ஹரிபி⁴ர் ப³லவத்³பி⁴ர் அமர்ஷணை꞉ || 6-30-8
பரிணீய ச ஸர்வத்ர நீதோ அஹம் ராம ஸம்ஸத³ம் |
ருதி⁴ர ஆதி³க்³த⁴ ஸர்வ அந்கோ³ விஹ்வல꞉ சலித இந்த்³ரிய꞉ || 6-30-9
ஹரிபி⁴ர் வத்⁴யமாந꞉ ச யாசமாந꞉ க்ருத அந்ஜலி꞉ |
ராக⁴வேண பரித்ராதோ ஜீவாமி ஹ யத்³ருச்சயா || 6-30-10
ஏஷ ஷை²லை꞉ ஷி²லாபி⁴꞉ ச பூரயித்வா மஹாஅர்ணவம் |
த்³வாரம் ஆஷ்²ரித்ய லங்காயா ராமஸ் திஷ்ட²தி ஸாயுத⁴꞉ || 6-30-11
க³ருட³ வ்யூஹம் ஆஸ்தா²ய ஸர்வதோ ஹரிபி⁴ர் வ்ருத꞉ |
மாம் விஸ்ருஜ்ய மஹாதேஜா லங்காம் ஏவ அபி⁴வர்ததே || 6-30-12
புரா ப்ராகாரம் ஆயாதி க்ஷிப்ரம் ஏகதரம் குரு |
ஸீதாம் ச அஸ்மை ப்ரயச்ச ஆஷு² ஸுயுத்³த⁴ம் வா ப்ரதீ³யதாம் || 6-30-13
மநஸா ஸம்ததாப அத² தத் ஷ்²ருத்வா ராக்ஷஸ அதி⁴ப꞉ |
ஷா²ர்தூ³லஸ்ய மஹத்³ வாக்யம் அத² உவாச ஸ ராவண꞉ || 6-30-14
யதி³ மாம் ப்ரதியுத்⁴யேரன் தே³வ க³ந்த⁴ர்வ தா³நவா꞉ |
ந ஏவ ஸீதாம் ப்ரதா³ஸ்யாமி ஸர்வ லோக ப⁴யாத்³ அபி || 6-30-15
ஏவம் உக்த்வா மஹாதேஜா ராவண꞉ புநர் அப்³ரவீத் |
சாரிதா ப⁴வதா ஸேநா கே அத்ர ஷூ²ரா꞉ ப்லவம் க³மா꞉ || 6-30-16
கீத்³ருஷா²꞉ கிம் ப்ரபா⁴வா꞉ ச வாநரா யே து³ராஸதா³꞉ |
கஸ்ய புத்ரா꞉ ச பௌத்ரா꞉ ச தத்த்வம் ஆக்²யாஹி ராக்ஷஸ || 6-30-17
ததா²த்ர ப்ரதிபத்ஸ்யாமி ஜ்ஞாத்வா தேஷாம் ப³ல அப³லம் |
அவஷ்²யம் ப³ல ஸம்க்²யாநம் கர்தவ்யம் யுத்³த⁴ம் இச்சதா || 6-30-18
அத² ஏவம் உக்த꞉ ஷா²ர்தூ³லோ ராவணேந உத்தம꞉ சர꞉ |
இத³ம் வசநம் ஆரேபே⁴ வக்தும் ராவண ஸம்நிதௌ⁴ || 6-30-19
அத² ருக்ஷ ரஜஸ꞉ புத்ரோ யுதி⁴ ராஜன் ஸுது³ர்ஜய꞉ |
க³த்³க³த³ஸ்ய அத² புத்ரோ அத்ர ஜாம்ப³வான் இதி விஷ்²ருத꞉ || 6-30-20
க³த்³க³த³ஸ்ய ஏவ புத்ரோ அந்யோ கு³ரு புத்ர꞉ ஷ²த க்ரதோ꞉ |
கத³நம் யஸ்ய புத்ரேண க்ருதம் ஏகேந ரக்ஷஸாம் || 6-30-21
ஸுஷேண꞉ ச அபி த⁴ர்ம ஆத்மா புத்ரோ த⁴ர்மஸ்ய வீர்யவான் |
ஸௌம்ய꞉ ஸோம ஆத்மஜ꞉ ச அத்ர ராஜன் த³தி⁴ முக²꞉ கபி꞉ || 6-30-22
ஸுமுகோ² து³ர்முக²꞉ ச அத்ர வேக³ த³ர்ஷீ² ச வாநர꞉ |
ம்ருத்யுர் வாநர ரூபேண நூநம் ஸ்ருஷ்ட꞉ ஸ்வயம்பு⁴வா || 6-30-23
புத்ரோ ஹுத வஹஸ்ய அத² நீல꞉ ஸேநா பதி꞉ ஸ்வயம் |
அநிலஸ்ய ச புத்ரோ அத்ர ஹநூமான் இதி விஷ்²ருத꞉ || 6-30-24
நப்தா ஷ²க்ரஸ்ய து³ர்த⁴ர்ஷோ ப³லவான் அந்க³தோ³ யுவா |
மைந்த³꞉ ச த்³விவித³꞉ ச உபௌ⁴ ப³லிநாவ் அஷ்²வி ஸம்ப⁴வௌ || 6-30-25
புத்ரா வைவஸ்வதஸ்ய அத்ர பந்ச கால அந்தக உபமா꞉ |
க³ஜோ க³வ அக்ஷோ க³வய꞉ ஷ²ரபோ⁴ க³ந்த⁴ மாத³ந꞉ || 6-30-26
த³ஷ² வாநரகோட்யஷ்²ச ஷூ²ராணாம் யுத்³த⁴காங்க்³க்ஷிணாம் |
ஶ்ரீமதாம் தே³வபுத்ராணாம் ஷே²ஷம் நாக்²யாதுமுத்ஸஹே || 6-30-27
புத்ரோ த³ஷ²ரத²ஸ்யேஷ ஸிம்ஹஸம்ஹநநோ யுவா |
தூ³ஷணோ நிஹதோ யேந க²ரஷ்²ச த்ரிஷி²ராஸ்ததா² || 6-30-28
நாஸ்தி ராமஸ்ய ஸத்³ருஷோ² விக்ரமே பு⁴வி கஷ்²சந |
விராதோ⁴ நிஹதோ யேந கப³ந்த⁴ஷ்²சாந்தகோபம꞉ || 6-30-29
வக்தும் ந ஷ²க்தோ ராமஸ்ய கு³ணான் கஷ்²சிந்நர꞉ க்ஷிதௌ |
ஜநஸ்தா²நக³தா யேந தாவந்தோ ராக்ஷஸா ஹதா꞉ || 6-30-30
லக்ஷ்மணஷ்²சாத்ர த⁴ர்மாத்மா மாதங்க³வாமிவர்ஷப⁴꞉ |
யஸ்ய பா³ணபத²ம் ப்ராப்ய வ ஜீவேத³பி வாஸவ꞉ || 6-30-31
ஷ்²வேதோ ஜ்யோதிர் முக²꞉ ச அத்ர பா⁴ஸ்கரஸ்ய ஆத்ம ஸம்ப⁴வௌ |
வருணஸ்ய ச புத்ரோ அத² ஹேம கூட꞉ ப்லவம் க³ம꞉ || 6-30-32
விஷ்²வ கர்ம ஸுதோ வீரோ நல꞉ ப்லவக³ ஸத்தம꞉ |
விக்ராந்தோ வேக³வான் அத்ர வஸு புத்ர꞉ ஸுது³ர்த⁴ர꞉ || 6-30-33
ராக்ஷஸாநாம் வரிஷ்ட²꞉ ச தவ ப்⁴ராதா விபீ⁴ஷண꞉ |
பரிக்³ருஹ்ய புரீம் லங்காம் ராக⁴வஸ்ய ஹிதே ரத꞉|| 6-30-34
இதி ஸர்வம் ஸமாக்²யாதம் தவ இத³ம் வாநரம் ப³லம் |
ஸுவேலே அதி⁴ஷ்டி²தம் ஷை²லே ஷே²ஷ கார்யே ப⁴வான் க³தி꞉ || 6-30-35
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
