வால்மீகி ராமாயணே ஆதி³ காவ்யே யுத்³த⁴காண்டே³ ஷோட³ஷ²꞉ ஸர்க³꞉
ஸுநிவிஷ்டம் ஹிதம் வாக்யம் உக்தவந்தம் விபீ⁴ஷணம் |
அப்³ரவீத் பருஷம் வாக்யம் ராவண꞉ கால சோதி³த꞉ || 6-16-1
வஸேத் ஸஹ ஸபத்நேந க்ருத்³தே⁴ந ஆஷீ² விஷேண ச |
ந து மித்ர ப்ரவாதே³ந ஸம்வஸ்ச்சத்ருணா ஸஹ || 6-16-2
ஜாநாமி ஷீ²லம் ஜ்ஞாதீநாம் ஸர்வ லோகேஷு ராக்ஷஸ |
ஹ்ருஷ்யந்தி வ்யஸநேஷ்வேதே ஜ்ஞாதீநாம் ஜ்ஞாதய꞉ ஸதா³ || 6-16-3
ப்ரதா⁴நம் ஸாத⁴கம் வைத்³யம் த⁴ர்ம ஷீ²லம் ச ராக்ஷஸ |
ஜ்ஞாதயோ ஹ்யநமந்யந்தே ஷூ²ரம் பரிப⁴வந்தி ச || 6-16-4
நித்யம் அந்யோந்ய ஸம்ஹ்ருஷ்டா வ்யஸநேஷ்வாததாயிந꞉ |
ப்ரச்சந்ந ஹ்ருத³யா கோ⁴ரா ஜ்ஞாதயஸ் து ப⁴ய ஆவஹா꞉ || 6-16-5
ஷ்²ரூயந்தே ஹஸ்திபி⁴ர் கீ³தா꞉ ஷ்²லோகா꞉ பத்³ம வநே புரா |
பாஷ² ஹஸ்தான் நரான் த்³ருஷ்ட்வா ஷ்²ருணு தான் க³த³தோ மம || 6-16-6
நாக்³நிர்நாந்யாநி ஷ²ஸ்த்ராணி ந ந꞉ பாஷா² ப⁴யாவஹா꞉ |
கோ⁴ரா꞉ ஸ்வார்த²ப்ரயுக்தாஸ்து ஜ்ஞாதயோ நோ ப⁴யாவஹா꞉ || 6-16-7
உபாயமேதே வக்ஷ்யந்தி க்³ரஹணே நாத்ரஸம்ஷ²ய꞉ |
க்ருத்ஸ்நாத்³ ப⁴யாஜ்ஜ்ஞாதிப⁴யம் ஸுகஷ்டம் விதி³தம் ச ந꞉ || 6-16-8
வித்³யதே கோ³ஷு ஸம்பந்நம் வித்³யதே ப்³ராஹ்மணே த³ம꞉ |
வித்³யதே ஸ்த்ரீஷு சாபல்யம் வித்³யதே ஜ்ஞாதிதோ ப⁴யம் || 6-16-9
ததோ நேஷ்டம் இத³ம் ஸௌம்ய யத³ஹம் லோக ஸத்க்ருத꞉ |
ஐஷ்²வர்யம் அபி⁴ஜாத꞉ ச ரிபூணாம் மூர்த்⁴நி ச ஸ்தி²த꞉ || 6-16-10
யதா² புஷ்கரபத்ரேஷு பதிதாஸ்தோயபி³ந்த³வ꞉ |
ந ஷ்²லேஷமபி⁴க³ச்சந்தி ததா²நார்யேஷு ஸௌஹ்ருத³ம் || 6-16-11
யதா² ஷ²ரதி³ மேகா⁴நாம் ஸிஞ்சாதாமபி க³ர்ஜதாம் |
ந ப⁴வத்யமுப³ஸம்க்லேத³ஸ்ததா²நார்யேஷு ஸௌஹ்ருத³ம் || 6-16-12
யதா² மது⁴கரஸ்தர்ஷாத்³ராஸம் விந்த³ந்ந திஷ்ட²தி |
ததா² த்வமபி தத்ரைவ ததா²நார்யேஷு ஸௌஹ்ருத³ம் || 6-16-13
யதா² மது⁴கர்ஸ்தராஷாத்காஷ²புஷ்பம் பிப³ந்நபி |
ரஸமத்ர ந விந்தே³த ததா²நார்யேஷு ஸௌஹ்ருத³ம் || 6-16-14
யதா² பூர்வம் க³ஜ꞉ ஸ்நாத்வா க்³ருஹ்ய ஹஸ்தேந வை ரஜ꞉ |
தூ³ஷயத்யாத்மநோ தே³ஹம் ததா²நார்யேஷு ஸௌஹ்ருத³ம் || 6-16-15
யோ(அ)ந்யஸ்த்வேவம்வித⁴ம் ப்³ரூயாத்³ வாக்யமேதந்நிஷா²சர |
அஸ்மின் முஹூர்தே ந ப⁴வேத் த்வாம் து தி⁴க் குலபாம்ஸநம் || 6-16-16
இதிஉக்த꞉ பருஷம் வாக்யம் ந்யாயவாதீ³ விபீ⁴ஷண꞉ |
உத்பபாத க³தா³பாணி꞉சதுர்பி⁴꞉ ஸஹ ராக்ஷஸை꞉ || 6-16-17
அப்³ரவீச்ச ததா³ வாக்யம் ஜாதக்ரோதோ⁴ விபீ⁴ஷண꞉ |
அந்தரிக்ஷக³த꞉ ஶ்ரீமான் ப்⁴ராதரம் ராக்ஷஸ அதி⁴பம் || 6-16-18
ஸ த்வம் ப்⁴ராதா அஸி மே ராஜன் ப்³ரூஹி மாம் யத்³ யத்³ இச்சஸி |
ஜ்யேஷ்டோ² மாந்ய꞉ பித்ருஸமோ ந ச த⁴ர்மபதே² ஸ்தி²த꞉ || 6-16-19
இத³ம் து பருஷம் வாக்யம் ந க்ஷமாமி அந்ருதம் தவ |
ஸுநீதம் ஹித காமேந வாக்யம் உக்தம் த³ஷ² ஆநந || 6-16-20
ந க்³ருஹ்ணந்தி அக்ருத ஆத்மாந꞉ காலஸ்ய வஷ²மாக³தா꞉ |
ஸுலபா⁴꞉ புருஷா ராஜன் ஸததம் ப்ரிய வாதி³ந꞉ || 6-16-21
அப்ரியஸ்ய து பத்²யஸ்ய வக்தா ஷ்²ரோதா ச து³ர்லப⁴꞉ |
ப³த்³த⁴ம் காலஸ்ய பாஷே²ந ஸர்வ பூ⁴த அபஹாரிணா || 6-16-22
ந நஷ்²யந்தம் உபேக்ஷேயம் ப்ரதீ³ப்தம் ஷ²ரணம் யதா² |
தீ³ப்த பாவக ஸம்காஷை²꞉ ஷி²தை꞉ காந்சந பூ⁴ஷணை꞉ || 6-16-23
ந த்வாம் இச்சாமி அஹம் த்³ரஷ்டும் ராமேண நிஹதம் ஷ²ரை꞉ |
ஷூ²ரா꞉ ச ப³லவந்த꞉ ச க்ருத அஸ்த்ரா꞉ ச நர ஆஜிரே || 6-16-24
கால அபி⁴பந்நா ஸீத³ந்தி யதா² வாலுக ஸேதவ꞉ |
தநர்ஷயது யச்சோக்தம் கு³ருத்வாத்³தி⁴தமிச்சதா || 6-16-25
ஆத்மாநம் ஸர்வதா² ரக்ஷ புரீம் ச இமாம் ஸராக்ஷஸாம் |
ஸ்வஸ்தி தே அஸ்து க³மிஷ்யாமி ஸுகீ² ப⁴வ மயா விநா || 6-16-26
நிவார்யமாணஸ்ய மயா ஹித ஏஷிணா |
ந ரோசதே தே வசநம் நிஷா² சர |
பரீத காலா ஹி க³த ஆயுஷோ நரா |
ஹிதம் ந க்³ருஹ்ணந்தி ஸுஹ்ருத்³பி⁴ர் ஈரிதம் || 6-16-27
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஷோட³ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
