வால்மீகி ராமாயணே ஆதி³ காவ்யே யுத்³த⁴காண்டே³ த்ருதீய꞉ ஸர்க³꞉
ஸுக்³ரீவஸ்ய வச꞉ ஷ்²ருத்வா ஹேதுமத் பரம அர்த²வித் |
ப்ரதிஜக்³ராஹ காகுத்ஸ்தோ² ஹநூமந்தம் அத² அப்³ரவீத் || 6-3-1
தரஸா ஸேது ப³ந்தே⁴ந ஸாக³ர உச்சோஷணேந வா |
ஸர்வதா² ஸுஸமர்தோ² அஸ்மி ஸாக³ரஸ்ய அஸ்ய லந்க⁴நே || 6-3-2
கதி து³ர்கா³ணி து³ர்கா³யா லங்காயாஸ் தத்³ ப்³ரவீஹி மே |
ஜ்ஞாதும் இச்சாமி தத் ஸர்வம் த³ர்ஷ²நாத்³ இவ வாநர || 6-3-3
ப³லஸ்ய பரிமாணம் ச த்³வார து³ர்க³ க்ரியாம் அபி |
கு³ப்தி கர்ம ச லங்காயா ரக்ஷஸாம் ஸத³நாநி ச || 6-3-4
யதா² ஸுக²ம் யதா²வச் ச லங்காயாம் அஸி த்³ருஷ்டவான் |
ஸரம் ஆசக்ஷ்வ தத்த்வேந ஸர்வதா² குஷ²லோ ஹி அஸி || 6-3-5
ஷ்²ருத்வா ராமஸ்ய வசநம் ஹநூமான் மாருத ஆத்மஜ꞉ |
வாக்யம் வாக்யவிதா³ம் ஷ்²ரேஷ்டோ² ராமம் புநர் அத² அப்³ரவீத் || 6-3-6
ஷ்²ரூயதாம் ஸர்வம் ஆக்²யாஸ்யே து³ர்க³ கர்ம விதா⁴நத꞉ |
கு³ப்தா புரீ யதா² லங்கா ரக்ஷிதா ச யதா² ப³லை꞉ || 6-3-7
ராக்ஷஸாஷ்²ச யதா² ஸ்நிக்³தா⁴ ராவணஸ்ய ச தேஜஸா |
பராம் ஸம்ருத்³தி⁴ம் லங்காயா꞉ ஸாக³ரஸ்ய ச பீ⁴மதாம் || 6-3-8
விபா⁴க³ம் ச ப³ல ஓக⁴ஸ்ய நிர்தே³ஷ²ம் வாஹநஸ்ய ச |
ஏவமுக்த்வா கபிஷ்²ரேஷ்ட²꞉ கத²யாமாஸ தத்வவித் || 6-3-9
ப்ரஹ்ருஷ்டா முதி³தா லங்கா மத்த த்³விப ஸமாகுலா |
மஹதீ ரத² ஸம்பூர்ணா ரக்ஷோ க³ண ஸமாகுலா || 6-3-10
த்³ருட⁴ ப³த்³த⁴ கவாடாநி மஹாபரிக⁴வந்தி ச |
சத்வாரி விபுலாந்யஸ்யா த்³வாராணி ஸுமஹாந்தி || 6-3-11
தத்ரேஷூபயந்த்ராணி ப³லவந்தி மஹாந்தி ச |
ஆக³தம் பர ஸைந்யம் தைஸ் தத்ர ப்ரதிநிவார்யதே || 6-3-12
த்³வாரேஷு ஸம்ஸ்க்ருதா பீ⁴மா꞉ கால ஆயஸ மயா꞉ ஷி²தா꞉ |
ஷ²தஷோ² ரோசிதா வீரை꞉ ஷ²தக்⁴ந்யோ ரக்ஷஸாம் க³ணை꞉ || 6-3-13
ஸௌவர்ண꞉ ச மஹாம்ஸ் தஸ்யா꞉ ப்ராகாரோ து³ஷ்ப்ரத⁴ர்ஷண꞉ |
மணி வித்³ரும வைதூ³ர்ய முக்தா விசரித அந்தர꞉ || 6-3-14
ஸர்வத꞉ ச மஹாபீ⁴மா꞉ ஷீ²த தோயா மஹாஷு²பா⁴꞉ |
அகா³தா⁴ க்³ராஹவத்ய꞉ ச பரிகா² மீந ஸேவிதா꞉ || 6-3-15
த்³வாரேஷு தாஸாம் சத்வார꞉ ஸம்க்ரமா꞉ பரம ஆயதா꞉ |
யந்த்ரைர் உபேதா ப³ஹுபி⁴ர் மஹத்³பி⁴ர் த்³ருட⁴ ஸந்தி⁴பி⁴꞉ || 6-3-16
த்ராயந்தே ஸம்க்ரமாஸ் தத்ர பர ஸைந்ய ஆக³மே ஸதி |
யந்த்ரைஸ் தைர் அவகீர்யந்தே பரிகா²ஸு ஸமந்தத꞉ || 6-3-17
ஏகஸ் த்வ் அகம்ப்யோ ப³லவான் ஸம்க்ரம꞉ ஸுமஹாத்³ருட⁴꞉ |
காஞ்சநைர் ப³ஹுபி⁴꞉ ஸ்தம்பை⁴ர் வேதி³காபி⁴꞉ ச ஷோ²பி⁴த꞉ || 6-3-18
ஸ்வயம் ப்ரக்ருதி ஸம்பந்நோ யுயுத்ஸூ ராம ராவண꞉ |
உத்தி²த꞉ ச அப்ரமத்த꞉ ச ப³லாநாம் அநுத³ர்ஷ²நே || 6-3-19
லங்கா புரீ நிராலம்பா³ தே³வ து³ர்கா³ ப⁴ய ஆவஹா |
ந அதே³யம் பார்வதம் வந்யம் க்ருத்ரிமம் ச சதுர் வித⁴ம் || 6-3-20
ஸ்தி²தா பாரே ஸமுத்³ரஸ்ய தூ³ர பாரஸ்ய ராக⁴வ |
நௌ பத²꞉ ச அபி ந அஸ்தி அத்ர நிராதே³ஷ²꞉ ச ஸர்வத꞉ || 6-3-21
ஷை²ல அக்³ரே ரசிதா து³ர்கா³ ஸா பூர் தே³வ புர உபமா |
வாஜி வாரண ஸம்பூர்ணா லங்கா பரம து³ர்ஜயா || 6-3-22
பரிகா⁴꞉ ச ஷ²தக்⁴ந்ய꞉ ச யந்த்ராணி விவிதா⁴நி ச |
ஷோ²ப⁴யந்தி புரீம் லங்காம் ராவணஸ்ய து³ராத்மந꞉ || 6-3-23
அயுதம் ரக்ஷஸாம் அத்ர பூர்வ த்³வாரம் ஆஷ்²ரிதம் |
ஷூ²ல ஹஸ்தா து³ராத⁴ர்ஷா꞉ ஸர்வே க²ட்³க³ அக்³ர யோதி⁴ந꞉ || 6-3-24
நியுதம் ரக்ஷஸாம் அத்ர த³க்ஷிண த்³வாரம் ஆஷ்²ரிதம் |
சதுர் அந்கே³ண ஸைந்யேந யோதா⁴ஸ் தத்ர அபி அநுத்தமா꞉ || 6-3-25
ப்ரயுதம் ரக்ஷஸாம் அத்ர பஷ்²சிமத்³வாரம் ஸமாஷ்²ரிதம் |
சர்ம க²ட்³க³ த⁴ரா꞉ ஸர்வே ததா² ஸர்வ அஸ்த்ர கோவிதா³꞉ || 6-3-26
ந்யர்பு³த³ம் ரக்ஷஸாம் அத்ர உத்தர த்³வாரம் ஆஷ்²ரிதம் |
ரதி²ந꞉ ச அஷ்²வ வாஹா꞉ ச குல புத்ரா꞉ ஸுபூஜிதா꞉ || 6-3-27
ஷ²தம் ஷ²த ஸஹஸ்ராணாம் மத்⁴யமம் கு³ல்மம் ஆஷ்²ரிதம் |
யாது தா⁴நா து³ராத⁴ர்ஷா꞉ ஸாக்³ர கோடி꞉ ச ரக்ஷஸாம் || 6-3-28
தே மயா ஸம்க்ரமா ப⁴க்³நா꞉ பரிகா²꞉ ச அவபூரிதா꞉ |
த³க்³தா⁴ ச நக³ரீ லங்கா ப்ராகாரா꞉ ச அவஸாதி³தா꞉ || 6-3-29
ப³லைகதே³ஷ²꞉ க்ஷபிதோ ராக்ஷஸாநாம் மஹாத்மநாம் |
யேந கேந து மார்கே³ண தராம வருண ஆலயம் || 6-3-30
ஹதா இதி நக³ரீ லங்காம் வாநரைர் அவதா⁴ர்யதாம் |
அங்க³தோ³ த்³விவிதோ³ மைந்தோ³ ஜாம்ப³வான் பநஸோ நல꞉ || 6-3-31
நீல꞉ ஸேநா பதி꞉ சைவ ப³ல ஷே²ஷேண கிம் தவ |
ப்லவமாநா ஹி க³த்வா தாம் ராவணஸ்ய மஹாபுரீம் || 6-3-32
ஸபர்வதவநாஂபித்த்வாஸகாதாஂசஸப்ரதோரணாம் |
ஸப்ராகாராம் ஸப⁴வநாமாநயுஷ்யந்தி ராக⁴வ || 6-3-33
ஏவம் ஆஜ்ஞாபய க்ஷிப்ரம் ப³லாநாம் ஸர்வ ஸம்க்³ரஹம் |
முஹூர்தேந து யுக்தேந ப்ரஸ்தா²நமபி⁴ரோசய || 6-3-34
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ருதீய꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
