வால்மீகி ராமாயணே ஆதி³ காவ்யே ஸுந்த³ரகாண்டே³ ஸ்ப்தஷஷ்டிதம꞉ ஸர்க³꞉
ஏவம் உக்த꞉ து ஹநுமான் ராக⁴வேண மஹாத்மநா |
ஸீதாயா பா⁴ஷிதம் ஸர்வம் ந்யவேத³யத ராக⁴வே || 5-67-1
ஏவம் உக்தவதீ தே³வீ ஜாநகீ புருஷ ருஷப⁴ |
பூர்வ வ்ருத்தம் அபி⁴ஜ்ஞாநம் சித்ர கூடே யதா² தத²ம் || 5-67-2
ஸுக² ஸுப்தா த்வயா ஸார்த⁴ம் ஜாநகீ பூர்வம் உத்தி²தா |
வாயஸ꞉ ஸஹஸா உத்பத்ய விரராத³ ஸ்தந அந்தரே || 5-67-3
பர்யாயேண ச ஸுப்த꞉ த்வம் தே³வி அந்கே ப⁴ரத அக்³ரஜ |
புந꞉ ச கில பக்ஷீ ஸ தே³வ்யா ஜநயதி வ்யதா²ம் || 5-67-4
புந꞉ புநருபாக³ம்ய விரராத³ ப்⁴ருஷ²ம் கில |
தத꞉ த்வம் போ³தி⁴த꞉ தஸ்யா꞉ ஷோ²ணிதேந ஸமுக்ஷித꞉ || 5-67-5
வாயஸேந ச தேந ஏவ ஸததம் பா³த்⁴யமாநயா |
போ³தி⁴த꞉ கில தே³வ்யா꞉ த்வம் ஸுக² ஸுப்த꞉ பரம் தப || 5-67-6
தாம் து த்³ருஷ்ட்வா மஹாபா³ஹோ தா³ரிதாம் ச ஸ்தந அந்தரே |
ஆஷீ² விஷ இவ க்ருத்³தோ⁴ நிஹ்ஷ்²வஸந்ன் அப்⁴யபா⁴ஷதா²꞉ || 5-67-7
நக² அக்³ரை꞉ கேந தே பீ⁴ரு தா³ரிதம் து ஸ்தந அந்தரம் |
க꞉ க்ரீட³தி ஸரோஷேண பந்ச வக்த்ரேண போ⁴கி³நா || 5-67-8
நிரீக்ஷமாண꞉ ஸஹஸா வாயஸம் ஸமவைக்ஷதா꞉ |
நகை²꞉ ஸருதி⁴ரை꞉ தீக்ஷ்ணை꞉ மாம் ஏவ அபி⁴முக²ம் ஸ்தி²தம் || 5-67-9
ஸுத꞉ கில ஸ ஷ²க்ரஸ்ய வாயஸ꞉ பததாம் வர꞉ |
த⁴ரா அந்தர சர꞉ ஷீ²க்⁴ரம் பவநஸ்ய க³தௌ ஸம꞉ || 5-67-10
தத꞉ தஸ்மின் மஹாபா³ஹோ கோப ஸம்வர்தித ஈக்ஷண꞉ |
வாயஸே த்வம் க்ருத்வா꞉ க்ரூராம் மதிம் மதிமதாம் வர || 5-67-11
ஸ த³ர்ப⁴ம் ஸம்ஸ்தராத் க்³ருஹ்ய ப்³ரஹ்ம அஸ்த்ரேண ந்யயோஜய꞉ |
ப்ரதீ³ப்த இவ கால அக்³நி꞉ ஜஜ்வால அபி⁴முக²꞉ க²க³ம் || 5-67-12
க்ஷிப்தவாம்ஸ்த்வம் ப்ரதீ³ப்தம் த³ர்ப⁴ம் தம் வாயஸம் ப்ரதி |
தத꞉ து வாயஸம் தீ³ப்த꞉ ஸ த³ர்போ⁴ அநுஜகா³ம ஹ || 5-67-13
ஸ பித்ரா ச பரித்யக்த꞉ ஸுரை꞉ ஸர்வை꞉ மஹர்ஷிபி⁴꞉ |
த்ரீன் லோகான் ஸம்பரிக்ரம்ய த்ராதாரம் ந அதி⁴க³ச்ச²தி || 5-67-14
புநரேவாக³தஸ்த்ரஸ்தஸ்த்வத்ஸகாஷ²மரிந்த³ம |
ஸ தம் நிபதிதம் பூ⁴மௌ ஷ²ரண்ய꞉ ஷ²ரணா க³தம் || 5-67-15
வத⁴ அர்ஹம் அபி காகுத்ஸ்த² க்ருபயா பரிபாலய꞉ |
மோக⁴ம் அஸ்த்ரம் ந ஷ²க்யம் து கர்தும் இதி ஏவ ராக⁴வ || 5-67-16
ப⁴வாம்ஸ்தஸ்யக்ஷி காகஸ்ய ஹிநஸ்தி ஸ்ம ஸ த³க்ஷிணம் |
ராம த்வாம் ஸ நம꞉ க்ருத்வா ராஜ்ஞோ த³ஷ²ரத²ஸ்ய ச || 5-67-17
விஸ்ருஷ்ட꞉ து ததா³ காக꞉ ப்ரதிபேதே³ க²ம் ஆலயம் |
ஏவம் அஸ்த்ரவிதா³ம் ஷ்²ரேஷ்ட²꞉ ஸத்த்வவான் ஷீ²லவான் அபி || 5-67-18
கிம் அர்த²ம் அஸ்த்ரம் ரக்ஷஹ்ஸு ந யோஜயஸி ராக⁴வ |
ந நாகா³ ந அபி க³ந்த⁴ர்வா ந அஸுரா ந மருத் க³ணா꞉ || 5-67-19
ந ச ஸர்வே ரணே ஷ²க்தா ராமம் ப்ரதிஸமாஸிதும் |
தஸ்ய வீர்யவத꞉ கச்சின் மயி யதி³ அஸ்தி ஸம்ப்⁴ரம꞉ || 5-67-20
க்ஷிப்ரம் ஸுநிஷி²தை꞉ பா³ணை꞉ ஹந்யதாம் யுதி⁴ ராவண꞉ |
ப்⁴ராது꞉ ஆதே³ஷ²ம் ஆதா³ய லக்ஷ்மணோ வா பரம் தப꞉ || 5-67-21
ஸ கிம் அர்த²ம் நர வரோ ந மாம் ரக்ஷதி ராக⁴வ꞉ |
ஷ²க்தௌ தௌ புருஷ வ்யாக்⁴ரௌ வாய்வ் அக்³நி ஸம தேஜஸௌ || 5-67-22
ஸுராணாம் அபி து³ர்த⁴ர்ஷௌ கிம் அர்த²ம் மாம் உபேக்ஷத꞉ |
மம ஏவ து³ஷ்க்ருதம் கிஞ்சின் மஹத் அஸ்தி ந ஸம்ஷ²ய꞉ || 5-67-23
ஸமர்தௌ² ஸஹிதௌ யன் மாம் ந அபேக்ஷேதே பரம் தபௌ |
வைதே³ஹ்யா வசநம் ஷ்²ருத்வா கருணம் ஸாஷ்²ரு பா⁴ஷிதம் || 5-67-24
புந꞉ அபி அஹம் ஆர்யாம் தாம் இத³ம் வசநம் அப்³ருவம் |
த்வத் ஷோ²க விமுகோ² ராமோ தே³வி ஸத்யேந தே ஷ²பே || 5-67-25
ராமே து³ஹ்க² அபி⁴பூ⁴தே ச லக்ஷ்மண꞉ பரிதப்யதே |
கத²ஞ்சித் ப⁴வதீ த்³ருஷ்டா ந கால꞉ பரிஷோ²சிதும் || 5-67-26
அஸ்மிந்முஹூர்தம் து³ஹ்கா²நாம் அந்தம் த்³ரக்ஷ்யஸி பா⁴மிநி |
தாவ் உபௌ⁴ நர ஷா²ர்தூ³லௌ ராஜ புத்ராவ் அரிம் த³மௌ || 5-67-27
த்வத் த³ர்ஷ²ந க்ருத உத்ஸாஹௌ லந்காம் ப⁴ஸ்மீ கரிஷ்யத꞉ |
ஹத்வா ச ஸமரே ரௌத்³ரம் ராவணம் ஸஹ பா³ந்த⁴வம் || 5-67-28
ராக⁴வ꞉ த்வாம் வராரோஹே ஸ்வாம் புரீம் நயதே த்⁴ருவம் |
யத் து ராமோ விஜாநீயாத் அபி⁴ஜ்ஞாநம் அநிந்தி³தே || 5-67-29
ப்ரீதி ஸம்ஜநநம் தஸ்ய ப்ரதா³தும் தத்த்வம் அர்ஹஸி |
ஸா அபி⁴வீக்ஷ்ய தி³ஷ²꞉ ஸர்வா வேணி உத்³க்³ரத²நம் உத்தமம் || 5-67-30
முக்த்வா வஸ்த்ராத் த³தௌ³ மஹ்யம் மணிம் ஏதம் மஹாப³ல |
ப்ரதிக்³ருஹ்ய மணிம் தி³வ்யம் தவ ஹேதோ ரகு⁴ உத்தம || 5-67-31
ஷி²ரஸா ஸம்ப்ரணம்ய ஏநாம் அஹம் ஆக³மநே த்வரே |
க³மநே ச க்ருத உத்ஸாஹம் அவேக்ஷ்ய வர வர்ணிநீ || 5-67-32
விவர்த⁴மாநம் ச ஹி மாம் உவாச ஜநக ஆத்மஜா |
அஷ்²ரு பூர்ண முகீ² தீ³நா பா³ஷ்ப ஸந்தி³க்³த⁴ பா⁴ஷிணீ || 5-67-33
மமோத்பதநஸம்ப்³ராந்தா ஷோ²கவேக³ஸமாஹதா |
ஹநுமன் ஸிம்ஹ ஸம்காஷௌ² தாவ் உபௌ⁴ ராம லக்ஷ்மணௌ || 5-67-34
ஸுக்³ரீவம் ச ஸஹ அமாத்யம் ஸர்வான் ப்³ரூயா அநாமயம் |
யதா² ச ஸ மஹாபா³ஹு꞉ மாம் தாரயதி ராக⁴வ꞉ |
அஸ்மாத் து³ஹ்க² அம்பு³ ஸம்ரோதா⁴த் தத் ஸமாதா⁴தும் அர்ஹஸி || 5-67-35
இமம் ச தீவ்ரம் மம ஷோ²க வேக³ம் |
ரக்ஷோபி⁴꞉ ஏபி⁴꞉ பரிப⁴ர்த்ஸநம் ச |
ப்³ரூயா꞉ து ராமஸ்ய க³த꞉ ஸமீபம் |
ஷி²வ꞉ ச தே அத்⁴வா அஸ்து ஹரி ப்ரவீர || 5-67-36
ஏதத் தவ ஆர்யா ந்ருப ராஜ ஸிம்ஹ |
ஸீதா வச꞉ ப்ராஹ விஷாத³ பூர்வம் |
ஏதச் ச பு³த்³த்⁴வா க³தி³தம் மயா த்வம் |
ஷ்²ரத்³த⁴த்ஸ்வ ஸீதாம் குஷ²லாம் ஸமக்³ராம் || 5-67-37
இத்யார்ஷே ஶ்ரீமத்³ராமாயணே ஆதி³காவ்யே ஸுந்த³ரகாண்டே³ ஸ்ப்தஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
