வால்மீகி ராமாயணே ஆதி³ காவ்யே ஸுந்த³ரகாண்டே³ அஷ்டஷஷ்டிதம꞉ ஸர்க³꞉
அத² அஹம் உத்தரம் தே³வ்யா புந꞉ உக்த꞉ ஸஸம்ப்⁴ரமம் |
தவ ஸ்நேஹான் நர வ்யாக்⁴ர ஸௌஹார்யாத் அநுமாந்ய ச || 5-68-1
ஏவம் ப³ஹு வித⁴ம் வாச்யோ ராமோ தா³ஷ²ரதி²꞉ த்வயா |
யதா² மாம் ஆப்நுயாத் ஷீ²க்⁴ரம் ஹத்வா ராவணம் ஆஹவே || 5-68-2
யதி³ வா மந்யஸே வீர வஸ ஏகா அஹம் அரிம் த³ம |
கஸ்மிம்ஷ்²சித் ஸம்வ்ருதே தே³ஷே² விஷ்²ராந்த꞉ ஷ்²வோ க³மிஷ்யஸி || 5-68-3
மம ச அபி அல்ப பா⁴க்³யாயா꞉ ஸாம்நித்⁴யாத் தவ வாநர |
அஸ்ய ஷோ²க விபாகஸ்ய முஹூர்தம் ஸ்யாத் விமோக்ஷணம் || 5-68-4
க³தே ஹி த்வயி விக்ராந்தே புந꞉ ஆக³மநாய வை |
ப்ராணாநாம் அபி ஸந்தே³ஹோ மம ஸ்யான் ந அத்ர ஸம்ஷ²ய꞉ || 5-68-5
தவ அத³ர்ஷ²நஜ꞉ ஷோ²கோ பூ⁴யோ மாம் பரிதாபயேத் |
து³ஹ்கா²த் து³ஹ்க² பராபூ⁴தாம் து³ர்க³தாம் து³ஹ்க² பா⁴கி³நீம் || 5-68-6
அயம் து வீர ஸந்தே³ஹ꞉ திஷ்ட²தி இவ மம அக்³ரத꞉ |
ஸுமஹான் த்வத் ஸஹாயேஷு ஹரி ருக்ஷேஷு ஹரீஷ்வர || 5-68-7
கத²ம் நு க²லு து³ஷ்பாரம் தரிஷ்யந்தி மஹாஉத³தி⁴ம் |
தாநி ஹரி ருக்ஷ ஸைந்யாநி தௌ வா நர வர ஆத்மஜௌ || 5-68-8
த்ரயாணாம் ஏவ பூ⁴தாநாம் ஸாக³ரஸ்ய அஸ்ய லந்க⁴நே |
ஷ²க்தி꞉ ஸ்யாத் வைநதேயஸ்ய வாயோ꞉ வா தவ வா அநக⁴ || 5-68-9
தத் அஸ்மின் கார்ய நியோகே³ வீர ஏவம் து³ரதிக்ரமே |
கிம் பஷ்²யஸி ஸமாதா⁴நம் ப்³ரூஹி கார்யவிதா³ம் வர || 5-68-10
காமம் அஸ்ய த்வம் ஏவ ஏக꞉ கார்யஸ்ய பரிஸாத⁴நே ||
பர்யாப்த꞉ பர வீரக்⁴ந யஷ²ஸ்ய꞉ தே ப³ல உத³ய꞉ || 5-68-11
ப³லை꞉ ஸமக்³ரை꞉ யதி³ மாம் ஹத்வா ராவணம் ஆஹவே |
விஜயீ ஸ்வாம் புரீம் ராமோ நயேத் தத் ஸ்யாத் யஷ²꞉ கரம் || 5-68-12
யதா² அஹம் தஸ்ய வீரஸ்ய வநாத் உபதி⁴நா ஹ்ருதா |
ரக்ஷஸா தத் ப⁴யாத் ஏவ ததா² ந அர்ஹதி ராக⁴வ꞉ || 5-68-13
ப³லை꞉ து ஸம்குலாம் க்ருத்வா லந்காம் பர ப³ல அர்த³ந꞉ |
மாம் நயேத் யதி³ காகுத்ஸ்த²꞉ தத் தஸ்ய ஸத்³ருஷ²ம் ப⁴வேத் || 5-68-14
தத் யதா² தஸ்ய விக்ராந்தம் அநுரூபம் மஹாத்மந꞉ |
ப⁴வதி ஆஹவ ஷூ²ரஸ்ய ததா² த்வம் உபபாத³ய || 5-68-15
தத் அர்த² உபஹிதம் வாக்யம் ப்ரஷ்²ரிதம் ஹேது ஸம்ஹிதம் |
நிஷ²ம்ய அஹம் தத꞉ ஷே²ஷம் வாக்யம் உத்தரம் அப்³ருவம் || 5-68-16
தே³வி ஹரி ருக்ஷ ஸைந்யாநாம் ஈஷ்²வர꞉ ப்லவதாம் வர꞉ |
ஸுக்³ரீவ꞉ ஸத்த்வ ஸம்பந்ந꞉ தவ அர்தே² க்ருத நிஷ்²சய꞉ || 5-68-17
தஸ்ய விக்ரம ஸம்பந்நா꞉ ஸத்த்வவந்தோ மஹாப³லா꞉ |
மந꞉ ஸம்கல்ப ஸம்பாதா நிதே³ஷே² ஹரய꞉ ஸ்தி²தா꞉ || 5-68-18
யேஷாம் ந உபரி ந அத⁴ஸ்தான் ந திர்யக் ஸஜ்ஜதே க³தி꞉ |
ந ச கர்மஸு ஸீத³ந்தி மஹத்ஸ்வ் அமித தேஜஸ꞉ || 5-68-19
அஸக்ருத் தை꞉ மஹாபா⁴கை³꞉ வாநரை꞉ ப³ல ஸம்யுதை꞉ |
ப்ரத³க்ஷிணீ க்ருதா பூ⁴மி꞉ வாயு மார்க³ அநுஸாரிபி⁴꞉ || 5-68-20
மத் விஷி²ஷ்டா꞉ ச துல்யா꞉ ச ஸந்தி தத்ர வந ஓகஸ꞉ |
மத்த꞉ ப்ரத்யவர꞉ கஷ்²சின் ந அஸ்தி ஸுக்³ரீவ ஸம்நிதௌ⁴ || 5-68-21
அஹம் தாவத் இஹ ப்ராப்த꞉ கிம் புந꞉ தே மஹாப³லா꞉ |
ந ஹி ப்ரக்ருஷ்டா꞉ ப்ரேஷ்யந்தே ப்ரேஷ்யந்தே ஹி இதரே ஜநா꞉ || 5-68-22
தத் அலம் பரிதாபேந தே³வி மந்யு꞉ வ்யபைது தே |
ஏக உத்பாதேந தே லந்காம் ஏஷ்யந்தி ஹரி யூத²பா꞉ || 5-68-23
மம ப்ருஷ்ட² க³தௌ தௌ ச சந்த்³ர ஸூர்யாவ் இவ உதி³தௌ |
த்வத் ஸகாஷ²ம் மஹாபா⁴கே³ ந்ரு ஸிம்ஹாவ் ஆக³மிஷ்யத꞉ || 5-68-24
அரிக்⁴நம் ஸிம்ஹ ஸம்காஷ²ம் க்ஷிப்ரம் த்³ரக்ஷ்யஸி ராக⁴வம் |
லக்ஷ்மணம் ச த⁴நுஷ் பாணிம் லந்கா த்³வாரம் உபஸ்தி²தம் || 5-68-25
நக² த³ம்ஷ்ட்ர ஆயுதா⁴ன் வீரான் ஸிம்ஹ ஷா²ர்தூ³ல விக்ரமான் |
வாநரான் வாநர இந்த்³ர ஆபா⁴ன் க்ஷிப்ரம் த்³ரக்ஷ்யஸி ஸம்க³தான் || 5-68-26
ஷை²ல அம்பு³த³ன் நிகாஷா²நாம் லந்கா மலய ஸாநுஷு |
நர்த³தாம் கபி முக்²யாநாம் அசிராத் ஷோ²ஷ்யஸே ஸ்வநம் || 5-68-27
நிவ்ருத்த வந வாஸம் ச த்வயா ஸார்த⁴ம் அரிம் த³மம் |
அபி⁴ஷிக்தம் அயோத்⁴யாயாம் க்ஷிப்ரம் த்³ரக்ஷ்யஸி ராக⁴வம் || 5-68-28
ததோ மயா வாக்³பி⁴꞉ அதீ³ந பா⁴ஷிணீ |
ஷி²வாபி⁴꞉ இஷ்டாபி⁴꞉ அபி⁴ப்ரஸாதி³தா |
ஜகா³ம ஷா²ந்திம் மம மைதி²ல ஆத்மஜா |
தவ அபி ஷோ²கேந ததா² அபி⁴பீடி³தா || 5-68-29
இத்யார்ஷே ஶ்ரீமத்³ராமாயணே ஆதி³காவ்யே ஸுந்த³ரகாண்டே³ அஷ்டஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
