வால்மீகி ராமாயணே ஆதி³ காவ்யே ஸுந்த³ரகாண்டே³ சத்வாரிம்ʼஷ²꞉ ஸர்க³꞉
ஷ்²ருத்வா து வசனம் தஸ்ய வாயு ஸூனோ꞉ மஹாத்மன꞉ |
உவாச ஆத்ம ஹிதம் வாக்யம் ஸீதா ஸுர ஸுத உபமா || 5-40-1
த்வாம் த்³ருʼஷ்ட்வா ப்ரிய வக்தாரம் ஸம்ப்ரஹ்ருʼஷ்யாமி வானர |
அர்த⁴ ஸம்ஜாத ஸஸ்ய இவ வ்ருʼஷ்டிம் ப்ராப்ய வஸும் த⁴ரா || 5-40-2
யதா² தம் புருஷ வ்யாக்⁴ரம் கா³த்ரை꞉ ஷோ²க அபி⁴கர்ஷி²தை꞉ |
ஸம்ʼஸ்ப்ருʼஷே²யம் ஸகாமா அஹம் ததா² குரு த³யாம் மயி || 5-40-3
அபி⁴ஜ்ஞானம் ச ராமஸ்ய த³த்தம் ஹரி க³ண உத்தம |
க்ஷிப்தாம் ஈஷிகாம் காகஸ்ய கோபாத் ஏக அக்ஷி ஷா²தனீம் || 5-40-4
மன꞉ ஷி²லாயா꞉ திகலோ க³ண்ட³ பார்ஷ்²வே நிவேஷி²த꞉ |
த்வயா ப்ரநஷ்டே திலகே தம் கில ஸ்மர்தும் அர்ஹஸி || 5-40-5
ஸ வீர்யவான் கத²ம் ஸீதாம் ஹ்ருʼதாம் ஸமனுமன்யஸே |
வஸந்தீம் ரக்ஷஸாம் மத்⁴யே மஹாஇந்த்³ர வருண உபம || 5-40-6
ஏஷ சூடா³ மணி꞉ தி³வ்யோ மயா ஸுபரிரக்ஷித꞉ |
ஏதம் த்³ருʼஷ்ட்வா ப்ரஹ்ருʼஷ்யாமி வ்யஸனே த்வாம் இவ அனக⁴ || 5-40-7
ஏஷ நிர்யாதித꞉ ஶ்ரீமான் மயா தே வாரி ஸம்ப⁴வ꞉ |
அத꞉ பரம் ந ஷ²க்ஷ்யாமி ஜீவிதும் ஷோ²க லாலஸா || 5-40-8
அஸஹ்யானி ச து³ஹ்கா²னி வாச꞉ ச ஹ்ருʼத³யச் சித³꞉ |
ராக்ஷஸீனாம் ஸுகோ⁴ராணாம் த்வத் க்ருʼதே மர்ஷயாமி அஹம் || 5-40-9
தா⁴ரயிஷ்யாமி மாஸம் து ஜீவிதம் ஷ²த்ரு ஸூத³ன |
மாஸாத் ஊர்த்⁴வம் ந ஜீவிஷ்யே த்வயா ஹீனா ந்ருʼப ஆத்மஜ || 5-40-10
கோ⁴ரோ ராக்ஷஸ ராஜோ அயம் த்³ருʼஷ்டி꞉ ச ந ஸுகா² மயி |
த்வாம் ச ஷ்²ருத்வா விபத்³யந்தம் ந ஜீவேயம் அஹம் க்ஷணம் || 5-40-11
வைதே³ஹ்யா வசனம் ஷ்²ருத்வா கருணம் ஸ அஷ்²ரு பா⁴ஷிதம் |
அத² அப்³ரவீன் மஹாதேஜா ஹனுமான் மாருத ஆத்மஜ꞉ || 5-40-12
த்வத் ஷோ²க விமுகோ² ராமோ தே³வி ஸத்யேன தே ஷ²பே |
ராமே ஷோ²க அபி⁴பூ⁴தே து லக்ஷ்மண꞉ பரிதப்யதே || 5-40-13
கத²ஞ்சித் ப⁴வதீ த்³ருʼஷ்டா ந கால꞉ பரிஷோ²சிதும் |
இமம் முஹூர்தம் து³ஹ்கா²னாம் அந்தம் த்³ரக்ஷ்யஸி பா⁴மினி || 5-40-14
தாவ் உபௌ⁴ புருஷ வ்யாக்⁴ரௌ ராஜ புத்ராவ் அனிந்தி³தௌ |
த்வத் த³ர்ஷ²ன க்ருʼத உத்ஸாஹௌ லன்காம் ப⁴ஸ்மீ கரிஷ்யத꞉ || 5-40-15
ஹத்வா து ஸமரே க்ரூரம் ராவணம் ஸஹ பா³ந்த⁴வம் |
ராக⁴வௌ த்வாம் விஷா²ல அக்ஷி ஸ்வாம் புரீம் ப்ராபயிஷ்யத꞉ || 5-40-16
யத் து ராமோ விஜானீயாத் அபி⁴ஜ்ஞானம் அனிந்தி³தே |
ப்ரீதி ஸம்ஜனனம் தஸ்ய பூ⁴ய꞉ த்வம் தா³தும் அர்ஹஸி || 5-40-17
ஸா அப்³ரவீத் த³த்தம் ஏவ இஹ மயா அபி⁴ஜ்ஞானம் உத்தமம் |
ஏதத் ஏவ ஹி ராமஸ்ய த்³ருʼஷ்ட்வா மத் கேஷ² பூ⁴ஷணம் || 5-40-18
ஷ்²ரத்³தே⁴யம் ஹனுமன் வாக்யம் தவ வீர ப⁴விஷ்யதி |
ஸ தம் மணி வரம் க்³ருʼஹ்ய ஶ்ரீமான் ப்லவக³ ஸத்தம꞉ || 5-40-19
ப்ரணம்ய ஷி²ரஸா தே³வீம் க³மனாய உபசக்ரமே |
தம் உத்பாத க்ருʼத உத்ஸாஹம் அவேக்ஷ்ய ஹரி பும்க³வம் || 5-40-20
வர்த⁴மானம் மஹாவேக³ம் உவாச ஜனக ஆத்மஜா |
அஷ்²ரு பூர்ண முகீ² தீ³னா பா³ஷ்ப க³த்³க³த³யா கி³ரா || 5-40-21
ஹனூமன் ஸிம்ஹ ஸம்காஷௌ² ப்⁴ராதரௌ ராம லக்ஷ்மணௌ |
ஸுக்³ரீவம் ச ஸஹ அமாத்யம் ஸர்வான் ப்³ரூயா அநாமயம் || 5-40-22
யதா² ச ஸ மஹாபா³ஹு꞉ மாம் தாரயதி ராக⁴வ꞉ |
அஸ்மாத் து³ஹ்க² அம்பு³ ஸம்ரோதா⁴த் தத் ஸமாதா⁴தும் அர்ஹஸி || 5-40-23
இமம் ச தீவ்ரம் மம ஷோ²க வேக³ம் |
ரக்ஷோபி⁴꞉ ஏபி⁴꞉ பரிப⁴ர்த்ஸனம் ச |
ப்³ரூயா꞉ து ராமஸ்ய க³த꞉ ஸமீபம் |
ஷி²வ꞉ ச தே அத்⁴வா அஸ்து ஹரி ப்ரவீர || 5-40-24
ஸ ராஜ புத்ர்யா ப்ரதிவேதி³த அர்த²꞉ |
கபி꞉ க்ருʼத அர்த²꞉ பரிஹ்ருʼஷ்ட சேதா꞉ |
தத் அல்ப ஷே²ஷம் ப்ரஸமீக்ஷ்ய கார்யம் |
தி³ஷ²ம் ஹி உதீ³சீம் மனஸா ஜகா³ம || 5-40-25
இத்யார்ஷே ஶ்ரீமத்³ராமாயணே ஆதி³காவ்யே ஸுந்த³ரகாண்டே³ சத்வாரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
