வால்மீகி ராமாயணே ஆதி³ காவ்யே அரண்ய காண்டே³ அஷ்டம꞉ ஸர்க³꞉
ராம꞉ து ஸஹ ஸௌமித்ரி꞉ ஸுதீக்ஷ்ணேந அபி⁴பூஜித꞉ |
பரிணாம்ʼய நிஷா²ம் தத்ர ப்ரபா⁴தே ப்ரத்யபு³த்⁴யத || 3-8-1
உத்தா²ய ச யதா² காலம் ராக⁴வ꞉ ஸஹ ஸீதயா |
உபஸ்ப்ருʼஷ்²ய ஸு ஷீ²தேந தோயேந உத்பல க³ம்ʼதி⁴நா || 3-8-2
அத² தே அக்³நிம் ஸுராம் ச ஏவ வைதே³ஹீ ராம லக்ஷ்மணௌ |
கால்யம் விதி⁴வத் அப்⁴யர்ச்ய தபஸ்வி ஷ²ரணே வநே || 3-8-3
உத³யந்தம் தி³நகரம் த்³ருʼஷ்ட்வா விக³த கல்மஷா꞉ |
ஸுதீக்ஷ்ணம் அபி⁴க³ம்ʼய இத³ம் ஷ்²லக்ஷ்ணம் வசநம் அப்³ருவன் || 3-8-4
ஸுகோ²ஷிதா꞉ ஸ்ம ப⁴க³வன் த்வயா பூஜ்யேந பூஜிதா꞉ |
ஆப்ருʼச்சா²ம꞉ ப்ரயாஸ்யாமோ முநய꞉ த்வரயந்தி ந꞉ || 3-8-5
த்வராமஹே வயம் த்³ரஷ்டும் க்ருʼத்ஸ்நம் ஆஷ்²ரம மண்ட³லம் |
ருʼஷீணாம் புண்ய ஷீ²லாநாம் த³ண்ட³காரண்ய வாஸிநாம் || 3-8-6
அப்⁴யநுஜ்ஞாதும் இச்சா²ம꞉ ஸஹ ஏபி⁴꞉ முநிபுங்க³வை꞉ |
த⁴ர்ம நித்யை꞉ தபோ தா³ந்தை꞉ விஷி²கை²꞉ இவ பாவகை꞉ || 3-8-7
அவிஷஹ்ய ஆதபோ யாவத் ஸூர்யோ ந அதி விராஜதே |
அமார்கே³ண ஆக³தாம் லக்ஷ்மீம் ப்ராப்ய இவ அந்வய வர்ஜித꞉ || 3-8-8
தாவத் இச்சா²மஹே க³ந்தும் இதி உக்த்வா சரணௌ முநே꞉ |
வவந்தே³ ஸஹ ஸௌமித்ரி꞉ ஸீதயா ஸஹ ராக⁴வ꞉ || 3-8-9
தௌ ஸம் ஸ்ப்ருʼஷ²ம்ʼதௌ சரணௌ உத்தா²ப்ய முநிபும்ʼக³வ꞉ |
கா³ட⁴ம் ஆஷ்²லிஷ்ய ஸஸ்நேஹம் இத³ம் வசநம் அப்³ரவீத் || 3-8-10
அரிஷ்டம் க³ச்ச² பந்தா²நம் ராம ஸௌமித்ரிணா ஸஹ |
ஸீதயா ச அநயா ஸார்த⁴ம் சா²ய ஏவ அநுவ்ருʼத்தயா || 3-8-11
பஷ்²ய ஆஷ்²ரம பத³ம் ரம்ʼயம் த³ண்ட³காரண்ய வாஸிநாம் |
ஏஷாம் தபஸ்விநாம் வீர தபஸா பா⁴வித ஆத்மநாம் || 3-8-12
ஸுப்ராஜ்ய ப²ல மூலாநி புஷ்பிதாநி வநாநி ச |
ப்ரஷ²ஸ்த ம்ருʼக³ யூதா²நி ஷா²ந்த பக்ஷி க³ணாநி ச || 3-8-13
பு²ல்ல பம்ʼகஜ க²ண்டா³நி ப்ரஸந்ந ஸலிலாநி ச |
காரண்ட³வ விகீர்ணாநி தடாகாநி ஸராம்ʼஸி ச || 3-8-14
த்³ரக்ஷ்யஸே த்³ருʼஷ்டி ரம்ʼயாணி கி³ரி ப்ரஸ்ரவணாநி ச |
ரமணீயாநி அரண்யாநி மயூர அபி⁴ருதாநி ச || 3-8-15
க³ம்ʼயதாம் வத்ஸ ஸௌமித்ரே ப⁴வான் அபி ச க³ச்ச²து |
ஆக³ந்தவ்யம் ச தே த்³ருʼஷ்ட்வா புந꞉ ஏவ ஆஷ்²ரமம் ப்ரதி || 3-8-16
ஏவம் உக்த꞉ ததா² இதி உக்த்வா காகுத்ஸ்த²꞉ ஸஹ லக்ஷ்மண꞉ |
ப்ரத³க்ஷிணம் முநிம் க்ருʼத்வா ப்ரஸ்தா²தும் உபசக்ரமே || 3-8-17
தத꞉ ஷு²ப⁴தரே தூணீ த⁴நுஷீ ச ஆயதேக்ஷணா |
த³தௌ³ ஸீதா தயோ꞉ ப்⁴ராத்ரோ꞉ க²ட்³கௌ³ ச விமலௌ தத꞉ || 3-8-18
ஆப³த்⁴ய ச ஷு²பே⁴ தூணீ சாபே ச ஆதா³ய ஸஸ்வநே |
நிஷ்க்ராந்தௌ ஆஷ்²ரமாத் க³ந்தும் உபௌ⁴ தௌ ராம லக்ஷ்மணௌ || 3-8-19
ஷீ²க்⁴ரம் தௌ ரூபஸம்ʼபந்நௌ அநுஜ்ஞாதௌ மஹர்ஷிணா |
ப்ரஸ்தி²தௌ த்⁴ருʼத சாபா அஸீ ஸீதயா ஸஹ ராக⁴வௌ || 3-8-20
இதி வால்மீகி ராமாயணே ஆதி³காவ்யே அரண்ய காண்டே³ அஷ்டம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
