வால்மீகிராமாயணே ஆதி³காவ்யே பா³லகாண்டே³ ஸப்தசத்வாரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
ஸப்ததா⁴ து க்ருதே க³ர்பே⁴ தி³தி꞉ பரமது³꞉கி²தா |
ஸஹஸ்ராக்ஷம் து³ராத⁴ர்ஷம் வாக்யம் ஸாநுநயாப்³ரவீத் || 1-47-1
மமாபராதா⁴த்³க³ர்போ⁴(அ)யம் ஸப்ததா⁴ ஷ²கலீக்ருத꞉ |
நாபராதோ⁴ ஹி தே³வேஷ² தவாத்ர ப³லஸூத³ந || 1-47-2
ப்ரியம் த்வத்க்ருதமிச்சா²மி மம க³ர்ப⁴விபர்யயே |
மருதாம் ஸப்தஸப்தாநாம் ஸ்தா²நபாலா ப⁴வந்து தே || 1-47-3
வாதஸ்கந்தா⁴ இமே ஸப்த சரந்து தி³வி புத்ரக |
மாருதா இதி விக்²யாதா தி³வ்யரூபா மமாத்மஜா꞉ ||1-47-4
ப்³ரஹ்மலோகம் சரத்வேக இந்த்³ரலோகம் ததா²பர꞉ |
தி³வ்யவாயுரிதி க்²யாத꞉ த்ருதீயோ(அ)பி மஹாயஷா²꞉ ||1-47-5
சத்வாரஸ்து ஸுரஷ்²ரேஷ்ட² தி³ஷோ² வை தவ ஷா²ஸநாத் |
ஸஞ்சரிஷ்யந்தி ப⁴த்³ரம் தே கலேந ஹி மமாத்மஜா꞉ ||1-47-6
த்வத்க்ருதேநைவ நாம்நா வை மாருதா இதி விஷ்²ருதா꞉ |
தஸ்யாஸ்தத்³வசநம் ஷ்²ருத்வா ஸஹஸ்ராக்ஷ꞉ புரந்த³ர꞉ ||1-47-7
உவாச ப்ராஞ்ஜலிர்வாக்யம் தி³திம் ப³லநிஷூத³ந꞉ |
ஸர்வமேதத்³யதோ²க்தம் தே ப⁴விஷ்யதி ந ஸம்ஷ²ய꞉ ||1-47-8
விசரிஷ்யந்தி ப⁴த்³ரம் தே தே³வரூபாஸ்தவாத்மஜா꞉ |
ஏவம் தௌ நிஷ்²சயம் க்ருத்வா மாதாபுத்ரௌ தபோவநே ||1-47-9
ஜக்³மதுஸ்த்ரிதி³வம் ராம க்ருதார்தா²விதி ந꞉ ஷ்²ருதம் |
ஏஷ தே³ஷ²꞉ ஸ காகுத்ஸ்த² மஹேந்த்³ராத்⁴யுஷித꞉ புரா || 1-47-10
தி³திம் யத்ர தப꞉ஸித்³தா⁴மேவம் பரிசசார ஸ꞉ |
இக்ஷ்வாகோஸ்து நரவ்யாக்⁴ர புத்ர꞉ பரமதா⁴ர்மிக꞉ || 1-47-11
அலம்பு³ஷாயாமுத்பந்நோ விஷா²ல இதி விஷ்²ருத꞉ |
தேந சாஸீதி³ஹ ஸ்தா²நே விஷா²லேதி புரீ க்ருதா || 1-47-12
விஷா²லஸ்ய ஸுதோ ராம ஹேமசந்த்³ரோ மஹாப³ல꞉ |
ஸுசந்த்³ர இதி விக்²யாதோ ஹேமசந்த்³ராத³நந்தர꞉ || 1-47-13
ஸுசந்த்³ரதநயோ ராம தூ⁴ம்ராஷ்²வ இதி விஷ்²ருத꞉ |
தூ⁴ம்ராஷ்²வதநயஷ்²சாபி ஸ்ருஞ்ஜய꞉ ஸமபத்³யத || 1-47-14
ஸ்ருஞ்ஜயஸ்ய ஸுத꞉ ஷ்²ரீமான் ஸஹதே³வ꞉ ப்ரதாபவான் |
குஷா²ஷ்²வ꞉ ஸஹதே³வஸ்ய புத்ர꞉ பரமதா⁴ர்மிக꞉ || 1-47-15
குஷா²ஷ்²வஸ்ய மஹாதேஜா꞉ ஸோமத³த்த꞉ ப்ரதாபவான் |
ஸோமத³த்தஸ்ய புத்ரஸ்து காகுத்ஸ்த² இதி விஷ்²ருத꞉ ||1-47-16
தஸ்ய புத்ரோ மஹாதேஜா꞉ ஸம்ப்ரத்யேஷ புரீமிமாம் |
ஆவஸத்பரமப்ரக்²ய꞉ ஸுமதிர்நாம து³ர்ஜய꞉ || 1-47-17
இக்ஷ்வாகோஸ்து ப்ரஸாதே³ந ஸர்வே வைஷா²லிகா ந்ருபா꞉ |
தீ³ர்கா⁴யுஷோ மஹாத்மாநோ வீர்யவந்த꞉ ஸுதா⁴ர்மிகா꞉ || 1-47-18
இஹாத்³ய ரஜநீமேகாம் ஸுக²ம் ஸ்வப்ஸ்யாமஹே வயம் |
ஷ்²வ꞉ ப்ரபா⁴தே நரஷ்²ரேஷ்ட² ஜநகம் த்³ரஷ்டுமர்ஹஸி || 1-47-19
ஸுமதிஸ்து மஹாதேஜா விஷ்²வாமித்ரமுபாக³தம் |
ஷ்²ருத்வா நரவரஷ்²ரேஷ்ட²꞉ ப்ரத்யாக³ச்ச²ன் மஹாயஷா²꞉ || 1-47-20
பூஜாம் ச பரமாம் க்ருத்வா ஸோபாத்⁴யாய꞉ ஸபா³ந்த⁴வ꞉ |
ப்ராஞ்ஜலி꞉ குஷ²லம் ப்ருஷ்ட்வா விஷ்²வாமித்ரமதா²ப்³ரவீத் || 1-47-21
த⁴ந்யோ(அ)ஸ்ம்யநுக்³ருஹீதோ(அ)ஸ்மி யஸ்ய மே விஷயம் முநே |
ஸம்ப்ராப்தோ த³ர்ஷ²நம் சைவ நாஸ்தி த⁴ந்யதரோ மம || 1-47-22
இதி வால்மீகிராமாயணே ஆதி³காவ்யே பா³லகாண்டே³ ஸப்தசத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
