வால்மீகிராமாயணே ஆதி³காவ்யே பா³லகாண்டே³ அஷ்டசத்வாரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
ப்ருஷ்ட்வா து குஷ²லம் தத்ர பரஸ்பரஸமாக³மே |
கதா²ந்தே ஸுமதிர்வாக்யம் வ்யாஜஹார மஹாமுநிம் || 1-48-1
இமௌ குமாரௌ ப⁴த்³ரம் தே தே³வதுல்யபராக்ரமௌ |
க³ஜஸிம்ஹக³தீ வீரௌ ஷா²ர்தூ³லவ்ருஷபோ⁴பமௌ || 1-48-2
பத்³மபத்ரவிஷா²லாக்ஷௌ க²ட்³க³தூணீத⁴நுர்த⁴ரௌ |
அஷ்²விநாவிவ ரூபேண ஸமுபஸ்தி²தயௌவநௌ || 1-48-3
யத்³ருச்ச²யைவ கா³ம் ப்ராப்தௌ தே³வலோகாதி³வாமரௌ |
கத²ம் பத்³ப்⁴யாமிஹ ப்ராப்தௌ கிமர்த²ம் கஸ்ய வா முநே || 1-48-4
பூ⁴ஷயந்தாவிமம் தே³ஷ²ம் சந்த்³ரஸூர்யாவிவாம்ப³ரம் |
பரஸ்பரேண ஸத்³ருஷௌ² ப்ரமாணேங்கி³தசேஷ்டிதை꞉ || 1-48-5
கிமர்த²ம் ச நரஷ்²ரேஷ்டௌ² ஸம்ப்ராப்தௌ து³ர்க³மே பதி² |
வராயுத⁴த⁴ரௌ வீரௌ ஷ்²ரோதுமிச்சா²மி தத்த்வத꞉ || 1-48-6
தஸ்ய தத்³வசநம் ஷ்²ருத்வா யதா²வ்ருத்தம் ந்யவேத³யத் |
ஸித்³தா⁴ஷ்²ரமநிவாஸம் ச ராக்ஷஸாநாம் வத⁴ம் ததா² |
விஷ்²வாமித்ரவச꞉ ஷ்²ருத்வா ராஜா பரமவிஸ்மித꞉ || 1-48-7
அதிதீ² பரமௌ ப்ராப்தம் புத்ரௌ த³ஷ²ரத²ஸ்ய தௌ |
பூஜயாமாஸ விதி⁴வத் ஸத்காரார்ஹௌ மஹாப³லௌ || 1-48-8
தத꞉ பரமஸத்காரம் ஸுமதே꞉ ப்ராப்ய ராக⁴வௌ |
உஷ்ய தத்ர நிஷா²மேகாம் ஜக்³மதுர்மிதி²லாம் தத꞉ || 1-48-9
தாம் த்³ருஷ்ட்வா முநய꞉ ஸர்வே ஜநகஸ்ய புரீம் ஷு²பா⁴ம் |
ஸாது⁴ ஸாத்⁴விதி ஷ²ம்ஸந்தோ மிதி²லாம் ஸமபூஜயன் || 1-48-10
மிதி²லோபவநே தத்ர ஆஷ்²ரமம் த்³ருஷ்²ய ராக⁴வ꞉ |
புராணம் நிர்ஜநம் ரம்யம் பப்ரச்ச² முநிபுங்க³வம் || 1-48-11
இத³மாஷ்²ரமஸங்காஷ²ம் கிம் ந்வித³ம் முநிவர்ஜிதம் |
ஷ்²ரோதுமிச்சா²மி ப⁴க³வன் கஸ்யாயம் பூர்வ ஆஷ்²ரம꞉ || 1-48-12
தச்ச்²ருத்வா ராக⁴வேணோக்தம் வாக்யம் வாக்யவிஷா²ரத³꞉ |
ப்ரத்யுவாச மஹாதேஜா விஷ்²வமித்ரோ மஹாமுநி꞉ || 1-48-13
ஹந்த தே கத²யிஷ்யாமி ஷ்²ருணு தத்த்வேந ராக⁴வ |
யஸ்யைததா³ஷ்²ரமபத³ம் ஷ²ப்தம் கோபாந்மஹாத்மநா || 1-48-14
கௌ³தமஸ்ய நரஷ்²ரேஷ்ட² பூர்வமாஸீந்மஹாத்மந꞉ |
ஆஷ்²ரமோ தி³வ்யஸங்காஷ²꞉ ஸுரைரபி ஸுபூஜித꞉ || 1-48-15
ஸ சாத்ர தப ஆதிஷ்ட²த³ஹல்யாஸஹித꞉ புரா |
வர்ஷபூகா³ந்யநேகாநி ராஜபுத்ர மஹாயஷ²꞉ || 1-48-16
தஸ்யாந்தரம் விதி³த்வா து ஸஹஸ்ராக்ஷ꞉ ஷ²சீபதி꞉ |
முநிவேஷத⁴ரோ பூ⁴த்வா(அ)ஹல்யாமித³மப்³ரவீத் || 1-48-17
ருதுகாலம் ப்ரதீக்ஷந்தே நார்தி²ந꞉ ஸுஸமாஹிதே |
ஸங்க³மம் த்வஹமிச்சா²மி த்வயா ஸஹ ஸுமத்⁴யமே || 1-48-18
முநிவேஷம் ஸஹஸ்ராக்ஷம் விஜ்ஞாய ரகு⁴நந்த³ந |
மதிம் சகார து³ர்மேதா⁴ தே³வராஜகுதூஹலாத் || 1-48-19
அதா²ப்³ரவீத் ஸுரஷ்²ரேஷ்ட²ம் க்ருதார்தே²நாந்தராத்மநா |
க்ருதார்தா²ஸ்மி ஸுரஷ்²ரேஷ்ட² க³ச்ச² ஷீ²க்⁴ரமித꞉ ப்ரபோ⁴ || 1-48-20
ஆத்மாநம் மாம் ச தே³வேஷ² ஸர்வதா³ ரக்ஷ கௌ³தமாத் |
இந்த்³ரஸ்து ப்ரஹஸன் வாக்யமஹல்யாமித³மப்³ரவீத் || 1-48-21
ஸுஷ்²ரோணி பரிதுஷ்டோ(அ)ஸ்மி க³மிஷ்யாமி யதா²க³தம் |
ஏவம் ஸங்க³ம்ய து தயா நிஷ்²சக்ராமோடஜாத்தத꞉ || 1-48-22
ஸ ஸம்ப்⁴ரமாத்த்வரன் ராம ஷ²ங்கிதோ கௌ³தமம் ப்ரதி |
கௌ³தமம் ஸ த³த³ர்ஷா²த² ப்ரவிஷ²ந்தம் மஹாமுநிம் || 1-48-23
தே³வதா³நவது³ர்த⁴ர்ஷம் தபோப³லஸமந்விதம் |
தீர்தோ²த³கபரிக்லிந்நம் தீ³ப்யமாநமிவாநலம் || 1-48-24
க்³ருஹீதஸமித⁴ம் தத்ர ஸகுஷ²ம் முநிபுங்க³வம் |
த்³ருஷ்ட்வா ஸுரபதிஸ்த்ரஸ்தோ விஷண்ணவத³நோ(அ)ப⁴வத் || 1-48-25
அத² த்³ருஷ்ட்வா ஸஹஸ்ராக்ஷம் முநிவேஷத⁴ரம் முநி꞉ |
து³ர்வ்ருத்தம் வ்ருத்தஸம்பந்நோ ரோஷாத்³வசநமப்³ரவீத் || 1-48-26
மம ரூபம் ஸமாஸ்தா²ய க்ருதவாநஸி து³ர்மதே |
அகர்தவ்யமித³ம் யஸ்மாத் விப²லஸ்த்வம் ப⁴விஷ்யதி || 1-48-27
கௌ³தமேநைவமுக்தஸ்ய ஸ ரோஷேண மஹாத்மநா |
பேததுர்வ்ருஷணௌ பூ⁴மௌ ஸஹஸ்ராக்ஷஸ்ய தத்க்ஷணாத் || 1-48-28
ததா² ஷ²ப்த்வா ச வை ஷ²க்ரம் பா⁴ர்யாமபி ச ஷ²ப்தவான் |
இஹ வர்ஷஸஹஸ்ராணி ப³ஹூநி நிவஸிஷ்யஸி || 1-48-29
வாயுப⁴க்ஷா நிராஹாரா தப்யந்தீ ப⁴ஸ்மஷா²யிநீ |
அத்³ருஷ்²யா ஸர்வபூ⁴தாநாமாஷ்²ரமே(அ)ஸ்மின் நிவத்ஸ்யஸி || 1-48-30
யதா³ த்வேதத்³வநம் கோ⁴ரம் ராமோ த³ஷ²ரதா²த்மஜ꞉ |
ஆக³மிஷ்யதி து³ர்த⁴ர்ஷஸ்ததா³ பூதா ப⁴விஷ்யஸி || 1-48-31
தஸ்யாதித்²யேந து³ர்வ்ருத்தே லோப⁴மோஹவிவர்ஜிதா |
மத்ஸகாஷே² முதா³ யுக்தா ஸ்வம் வபுர்தா⁴ரயிஷ்யஸி || 1-48-32
ஏவமுக்த்வா மஹாதேஜா கௌ³தமோ து³ஷ்டசாரிணீம் |
இமமாஷ்²ரமமுத்ஸ்ருஜ்ய ஸித்³த⁴சாரணஸேவிதே |
ஹிமவச்சி²க²ரே ரம்யே தபஸ்தேபே மஹாதபா꞉ || 1-48-33
இதி வால்மீகிராமாயணே ஆதி³காவ்யே பா³லகாண்டே³ அஷ்டசத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
