வால்மீகிராமாயணே ஆதி³காவ்யே பா³லகாண்டே³ பஞ்சத்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
உபாஸ்ய ராத்ரிஷே²ஷம் து ஷோ²ணாகூலே மஹர்ஷிபி⁴꞉ |
நிஷா²யாம் ஸுப்ரபா⁴தாயாம் விஷ்²வாமித்ரோ(அ)ப்⁴யபா⁴ஷத || 1-35-1
ஸுப்ரபா⁴தா நிஷா² ராம பூர்வா ஸந்த்⁴யா ப்ரவர்ததே |
உத்திஷ்டோ²த்திஷ்ட² ப⁴த்³ரம் தே க³மநாயாபி⁴ரோசய || 1-35-2
தச்ச்²ருத்வா வசநம் தஸ்ய க்ருத்வா பௌர்வாஹ்ணிகக்ரிய꞉ |
க³மநம் ரோசயாமாஸ வாக்யம் சேத³முவாச ஹ || 1-35-3
அயம் ஷோ²ண꞉ ஷு²ப⁴ஜலோ(அ)கா³த⁴꞉ புலிநமண்டி³த꞉ |
கதரேண பதா² ப்³ரஹ்மன் ஸந்தரிஷ்யாமஹே வயம் || 1-35-4
ஏவமுக்தஸ்து ராமேண விஷ்²வாமித்ரோ(அ)ப்³ரவீதி³த³ம் |
ஏஷ பந்தா² மயோத்³தி³ஷ்டோ யேந யாந்தி மஹர்ஷய꞉ || 1-35-5
ஏவமுக்த்வா மஹர்ஷயோ விஷ்²வமித்ரேண தீ⁴மதா |
பஷ்²யந்தஸ்தே ப்ரயாதா வை வநாநி விவிதா⁴நி ச || 1-35-6
தே க³த்வா தூ³ரமத்⁴வாநம் க³தே(அ)ர்த⁴தி³வஸே ததா³ |
ஜாஹ்நவீம் ஸரிதாம் ஷ்²ரேஷ்டா²ம் த³த்³ருஷு²ர்முநிஸேவிதாம் || 1-35-7
தாம் த்³ருஷ்ட்வா புண்யஸலிலாம் ஹம்ஸஸாரஸஸேவிதாம் |
ப³பூ⁴வுர்முநய꞉ ஸர்வே முதி³தா꞉ ஸஹராக⁴வா꞉ || 1-35-8
தஸ்யாஸ்தீரே ததா³ ஸர்வே சக்ருர்வாஸபரிக்³ரஹம் |
தத꞉ ஸ்நாத்வா யதா²ந்யாயம் ஸந்தர்ப்ய பித்ருதே³வதா꞉ || 1-35-9
ஹுத்வா சைவாக்³நிஹோத்ராணி ப்ராஷ்²ய சாம்ருதவத்³த⁴வி꞉ |
விவிஷு²ர்ஜாஹ்நவீதீரே ஷு²பா⁴ முதி³தமாநஸா꞉ || 1-35-10
விஷ்²வாமித்ரம் மஹாத்மாநம் பரிவார்ய ஸமந்தத꞉ |
விஷ்டிதாஷ்²ச யதா²ந்யாயம் ராக⁴வௌ ச யதா² அர்ஹம் |
ஸம்ப்ரஹ்ருஷ்டமநா ராமோ விஷ்²வாமித்ரமதா²ப்³ரவீத் || 1-35-11
ப⁴க³வன் ஷ்²ரோதுமிச்சா²மி க³ங்கா³ம் த்ரிபத²கா³ம் நதீ³ம் |
த்ரைலோக்யம் கத²மாக்ரம்ய க³தா நத³நதீ³பதிம் || 1-35-12
சோதி³தோ ராமவாக்யேந விஷ்²வாமித்ரோ மஹாமுநி꞉ |
வ்ருத்³தி⁴ம் ஜந்ம ச க³ங்கா³யா வக்துமேவோபசக்ரமே || 1-35-13
ஷை²லேந்த்³ரோ ஹிமவான் ராம தா⁴தூநாமாகரோ மஹான் |
தஸ்ய கந்யாத்³வயம் ராம ரூபேணாப்ரதிமம் பு⁴வி || 1-35-14
யா மேருது³ஹிதா ராம தயோர்மாதா ஸுமத்⁴யமா |
நாம்நா மேநா மநோஜ்ஞா வை பத்நீ ஹிமவத꞉ ப்ரியா || 1-35-15
தஸ்யாம் க³ங்கே³யமப⁴வஜ்ஜ்யேஷ்டா² ஹிமவத꞉ ஸுதா |
உமா நாம த்³விதீயாபூ⁴த்கந்யா தஸ்யைவ ராக⁴வ || 1-35-16
அத² ஜ்யேஷ்டா²ம் ஸுரா꞉ ஸர்வே தே³வகார்யசிகீர்ஷயா |
ஷை²லேந்த்³ரம் வரயாமாஸுர்க³ங்கா³ம் த்ரிபத²கா³ம் நதீ³ம் || 1-35-17
த³தௌ³ த⁴ர்மேண ஹிமவாம்ஸ்தநயாம் லோகபாவநீம் |
ஸ்வச்ச²ந்த³பத²கா³ம் க³ங்கா³ம் த்ரைலோக்யஹிதகாம்யயா || 1-35-18
ப்ரதிக்³ருஹ்ய த்ரிலோகார்த²ம் த்ரிலோகஹிதகாங்க்ஷிண꞉ |
க³ங்கா³மாதா³ய தே(அ)க³ச்ச²ன் க்ருதார்தே²நாந்தராத்மநா || 1-35-19
யா சாந்யா ஷை²லது³ஹிதா கந்யாஸீத்³ரகு⁴நந்த³ந |
உக்³ரம் ஸா வ்ரதமாஸ்தா²ய தபஸ்தேபே தபோத⁴நா || 1-35-20
உக்³ரேண தபஸா யுக்தாம் த³தௌ³ ஷை²லவர꞉ ஸுதாம் |
ருத்³ராயாப்ரதிரூபாய உமாம் லோகநமஸ்க்ருதாம் || 1-35-21
ஏதே தே ஷை²லராஜஸ்ய ஸுதே லோகநமஸ்க்ருதே |
க³ங்கா³ ச ஸரிதாம் ஷ்²ரேஷ்டா² உமாதே³வீ ச ராக⁴வ || 1-35-22
ஏதத்தே ஸர்வமாக்²யாதம் யதா² த்ரிபத²கா³மிநீ |
க²ம் க³தா ப்ரத²மம் தாத க³திம் க³திமதாம் வர || 1-35-23
ஸைஷா ஸுரநதீ³ ரம்யா ஷை²லேந்த்³ரதநயா ததா³ |
ஸுரலோகம் ஸமாரூடா⁴ விபாபா ஜலவாஹிநீ || 1-35-24
இதி வால்மீகிராமாயணே ஆதி³காவ்யே பா³லகாண்டே³ பஞ்சத்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
