வால்மீகிராமாயணே ஆதி³காவ்யே பா³லகாண்டே³ த்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
அத² தௌ தே³ஷ²காலஜ்ஞௌ ராஜபுத்ராவரிந்த³மௌ |
தே³ஷே² காலே ச வாக்யஜ்ஞாவப்³ரூதாம் கௌஷி²கம் வச꞉ || 1-30-1
ப⁴க³வன் ஷ்²ரோதுமிச்சா²வோ யஸ்மின்காலே நிஷா²சரௌ |
ஸம்ரக்ஷணீயௌ தௌ ப்³ரூஹி நாதிவர்தேத தத்க்ஷணம் || 1-30-2
ஏவம் ப்³ருவாணௌ காகுத்ஸ்தௌ² த்வரமாணௌ யுயுத்ஸயா |
ஸர்வே தே முனய꞉ ப்ரீதா꞉ ப்ரஷ²ஷ²ம்ஸுர்ந்ருபாத்மஜௌ || 1-30-3
அத்³ய ப்ரப்⁴ருதி ஷட்³ராத்ரம் ரக்ஷதம் ராக⁴வௌ யுவாம் |
தீ³க்ஷாம் க³தோ ஹ்யேஷ முநிர்மௌனித்வம் ச க³மிஷ்யதி || 1-30-4
தௌ து தத்³வசனம் ஷ்²ருத்வா ராஜபுத்ரௌ யஷ²ஸ்வினௌ |
அநித்³ரௌ ஷட³ஹோராத்ரம் தபோவனமரக்ஷதாம் || 1-30-5
உபாஸாஞ்சக்ரதுர்வீரௌ யத்தௌ பரமத⁴ன்வினௌ |
ரரக்ஷதுர்முனிவரம் விஷ்²வாமித்ரமரிந்த³மௌ || 1-30-6
அத² காலே க³தே தஸ்மின் ஷஷ்டே²(அ)ஹனி ததா³க³தே |
ஸௌமித்ரமப்³ரவீத்³ராமோ யத்தோ ப⁴வ ஸமாஹித꞉ || 1-30-7
ராமஸ்யைவம் ப்³ருவாணஸ்ய த்வரிதஸ்ய யுயுத்ஸயா |
ப்ரஜஜ்வால ததோ வேதி³꞉ ஸோபாத்⁴யாயபுரோஹிதா || 1-30-8
ஸத³ர்ப⁴சமஸஸ்ருக்கா ஸஸமித்குஸுமோச்சயா |
விஷ்²வாமித்ரேண ஸஹிதா வேதி³ர்ஜஜ்வால ஸர்த்விஜா || 1-30-9
மந்த்ரவச்ச யதா²ந்யாயம் யஜ்ஞோ(அ)ஸௌ ஸம்ப்ரவர்ததே |
ஆகாஷே² ச மஹான் ஷ²ப்³த³꞉ ப்ராது³ராஸீத்³ப⁴யானக꞉ || 1-30-10
ஆவார்ய க³க³னம் மேகோ⁴ யதா² ப்ராவ்ருஷி த்³ருஷ்²யதே |
ததா² மாயாம் விகுர்வாணௌ ராக்ஷஸாவப்⁴யதா⁴வதாம் || 1-30-11
மாரீசஷ்²ச ஸுபா³ஹுஷ்²ச தயோரனுசராஸ்ததா² |
ஆக³ம்ய பீ⁴மஸங்காஷா² ருதி⁴ரௌகா⁴னவாஸ்ருஜன் || 1-30-12
தாம் தேன ருதி⁴ரௌகே⁴ண வேதீ³ம் வீக்ஷ்ய ஸமுக்ஷிதாம் |
ஸஹஸாபி⁴த்³ருதோ ராமஸ்தானபஷ்²யத்ததோ தி³வி || 1-30-13
தாவாபதந்தௌ ஸஹஸா த்³ருஷ்ட்வா ராஜீவலோசன꞉ |
லக்ஷ்மணம் த்வத² ஸம்ப்ரேக்ஷ்ய ராமோ வசனமப்³ரவீத் || 1-30-14
பஷ்²ய லக்ஷ்மண து³ர்வ்ருத்தான் ராக்ஷஸான் பிஷி²தாஷ²னான் |
மானவாஸ்த்ரஸமாதூ⁴தானனிலேன யதா² க⁴னான் || 1-30-15
கரிஷ்யாமி ந ஸந்தே³ஹோ நோத்ஸஹே ஹந்துமீத்³ருஷா²ன் |
இத்யுக்த்வா வசனம் ராமஷ்²சாபே ஸந்தா⁴ய வேக³வான் || 1-30-16
மானவம் பரமோதா³ரமஸ்த்ரம் பரமபா⁴ஸ்வரம் |
சிக்ஷேப பரமக்ருத்³தோ⁴ மாரீசோரஸி ராக⁴வ꞉ || 1-30-17
ஸ தேன பரமாஸ்த்ரேண மானவேன ஸமாஹித꞉ |
ஸம்பூர்ணம் யோஜனஷ²தம் க்ஷிப்த꞉ ஸாக³ரஸம்ப்லவே || 1-30-18
விசேதனம் விகூ⁴ர்ணந்தம் ஷீ²தேஷு ப³லபீடி³தம் |
நிரஸ்தம் த்³ருஷ்²ய மாரீசம் ராமோ லக்ஷ்மணமப்³ரவீத் || 1-30-19
பஷ்²ய லக்ஷ்மண ஷீ²தேஷும் மானவம் மனுஸம்ஹிதம் |
மோஹயித்வா நயத்யேனம் ந ச ப்ராணைர்வ்யயுஜ்யத || 1-30-20
இமானபி வதி⁴ஷ்யாமி நிர்க்⁴ருணான் து³ஷ்டசாரிண꞉ |
ராக்ஷஸான் பாபகர்மஸ்தா²ன் யஜ்ஞக்⁴னான் ருதி⁴ராஷ²னான் || 1-30-21
இத்யுக்த்வா லக்ஷ்மணம் சாஷு² லாக⁴வம் த³ர்ஷ²யன்னிவ |
ஸங்க்³ருஹ்ய ஸுமஹச்சாஸ்த்ரமாக்³னேயம் ரகு⁴நந்த³ன꞉ |
ஸுபா³ஹூரஸி சிக்ஷேப ஸ வித்³த⁴꞉ ப்ராபதத்³ பு⁴வி || 1-30-22
ஷே²ஷான் வாயவ்யமாதா³ய நிஜகா⁴ன மஹாயஷா²꞉ |
ராக⁴வ꞉ பரமோதா³ரோ முனீனாம் முத³மாவஹன் || 1-30-23
ஸ ஹத்வா ராக்ஷஸான் ஸர்வான் யஜ்ஞக்⁴னான் ரகு⁴நந்த³ன꞉ |
ருஷிபி⁴꞉ பூஜிதஸ்தத்ர யதே²ந்த்³ரோ விஜயீ புரா || 1-30-24
அத² யஜ்ஞே ஸமாப்தே து விஷ்²வாமித்ரோ மஹாமுனி꞉ |
நிரீதிகா தி³ஷோ² த்³ருஷ்ட்வா காகுத்ஸ்த²மித³மப்³ரவீத் || 1-30-25
க்ருதார்தோ²(அ)ஸ்மி மஹாபா³ஹோ க்ருதம் கு³ருவசஸ்த்வயா |
ஸித்³தா⁴ஷ்²ரமமித³ம் ஸத்யம் க்ருதம் வீர மஹாயஷ²꞉ |
ஸ ஹி ராமம் ப்ரஷ²ஸ்யைவம் தாப்⁴யாம் ஸந்த்⁴யாமுபாக³மத் || 1-30-26
இதி வால்மீகிராமாயணே ஆதி³காவ்யே பா³லகாண்டே³ த்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
