வால்மீகிராமாயணே ஆதி³காவ்யே பா³லகாண்டே³ ஏகோனத்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
அத² தஸ்யாப்ரமேயஸ்ய வசனம் பரிப்ருச்ச²த꞉ |
விஷ்²வாமித்ரோ மஹாதேஜா வ்யாக்²யாதுமுபசக்ரமே || 1-29-1
இஹ ராம மஹாபா³ஹோ விஷ்ணுர்தே³வநமஸ்க்ருத꞉ |
வர்ஷாணி ஸுப³ஹூனீஹ ததா² யுக³ஷ²தானி ச || 1-29-2
தபஷ்²சரணயோகா³ர்த²முவாஸ ஸுமஹாதபா꞉ |
ஏஷ பூர்வாஷ்²ரமோ ராம வாமனஸ்ய மஹாத்மன꞉ || 1-29-3
ஸித்³தா⁴ஷ்²ரம இதி க்²யாத꞉ ஸித்³தோ⁴ ஹ்யத்ர மஹாதபா꞉ |
ஏதஸ்மின்னேவ காலே து ராஜா வைரோசநிர்ப³லி꞉ || 1-29-4
நிர்ஜித்ய தை³வதக³ணான் ஸேந்த்³ரான் ஸமருத்³க³ணான் |
காரயாமாஸ தத்³ராஜ்யம் த்ரிஷு லோகேஷு விஷ்²ருத꞉ || 1-29-5
யஜ்ஞம் சகார ஸுமஹானஸுரேந்த்³ரோ மஹாப³ல꞉ |
ப³லேஸ்து யஜமானஸ்ய தே³வா꞉ ஸாக்³னிபுரோக³மா꞉ |
ஸமாக³ம்ய ஸ்வயம் சைவ விஷ்ணுமூசுரிஹாஷ்²ரமே || 1-29-6
ப³லிர்வைரோசநிர்விஷ்ணோ யஜதே யஜ்ஞமுத்தமம் |
அஸமாப்தவ்ரதே தஸ்மின் ஸ்வகார்யமபி⁴பத்³யதாம் || 1-29-7
யே சைனமபி⁴வர்தந்தே யாசிதார இதஸ்தத꞉ |
யச்ச யத்ர யதா²வச்ச ஸர்வம் தேப்⁴ய꞉ ப்ரயச்ச²தி || 1-29-8
ஸ த்வம் ஸுரஹிதார்தா²ய மாயாயோக³முபாஷ்²ரித꞉ |
வாமனத்வம் க³தோ விஷ்ணோ குரு கல்யாணமுத்தமம் || 1-29-9
ஏதஸ்மின்னந்தரே ராம காஷ்²யபோ(அ)க்³நிஸமப்ரப⁴꞉ |
அதி³த்யா ஸஹிதோ ராம தீ³ப்யமான இவௌஜஸா || 1-29-10
தே³வீஸஹாயோ ப⁴க³வான் தி³வ்யம் வர்ஷஸஹஸ்ரகம் |
வ்ரதம் ஸமாப்ய வரத³ம் துஷ்டாவ மது⁴ஸூத³னம் || 1-29-11
தபோமயம் தபோராஷி²ம் தபோமூர்திம் தபாத்மகம் |
தபஸா த்வாம் ஸுதப்தேன பஷ்²யாமி புரோஷோத்தமம் || 1-29-12
ஷ²ரீரே தவ பஷ்²யாமி ஜக³த்ஸர்வமித³ம் ப்ரபோ⁴ |
த்வமநாதி³ரநிர்தே³ஷ்²யஸ்த்வாமஹம் ஷ²ரணம் க³த꞉ || 1-29-13
தமுவாச ஹரி꞉ ப்ரீத꞉ கஷ்²யபம் தூ⁴தகல்மஷம் |
வரம் வரய ப⁴த்³ரம் தே வரார்ஹோ(அ)ஸி மதோ மம || 1-29-14
தச்ச்²ருத்வா வசனம் தஸ்ய மாரீச꞉ கஷ்²யபோ(அ)ப்³ரவீத் |
அதி³த்யா தே³வதானாம் ச மம சைவானுயாசிதம் || 1-29-15
வரம் வரத³ ஸுப்ரீதோ தா³துமர்ஹஸி ஸுவ்ரத |
புத்ரத்வம் க³ச்ச² ப⁴க³வன்னதி³த்யா மம சானக⁴ || 1-29-16
ப்⁴ராதா ப⁴வ யவீயாம்ஸ்த்வம் ஷ²க்ரஸ்யாஸுரஸூத³ன |
ஷோ²கார்தானாம் து தே³வானாம் ஸாஹாய்யம் கர்துமர்ஹஸி || 1-29-17
அயம் ஸித்³தா⁴ஷ்²ரமோ நாம ப்ரஸாதா³த்தே ப⁴விஷ்யதி |
ஸித்³தே⁴ கர்மணி தே³வேஷ² உத்திஷ்ட² ப⁴க³வன்னித꞉ || 1-29-18
அத² விஷ்ணுர்மஹாதேஜா அதி³த்யாம் ஸமஜாயத |
வாமனம் ரூபமாஸ்தா²ய வைரோசனிமுபாக³மத் || 1-29-19
த்ரீன்பதா³னத² பி⁴க்ஷித்வா ப்ரதிக்³ருஹ்ய ச மேதி³னீம் |
ஆக்ரம்ய லோகான் லோகார்தோ² ஸர்வலோகஹிதே ரத꞉ || 1-29-20
மஹேந்த்³ராய புன꞉ ப்ராதா³த் நியம்ய ப³லிமோஜஸா |
த்ரைலோக்யம் ஸ மஹாதேஜாஷ்²சக்ரே ஷ²க்ரவஷ²ம் புன꞉ || 1-29-21
தேனைஷ பூர்வமாக்ராந்த ஆஷ்²ரம꞉ ஷ்²ரமநாஷ²ன꞉ |
மயாபி ப⁴க்த்யா தஸ்யைஷ வாமனஸ்யோபபு⁴ஜ்யதே || 1-29-22
ஏனமாஷ்²ரமமாயாந்தி ராக்ஷஸா விக்⁴னகாரிண꞉ |
அத்ர தே புருஷவ்யாக்⁴ர ஹந்தவ்யா து³ஷ்டசாரிண꞉ || 1-29-23
அத்³ய க³ச்சா²மஹே ராம ஸித்³தா⁴ஷ்²ரமமனுத்தமம் |
ததா³ஷ்²ரமபத³ம் தாத தவாப்யேதத்³யதா² மம || 1-29-24
இத்யுக்த்வா பரமப்ரீதோ க்³ருஹ்ய ராமம் ஸலக்ஷ்மணம் |
ப்ரவிஷ²ந்நாஷ்²ரமபத³ம் வ்யரோசத மஹாமுனி꞉ |
ஷ²ஷீ²வ க³தனீஹார꞉ புனர்வஸுஸமன்வித꞉ || 1-29-25
தம் த்³ருஷ்ட்வா முனய꞉ ஸர்வே ஸித்³தா⁴ஷ்²ரமநிவாஸின꞉ |
உத்பத்யோத்பத்ய ஸஹஸா விஷ்²வாமித்ரமபூஜயன் || 1-29-26
யதா²ர்ஹம் சக்ரிரே பூஜாம் விஷ்²வாமித்ராய தீ⁴மதே |
ததை²வ ராஜபுத்ராப்⁴யாமகுர்வன்னதிதி²க்ரியாம் || 1-29-27
முஹூர்தமத² விஷ்²ராந்தௌ ராஜபுத்ராவரிந்த³மௌ |
ப்ராஞ்ஜலீ முநிஷா²ர்தூ³லமூசதூ ரகு⁴நந்த³னௌ || 1-29-28
அத்³யைவ தீ³க்ஷாம் ப்ரவிஷ² ப⁴த்³ரம் தே முனிபுங்க³வ |
ஸித்³தா⁴ஷ்²ரமோ(அ)யம் ஸித்³த⁴꞉ ஸ்யாத் ஸத்யமஸ்து வசஸ்தவ || 1-29-29
ஏவமுக்தோ மஹாதேஜா விஷ்²வாமித்ரோ மஹாந்ருஷி꞉ |
ப்ரவிவேஷ² ததா³ தீ³க்ஷாம் நியதோ நியதேந்த்³ரிய꞉ || 1-29-30
குமாராவேவ தாம் ராத்ரிமுஷித்வா ஸுஸமாஹிதௌ |
ப்ரபா⁴தகாலே சோத்தா²ய பூர்வாம் ஸந்த்⁴யாமுபாஸ்ய ச || 1-29-31
ப்ரஷு²சீ பரம் ஜப்யம் ஸமாப்ய நியமேன ச |
ஹுதாக்³னிஹோத்ரமாஸீனம் விஷ்²வாமித்ரமவந்த³தாம் || 1-29-32
இதி வால்மீகிராமாயணே ஆதி³காவ்யே பா³லகாண்டே³ ஏகோனத்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
