வால்மீகிராமாயணே ஆதி³காவ்யே பா³லகாண்டே³ ஏகாத³ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
பூ⁴ய ஏவ ஹி ராஜேந்த்³ர ஷ்²ருணு மே வசனம் ஹிதம் |
யதா² ஸ தே³வப்ரவர꞉ கத²யாமேவமப்³ரவீத் || 1-11-1
இக்ஷ்வாகூணாம் குலே ஜாதோ ப⁴விஷ்யதி ஸுதா⁴ர்மிக꞉ |
நாம்னா த³ஷ²ரதோ² ராஜா ஷ்²ரீமான்ஸத்யப்ரதிஷ்²ரவ꞉ || 1-11-2
அங்க³ராஜேன ஸக்²யம் ச தஸ்ய ராஜ்ஞோ ப⁴விஷ்யதி |
கன்யா சாஸ்ய மஹாபா⁴கா³ ஷா²ந்தா நாம ப⁴விஷ்யதி || 1-11-3
புத்ரஸ்து ஸோ(அ)ங்க³ராஜஸ்ய ரோமபாத³ இதி ஷ்²ருத꞉ |
தம் ஸ ராஜா த³ஷ²ரதோ² க³மிஷ்யதி மஹாயஷா²꞉ || 1-11-4
அனபத்யோ(அ)ஸ்மி த⁴ர்மாத்மன் ஷா²ந்தாப⁴ர்தா மம க்ரதும் |
ஆஹரேத த்வயாஜ்ஞப்த꞉ ஸந்தானார்த²ம் குலஸ்ய ச || 1-11-5
ஷ்²ருத்வா ராஜ்ஞோ(அ)த² தத்³வாக்யம் மனஸா ஸ விசிந்த்ய ச |
ப்ரதா³ஸ்யதே புத்ரவந்தம் ஷா²ந்தாப⁴ர்தாரமாத்மவான் || 1-11-6
ப்ரதிக்³ருஹ்ய ச தம் விப்ரம் ஸ ராஜா விக³தஜ்வர꞉ |
ஆஹரிஷ்யதி தம் யஜ்ஞம் ப்ரஹ்ருஷ்டேனாந்தராத்மனா || 1-11-7
தம் ச ராஜா த³ஷ²ரதோ² யஷ்டுகாம꞉ க்ருதாஞ்ஜலி꞉ |
ருஷ்யஷ்²ருங்க³ம் த்³விஜஷ்²ரேஷ்ட²ம் வரயிஷ்யதி த⁴ர்மவித் || 1-11-8
யஜ்ஞார்த²ம் ப்ரஸவார்த²ம் ச ஸ்வர்கா³ர்த²ம் ச நரேஷ்²வர꞉ |
லப⁴தே ச ஸ தம் காமம் த்³விஜமுக்²யாத்³விஷா²ம்பதி꞉ || 1-11-9
புத்ராஷ்²சாஸ்ய ப⁴விஷ்யந்தி சத்வாரோ(அ)மிதவிக்ரமா꞉ |
வம்ஷ²ப்ரதிஷ்டா²னகரா꞉ ஸர்வபூ⁴தேஷு விஷ்²ருதா꞉ || 1-11-10
ஏவம் ஸ தே³வப்ரவர꞉ பூர்வம் கதி²தவான்கதா²ம் |
ஸனத்குமாரோ ப⁴க³வான்புரா தே³வயுகே³ ப்ரபு⁴꞉ || 1-11-11
ஸ த்வம் புருஷஷா²ர்தூ³ல தமானய ஸுஸத்க்ருதம் |
ஸ்வயமேவ மஹாராஜ க³த்வா ஸப³லவாஹன꞉ || 1-11-12
ஸுமந்த்ரஸ்ய வச꞉ ஷ்²ருத்வா ஹ்ருஷ்டோ த³ஷ²ரதோ²(அ)ப⁴வத் |
அனுமான்ய வஸிஷ்ட²ம் ச ஸூதவாக்யம் நிஷ²ம்ய ச || 1-11-13
ஸாந்த꞉புர꞉ ஸஹாமாத்ய꞉ ப்ரயயௌ யத்ர ஸ த்³விஜ꞉ |
வனானி ஸரிதஷ்²சைவ வ்யதிக்ரம்ய ஷ²னை꞉ ஷ²னை꞉ || 1-11-14
அபி⁴சக்ராம தம் தே³ஷ²ம் யத்ர வை முனிபுங்க³வ꞉ |
ஆஸாத்³ய தம் த்³விஜஷ்²ரேஷ்ட²ம் ரோமபாத³ஸமீபக³ம் || 1-11-15
ருஷிபுத்ரம் த³த³ர்ஷா²தோ² தீ³ப்யமானமிவானலம் |
ததோ ராஜா யதா²யோக்³யம் பூஜாம் சக்ரே விஷே²ஷத꞉ || 1-11-16
ஸகி²த்வாத்தஸ்ய வை ராஜ்ஞ꞉ ப்ரஹ்ருஷ்டேனாந்தராத்மனா |
ரோமபாதே³ன சாக்²யாதம்ருஷிபுத்ராய தீ⁴மதே || 1-11-17
ஸக்²யம் ஸம்ப³ந்த⁴கம் சைவ ததா³ தம் ப்ரத்யபூஜயத் |
ஏவம் ஸுஸத்க்ருதஸ்தேன ஸஹோஷித்வா நரர்ஷப⁴꞉ || 1-11-18
ஸப்தாஷ்டதி³வஸான் ராஜா ராஜானமித³மப்³ரவீத் |
ஷா²ந்தா தவ ஸுதா ராஜன் ஸஹ ப⁴ர்த்ரா விஷா²ம்பதே || 1-11-19
மதீ³யம் நக³ரம் யாது கார்யம் ஹி மஹது³த்³யதம் |
ததே²தி ராஜா ஸம்ஷ்²ருத்ய க³மனம் தஸ்ய தீ⁴மத꞉ || 1-11-20
உவாச வசனம் விப்ரம் க³ச்ச² த்வம் ஸஹ பா⁴ர்யயா |
ருஷிபுத்ர꞉ ப்ரதிஷ்²ருத்ய ததே²த்யாஹ ந்ருபம் ததா³ || 1-11-21
ஸ ந்ருபேணாப்⁴யனுஜ்ஞாத꞉ ப்ரயயௌ ஸஹ பா⁴ர்யயா |
தாவன்யோன்யாஞ்ஜலிம் க்ருத்வா ஸ்னேஹாத்ஸம்ஷ்²லிஷ்ய சோரஸா || 1-11-22
நனந்த³துர்த³ஷ²ரதோ² ரோமபாத³ஷ்²ச வீர்யவான் |
தத꞉ ஸுஹ்ருத³மாப்ருச்ச்²ய ப்ரஸ்தி²தோ ரகு⁴நந்த³ன꞉ || 1-11-23
பௌரேப்⁴ய꞉ ப்ரேஷயாமாஸ தூ³தான்வை ஷீ²க்⁴ரகா³மின꞉ |
க்ரியதாம் நக³ரம் ஸர்வம் க்ஷிப்ரமேவ ஸ்வலங்க்ருதம் || 1-11-24
தூ⁴பிதம் ஸிக்தஸம்ம்ருஷ்டம் பதாகாபி⁴ரலங்க்ருதம் |
தத꞉ ப்ரஹ்ருஷ்டா꞉ பௌராஸ்தே ஷ்²ருத்வா ராஜானமாக³தம் || 1-11-25
ததா² ப்ரசக்ருஸ்தத்ஸர்வம் ராஜ்ஞா யத்ப்ரேஷிதம் ததா³ |
தத꞉ ஸ்வலங்க்ருதம் ராஜா நக³ரம் ப்ரவிவேஷ² ஹ || 1-11-26
ஷ²ங்க²து³ந்து³பி⁴நிர்கோ⁴ஷை꞉ புரஸ்க்ருத்ய த்³விஜர்ஷப⁴ம் |
தத꞉ ப்ரமுதி³தா꞉ ஸர்வே த்³ருஷ்ட்வா தம் நாக³ரா த்³விஜம் || 1-11-27
ப்ரவேஷ்²யமானம் ஸத்க்ருத்ய நரேந்த்³ரேணேந்த்³ரகர்மணா |
யதா² தி³வி ஸுரேந்த்³ரேண ஸஹஸ்ராக்ஷேண காஷ்²யபம் || 1-11-28
அந்த꞉புரம் ப்ரவேஷ்²யைனம் பூஜாம் க்ருத்வா ச ஷா²ஸ்த்ரத꞉ |
க்ருதக்ருத்யம் ததா³த்மானம் மேனே தஸ்யோபவாஹனாத் || 1-11-29
அந்த꞉புரஸ்த்ரிய꞉ ஸர்வா꞉ ஷா²ந்தாம் த்³ருஷ்ட்வா ததா²க³தாம் |
ஸஹ ப⁴ர்த்ரா விஷா²லாக்ஷீம் ப்ரீத்யானந்த³முபாக³மன் || 1-11-30
பூஜ்யமானா து தாபி⁴꞉ ஸா ராஜ்ஞா சைவ விஷே²ஷத꞉ |
உவாஸ தத்ர ஸுகி²தா கஞ்சித்காலம் ஸஹர்த்விஜா || 1-11-31
இதி வால்மீகிராமாயணே ஆதி³காவ்யே பா³லகாண்டே³ ஏகாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
