வால்மீகி ராமாயணே ஆதி³ காவ்யே யுத்³த⁴காண்டே³ சதுர்னவதிதம꞉ ஸர்க³꞉
தானி நாக³ஸஹஸ்ராணி ஸாரோஹாணான் ச வாஜினாம் |
ரதா²னான் சாக்³நிவர்ணானான் ஸத்⁴வஜானாம் ஸஹஸ்ரஷ²꞉ || 94-6-1
ராக்ஷஸானான் ஸஹஸ்ராணி க³தா³பரிக⁴யோதி⁴னாம் |
காஞ்சனத்⁴வஜசித்ராணான் ஷூ²ராணான் காமரூபிணாம் || 94-6-2
நிஹதானி ஷ²ரைஸ்தீக்ஷ்ணைஸ்தப்தகாஞ்சனபூ⁴ஷணை꞉ |
ராவணேன ப்ரயுக்தானி ராமேணாக்லிஷ்டகர்மணா || 94-6-3
த்³ருஷ்ட்வா ஷ்²ருத்வா ச ஸம்ப்⁴ராந்தா ஹதஷே²ஷா நிஷா²சரா꞉ |
ராக்ஷஸ்யஷ்²ச ஸமாக³ம்ய தீ³நாஷ்²சிந்தாபரிப்லுதா꞉ || 94-6-4
வித⁴வா ஹதபுத்ராஷ்²ச க்ரோஷ²ந்த்யோ ஹதபா³ந்த⁴வா꞉ |
ராக்ஷஸ்ய꞉ ஸஹ ஸங்க³ம்ய து³꞉கா²ர்தா꞉ பர்யதே³வயன் || 94-6-5
கத²ன் ஷூ²ர்பணகா² வ்ருத்³தா⁴ கராளா நிர்ணதோத³ரீ |
ஆஸஸாத³ வனே ராமன் கந்த³ர்பமிவ ரூபிணம் || 94-6-6
ஸுகுமாரம் மஹாஸத்த்வன் ஸர்வபூ⁴தஹிதே ரதம் |
தன் த்³ருஷ்ட்வா லோகவத்⁴யா ஸா ஹீனரூபா ப்ரகாமிதா || 94-6-7
கத²ன் ஸர்வகு³ணைர்ஹீனா கு³ணவந்தம் மஹௌஜஸம் |
ஸுமுக²ன் து³ர்முகீ² ராமம் காமயாமாஸ ராக்ஷஸீ || 94-6-8
ஜனஸ்யாஸ்யாள்பபா⁴க்³யத்வாத்பலினீ ஷ்²வேதமூர்த⁴ஜா |
அகார்யமபஹாஸ்யன் ச ஸர்வலோகவிக³ர்ஹிதம் || 94-6-9
ராக்ஷஸானான் விநாஷா²ய தூ³ஷணஸ்ய க²ரஸ்ய ச |
சகாராப்ரதிரூபா ஸா ராக⁴வஸ்ய ப்ரத⁴ர்ஷணம் || 94-6-10
தந்நிமித்தமித³ன் வைரம் ராவணேன க்ருதம் மஹத் |
வதா⁴ய நீதா ஸா ஸீதா த³ஷ²க்³ரீவேண ரக்ஷஸா || 94-6-11
ந ச ஸீதான் த³ஷ²க்³ரீவ꞉ ப்ராப்னோதி ஜனகாத்மஜாம் |
ப³த்³த⁴ம் ப³லவதா வைரமக்ஷயன் ராக⁴வேண ஹ || 94-6-12
வைதே³ஹீம் ப்ரார்த²யானன் தன் விராத⁴ம் ப்ரேக்ஷ்ய ராக்ஷஸம் |
ஹதமேகேன ராமேண பர்யாப்தன் தந்நித³ர்ஷ²னம் || 94-6-13
சதுர்த³ஷ²ஸஹஸ்ராணி ரக்ஷஸாம் பீ⁴மகர்மணாம் |
நிஹதானி ஜனஸ்தா²னே ஷ²ரைரக்³நிஷி²கோ²பமை꞉ || 94-6-14
க²ரஷ்²ச நிஹத꞉ ஸங்க்²யே தூ³ஷணஸ்த்ரிஷி²ராஸ்ததா² |
ஷ²ரைராதி³த்யஸங்காஷை²꞉ பர்யாப்தன் தந்நித³ர்ஷ²னம் || 94-6-15
ஹதோ யோஜனபா³ஹுஷ்²ச கப³ந்தோ⁴ ருதி⁴ராஷ²ன꞉ |
க்ரோதா⁴ர்தோ வினத³ன்ஸோஅத² பர்யாப்தன் தந்நித³ர்ஷ²னம் || 94-6-16
ஜகா⁴ன ப³லினன் ராம꞉ ஸஹஸ்ரநயனாத்மஜம் |
பா³லினம் மேருஸங்காஷ²ம் பர்யாப்தன் தந்நித³ர்ஷ²னம் || 94-6-17
ருஷ்²யமூகே வஸம்ஷை²லே தீ³னோ ப⁴க்³னமனோரத²꞉ |
ஸுக்³ரீவ꞉ ஸ்தா²பிதோ ராஜ்யே பர்யாப்தன் தந்நித³ர்ஷ²னம் || 94-6-18
த⁴ர்மார்த²ஸஹிதன் வாக்யம் ஸர்வேஷாம் ரக்ஷஸாம் ஹிதம் |
யுக்தன் விபீ⁴ஷணேனோக்தம் மோஹாத்தஸ்ய ந ரோசதே || 94-6-19
விபீ⁴ஷணவச꞉ குர்யாத்³யதி³ ஸ்ம த⁴னதா³னுஜ꞉ |
ஷ்²மஷா²னபூ⁴தா து³꞉கா²ர்தா நேயன் லங்கா புரீ ப⁴வேத் || 94-6-20
கும்ப⁴கர்ணன் ஹதம் ஷ்²ருத்வா ராக⁴வேண மஹாப³லம் |
அதிகாயம் ச து³ர்மர்ஷம் லக்ஷ்மணேன ஹதம் ததா³ || 94-6-21
ப்ரியன் சேந்த்³ரஜிதம் புத்ரன் ராவணோ நாவபு³த்⁴யதே |
மம புத்ரோ மம ப்⁴ராதா மம ப⁴ர்தா ரணே ஹத꞉ || 94-6-22
இத்யேவன் ஷ்²ரூயதே ஷ²ப்³தோ³ ராக்ஷஸானான் குலே குலே |
ரதா²ஷ்²சாஷ்²வாஷ்²ச நாகா³ஷ்²ச ஹதா꞉ ஷ²தஸஹஸ்ரஷ²꞉ || 94-6-23
ரணே ராமேண ஷூ²ரேண ராக்ஷஸாஷ்²ச பதா³தய꞉ |
ருத்³ரோ வா யதி³ வா விஷ்ணுர்மஹேந்த்³ரோ வா ஷ²தக்ரது꞉ || 94-6-24
ஹந்தி நோ ராமரூபேண யதி³ வா ஸ்வயமந்தக꞉ |
ஹதப்ரவீரா ராமேண நிராஷா² ஜீவிதே வயம் || 94-6-25
அபஷ்²யந்த்யோ ப⁴யஸ்யாந்தமநாதா² விளபாமஹே |
ராமஹஸ்தாத்³த³ஷ²க்³ரீவ꞉ ஷூ²ரோ த³த்தவரோ யுதி⁴ || 94-6-26
இத³ம் ப⁴யம் மஹாகோ⁴ரமுத்பன்னம் நாவபு³த்⁴யதே |
ந தே³வா ந ச க³ந்த⁴ர்வா ந பிஷா²சா ந ராகஸா꞉ || 94-6-27
உபஸ்ருஷ்டம் பரித்ராதுன் ஷ²க்தா ராமேண ஸன்யுகே³ |
உத்பாதாஷ்²சாபி த்³ருஷ்²யந்தே ராவணஸ்ய ரணே ரணே || 94-6-28
கத²யிஷ்யந்தி ராமேண ராவணஸ்ய நிப³ர்ஹணம் |
பிதாமஹேன ப்ரீதேன தே³வதா³னவராக்ஷஸை꞉ || 94-6-29
ராவணஸ்யாப⁴யன் த³த்தம் மானுஷேப்⁴யோ ந யாசிதம் |
ததி³த³ம் மானுஷான்மன்யே ப்ராப்தம் நி꞉ஸம்ஷ²யம் ப⁴யம் || 94-6-30
ஜீவிதாந்தகரன் கோ⁴ரன் ரக்ஷஸாம் ராவணஸ்ய ச |
பீட்³யமானாஸ்து ப³லினா வரதா³னேன ரக்ஷஸா || 94-6-31
தீ³ப்தைஸ்தபோபி⁴ர்விபு³தா⁴꞉ பிதாமஹமபூஜயன் |
தே³வதானான் ஹிதார்தா²ய மஹாத்மா வை பிதாமஹ꞉ || 94-6-32
உவாச தே³வதா꞉ ஸர்வா இத³ன் துஷ்டோ மஹத்³வச꞉ |
அத்³ய ப்ரப்⁴ருதி லோகான்ஸ்த்ரீன்ஸர்வே தா³னவராக்ஷஸா꞉ || 94-6-33
ப⁴யேன ப்ராவ்ருதா நித்யன் விசரிஷ்யந்தி ஷா²ஷ்²வதம் |
தை³வதைஸ்து ஸமாக³ம்ய ஸர்வைஷ்²சேந்த்³ரபுரோக³மை꞉ || 94-6-34
வ்ருஷத்⁴வஜஸ்த்ரிபுரஹா மஹாதே³வ꞉ ப்ரஸாதி³த꞉ |
ப்ரஸன்னஸ்து மஹாதே³வோ தே³வானேதத்³வசோஅப்³ரவீத் || 94-6-35
உத்பத்ஸ்யதி ஹிதார்த²ன் வோ நாரீ ரக்ஷ꞉க்ஷயாவஹா |
ஏஷா தே³வை꞉ ப்ரயுக்தா து க்ஷுத்³யதா² தா³னவான்புரா || 94-6-36
ப⁴க்ஷயிஷ்யதி ந꞉ ஸீதா ராக்ஷஸக்⁴னீ ஸராவணான் |
ராவணஸ்யாபனீதேன து³ர்வினீதஸ்ய து³ர்மதே꞉ || 94-6-37
அயம் நிஷ்டானகோ கோ⁴ர꞉ ஷோ²கேன ஸமபி⁴ப்லுத꞉ |
தம் ந பஷ்²யாமஹே லோகே யோ ந꞉ ஷ²ரணதோ³ ப⁴வேத் || 94-6-38
ராக⁴வேணோபஸ்ருஷ்டானான் காலேனேவ யுக³க்ஷயே |
நாஸ்தி ந꞉ ஷ²ரணம் கஷ்²சித்³ப⁴யே மஹதி திஷ்ட²தாம் || 94-6-39
தா³வாக்³னிவேஷ்டி²தானாம் ஹி கரேணூனாம் யதா² வனே |
ப்ராப்தகாலம் க்ருதம் தேன பௌலஸ்த்யேன மஹாத்மனா || 94-6-40
யத ஏவம் ப⁴யம் த்³ருஷ்ட²ம் தமேவ ஷ²ரணம் க³த꞉ |
இதீவ ஸர்வா ரஜநீசரஸ்த்ரிய꞉ |
பரஸ்பரன் ஸம்பரிரப்⁴ய பா³ஹுபி⁴꞉ |
விஷேது³ரார்தாதிப⁴யாபி⁴பீடி³தா |
வினேது³ருச்சைஷ்²ச ததா³ ஸுதா³ருணம் || 94-6-41
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ சதுர்னவதிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
