வால்மீகி ராமாயணே ஆதி³ காவ்யே யுத்³த⁴காண்டே³ ஸப்தவிம்ஷ²꞉ ஸர்க³꞉
தாம்ஸ்து தே ஸம்ப்ரக்ஷ்யாமி ப்ரேக்ஷமாணஸ்ய யூத²பான் |
ராக⁴வ அர்தே² பராக்ராந்தா யே ந ரக்ஷந்தி ஜீவிதம் || 6-27-1
ஸ்நிக்³தா⁴ யஸ்ய ப³ஹு ஷ்²யாமா பா³லா லாந்கூ³லம் ஆஷ்²ரிதா꞉ |
தாம்ரா꞉ பீதா꞉ ஸிதா꞉ ஷ்²வேதா꞉ ப்ரகீர்ணா கோ⁴ர கர்மண꞉ || 6-27-2
ப்ரக்³ருஹீதா꞉ ப்ரகாஷ²ந்தே ஸூர்யஸ்ய இவ மரீசய꞉ |
ப்ருதி²வ்யாம் ச அநுக்ருஷ்யந்தே ஹரோ நாம ஏஷ யூத²ப꞉ || 6-27-3
யம் ப்ருஷ்ட²தோ அநுக³ச்சந்தி ஷ²தஷோ² அத² ஸஹஸ்ரஷ²꞉ |
வ்ருக்ஷாநுத்³யம்ய ஸஹஸா லங்கா ரோஹணதத்பரா꞉ || 6-27-4
யூத²பா ஹரிராஜஸ்ய கிம்கரா꞉ ஸமுபஸ்தி²தா꞉ |
நீலான் இவ மஹாமேகா⁴ம்ஸ் திஷ்ட²தோ யாம்ஸ் து பஷ்²யஸி || 6-27-5
அஸிதான் ஜந ஸம்காஷா²ன் யுத்³தே⁴ ஸத்ய பராக்ரமான் |
அஸம்க்²யேயான் அநிர்தே³ஷ்²யான் பரம் பாரம் இவ உத³தே⁴꞉ || 6-27-6
பர்வதேஷு ச யே கேசித்³ விஷமேஷு நதீ³ஷு ச |
ஏதே த்வாம் அபி⁴வர்தந்தே ராஜந்ன் ருஷ்கா꞉ ஸுதா³ருணா꞉ || 6-27-7
ஏஷாம் மத்⁴யே ஸ்தி²தோ ராஜன் பீ⁴ம அக்ஷோ பீ⁴ம த³ர்ஷ²ந꞉ |
பர்ஜந்ய இவ ஜீமூதை꞉ ஸமந்தாத் பரிவாரித꞉ || 6-27-8
ருக்ஷவந்தம் கி³ரி ஷ்²ரேஷ்ட²ம் அத்⁴யாஸ்தே நர்மதா³ம் பிப³ன் |
ஸர்வ ருக்ஷாணாம் அதி⁴பதிர் தூ⁴ம்ரோ நாம ஏஷ யூத²ப꞉ || 6-27-9
யவீயான் அஸ்ய து ப்⁴ராதா பஷ்²ய ஏநம் பர்வத உபமம்
ப்⁴ராத்ரா ஸமாநோ ரூபேண விஷி²ஷ்டஸ் து பராக்ரமே || 6-27-10
ஸ ஏஷ ஜாம்ப³வான் நாம மஹாயூத²ப யூத²ப꞉ |
ப்ரஷா²ந்தோ கு³ரு வர்தீ ச ஸம்ப்ரஹாரேஷ்வ் அமர்ஷண꞉ || 6-27-11
ஏதேந ஸாஹ்யம் ஸுமஹத் க்ருதம் ஷ²க்ரஸ்ய தீ⁴மதா |
தே³வ அஸுரே ஜாம்ப³வதா லப்³தா⁴꞉ ச ப³ஹவோ வரா꞉ || 6-27-12
ஆருஹ்ய பர்வத அக்³ரேப்⁴யோ மஹாஅப்⁴ர விபுலா꞉ ஷி²லா꞉ |
முந்சந்தி விபுல ஆகாரா ந ம்ருத்யோர் உத்³விஜந்தி ச || 6-27-13
ராக்ஷஸாநாம் ச ஸத்³ருஷா²꞉ பிஷா²சாநாம் ச ரோமஷா²꞉ |
ஏதஸ்ய ஸைந்யே ப³ஹவோ விசரந்தி அக்³நி தேஜஸ꞉ || 6-27-14
யம் த்வ் ஏநம் அபி⁴ஸம்ரப்³த⁴ம் ப்லவமாநம் இவ ஸ்தி²தம் |
ப்ரேக்ஷந்தே வாநரா꞉ ஸர்வே ஸ்தி²தம் யூத²ப யூத²பம் || 6-27-15
ஏஷ ராஜன் ஸஹஸ்ர அக்ஷம் பர்யுபாஸ்தே ஹரி ஈஷ்²வர꞉ |
ப³லேந ப³ல ஸம்பந்நோ ரம்போ⁴ நாம ஏஷ யூத²ப꞉ || 6-27-16
ய꞉ ஸ்தி²தம் யோஜநே ஷை²லம் க³ச்சன் பார்ஷ்²வேந ஸேவதே |
ஊர்த்⁴வம் ததை²வ காயேந க³த꞉ ப்ராப்நோதி யோஜநம் || 6-27-17
யஸ்மான் ந பரமம் ரூபம் சதுஷ்பாதே³ஷு வித்³யதே |
ஷ்²ருத꞉ ஸம்நாத³நோ நாம வாநராணாம் பிதாமஹ꞉ || 6-27-18
யேந யுத்³த⁴ம் ததா³ த³த்தம் ரணே ஷ²க்ரஸ்ய தீ⁴மதா |
பராஜய꞉ ச ந ப்ராப்த꞉ ஸோ அயம் யூத²ப யூத²ப꞉ || 6-27-19
யஸ்ய விக்ரமமாணஸ்ய ஷ²க்ரஸ்ய இவ பராக்ரம꞉ |
ஏஷ க³ந்த⁴ர்வ கந்யாயாம் உத்பந்ந꞉ க்ருஷ்ண வர்த்மநா || 6-27-20
தத்ர தே³வாஸுரே யுத்³தே⁴ ஸாஹ்யார்த²ம் த்ரிதி³வௌகஸாம் |
யத்ர வைஷ்²ரவணோ ராஜா ஜம்பூ³முபநிஷேவதே || 6-27-21
யோ ராஜா பர்வத இந்த்³ராணாம் ப³ஹு கிம்நர ஸேவிநாம் |
விஹார ஸுக²தோ³ நித்யம் ப்⁴ராதுஸ் தே ராக்ஷஸ அதி⁴ப || 6-27-22
தத்ர ஏஷ வஸதி ஶ்ரீமான் ப³லவான் வாநர ருஷப⁴꞉ |
யுத்³தே⁴ஷ்வ் அகத்த²நோ நித்யம் க்ரத²நோ நாம யூத²ப꞉ || 6-27-23
வ்ருத꞉ கோடி ஸஹஸ்ரேண ஹரீணாம் ஸமவஸ்தி²த꞉ |
ஏஷைவாஷ²ம்ஸதே லங்காம் ஸ்வேநாநீகேந மர்தி³தும் || 6-27-24
யோ க³ங்கா³மநுபர்யேதி த்ராஸயன் க³ஜயூத²பான் |
ஹஸ்திநாம் வாநராணாம் ச பூர்வவைரமநுஸ்மரன் || 6-27-25
ஏஷ யூத²பதிர்நேதா க³ர்ஜன் கி³ரிகு³ஹாஷ²ய꞉ |
க³ஜான் ரோத⁴யதே வந்யாநாருஜம்ஷ்²ச மஹீருஹான் || 6-27-26
ஹரீணாம் வாஹிநீ முக்²யோ நதீ³ம் ஹைமவதீம் அநு |
உஷீ²ர பீ³ஜம் ஆஷ்²ரித்ய பர்வதம் மந்த³ர உபமம் || 6-27-27
ரமதே வாநர ஷ்²ரேஷ்டோ² தி³வி ஷ²க்ர இவ ஸ்வயம் |
ஏநம் ஷ²த ஸஹஸ்ராணாம் ஸஹஸ்ரம் அபி⁴வர்ததே || 6-27-28
வீர்யவிக்ரமத்³ருப்தாநாம் நர்த³தாம் பா³ஹுஷா²லிநாம் |
ஸ ஏஷ நேதா ந்ஹைதேஷாம் வாநராணாம் மஹாத்மநம் || 6-27-29
ஸ ஏஷ து³ர்மர்ஷணோ ராஜன் ப்ரமாதீ² நாம யூத²ப꞉ |
வாதேந இவ உத்³த⁴தம் மேக⁴ம் யம் ஏநம் அநுபஷ்²யஸி || 6-27-30
அநீகமபி ஸம்ரப்³த⁴ம் வாநராணாம் தரஸ்விநாம் |
உத்³தூ⁴தமருணாபா⁴ஸம் பவநேந ஸமந்தத꞉ || 6-27-31
விவர்தமாநம் ப³ஹுஷோ² யத்ர ஏதத்³ ப³ஹுலம் ரஜ꞉ |
ஏதே அஸித முகா² கோ⁴ரா கோ³ லாந்கூ³லா மஹாப³லா꞉ || 6-27-32
ஷ²தம் ஷ²த ஸஹஸ்ராணி த்³ருஷ்ட்வா வை ஸேது ப³ந்த⁴நம் |
கோ³ லாந்கூ³லம் மஹாவேக³ம் க³வ அக்ஷம் நாம யூத²பம் || 6-27-33
பரிவார்ய அபி⁴வர்தந்தே லங்காம் மர்தி³தும் ஓஜஸா |
ப்⁴ரமர ஆசரிதா யத்ர ஸர்வ காம ப²ல த்³ருமா꞉ || 6-27-34
யம் ஸூர்ய துல்ய வர்ண ஆப⁴ம் அநுபர்யேதி பர்வதம் |
யஸ்ய பா⁴ஸா ஸதா³ பா⁴ந்தி தத்³ வர்ணா ம்ருக³ பக்ஷிண꞉ || 6-27-35
யஸ்ய ப்ரஸ்த²ம் மஹாத்மாநோ ந த்யஜந்தி மஹர்ஷய꞉ |
ஸர்வகாமப²லா வ்ருக்ஷா꞉ ஸர்வே ப²லஸமந்விதா꞉ || 6-27-36
மதூ⁴நி ச மஹார்ஹாணி யஸ்மின் பர்வதஸத்தமே |
தத்ர ஏஷ ரமதே ராஜன் ரம்யே காந்சந பர்வதே || 6-27-37
முக்²யோ வாநர முக்²யாநாம் கேஸரீ நாம யூத²ப꞉ |
ஷஷ்டிர் கி³ரி ஸஹஸ்ராணாம் ரம்யா꞉ காந்சந பர்வதா꞉ || 6-27-38
தேஷாம் மத்⁴யே கி³ரி வரஸ் த்வம் இவ அநக⁴ ரக்ஷஸாம் |
தத்ர ஏதே கபிலா꞉ ஷ்²வேதாஸ் தாம்ர ஆஸ்யா மது⁴ பிந்க³லா꞉ || 6-27-39
நிவஸந்தி உத்தம கி³ரௌ தீக்ஷ்ண த³ம்ஷ்ட்ரா நக² ஆயுதா⁴꞉ |
ஸிம்ஹ இவ சதுர் த³ம்ஷ்ட்ரா வ்யாக்⁴ரா இவ து³ராஸதா³꞉ || 6-27-40
ஸர்வே வைஷ்²வநர ஸமா ஜ்வலித ஆஷீ² விஷ உபமா꞉ |
ஸுதீ³ர்க⁴ அந்சித லாந்கூ³லா மத்த மாதம்க³ ஸம்நிபா⁴꞉ || 6-27-41
மஹாபர்வத ஸம்காஷா² மஹாஜீமூத நிஸ்வநா꞉ |
வ்ருத்தபிங்க³லநேத்ரா ஹி மஹாபீ⁴மக³திஸ்வநா꞉ || 6-27-42
மர்த³யந்தீவ தே ஸர்வே தஸ்து²ர்லங்காம் ஸமீக்ஷ்ய தே |
ஏஷ சைஷாமதி⁴பதிர்மத்⁴யே திஷ்ட²தி வீர்யவான் || 6-27-43
ஜயார்தீ² நித்யமாதி³த்யமுபதிஷ்ட²தி பு³த்³தி⁴மான் |
நாம்நா ப்ருதி²வ்யாம் விக்²யாதோ ராஜன் ஷ²த ப³லீ இதி ய꞉ || 6-27-44
ஏஷ ஏவ ஆஷ²ம்ஸதே லங்காம் ஸ்வேந அநீகேந மர்தி³தும் |
விக்ராந்தோ ப³லவான் ஷூ²ர꞉ பௌருஷே ஸ்வே வ்யவஸ்தி²த꞉ || 6-27-45
ராமப்ரியார்த²ம் ப்ராணாநாம் த³யாம் ந குருதே ஹரி꞉ |
க³ஜோ க³வ அக்ஷோ க³வயோ நலோ நீல꞉ ச வாநர꞉ |
ஏக ஏக ஏவ யூதா²நாம் கோடிபி⁴ர் த³ஷ²பி⁴ர் வ்ருத꞉ || 6-27-46
ததா² அந்யே வாநர ஷ்²ரேஷ்டா² விந்த்⁴ய பர்வத வாஸிந꞉ |
ந ஷ²க்யந்தே ப³ஹுத்வாத் து ஸம்க்²யாதும் லகு⁴ விக்ரமா꞉ || 6-27-47
ஸர்வே மஹாராஜ மஹாப்ரபா⁴வா꞉ |
ஸர்வே மஹாஷை²ல நிகாஷ² காயா꞉ |
ஸர்வே ஸமர்தா²꞉ ப்ருதி²வீம் க்ஷணேந |
கர்தும் ப்ரவித்⁴வஸ்த விகீர்ண ஷை²லாம் || 6-27-48
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஸப்தவிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
