வால்மீகி ராமாயணே ஆதி³ காவ்யே யுத்³த⁴காண்டே³ த்ரயோவிம்ஷ²꞉ ஸர்க³꞉
நிமித்தாநி நிமித்தஜ்ஞோ த்³ருஷ்ட்வா லக்ஷ்மணபூர்வஜ꞉ |
ஸௌமித்ரிம் ஸம்பரிஷ்வஜ்ய இத³ம் வசநம்ப்³ரவீத் || 6-21-1
பரிக்³ருஹ்யோத³கம் ஷீ²தம் வநாநி ப²லவந்தி ச |
ப³லௌ க⁴ம் ஸம்விப⁴ஜ்யேமம் வ்யூஹ்ய திஷ்டே²ம லக்ஷ்மண || 6-21-2
லோகக்ஷயகரம் பீ⁴மம் ப⁴யம் பஷ்²யாம்யுபஸ்தி²தம் |
ப்ரப³ர்ஹணம் ப்ரவீராணாம்ருக்ஷவாநரரக்ஷஸாம் || 6-21-3
வாதாஷ்²ச கலுஷா வாந்தி கம்பதே ச வஸுந்த⁴ரா |
பர்வதாக்³ராணி வேபந்தே பதந்தி ச மஹீரு꞉ஆ꞉ || 6-21-4
மேகா⁴꞉ க்ரவ்யாத³ஸம்காஷா²꞉ பருஷா꞉ பருஷஸ்வநா꞉ |
க்ரூரா꞉ க்ரூரம் ப்ரவர்ஷந்தி மிஷ்²ரம் ஷோ²ணிதபி³ந்து³பி⁴꞉ || 6-21-5
ரக்தசந்த³நஸம்காஷா² ஸந்த்⁴யா பரமதா³ருணா |
ஜ்வலத꞉ ப்ரபதத்யேததா³தி³த்யாத³க்³நிமண்ட³லம் || 6-21-6
தீ³நா தீ³நஸ்வரா꞉ க்ரூரா꞉ ஸர்வதோ ம்ருக³பக்ஷிண꞉ |
ப்ரத்யாதி³த்யம் விநர்த³ந்தி ஜநயந்தோ மஹத்³ப⁴யம் || 6-21-7
ரஜந்யாமப்ரகாஷ²ஸ்து ஸம்தாபயதி சந்த்³ரமா꞉ |
க்ருஷ்ணரக்தாம்ஷு²பர்யந்தோ லோகக்ஷய இவோதி³த꞉ || 6-21-8
ஹ்ரஸ்வோ ரூக்ஷோ(அ)ப்ரஷ²ஸ்தஷ்²ச பரிவேஷஸ்து லோஹித꞉ |
ஆதி³த்யே விமலே வீலம் லக்ஷ்ம லக்ஷ்மண த்³ருஷ்²யதே || 6-21-9
ரஜஸா மஹதா சாபி நக்ஷத்ராணி ஹதாநி ச |
யுகா³ந்தமிவ லோகாநாம் பஷ்²ய ஷ²ஸந்தி லக்ஷ்மண || 6-21-10
காகா꞉ ஷ்²யேநாஸ்ததா² நீசா க்³ருத்⁴ரா꞉ பரிபதந்தி ச |
ஷி²வாஷ்²சாப்யஷு²பா⁴ந்நாதா³ந்நத³ந்தி ஸுமஹாப⁴யான் || 6-21-11
ஷை²லை꞉ ஷூ²லைஷ்²ச க²ட்³கை³ஷ்²ச விமுகை꞉ கபிராக்ஷஸை꞉ |
ப⁴விஷ்யத்யாவ்ருதா பூ⁴மிர்மாம்ஸஷோ²ணிதகர்த³மா || 6-21-12
க்ஷிப்ரமத்³யைவ து³ர்த⁴ர்ஷாம் புரீம் ராவணபாலிதாம் |
அபி⁴யாம ஜவேநைவ ஸர்வைர்ஹரிபி⁴ராவ்ருதா꞉ || 6-21-13
இத்யேவமுக்த்வா த⁴ந்வீ ஸ ராம꞉ ஸம்க்³ராமத⁴ர்ஷண꞉ |
ப்ரதஸ்தே² புரதோ ராமோ லங்காமபி⁴முகோ² விபு⁴꞉ || 6-21-14
ஸவிபீ⁴ஷணஸுக்³ரீவா꞉ ஸர்வே தே வாநரர்ஷபா⁴꞉ |
ப்ரதஸ்தி²ரே விநர்த³ந்தோ த்⁴ருதாநாம் த்³விஷதாம் வதே⁴ || 6-21-15
ராக⁴வஸ்ய ப்ரியார்த²ம் து ஸுதராம் வீர்யஷா²லிநாம் |
ஹரீணாம் கர்மசேஷ்டாபி⁴ஸ்துதோஷ ரகு⁴நந்த³ந꞉ || 6-21-16
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ரயோவிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
