வால்மீகி ராமாயணே ஆதி³ காவ்யே யுத்³த⁴காண்டே³ த்ரயோத³ஷ²꞉ ஸர்க³꞉
ராவணம் க்ருத்³த⁴மாஜ்ஞாய மஹாபார்ஷ்²வோ மஹாப³ல꞉ |
முஹூர்த மநுஸஞ்சிந்த்ய ப்ராஞ்ஜலிர்வாக்ய மப்³ரவீத் || 6-13-1
ய꞉ க²ல்வபி வநம் ப்ராப்ய ம்ருக³வ்யாலநிஷேவிதம் |
ந பிபே³ந்மது⁴ ஸம்ப்ராப்ய ஸ நரோ பா³லிஷோ² த்⁴ருவம் || 6-13-2
ஈஷ்²வரஸ்யேஷ்²வர꞉ கோ(அ)ஸ்தி தவ ஷ²த்ருநிப³ர்ஹண |
ரமஸ்வ ஸஹ வைதே³ஹ்யா ஷ²த்ரூநாக்ரம்ய மூர்த⁴ஸு || 6-13-3
ப³லாத்குக்குடவ்ருத்தேந ப்ரவர்தஸ்வ மஹாப³ல |
அக்ரம்யாக்ரம்ய ஸீதாம் வை தாம் பு⁴ஙிக்ஸ்வ ச ரமஸ்வ ச || 6-13-4
லப்³த⁴காமஸ்ய தே பஷ்²சாதா³க³மிஷ்யதி கிம் ப⁴யம் |
ப்ராப்தமப்ராப்தகாலம் வா ஸர்வம் ப்ரதிவிதா⁴ஸ்யதே || 6-13-5
கும்ப⁴கர்ண꞉ ஸஹாஸ்மாபி⁴ரிந்த்³ரஜிச்ச மஹாப³ல꞉ |
ப்ரதிஷேத⁴யிதும் ஷ²க்தௌ ஸவஜ்ரமபி வஜ்ரிணம் || 6-13-6
உபப்ரதா³நம் ஸாந்த்வம் வா பே⁴த³ம் வா குஷ²லை꞉ க்ருதம் |
ஸமதிக்ரம்ய த³ண்டே³ந ஸித்³தி⁴மர்தே²ஷு ரோசயே || 6-13-7
இஹ ப்ராப்தாந்வயம் ஸர்வான் ஷ²த்ரூம்ஸ்தவ மஹாப³ல |
வஷே² ஷ²ஸ்த்ரப்ரதாபேந கரிஷ்யாமோ ந ஸம்ஷ²ய꞉ || 6-13-8
ஏவமுக்தஸ்ததா³ ராஜா மஹாபார்ஷ்²வஏந ராவண꞉ |
தஸ்ய ஸம்பூஜயந்வாக்யமித³ம் வசநமப்³ரவீத் || 6-13-9
மஹாபார்ஷ்²வ நிபோ³த⁴ த்வம் ரஹஸ்யம் கிஞ்சிதா³த்மந꞉ |
சிரவ்ருத்தம் ததா³க்²யாஸ்யே யத³வாப்தம் புரா மயா || 6-13-10
பிதாமஹஸ்ய ப⁴வநம் க³ச்சந்தீம் புஞ்ஜிகஸ்த²லாம் |
சஞ்சூர்யமாணாமத்³ராக்ஷமாகாஷே²(அ)க்³நிஷி²கா²மிவ || 6-13-11
ஸா ப்ரஸஹ்ய மயா பு⁴க்தா க்ருதா விவஸநா தத꞉ |
ஸ்வயம்பூ⁴ப⁴வநம் ப்ராப்தா லோலிதா நலிநீ யதா² || 6-13-12
தச்ச தஸ்ய ததா³ மந்யே ஜ்ஞாதமாஸீந்மஹாத்மந꞉ |
அத² ஸம்குபிதோ வேதா⁴ மாமித³ம் வாக்யமப்³ரவீ || 6-13-13
அத்³யப்ரப்⁴ருதி யாமந்யாம் ப³லாந்நாரீம் க³மிஷ்யஸி |
ததா³ தே ஷ²ததா⁴ முர்தா⁴ ப²லிஷ்யதி ந ஸம்ஷ²ய꞉ || 6-13-14
இத்யஹம் தஸ்ய ஷா²பஸ்ய பீ⁴த꞉ ப்ரஸப⁴மேவ தாம் |
நாரோஹயே ப³லாத்ஸீதாம் வைதே³ஹீம் ஷ²ய்நே ஷு²பே⁴ || 6-13-15
ஸாக³ரஸ்யேவ மே வேகோ³ மாருதஸ்யேவ மே க³தி꞉ |
நைதத்³தா³ஷ²ரதி²ர்வேத³ ஹ்யாபாத³யதி தேந மாம் || 6-13-16
கோ ஹி ஸிம்ஹமிவாஸீநம் ஸுப்தம் கி³ரிகு³ஹாஷ²யே |
க்ருத்³த⁴ம் ம்ருத்யுமிவா(அ)ஸீநம் ஸம்போ³த⁴யிதுமிச்சதி || 6-13-17
ந மத்தோ நிர்க³தான் பா³ணான் த்³விஜிஹ்வான் பந்ந்கா³நிவ |
ராம꞉ பஷ்²யதி ஸம்க்³ராமே தேந மாமபி⁴க³ச்சதி || 6-13-18
க்ஷிப்ரம் வஜ்ரஸமைர்பா³ணை꞉ ஷ²ததா⁴ கார்முகசுதை꞉ |
ராமமாதீ³பயிஷ்யாமி உல்கபி⁴ரிவ குஞ்ஜரம் || 6-13-19
தச்சாஸ்ய ப³லமாதா³ஸ்யே ப³லேந மஹதா வ்ருத꞉ |
உதி³த꞉ ஸவிதா காலே நக்ஷத்ராணாம் ப்ரபா⁴மிவ || 6-13-20
ந வாஸவேநாபி ஸஹஸ்ரசக்ஷுஷா |
யுதா⁴ஸ்மி ஷ²க்யோ வருணேந வா புந꞉ |
மயா த்வியம் பா³ஹுப³லேந நிர்ஜிதா |
புரா புரீ வைஷ்²ரவணேந பாலிதா || 6-13-21
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ரயோத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
