வால்மீகி ராமாயணே ஆதி³ காவ்யே யுத்³த⁴காண்டே³ த³ஷ²ம꞉ ஸர்க³꞉
தத꞉ ப்ரத்யுஷஸி ப்ராப்தே ப்ராப்தத⁴ர்மார்த²நிஷ்²சய꞉ |
ராக்ஷஸாதி⁴பதேர்வேஷ்²ம பீ⁴மகர்மா விபீ⁴ஷண꞉ || 6-10-1
ஷை²லாக்³ரசயஸம்காஷ²ம் ஷை²லஷ்²ருஜ்~க³மிவோந்நதம் |
ஸுவிப⁴க்தமஹாகக்ஷம் மஹாஜநபரிக்³ரஹம் || 6-10-2
மதிமத்³பி⁴ர்மஹாமாத்ரைரநுரகைரதி⁴ஷ்டி²தம் |
ராக்ஷஸைராப்தபர்யாப்தைஹ் ஸர்வத꞉ பரிரக்ஷிதம் || 6-10-3
மத்தமாதஜ்~க³நி꞉ஷ்²வாஸைர்வ்யாகுலீக்ருதமாருதம் |
ஷ²ஜ்~க²கோ⁴ஷமஹாகோ⁴ஷம் தூர்யஸம்பா³த⁴நாதி³தம் || 6-10-4
ப்ரமதா³ஜநஸம்பா³த⁴ம் ப்ரஜல்பிதமஹாபத²ம் |
தப்தகாஞ்சநநிர்யூஹம் பூ⁴ஷணோத்தமபூ⁴ஷிதம் || 6-10-5
க³ந்த⁴ர்வாணாமிவாவாஸமாலயம் மருதாமிவ |
ரத்நஸஞ்சயஸம்பா³த⁴ம் ப⁴வநம் போ⁴கி³நாமிவ || 6-10-6
தம் மஹாப்⁴ரமிவாதி³த்ய ஸ்தேஜோவிஸ்த்ருதரஷ்²மிமான் |
அக்³ரஜஸ்யாலயம் வீர꞉ ப்ரவிவேஷ² மஹாத்³யுதி꞉ || 6-10-7
புண்யான் புண்யாஹகோ⁴ஷாம்ஷ்²ச வேதி³வித்³பி⁴ருதா³ஹ்ருதான் |
ஷு²ஷ்²ராவ ஸுமஹாதேஜா ப்⁴ராதுர்விஜயஸம்ஷ்²ரிதான் || 6-10-8
பூஜிதான் த³தி⁴பாத்ரைஷ்²ச ஸர்பிர்பி⁴꞉ ஸுமநோக்ஷதை꞉ |
மந்த்ரவேத³விதோ³ விப்ரான் த³த³ர்ஷ² ஸ மஹாப³ல꞉ || 6-10-9
ஸ பூஜ்யமாநோ ரக்ஷோபி⁴த்³தீ³ப்யமாநம் ஸ்வதேஜஸா |
அஸவஸ்த²ம் மஹாபா³ஹுர்வவந்தே³ த⁴நதா³நுஜம் || 6-10-10
ஸ ராஜத்³ருஷ்டிஸம்பந்நமாஸநம் ஹேமபூ⁴ஷிதம் |
ஜகா³ம ஸமுதா³சாரம் ப்ரயுஜ்யாசாரகோவித³꞉ || 6-10-11
ஸ ராவணம் மஹாத்மாநம் விஜநே மந்த்ரிஸம்நிதௌ⁴ |
உவாச ஹிதமத்யர்த²ம் வசநம் ஹேதுநிஷ்²சிதம் || 6-10-12
ப்ரஸாத்³ய ப்⁴ராதரம் ஜ்யேஷ்ட²ம் ஸாந்த்வேநோபஸ்தி²தக்ரம꞉ |
தே³ஷ²காலார்த²ஸம்வாதி³ த்³ருஷ்டலோகபராவ꞉ || 6-10-13
யதா³ ப்ரப்⁴ருதி வைதே³ஹீ ஸம்ப்ராப்தேஹ பரதப |
ததா³ ப்ரப்⁴ருதி த்³ருஷ்²யந்தே நிமித்தாந்யஷு²பா⁴நி ந꞉ || 6-10-14
ஸஸ்பு²லிஜ்~க³꞉ ஸதூ⁴மார்சிஹ் ஸதூ⁴மகலுஷோத³ய꞉ |
மந்த்ரஸம்க⁴ஹுதோ(அ)ப்யக்³நிர்ந ஸம்யக³பி⁴வர்த⁴தே || 6-10-15
அக்³நிஷ்டே²ஷ்வக்³நிஷா²லாஸு ததா² ப்³ரஹ்மஸ்த²லீஷு ச |
பரீப்ருபாணி த்³ருஷ்²யந்தே ஹவ்யேஷு ச பிபீலிகா꞉ || 6-10-16
க³வாம் பயாம்ஸி ஸ்கந்நாநி விமதா³ வரகுஞ்ஜரா꞉ |
தீ³நமஷ்²வா꞉ ப்ரஹேஷந்தே ந ச க்³ராஸாபி⁴நந்தி³ந꞉ || 6-10-17
க²ரோஷ்ட்ராஷ்²வதரா ராஜந்பி⁴ந்ந்ரோமா꞉ ஸ்ரவந்தி ச |
ந ஸ்வபா⁴வே(அ)வதிஷ்ட²ந்தே விதா⁴நைரபி சிந்ததா꞉ || 6-10-18
வாயஸா꞉ ஸக⁴ஷ²꞉ க்ரூரா வ்யாஹரந்தி ஸமந்தத꞉ |
ஸமவேதாஷ்²ச த்³ருஷ்²யந்தே விமாநாக்³ரேஷு ஸம்க⁴ஷ²꞉ || 6-10-19
க்³ருத்⁴ராஷ்²ச பரிலீயந்தே புரீமுபரி பிண்டி³தா꞉ |
உபபந்நாஷ்²ச ஸந்த்⁴யே த்³வே வ்யாஹரந்த்யஷி²வம் ஷி²வா꞉ || 6-10-20
க்ரவ்யாதா³நாம் ம்ருகா³ணாம் ச புரீத்³வாரேஷு ஸஜ்~க⁴ஷ²꞉ |
ஷ்²ரூயந்தே விபுலா கோ⁴ஷா꞉ ஸவிஸ்பூ²ர்ஜிதநி꞉ஸ்வநா꞉ || 6-10-21
ததே³வம் ப்ரஸ்துதே கார்தே ப்ராயஷ்²சித்தமித³ம் க்ஷமம் |
ரோசயே வீர வைதே³ஹீ ராக⁴வாய ப்ரதீ³யதாம் || 6-10-22
இத³ம் ச யதி³ வாமோஹால்லோபா⁴த்³வா வ்யாஹ்ருதம் மயா |
தத்ராப் ச மஹாராஜ ந தோ³ஷம் கர்துமர்ஹஸி || 6-10-23
அயம் ஹி தோ³ஷ꞉ ஸர்வஸ்ய ஜநஸ்யாப்யோபலக்ஷ்யதே |
ரக்ஷஸாம் ராக்ஷஸீநாம் ச புரஸ்யாந்த꞉ புரஸ்ய ச || 6-10-24
ப்ராபணே சாஸ்ய மந்த்ரஸ்ய நிவ்ருத்தா꞉ ஸர்வமந்த்ரிண꞉ |
அவஷ்²யம் ச மயா வாச்யம் யத்³த்³ருஷ்டமத²வா ஷ்²ருதம் || 6-10-25
ஸம்விதா⁴ய யதா²ந்யாயம் தத்³ப⁴வான் கர்துமர்ஹதி |
இதி ஸ்வமந்த்ரிணாம் மத்⁴யே ப்⁴ராதா ப்⁴ராதரமூசிவான் || 6-10-26
ராவணம் ரக்ஷஸாம் ஷ்²ரேஷ்ட²ம் பத்²யமேதத்³விபீ⁴ஷண꞉ |
ஹிதம் மஹார்த²ம் மருது³ ஹேதுஸம்ஹிதம் |
வ்யதீதகாலாயதிஸம்ப்ரதிக்ஷமம் |
நிஷ²ம்ய தத்³வாக்யமுபஸ்தி²தஜ்வர꞉ |
ப்ரஸஜ்~க³வாநுத்தரமேத த³ப்³ரவீத் || 6-10-27
ப⁴யம் ந பஷ்²யாமி குதஷ்²சித³ப்யஹம் |
ந ராக⁴வ꞉ ப்ராப்ஸ்யதி ஜாது மைதி²லீம் |
ஸுரை꞉ ஸஹேந்த்³ரைரபி ஸம்க³ரே கத²ம் |
மமாக்³ரத꞉ ஸ்தா²ஸ்யதி லக்ஷ்மணாக்³ரஜ꞉ || 6-10-28
இத்யேவமுக்ர்வா ஸுரஸைந்யநாஷ²நோ |
மஹாப³ல꞉ ஸம்யதி சண்ட³விக்ரம꞉ |
த³ஷா²நநோ ப்⁴ராதரமாப்தவாதி³நம் |
விஸர்ஜயாமாஸ ததா³ விபீ⁴ஷணம் || 6-10-29
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த³ஷ²ம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
