வால்மீகி ராமாயணே ஆதி³ காவ்யே யுத்³த⁴காண்டே³ ஷஷ்ட²꞉ ஸர்க³꞉
லங்காயாம் து க்ருதம் கர்ம கோ⁴ரம் த்³ருஷ்ட்வா ப⁴வ ஆவஹம் |
ராக்ஷஸ இந்த்³ரோ ஹநுமதா ஷ²க்ரேண இவ மஹாத்மநா || 6-6-1
அப்³ரவீத்³ ராக்ஷஸான் ஸர்வான் ஹ்ரியா கிஞ்சித்³ அவான் முக²꞉ |
த⁴ர்ஷிதா ச ப்ரவிஷ்டா ச லங்கா து³ஷ்ப்ரஸஹா புரீ || 6-6-2
தேந வாநர மாத்ரேண த்³ருஷ்டா ஸீதா ச ஜாநகீ |
ப்ரஸாதோ³ த⁴ர்ஷித꞉ சைத்ய꞉ ப்ரவரா ராக்ஷஸா ஹதா꞉ || 6-6-3
ஆவிலா ச புரீ லங்கா ஸர்வா ஹநுமதா க்ருதா |
கிம் கரிஷ்யாமி ப⁴த்³ரம் வ꞉ கிம் வா யுக்தம் அநந்தரம் || 6-6-4
உச்யதாம் ந꞉ ஸமர்த²ம் யத் க்ருதம் ச ஸுக்ருதம் ப⁴வேத் |
மந்த்ர மூலம் ஹி விஜயம் ப்ராஹுர் ஆர்யா மநஸ்விந꞉ || 6-6-5
தஸ்மாத்³ வை ரோசயே மந்த்ரம் ராமம் ப்ரதி மஹாப³லா꞉ |
த்ரிவிதா⁴꞉ புருஷா லோகே உத்தம அத⁴ம மத்⁴யமா꞉ || 6-6-6
தேஷாம் து ஸமவேதாநாம் கு³ண தோ³ஷம் வதா³மி அஹம் |
மந்த்ரிபி⁴ர் ஹித ஸம்யுக்தை꞉ ஸமர்தை²ர் மந்த்ர நிர்ணயே || 6-6-7
மித்ரைர் வா அபி ஸமாந அர்தை²ர் பா³ந்த⁴வைர் அபி வா ஹிதை꞉ |
ஸஹிதோ மந்த்ரயித்வா ய꞉ கர்ம ஆரம்பா⁴ன் ப்ரவர்தயேத் || 6-6-8
தை³வே ச குருதே யத்நம் தம் ஆஹு꞉ புருஷ உத்தமம் |
ஏகோ அர்த²ம் விம்ற்ஷே²த்³ ஏகோ த⁴ர்மே ப்ரகுருதே மந꞉ || 6-6-9
ஏக꞉ கார்யாணி குருதே தம் ஆஹுர் மத்⁴யமம் நரம் |
கு³ண தோ³ஷாவ் அநிஷ்²சித்ய த்யக்த்வா தை³வ வ்யபாஷ்²ரயம் || 6-6-10
கரிஷ்யாமி இதி ய꞉ கார்யம் உபேக்ஷேத் ஸ நர அத⁴ம꞉ |
யதா² இமே புருஷா நித்யம் உத்தம அத⁴ம மத்⁴யமா꞉ || 6-6-11
ஏவம் மந்த்ரோ அபி விஜ்ஞேய உத்தம அத⁴ம மத்⁴யம꞉ |
ஐகமத்யம் உபாக³ம்ய ஷா²ஸ்த்ர த்³ருஷ்டேந சக்ஷுஷா || 6-6-12
மந்த்ரிணோ யத்ர நிரஸ்தாஸ் தம் ஆஹுர் மந்த்ரம் உத்தமம் |
ப³ஹ்வ்யோ அபி மதயோ க³த்வா மந்த்ரிணோ ஹி அர்த² நிர்ணயே || 6-6-13
புநர் யத்ர ஏகதாம் ப்ராப்த꞉ ஸ மந்த்ரோ மத்⁴யம꞉ ஸ்ம்ருத꞉ |
அந்யோந்ய மதிம் ஆஸ்தா²ய யத்ர ஸம்ப்ரதிபா⁴ஷ்யதே || 6-6-14
ந ச ஐகமத்யே ஷ்²ரேயோ அஸ்தி மந்த்ர꞉ ஸோ அத⁴ம உச்யதே |
தஸ்மாத் ஸுமந்த்ரிதம் ஸாது⁴ ப⁴வந்தோ மந்த்ரி ஸத்தமா꞉ || 6-6-15
கார்யம் ஸம்ப்ரதிபத்³யந்தாம் ஏதத் க்ருத்யதமம் மம |
வாநராணாம் ஹி தீராணாம் ஸஹஸ்ரை꞉ பரிவாரித꞉ || 6-6-16
ராமோ அப்⁴யேதி புரீம் லங்காம் அஸ்மாகம் உபரோத⁴க꞉ |
தரிஷ்யதி ச ஸுவ்யக்தம் ராக⁴வ꞉ ஸாக³ரம் ஸுக²ம் || 6-6-17
தரஸா யுக்த ரூபேண ஸாநுஜ꞉ ஸப³ல அநுக³꞉ |
ஸமுத்³ரமுச்சோ²ஷயதி வீர்யேணாந்யத்கரோதி வா|| 6-6-18
தஸ்மிந்ன் ஏவம் க³தே கார்யே விருத்³தே⁴ வாநரை꞉ ஸஹ |
ஹிதம் புரே ச ஸைந்யே ச ஸர்வம் ஸம்மந்த்ர்யதாம் மம || 6-6-19
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஷஷ்ட²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
