வால்மீகிராமாயணே ஆதி³காவ்யே பா³லகாண்டே³ பஞ்சவிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
அத² தஸ்யாப்ரமேயஸ்ய முநேர்வசநமுத்தமம் |
ஷ்²ருத்வா புருஷஷா²ர்தூ³ல꞉ ப்ரத்யுவாச ஷு²பா⁴ம் கி³ரம் || 1-25-1
அல்பவீர்யா யதா³ யக்ஷீ ஷ்²ரூயதே முநிபுங்க³வ |
கத²ம் நாக³ஸஹஸ்ரஸ்ய தா⁴ரயத்யப³லா ப³லம் || 1-25-2
இத்யுக்தம் வசநம் ஷ்²ருத்வா ராக⁴வஸ்யாமிதோஜஸா |
ஹர்ஷயன் ஷ்²லக்ஷ்ணயா வாசா ஸலக்ஷ்மணமரிந்த³மம் || 1-25-3
விஷ்²வாமித்ரோ(அ)ப்³ரவீத்³வாக்யம் ஷ்²ருணு யேந ப³லோத்கடா |
வரதா³நக்ருதம் வீர்யம் தா⁴ரயத்யப³லா ப³லம் || 1-25-4
பூர்வமாஸீந்மஹாயக்ஷ꞉ ஸுகேதுர்நாம வீர்யவான் |
அநபத்ய꞉ ஷு²பா⁴சார꞉ ஸ ச தேபே மஹத்தப꞉ || 1-25-5
பிதாமஹஸ்து ஸுப்ரீதஸ்தஸ்ய யக்ஷபதேஸ்ததா³ |
கந்யாரத்நம் த³தௌ³ ராம தாடகாம் நாம நாமத꞉ || 1-25-6
த³தௌ³ நாக³ஸஹஸ்ரஸ்ய ப³லம் சாஸ்யா꞉ பிதாமஹ꞉ |
ந த்வேவ புத்ரம் யக்ஷாய த³தௌ³ ப்³ரஹ்மா மஹாயஷா²꞉ || 1-25-7
தாம் து பா³லாம் விவர்த⁴ந்தீம் ரூபயௌவநஷா²லிநீம் |
ஜம்ப⁴புத்ராய ஸுந்தா³ய த³தௌ³ பா⁴ர்யாம் யஷ²ஸ்விநீம் || 1-25-8
கஸ்யசித்த்வத² காலஸ்ய யக்ஷீ புத்ரம் வ்யஜாயத |
மாரீசம் நாம து³ர்த⁴ர்ஷம் ய꞉ ஷா²பாத்³ராக்ஷஸோ(அ)ப⁴வத் ||1-25-9
ஸுந்தே³ து நிஹதே ராம ஸாக³ஸ்த்யம்ருஷிஸத்தமம் |
தாடகா ஸஹ புத்ரேண ப்ரத⁴ர்ஷயிதுமிச்ச²தி || 1-25-10
ப⁴க்ஷார்த²ம் ஜாதஸம்ரம்பா⁴ க³ர்ஜந்தீ ஸாப்⁴யதா⁴வத |
ஆபதந்தீம் து தாம் த்³ருஷ்ட்வா அக³ஸ்த்யோ ப⁴க³வாந்ருஷி꞉ || 1-25-11
ராக்ஷஸத்வம் ப⁴ஜஸ்வேதி மாரீசம் வ்யாஜஹார ஸ꞉ |
அக³ஸ்த்ய꞉ பரமாமர்ஷஸ்தாடகாமபி ஷ²ப்தவான் || 1-25-12
புருஷாதீ³ மஹாயக்ஷீ விரூபா விக்ருதாநநா |
இத³ம் ரூபம் விஹாயாஷு² தா³ருணம் ரூபமஸ்து தே || 1-25-13
ஸைஷா ஷா²பக்ருதாமர்ஷா தாடகா க்ரோத⁴மூர்ச்சி²தா |
தே³ஷ²முத்ஸாத³யத்யேநமக³ஸ்த்யாசரிதம் ஷு²ப⁴ம் || 1-25-14
ஏநாம் ராக⁴வது³ர்வ்ருத்தாம் யக்ஷீம் பரமதா³ருணாம் |
கோ³ப்³ராஹ்மணஹிதார்தா²ய ஜஹி து³ஷ்டபராக்ரமாம் || 1-25-15
ந ஹ்யேநாம் ஷா²பஸம்ஸ்ருஷ்டாம் கஷ்²சிது³த்ஸஹதே புமான் |
நிஹந்தும் த்ரிஷு லோகேஷு த்வாம்ருதே ரகு⁴நந்த³ந || 1-25-16
ந ஹி தே ஸ்த்ரீவத⁴க்ருதே க்⁴ருணா கார்யா நரோத்தம |
சாதுர்வர்ண்யஹிதார்தா²ய கர்தவ்யம் ராஜஸூநுநா || 1-25-17
ந்ருஷ²ம்ஸமந்ருஷ²ம்ஸம் வா ப்ரஜாரக்ஷணகாரணாத் |
பாதகம் வா ஸதோ³ஷம் வா கர்தவ்யம் ரக்ஷதா ஸதா³ || 1-25-18
ராஜ்யபா⁴ரநியுக்தாநாமேஷ த⁴ர்ம꞉ ஸநாதந꞉ |
அத⁴ர்ம்யாம் ஜஹி காகுத்ஸ்த² த⁴ர்மோ ஹ்யஸ்யாம் ந வித்³யதே || 1-25-19
ஷ்²ரூயதே ஹி புரா ஷ²க்ரோ விரோசநஸுதாம் ந்ருப |
ப்ருதி²வீம் ஹந்துமிச்ச²ந்தீம் மந்த²ராமப்⁴யஸூத³யத் || 1-25-20
விஷ்ணுநா ச புரா ராம ப்⁴ருகு³பத்நீ பதிவ்ரதா |
அநிந்த்³ரம் லோகமிச்ச²ந்தீ காவ்யமாதா நிஷூதி³தா || 1-25-21
ஏதைரந்யைஷ்²ச ப³ஹுபீ⁴ ராஜபுத்ரைர்மஹாத்மபி⁴꞉ |
அத⁴ர்மஸஹிதா நார்யோ ஹதா꞉ புருஷஸத்தமை꞉ |
தஸ்மாதே³நாம் க்⁴ருணாம் த்யக்த்வா ஜஹி மச்சா²ஸநாந்ந்ருப || 1-25-22
இதி வால்மீகிராமாயணே ஆதி³காவ்யே பா³லகாண்டே³ பஞ்சவிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
