வால்மீகிராமாயணே ஆதி³காவ்யே பா³லகாண்டே³ ஏகவிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தச்ச்²ருத்வா வசநம் தஸ்ய ஸ்நேஹபர்யாகுலாக்ஷரம் |
ஸமந்யு꞉ கௌஷி²கோ வாக்யம் ப்ரத்யுவாச மஹீபதிம் || 1-21-1
பூர்வமர்த²ம் ப்ரதிஷ்²ருத்ய ப்ரதிஜ்ஞாம் ஹாதுமிச்ச²ஸி |
ராக⁴வாணாமயுக்தோ(அ)யம் குலஸ்யாஸ்ய விபர்யய꞉ || 1-21-2
யதீ³த³ம் தே க்ஷமம் ராஜன் க³மிஷ்யாமி யதா²க³தம் |
மித்²யாப்ரதிஜ்ஞ꞉ காகுத்ஸ்த² ஸுகீ² ப⁴வ ஸபா³ந்த⁴வ꞉ || 1-21-3
தஸ்ய ரோஷபரீதஸ்ய விஷ்²வாமித்ரஸ்ய தீ⁴மத꞉ |
சசால வஸுதா⁴ க்ருத்ஸ்நா விவேஷ² ச ப⁴யம் ஸுரான் || 1-21-4
த்ரஸ்தரூபம் து விஜ்ஞாய ஜக³த்ஸர்வம் மஹாந்ருஷி꞉ |
ந்ருபதிம் ஸுவ்ரதோ தீ⁴ரோ வஸிஷ்டோ² வாக்யமப்³ரவீத் || 1-21-5
இக்ஷ்வாகூணாம் குலே ஜாத꞉ ஸாக்ஷாத்³த⁴ர்ம இவாபர꞉ |
த்⁴ருதிமான் ஸுவ்ரத꞉ ஷ்²ரீமாந்ந த⁴ர்மம் ஹாதுமர்ஹஸி || 1-21-6
த்ரிஷு லோகேஷு விக்²யாதோ த⁴ர்மாத்மா இதி ராக⁴வ |
ஸ்வத⁴ர்மம் ப்ரதிபத்³யஸ்வ நாத⁴ர்மம் வோடு⁴மர்ஹஸி || 1-21-7
ப்ரதிஷ்²ருத்ய கரிஷ்யேதி உக்தம் வாக்யமகுர்வத꞉ |
இஷ்டாபூர்தவதோ⁴ பூ⁴யாத்தஸ்மாத்³ராமம் விஸர்ஜய || 1-21-8
க்ருதாஸ்த்ரமக்ருதாஸ்த்ரம் வா நைநம் ஷ²க்ஷ்யந்தி ராக்ஷஸா꞉ |
கு³ப்தம் குஷி²கபுத்ரேண ஜ்வலநேநாம்ருதம் யதா² || 1-21-9
ஏஷ விக்³ரஹவான் த⁴ர்ம ஏஷ வீர்யவதாம் வர꞉ |
ஏஷ பு³த்³த்⁴யாதி⁴கோ லோகே தபஸஷ்²ச பராயணம் || 1-21-10
ஏஷோ(அ)ஸ்த்ரான் விவிதா⁴ன் வேத்தி த்ரைலோக்யே ஸசராசரே |
நைநமந்ய꞉ புமான் வேத்தி ந ச வேத்ஸ்யந்தி கேசந || 1-21-11
ந தே³வா நர்ஷய꞉ கேசிந்நாமரா ந ச ராக்ஷஸா꞉ |
க³ந்த⁴ர்வயக்ஷப்ரவரா꞉ ஸகிந்நரமஹோரகா³꞉ || 1-21-12
ஸர்வாஸ்த்ராணி க்ருஷா²ஷ்²வஸ்ய புத்ரா꞉ பரமதா⁴ர்மிகா꞉ |
கௌஷி²காய புரா த³த்தா யதா³ ராஜ்யம் ப்ரஷா²ஸதி || 1-21-13
தே(அ)பி புத்ரா க்ருஷா²ஷ்²வஸ்ய ப்ரஜாபதிஸுதாஸுதா꞉ |
நைகரூபா மஹாவீர்யா தீ³ப்திமந்தோ ஜயாவஹா꞉ || 1-21-14
ஜயா ச ஸுப்ரபா⁴ சைவ த³க்ஷகந்யே ஸுமத்⁴யமே |
தே ஸுவாதே(அ)ஸ்த்ரஷ²ஸ்த்ராணி ஷ²தம் பரமபா⁴ஸ்வரம் || 1-21-15
பஞ்சாஷ²தம் ஸுதான் லேபே⁴ ஜயா லப்³த⁴வரா வரான் |
வதா⁴யாஸுரஸைந்யாநாமப்ரமேயாநரூபிண꞉ || 1-21-16
ஸுப்ரபா⁴ஜநயத் சாபி புத்ரான் பஞ்சாஷ²தம் புந꞉ |
ஸம்ஹாராந்நாம து³ர்த⁴ர்ஷான் து³ராக்ராமான் ப³லீயஸ꞉ || 1-21-17
தாநி சாஸ்த்ராணி வேத்த்யேஷ யதா²வத் குஷி²காத்மஜ꞉ |
அபூர்வாணாம் ச ஜநநே ஷ²க்தோ பூ⁴ய꞉ ஸ த⁴ர்மவித் || 1-21-18
தேநாஸ்ய முநிமுக்²யஸ்ய த⁴ர்மஜ்ஞஸ்ய மஹாத்மந꞉ |
ந கிஞ்சித³ஸ்த்யவிதி³தம் பூ⁴தம் ப⁴வ்யம் ச ராக⁴வ || 1-21-19
ஏவம்வீர்யோ மஹாதேஜா விஷ்²வாமித்ரோ மஹாயஷா²꞉ |
ந ராமக³மநே ராஜன் ஸம்ஷ²யம் க³ந்துமர்ஹஸி || 1-21-20
தேஷாம் நிக்³ரஹணே ஷ²க்த꞉ ஸ்வயம் ச குஷி²காத்மஜ꞉ |
தவ புத்ரஹிதார்தா²ய த்வாமுபேத்யாபி⁴யாசதே || 1-21-21
இதி முநிவசநாத் ப்ரஸந்நசித்தோ
ரகு⁴வ்ருஷப⁴ஷ்²ச முமோத³ பார்தி²வாக்³ர்ய꞉ |
க³மநமபி⁴ருரோச ராக⁴வஸ்ய
ப்ரதி²தயஷா²꞉ குஷி²காத்மஜாய பு³த்³த்⁴யா || 1-21-22
இதி வால்மீகிராமாயணே ஆதி³காவ்யே பா³லகாண்டே³ ஏகவிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
