வால்மீகிராமாயணே ஆதி³காவ்யே பா³லகாண்டே³ த்³வாத்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
ப்³ரஹ்மயோநிர்மஹானாஸீத் குஷோ² நாம மஹாதபா꞉ |
அக்லிஷ்டவ்ரதத⁴ர்மஜ்ஞ꞉ ஸஜ்ஜனப்ரதிபூஜக꞉ || 1-32-1
ஸ மஹாத்மா குலீனாயாம் யுக்தாயாம் ஸுமஹாப³லான் |
வைத³ர்ப்⁴யாம் ஜனயாமாஸ சதுர꞉ ஸத்³ருஷா²ன் ஸுதான் || 1-32-2
குஷா²ம்ப³ம் குஷ²நாப⁴ம் ச அதூ⁴ர்தரஜஸம் வஸும் |
தீ³ப்தியுக்தான் மஹோத்ஸாஹான் க்ஷத்ரத⁴ர்மசிகீர்ஷயா || 1-32-3
தானுவாச குஷ²꞉ புத்ரான் த⁴ர்மிஷ்டா²ன் ஸத்யவாதி³ன꞉ |
க்ரியதாம் பாலனம் புத்ரா த⁴ர்மம் ப்ராப்ஸ்யத² புஷ்கலம் || 1-32-4
குஷ²ஸ்ய வசனம் ஷ்²ருத்வா சத்வாரோ லோகஸத்தமா꞉ |
நிவேஷ²ம் சக்ரிரே ஸர்வே புராணாம் ந்ருவராஸ்ததா³ || 1-32-5
குஷா²ம்ப³ஸ்து மஹாதேஜா꞉ கௌஷா²ம்பீ³மகரோத் புரீம் |
குஷ²நாப⁴ஸ்து த⁴ர்மாத்மா புரம் சக்ரே மஹோத³யம் || 1-32-6
அதூ⁴ர்தரஜஸோ ராம த⁴ர்மாரண்யம் மஹாமதி꞉ |
சக்ரே புரவரம் ராஜா வஸுர்நாம கி³ரிவ்ரஜம் || 1-32-7
ஏஷா வஸுமதீ நாம வஸோஸ்தஸ்ய மஹாத்மன꞉ |
ஏதே ஷை²லவரா꞉ பஞ்ச ப்ரகாஷ²ந்தே ஸமந்தத꞉ || 1-32-8
ஸுமாக³தீ⁴ நதீ³ ரம்யா மாக³தா⁴ன் விஷ்²ருதாயயௌ |
பஞ்சானாம் ஷை²லமுக்²யானாம் மத்⁴யே மாலேவ ஷோ²ப⁴தே || 1-32-9
ஸைஷா ஹி மாக³தீ⁴ ராம வஸோஸ்தஸ்ய மஹாத்மன꞉ |
பூர்வாபி⁴சரிதா ராம ஸுக்ஷேத்ரா ஸஸ்யமாலினீ || 1-32-10
குஷ²நாப⁴ஸ்து ராஜர்ஷி꞉ கன்யாஷ²தமனுத்தமம் |
ஜனயாமாஸ த⁴ர்மாத்மா க்⁴ருதாச்யாம் ரகு⁴நந்த³ன || 1-32-11
தாஸ்து யௌவனஷா²லின்யோ ரூபவத்ய꞉ ஸ்வலங்க்ருதா꞉ |
உத்³யானபூ⁴மிமாக³ம்ய ப்ராவ்ருஷீவ ஷ²தஹ்ரதா³꞉ || 1-32-12
கா³யந்த்யோ ந்ருத்யமாநாஷ்²ச வாத³யந்த்யஷ்²ச ராக⁴வ |
ஆமோத³ம் பரமம் ஜக்³முர்வராப⁴ரணபூ⁴ஷிதா꞉ || 1-32-13
அத² தாஷ்²சாருஸர்வாங்க்³யோ ரூபேணாப்ரதிமா பு⁴வி |
உத்³யானபூ⁴மிமாக³ம்ய தாரா இவ க⁴னாந்தரே || 1-32-14
தா꞉ ஸர்வகு³ணஸம்பன்னா ரூபயௌவனஸம்யுதா꞉ |
த்³ருஷ்ட்வா ஸர்வாத்மகோ வாயுரித³ம் வசனமப்³ரவீத் || 1-32-15
அஹம் வ꞉ காமயே ஸர்வா பா⁴ர்யா மம ப⁴விஷ்யத² |
மானுஷஸ்த்யஜ்யதாம் பா⁴வோ தீ³ர்க⁴மாயுரவாப்ஸ்யத² || 1-32-16
சலம் ஹி யௌவனம் நித்யம் மானுஷேஷு விஷே²ஷத꞉ |
அக்ஷய்யம் யௌவனம் ப்ராப்தா அமர்யஷ்²ச ப⁴விஷ்ய்த² || 1-32-17
தஸ்ய தத்³வசனம் ஷ்²ருத்வா வாயோரக்லிஷ்டகர்மண꞉ |
அபஹாஸ்ய ததோ வாக்யம் கன்யாஷ²தமதா²ப்³ரவீத் || 1-32-18
அந்தஷ்²சரஸி பூ⁴தானாம் ஸர்வேஷாம் த்வம் ஸுரஸத்தம |
ப்ரபா⁴வஜ்ஞாஷ்²ச தே ஸர்வா꞉ கிமர்த²மவமன்யஸே || 1-32-19
குஷ²நாப⁴ஸுதா꞉ தே³வம் ஸமஸ்தா ஸுரஸத்தம |
ஸ்தா²னாச்ச்யாவயிதும் தே³வம் ரக்ஷாமஸ்து தபோ வயம் || 1-32-20
மா பூ⁴த்ஸகாலோ து³ர்மேத⁴꞉ பிதரம் ஸத்யவாதி³னம் |
அவமன்ய ஸ்வத⁴ர்மேண ஸ்வயம்வரமுபாஸ்மஹே || 1-32-21
பிதா ஹி ப்ரபு⁴ரஸ்மாகம் தை³வதம் பரமம் ச ஸ꞉ |
யஸ்ய நோ தா³ஸ்யதி பிதா ஸ நோ ப⁴ர்தா ப⁴விஷ்யதி || 1-32-22
தாஸாம் து வசனம் ஷ்²ருத்வா ஹரி꞉ பரமகோபன꞉ |
ப்ரவிஷ்²ய ஸர்வகா³த்ராணி ப³ப⁴ஞ்ஜ ப⁴க³வான் ப்ரபு⁴꞉ || 1-32-23
தா꞉ கன்யா வாயுனா ப⁴க்³னா விவிஷு²ர்ந்ருபதேர்க்³ருஹம் |
ப்ரவிஷ்²ய ச ஸுஸம்ப்⁴ராந்தா꞉ ஸலஜ்ஜா꞉ ஸாஷ்²ருலோசனா꞉ || 1-32-24
ஸ ச தா த³யிதா ப⁴க்³னா꞉ கன்யா꞉ பரமஷோ²ப⁴னா꞉ |
த்³ருஷ்ட்வா தீ³னாஸ்ததா³ ராஜா ஸம்ப்⁴ராந்த இத³மப்³ரவீத் || 1-32-25
கிமித³ம் கத்²யதாம் புத்ர்ய꞉ கோ த⁴ர்மமவமன்யதே |
குப்³ஜா꞉ கேன க்ருதா꞉ ஸர்வா சேஷ்டந்த்யோ நாபி⁴பா⁴ஷத² |
ஏவம் ராஜா விநி꞉ஷ்²வஸ்ய ஸமாதி⁴ம் ஸந்த³தே⁴ தத꞉ || 1-32-26
இதி வால்மீகிராமாயணே ஆதி³காவ்யே பா³லகாண்டே³ த்³வாத்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
