வால்மீகிராமாயணே ஆதி³காவ்யே பா³லகாண்டே³ சதுர்த²꞉ ஸர்க³꞉
Shlokas in audio recited by Mrs.Ranganayaki, Chennai.
ப்ராப்தராஜ்யஸ்ய ராமஸ்ய வால்மீகிர்ப⁴க³வாந்ருஷி꞉ |
சகார சரிதம் க்ருத்ஸ்நம் விசித்ரபத³மர்த²வத் || 1-4-1
சதுர்விம்ஷ²த்ஸஹஸ்த்ராணி ஷ்²லோகாநாமுக்தவாந்ருஷி꞉ |
ததா² ஸர்க³ஷ²தான் பஞ்ச ஷட் காண்டா³நி ததோ²த்தரம் ||1-4-2
க்ருத்வாபி தந்மஹாப்ராஜ்ஞ꞉ ஸப⁴விஷ்யம் ஸஹோத்தரம் |
சிந்தயாமாஸ கோந்வேதத்ப்ரயுஞ்ஜீயாதி³தி ப்ரபு⁴꞉ ||1-4-3
தஸ்ய சிந்தயமாநஸ்ய மஹர்ஷேர்பா⁴விதாத்மந꞉ |
அக்³ருஹ்ணீதாம் தத꞉ பாதௌ³ முநிவேஷௌ குஷீ²லவௌ || 1-4-4
குஷீ²லவௌ து த⁴ர்மஜ்ஞௌ ராஜபுத்ரௌ யஷ²ஸ்விநௌ |
ப்⁴ராதரௌ ஸ்வரஸம்பந்நௌ த³த³ர்ஷா²ஷ்²ரமவாஸிநௌ || 1-4-5
ஸ து மேதா⁴விநௌ த்³ருஷ்ட்வா வேதே³ஷு பரிநிஷ்டி²தௌ |
வேதோ³பப்³ரும்ஹணார்தா²ய தாவக்³ராஹயத ப்ரபு⁴꞉ || 1-4-6
காவ்யம் ராமாயணம் க்ருத்ஸ்ந்நம் ஸீதாயாஷ்²சரிதம் மஹத் |
பௌலஸ்த்யவத⁴மித்யேவம் சகார சரிதவ்ரத꞉ || 1-4-7
பாட்²யே கே³யே ச மது⁴ரம் ப்ரமாணைஸ்த்ரிபி⁴ரந்விதம் |
ஜாதிபி⁴꞉ ஸப்தபி⁴ர்ப³த்³த⁴ம் தந்த்ரீலயஸமந்விதம் ||1-4-8
ரஸை꞉ ஷ்²ருங்கா³ரகருணஹாஸ்யரௌத்³ரப⁴யாநகை꞉ |
வீராதி³பீ⁴ ரஸைர்யுக்தம் காவ்யமேதத³கா³யதாம் ||1-4-9
தௌ து கா³ந்த⁴ர்வதத்த்வஜ்ஞௌ ஸ்தா²நமூர்ச்ச²நகோவிதௌ³ |
ப்⁴ராதரௌ ஸ்வரஸம்பந்நௌ க³ந்த⁴ர்வாவிவ ருபிணௌ || 1-4-10
ரூபலக்ஷணஸம்பந்நௌ மது⁴ரஸ்வரபா⁴ஷிணௌ |
பி³ம்பா³தி³வோத்தி²தௌ பி³ம்பௌ³ ராமதே³ஹாத்ததா²பரௌ || 1-4-11
தௌ ராஜபுத்ரௌ கார்த்ஸ்ந்யேந த⁴ர்ம்யமாக்²யாநமுத்தமம் |
வாசோ விதே⁴யம் தத்ஸர்வம் க்ருத்வா காவ்யமநிந்தி³தௌ || 1-4-12
ருஷீணாம் ச த்³விஜாதீநாம் ஸாதூ⁴நாம் ச ஸமாக³மே |
யதோ²பதே³ஷ²ம் தத்த்வஜ்ஞௌ ஜக³து꞉ ஸுஸமாஹிதௌ || 1-4-13
மஹாத்மாநௌ மஹாபா⁴கௌ³ ஸர்வலக்ஷணலக்ஷிதௌ |
தௌ கதா³சித்ஸமேதாநாம்ருஷீணாம் பா⁴விதாத்மநாம் |
மத்⁴யேஸப⁴ம் ஸமீபஸ்தா²வித³ம் காவ்யமகா³யதாம் || 1-4-14
தச்ச்²ருத்வா முநய꞉ ஸர்வே பா³ஷ்பபர்யாகுலேக்ஷணா꞉ |
ஸாது⁴ ஸாத்⁴விதி தாவூசு꞉ பரம் விஸ்மயமாக³தா꞉ || 1-4-15
தே ப்ரீதமநஸ꞉ ஸர்வே முநயோ த⁴ர்மவத்ஸலா꞉ |
ப்ரஷ²ஷ²ம்ஸு꞉ ப்ரஷ²ஸ்தவ்யௌ கா³யமாநௌ குஷீ²லவௌ || 1-4-16
அஹோ கீ³தஸ்ய மாது⁴ர்யம் ஷ்²லோகாநாம் ச விஷோ²ஷத꞉ |
சிரநிர்வ்ருத்தமப்யேதத் ப்ரத்யக்ஷமிவ த³ர்ஷி²தம் || 1-4-17
ப்ரவிஷ்²ய தாவுபௌ⁴ ஸுஷ்டு² ததா² பா⁴வமகா³யதாம் |
ஸஹிதௌ மது⁴ரம் ரக்தம் ஸம்பந்நம் ஸ்வரஸம்பதா³ || 1-4-18
ஏவம் ப்ரஷ²ஸ்யமாநௌ தௌ தப꞉ஷ்²லாக்⁴யைர்மஹர்ஷிபி⁴꞉ |
ஸம்ரக்ததரமத்யர்த²ம் மது⁴ரம் தாவகா³யதாம் || 1-4-19
ப்ரீத꞉ கஷ்²சிந்முநிஸ்தாப்⁴யாம் ஸம்ஸ்தி²த꞉ கலஷ²ம் த³தௌ³ |
ப்ரஸந்நோ வல்கலம் கஷ்²சித்³த³தௌ³ தாப்⁴யாம் மஹாயஷா²꞉ || 1-4-20
அந்ய꞉ க்ருஷ்ணாஜிநமதா³த்³யஜ்ஞஸூத்ரம் ததா²பர꞉ |
கஷ்²சித்கமண்ட³லும் ப்ராதா³ந்மௌஞ்ஜீமந்யோ மஹாமுநி꞉ || 1-4-21
ப்³ருஸீமந்யஸ்ததா³ ப்ராதா³த்கௌபீநமபரோ முநி꞉ |
தாப்⁴யாம் த³தௌ³ ததா³ ஹ்ருஷ்ட꞉ குடா²ரமபரோ முநி꞉ || 1-4-22
காஷாயமபரோ வஸ்த்ரம் சிரமந்யோ த³தௌ³ முநி꞉ |
ஜடாப³ந்த⁴நமந்யஸ்து காஷ்ட²ரஜ்ஜும் முதா³ந்வித꞉ || 1-4-23
யஜ்ஞபா⁴ண்ட³ம்ருஷி꞉ கஷ்²சித் காஷ்ட²பா⁴ரம் ததா²பர꞉ |
ஔது³ம்ப³ரீம் ப்³ருஸீமந்ய꞉ ஸ்வஸ்தி கேசித்ததா³வத³ன் || 1-4-24
ஆயுஷ்யமபரே ப்ராஹுர்முதா³ தத்ர மஹர்ஷய꞉ |
த³து³ஷ்²சைவம் வராந்ஸர்வே முநய꞉ ஸத்யவாதி³ந꞉ || 1-4-25
ஆஷ்²சர்யமித³மாக்²யாநம் முநிநா ஸம்ப்ரகீர்திதம் |
பரம் கவீநாமாதா⁴ரம் ஸமாப்தம் ச யதா²க்ரமம் || 1-4-26
அபி⁴கீ³தமித³ம் கீ³தம் ஸர்வகீ³தேஷு கோவிதௌ³ |
ஆயுஷ்யம் புஷ்டிஜநகம் ஸர்வஷ்²ருதிமநோஹரம் || 1-4-27
ப்ரஷ²ஸ்யமாநௌ ஸர்வத்ர கதா³சித்தத்ர கா³யகௌ |
ரத்²யாஸு ராஜமார்கே³ஷு த³த³ர்ஷ² ப⁴ரதாக்³ரஜ꞉ || 1-4-28
ஸ்வவேஷ்²ம சாநிய ததோ ப்⁴ராதரௌ ஸ குஷீ²லவௌ |
பூஜயாமாஸ பூஜார்ஹௌ ராம꞉ ஷ²த்ருநிப³ர்ஹண꞉ || 1-4-29
ஆஸீந꞉ காஞ்சநே தி³வ்யே ஸ ச ஸிம்ஹாஸநே ப்ரபு⁴꞉ |
உபோபவிஷ்டை꞉ ஸசிவைர்ப்⁴ராத்ருபி⁴ஷ்²ச ஸமந்வித꞉ || 1-4-30
த்³ருஷ்ட்வா து ரூபஸம்பந்நௌ விநீதௌ ப்⁴ராதராவுபௌ⁴ |
உவாச லக்ஷ்மணம் ராம꞉ ஷ²த்ருக்⁴நம் ப⁴ரதம் ததா² || 1-4-31
ஷ்²ரூயதாமேததா³க்²யாநமநயோர்தே³வவர்சஸோ꞉ |
விசித்ரார்த²பத³ம் ஸம்யக்³கா³யகௌ ஸமசோத³யத் || 1-4-32
தௌ சாபி மது⁴ரம் ரக்தம் ஸ்வஞ்சிதாயதநி꞉ஸ்வநம் |
தந்த்ரீலயவத³த்யர்த²ம் விஷ்²ருதார்த²மகா³யதாம் || 1-4-33
ஹ்லாத³யத்ஸர்வகா³த்ராணி மநாம்ஸி ஹ்ருத³யாநி ச |
ஷ்²ரோத்ராஷ்²ரயஸுக²ம் கே³யம் தத்³ப³பௌ⁴ ஜநஸம்ஸதி³ || 1-4-34
இமௌ முநீ பார்தி²வலக்ஷணாந்விதௌ
குஷீ²லவௌ சைவ மஹாதபஸ்விநௌ |
மமாபி தத்³ பூ⁴திகரம் ப்ரசக்ஷதே
மஹாநுபா⁴வம் சரிதம் நிபோ³த⁴த || 1-4-35
ததஸ்து தௌ ராமவச꞉ப்ரசோதி³தாவகா³யதாம் மார்க³விதா⁴நஸம்பதா³ |
ஸ சாபி ராம꞉ பரிஷத்³க³த꞉ ஷ²நைர்பு³பூ⁴ஷயா ஸக்தமநா ப³பூ⁴வ || 1-4-36
இதி வால்மீகிராமாயணே ஆதி³காவ்யே பா³லகாண்டே³ சதுர்த²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
