வால்மீகிராமாயணே ஆதி³காவ்யே அயோத்⁴யாகாண்டே³ பஞ்சோத்தரஷ²ததம꞉ ஸர்க³꞉
தத꞉ புருஷ ஸிம்ஹாநாம் வ்ருʼதாநாம் தை꞉ ஸுஹ்ருʼத்³ க³ணை꞉ |
ஷோ²சதாம் ஏவ ரஜநீ து³ஹ்கே²ந வ்யத்யவர்தத || 2-105-1
ரஜந்யாம் ஸுப்ரபா⁴தாயாம் ப்⁴ராதர꞉ தே ஸுஹ்ருʼத்³ வ்ருʼதா꞉ |
மந்தா³கிந்யாம் ஹுதம் ஜப்யம் க்ருʼத்வா ராமம் உபாக³மன் || 2-105-2
தூஷ்ணீம் தே ஸமுபாஸீநா ந கஷ்²சித் கிம்ʼசித்³ அப்³ரவீத் |
ப⁴ரத꞉ து ஸுஹ்ருʼன் மத்⁴யே ராம வசநம் அப்³ரவீத் || 2-105-3
ஸாந்த்விதா மாமிகா மாதா த³த்தம் ராஜ்யம் இத³ம் மம |
தத்³ த³தா³மி தவ ஏவ அஹம் பு⁴ந்க்ஷ்வ ராஜ்யம் அகண்டகம் || 2-105-4
மஹதா இவ அம்பு³ வேகே³ந பி⁴ந்ந꞉ ஸேதுர் ஜல ஆக³மே |
து³ராவாரம் த்வத்³ அந்யேந ராஜ்ய க²ண்ட³ம் இத³ம் மஹத் || 2-105-5
க³திம் க²ர இவ அஷ்²வஸ்ய தார்க்ஷ்யஸ்ய இவ பதத்ரிண꞉ |
அநுக³ந்தும் ந ஷ²க்திர் மே க³திம் தவ மஹீ பதே || 2-105-6
ஸுஜீவம் நித்யஷ²꞉ தஸ்ய ய꞉ பரைர் உபஜீவ்யதே |
ராம தேந து து³ர்ஜீவம் ய꞉ பரான் உபஜீவதி || 2-105-7
யதா² து ரோபிதோ வ்ருʼக்ஷ꞉ புருஷேண விவர்தி⁴த꞉ |
ஹ்ரஸ்வகேந து³ராரோஹோ ரூட⁴ ஸ்கந்தோ⁴ மஹா த்³ரும꞉ || 2-105-8
ஸ யதா³ புஷ்பிதோ பூ⁴த்வா ப²லாநி ந வித³ர்ஷ²யேத் |
ஸ தாம் ந அநுப⁴வேத் ப்ரீதிம் யஸ்ய ஹேதோ꞉ ப்ரபா⁴வித꞉ || 2-105-9
ஏஷா உபமா மஹா பா³ஹோ த்வம் அர்த²ம் வேத்தும் அர்ஹஸி |
யதி³ த்வம் அஸ்மான் ருʼஷபோ⁴ ப⁴ர்தா ப்⁴ருʼத்யான் ந ஷா²தி⁴ ஹி || 2-105-10
ஷ்²ரேணய꞉ த்வாம் மஹா ராஜ பஷ்²யந்து அக்³ர்யா꞉ ச ஸர்வஷ²꞉ |
ப்ரதபந்தம் இவ ஆதி³த்யம் ராஜ்யே ஸ்தி²தம் அரிம் த³மம் || 2-105-11
தவ அநுயாநே காகுத்ஷ்த² மத்தா நர்த³ந்து குஞ்ஜரா꞉ |
அந்த꞉ புர க³தா நார்யோ நந்த³ந்து ஸுஸமாஹிதா꞉ || 2-105-12
தஸ்ய ஸாது⁴ இத்ய் அமந்யந்த நாக³ரா விவிதா⁴ ஜநா꞉ |
ப⁴ரதஸ்ய வச꞉ ஷ்²ருத்வா ராமம் ப்ரத்யநுயாசத꞉ || 2-105-13
தம் ஏவம் து³ஹ்கி²தம் ப்ரேக்ஷ்ய விளபந்தம் யஷ²ஸ்விநம் |
ராம꞉ க்ருʼத ஆத்மா ப⁴ரதம் ஸமாஷ்²வாஸயத்³ ஆத்மவான் || 2-105-14
ந ஆத்மந꞉ காம காரோ அஸ்தி புருஷோ அயம் அநீஷ்²வர꞉ |
இத꞉ ச இதரத꞉ ச ஏநம் க்ருʼத அந்த꞉ பரிகர்ஷதி || 2-105-15
ஸர்வே க்ஷய அந்தா நிசயா꞉ பதந அந்தா꞉ ஸமுக்³ச்ச்²ரயா꞉ |
ஸம்யோகா³ விப்ரயோக³ அந்தா மரண அந்தம் ச ஜீவிதம் || 2-105-16
யதா² ப²லாநம் பக்வாநாம் ந அந்யத்ர பதநாத்³ ப⁴யம் |
ஏவம் நரஸ்ய ஜாதஸ்ய ந அந்யத்ர மரணாத்³ ப⁴யம் || 2-105-17
யதா² அகா³ரம் த்³ருʼட⁴ ஸ்தூ²ணம் ஜீர்ணம் பூ⁴த்வா அவஸீத³தி |
ததா² அவஸீத³ந்தி நரா ஜரா ம்ருʼத்யு வஷ²ம் க³தா꞉ || 2-105-18
அத்யேதி ரஜநீ யா து ஸா ந ப்ரதிநிவர்ததே |
யாத்யேவ யமுநா பூர்ணா ஸமுத்³ரமுத³காகுலம் || 2-105-19
அஹோ ராத்ராணி க³க்³ச்ச²ந்தி ஸர்வேஷாம் ப்ராணிநாம் இஹ |
ஆயூம்ஷி க்ஷபயந்த்ய் ஆஷு² க்³ரீஷ்மே ஜலம் இவ அம்ʼஷ²வ꞉ || 2-105-20
ஆத்மாநம் அநுஷோ²ச த்வம் கிம் அந்யம் அநுஷோ²சஸி |
ஆயு꞉ தே ஹீயதே யஸ்ய ஸ்தி²தஸ்ய ச க³தஸ்ய ச || 2-105-21
ஸஹ ஏவ ம்ருʼத்யுர் வ்ரஜதி ஸஹ ம்ருʼத்யுர் நிஷீத³தி |
க³த்வா ஸுதீ³ர்க⁴ம் அத்⁴வாநம் ஸஹ ம்ருʼத்யுர் நிவர்ததே || 2-105-22
கா³த்ரேஷு வலய꞉ ப்ராப்தா꞉ ஷ்²வேதா꞉ சைவ ஷி²ரோ ருஹா꞉ |
ஜரயா புருஷோ ஜீர்ண꞉ கிம் ஹி க்ருʼத்வா ப்ரபா⁴வயேத் || 2-105-23
நந்த³ந்த்ய் உதி³த ஆதி³த்யே நந்த³ந்த்ய் அஸ்தம் இதே ரவௌ |
ஆத்மநோ ந அவபு³த்⁴யந்தே மநுஷ்யா ஜீவித க்ஷயம் || 2-105-24
ஹ்ருʼஷ்யந்த்ய் ருʼது முக²ம் த்³ருʼஷ்ட்வா நவம் நவம் இஹ ஆக³தம் |
ருʼதூநாம் பரிவர்தேந ப்ராணிநாம் ப்ராண ஸம்க்ஷய꞉ || 2-105-25
யதா² காஷ்ட²ம் ச காஷ்ட²ம் ச ஸமேயாதாம் மஹா அர்ணவே |
ஸமேத்ய ச வ்யபேயாதாம் காலம் ஆஸாத்³ய கம்ʼசந || 2-105-26
ஏவம் பா⁴ர்யா꞉ ச புத்ரா꞉ ச ஜ்நாதய꞉ ச வஸூநி ச |
ஸமேத்ய வ்யவதா⁴வந்தி த்⁴ருவோ ஹ்ய் ஏஷாம் விநா ப⁴வ꞉ || 2-105-27
ந அத்ர கஷ்²சித்³ யதா² பா⁴வம் ப்ராணீ ஸமபி⁴வர்ததே |
தேந தஸ்மின் ந ஸாமர்த்²யம் ப்ரேதஸ்ய அஸ்த்ய் அநுஷோ²சத꞉ || 2-105-28
யதா² ஹி ஸார்த²ம் க³க்³ச்ச²ந்தம் ப்³ரூயாத் கஷ்²சித் பதி² ஸ்தி²த꞉ |
அஹம் அப்ய் ஆக³மிஷ்யாமி ப்ருʼஷ்ட²தோ ப⁴வதாம் இதி || 2-105-29
ஏவம் பூர்வைர் க³தோ மார்க³꞉ பித்ருʼ பைதாமஹோ த்⁴ருவ꞉ |
தம் ஆபந்ந꞉ கத²ம் ஷோ²சேத்³ யஸ்ய ந அஸ்தி வ்யதிக்ரம꞉ || 2-105-30
வயஸ꞉ பதமாநஸ்ய ஸ்ரோதஸோ வா அநிவர்திந꞉ |
ஆத்மா ஸுகே² நியோக்தவ்ய꞉ ஸுக² பா⁴ஜ꞉ ப்ரஜா꞉ ஸ்ம்ருʼதா꞉ || 2-105-31
த⁴ர்ம ஆத்மா ஸ ஷு²பை⁴꞉ க்ருʼத்ஸ்நை꞉ க்ரதுபி⁴꞉ ச ஆப்த த³க்ஷிணை꞉ |
தூ⁴த பாபோ க³த꞉ ஸ்வர்க³ம் பிதா ந꞉ ப்ருʼதி²வீ பதி꞉ || 2-105-32
ப்⁴ருʼத்யாநாம் ப⁴ரணாத் ஸம்யக் ப்ரஜாநாம் பரிபாலநாத் |
அர்த² ஆதா³நாச் ச தா⁴ர்மேண பிதா ந꞉ த்ரிதி³வம் க³த꞉ || 2-105-33
கர்மபி⁴ஸ்து ஷு²பை⁴ரிஷ்டை꞉ க்ரதுபி⁴ஷ்²சாவ்தத³க்ஷிண꞉ |
ஸ்வர்க³ம்ʼ த³ஷ²ரத²꞉ ப்ராப்த꞉ பிதா ந꞉ ப்ருʼதி²வீபதி꞉ || 2-105-34
இஷ்ட்வா ப³ஹுவிதை⁴ர் யஜ்நைர் போ⁴கா³ம꞉ ச அவாப்ய புஷ்களான் |
உத்தமம் ச ஆயுர் ஆஸாத்³ய ஸ்வர் க³த꞉ ப்ருʼதி²வீ பதி꞉ || 2-105-35
ஆயுருத்தமமாஸாத்³ய போ⁴கா³நபி ச ராக⁴வ꞉ |
ஸ ந ஷோ²ச்ய꞉ பிதா தாத ஸ்வர்க³த꞉ ஸத்க்ருʼத꞉ ஸதாம் || 2-105-36
ஸ ஜீர்ணம் மாநுஷம் தே³ஹம் பரித்யஜ்ய பிதா ஹி ந꞉ |
தை³வீம் ருʼத்³தி⁴ம் அநுப்ராப்தோ ப்³ரஹ்ம லோக விஹாரிணீம் || 2-105-37
தம் து ந ஏவம் வித⁴꞉ கஷ்²சித் ப்ராஜ்ந꞉ ஷோ²சிதும் அர்ஹதி |
த்வத்³ விதோ⁴ யத்³ வித⁴꞉ ச அபி ஷ்²ருதவான் பு³த்³தி⁴மத்தர꞉ || 2-105-38
ஏதே ப³ஹு விதா⁴꞉ ஷோ²கா விளாப ருதி³தே ததா² |
வர்ஜநீயா ஹி தீ⁴ரேண ஸர்வ அவஸ்தா²ஸு தீ⁴மதா || 2-105-39
ஸ ஸ்வஸ்தோ² ப⁴வ மா ஷோ²சோ யாத்வா ச ஆவஸ தாம் புரீம் |
ததா² பித்ரா நியுக்தோ அஸி வஷி²நா வத³தாமு வர || 2-105-40
யத்ர அஹம் அபி தேந ஏவ நியுக்த꞉ புண்ய கர்மணா |
தத்ர ஏவ அஹம் கரிஷ்யாமி பிதுர் ஆர்யஸ்ய ஷா²ஸநம் || 2-105-41
ந மயா ஷா²ஸநம் தஸ்ய த்யக்தும் ந்யாய்யம் அரிம் த³ம |
தத் த்வயா அபி ஸதா³ மாந்யம் ஸ வை ப³ந்து⁴꞉ ஸ ந꞉ பிதா || 2-105-42
தத்³வச꞉ பிதுரேவாஹம்ʼ ஸம்மதம் த⁴ர்மசாரிண꞉ |
கர்மணா பாலயிஷ்யாமி வநவாஸேந ராக⁴வ || 2-105-43
தா⁴ர்மிகேணாந்ருʼஷ²ம்ʼஸேந நரேண கு³ருவர்திநா |
ப⁴விதவ்யம்ʼ நரவ்யாக்⁴ரம் பரளோகம்ʼ ஜிகீ³ஷதா 2-105-44
ஆத்மாநமநுதிஷ்ட² த்வம்ʼ ஸ்வபா⁴வேந நரர்ஷப⁴ |
நிஷா²ம்ய து ஷு²ப⁴ம்ʼ வ்ருʼத்தம்ʼ பிதுர்த³ஷ²ரத²ஸ்ய ந꞉ 2-105-45
இத்யேவமுக்த்வா வசநம் மஹாத்மா|
பிதுர்நிதே³ஷ²ப்ரதிபாலநார்த²ம் |
யுவீயஸம் ப்⁴ராதரமர்த²வச்ச |
ப்ரபு⁴ர்முஹூர்தாத்³விரராம ராம꞉ || 2-105-46
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ பஞ்சோத்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
