வால்மீகிராமாயணே ஆதி³காவ்யே அயோத்⁴யாகாண்டே³ சதுருத்தரஷ²ததம꞉ ஸர்க³꞉
வஸிஷ்ட²꞉ புரத꞉ க்ருʼத்வா தா³ரான் த³ஷ²ரத²ஸ்ய ச |
அபி⁴சக்ராம தம்ʼ தே³ஷ²ம்ʼ ராமத³ர்ஷ²நதர்ஷித꞉ || 2-104-1
ராஜபத்ந்யஷ்²ச க³ச்ச²ந்த்யோ மந்த³ம்ʼ மந்தா³கிநீம் ப்ரதி |
த³த்³ருʼஷு²ஸ்தத்ர தத்தீர்த²ம்ʼ ராமலக்ஷ்மணஸேவிதம் || 2-104-2
கௌஸல்யா பா³ஷ்பபூர்ணேந முகே²ந பரிஷு²ஷ்யதா |
ஸுமித்ராமப்³ரவீத்³தீ³நா யாஷ்²சாந்யா ராஜயோஷித꞉ || 2-104-3
இத³ம் தேஷாமநாதா²நாம் க்லிஷ்டமக்லிஷ்டகர்மணாம் |
வநே ப்ராக்கலநம்தீர்த²ம் யே தே நிர்விஷயீக்ருʼதா꞉ || 2-104-4
இதஸ்ஸுமித்ரே புத்ரஸ்தே ஸதா³ ஜலமதந்த்³ரித꞉ |
ஸ்வயம்ʼ ஹரதி ஸௌமித்ரிர்மம புத்ரஸ்ய காரணாத் || 2-104-5
ஜக⁴ந்யமபி தே புத்ர꞉ க்ருʼதவாந்ந து க³ர்ஹித꞉ |
ப்⁴ராதுர்யத³ர்த²ஸஹிதம்ʼ ஸர்வம்ʼ தத்³விஹிதம் கு³ணை꞉ || 2-104-6
அத்³யாயமபி தே புத்ர꞉ க்லேஷா²நாமததோ²சித꞉ |
நீசாநர்த²ஸமாசாரம்ʼ ஸஜ்ஜம்ʼ கர்ம ப்ரமுஞ்சது || 2-104-7
த³க்ஷிணாக்³ரேஷு த³ர்பே⁴ஷு ஸா த³த³ர்ஷ² மஹீதலே |
பிதுரிங்கு³தி³பிண்யாகம் வ்யஸ்தமாயதலோசநா || 2-104-8
தம்ʼ பூ⁴மௌ பிதுரார்தேந ந்யஸ்தம்ʼ ராமேண வீக்ஷ்யஸா |
உவாச தே³வீஇ கௌஸல்யா ஸர்வா த³ஷ²ரத²ஸ்த்ரிய꞉ || 2-104-9
இத³மிக்ஷ்வாகுநாத²ஸ்ய ராக⁴வஸ்ய மஹாஅத்மந꞉ |
ராக⁴வேண பிதுர்த³த்தம் பஷ்²யதை தத்³யதா²விதி⁴ || 2-104-10
தஸ்ய தே³வஸமாநஸ்ய பார்தி²வஸ்ய மஹாத்மந꞉ |
நைததௌ³பயிகம் மந்யே பு⁴க்தபோ⁴க³ஸ்ய போ⁴ஜநம் || 2-104-11
சதுர்ந்தாம் மஹீம் பு⁴க்த்வா மஹேந்த்³ரஸத்³ருʼஷோ² விபு⁴꞉ |
கத²மிங்கு³தி³பிண்யாகம் ஸ பு⁴ங்த்கே வஸுதா⁴தி³ப꞉ || 2-104-12
அதோ து³꞉க²தரம் லோகே ந கிம்ʼஞ்சித்ப்ரதிபா⁴தி மா |
யத்ர ராம꞉ பிதுர்த³த்³யாதி³ங்கு³தி³க்ஷோத³ம்ருʼத்³தி⁴மான் || 2-104-13
ராமேணேங்கு³தி³பிண்யாகம்ʼ பித்துர்த³த்தம்ʼ ஸமீக்ஷ்ய மே |
கத²ம்ʼ து³꞉கே²ந ஹ்ருʼத³யம் ந ஸ்போடதி ஸஹஸ்ரதா⁴ || 2-104-14
ஷ்²ருதிஸ்து க²ல்வியம்ʼ ஸத்ய லௌகிகீ ப்ரதிபா⁴தி மா |
யத³ந்ந꞉ புருஷோ ப⁴வதி தத³ந்நாஸ்தஸ்ய தே³வதா꞉ || 2-104-15
ஏவமார்தாம்ʼ ஸபத்ந்யஸ்தா ஜக்³முராஷ்²வாஸ்ய தாம்ʼ ததா³ |
த³த்³ருʼஷு²ஷ்²சஷ்²ரமே ராமம்ʼ ஸ்வர்க³ச்யுதமிவாமரம் || 2-104-16
ஸர்வபோ⁴கை³꞉ பரித்யக்தம்ʼ ராமம்ʼ ஸம்ப்ரேக்ஷ்ய மாதர꞉ |
ஆர்த முமுசுரஷ்²ருணி ஸஸ்வரம்ʼ ஷோ²ககர்ஷ²தா꞉ || 2-104-17
தாஸாம்ʼ ராம꞉ ஸமுத்தா²ய ஜக்³ரஹ சரணான் ஷு²பா⁴ன் |
மாத்ருʼஇணாம்ʼ மநுஜவ்யாக்⁴ர꞉ ஸர்வாஸாம்ʼ ஸத்யஸம்ʼக³ர꞉ || 2-104-18
தாஹ் பாணிபி⁴꞉ ஸுக²ஸ்ஸர்ஷை²த்³வங்கு³ளிதலைஷ்²ஷு²பை⁴꞉ |
ப்ரமமார்ஜூ ரஜ꞉ ப்ருʼஷ்டா²த்³ராமஸ்யாயதலோசநா꞉ || 2-104-19
ஸௌமித்ரிரபி தா꞉ ஸர்வா மாத்ருʼஈ꞉ ஸம்ப்ரேக்ஷ்ய து³꞉கி²த꞉ |
ஆப்⁴யாவாத³யதா³ஸக்தம்ʼ ஷ²நைராமாத³நந்தரம் || 2-104-20
யதா² ராமே ததா² தஸ்மின் ஸர்வா வவ்ருʼதிரே ஸ்த்ரிய꞉ |
வ்ருʼத்திம் த³ஷ²ரதா²ஜ்ஜாதே லக்ஷ்மணே ஷு²ப⁴லக்ஷணே || 2-104-21
ஸீதாபி சரணாம்ʼஸ்தஸாமுபஸம்க்³ருʼஹ்ய து³꞉ கி²தா |
ஷ்²வஷ்²ரூணாமஷ்²ருபூர்ணாக்ஷி ஸா ப³பூ⁴வாக்³ரத꞉ ஸ்தி²தா || 2-104-22
தாம்ʼ பரிஷ்வஜ்ய து³꞉கா²ர்தாம்ʼ மாதா து³ஹிதரம் யதா² |
வநவாஸக்ருʼஷா²ம்ʼ தீ³நாம்ʼ கௌஸல்யா வாக்யமப்³ரவீத் || 2-104-23
விதே³ஹராஜஸ்ய ஸுதா ஸ்நுஷா த³ஷ²ரத²ஸ்ய ச |
ராமபத்நீ கத²ம்ʼ து³꞉க²ம்ʼ ஸம்ப்ராப்தா நிர்ஜநே வநே || 2-104-24
பத்³மமாதபஸந்தப்தம்ʼ பரிக்லிஷ்டமிவோத்பலம் |
காஞ்சநம்ʼ ரஜஸா த்⁴வஸ்தம் க்ஸ்லிஷ்டம்ʼ சந்த்³ரமிவாம்பு³தை³꞉ || 2-104-25
முக²ம் தே ப்ரேக்ஷ்ய மாம் ஷோ²கோ த³ஹத்யக்³நிரிவாஷ்²ரயம் |
ப்⁴ருʼஷ²ம் மநஸி வைதே³ஹி வ்யஸநாரணிஸம்ப⁴வ꞉ || 2-104-26
ப்³ருவந்த்யமேவமார்தாயாம்ʼ ஜநந்யாம்ʼ ப⁴ரதாக்³ரஜ꞉ |
பாதா³வாஸாத்³ய ஜக்³ராஹ வஸிஷ்டஸ்ய ச ராக⁴வ꞉ || 2-104-27
புரோஹிதஸ்யக்³நி ஸமஸ்ய வை ததா³ |
ப்³ருʼஹஸ்பதேரிந்த்³ரமிவாமராதி⁴ப꞉ |
ப்ரக்³ருʼஹ்ய பாதௌ³ ஸுஸம்ருʼத்³த⁴தேஜஸ꞉ |
ஸஹைவ தேநோபநிவேஷ² ராக⁴வ꞉ || 2-104-28
ததோ ஜக⁴ந்யம்ʼ ஸஹிதை꞉ ஸமந்த்ரிபி⁴꞉ |
புரப்ரதா⁴நைஷ்²ச ஸஹைவ ஸைநிகை꞉ |
ஜநேந த⁴ர்மஜ்ஞதமேந த⁴ர்மவா |
நுபோபவிஷ்டோ ப⁴ரதஸ்ததா³க்³ரஜம் || 2-104-29
உபோபவிஷ்டஸ்து ததா³ ஸ வீர்யவாம்ʼ |
ஸ்தபஸ்விவேஷேண ஸமீக்ஷ்ய ராக⁴வம் |
ஷ்²ரியா ஜ்வலந்தம்ʼ ப⁴ரத꞉ க்ருʼதாஞ்ஜலி |
ர்யதா² மஹேந்த்³ர꞉ ப்ரயத꞉ ப்ரஜாபதிம் || 2-104-30
கிமேஷ வாக்யம் ப⁴ரதோ.த்³ய ராக⁴வம்ʼ |
ப்ரணம்ய ஸ்த்க்ருʼத்ய ச ஸாது⁴ வக்ஷ்யதி |
இதீவ தஸ்யார்யஜநஸ்ய தத்த்வதோ |
ப³பூ⁴வ கௌதூஹலமுத்தமம் ததா³ || 2-104-31
ஸ ராக⁴வ꞉ ஸத்யத்⁴ருʼதிஷ்²ச லக்ஷ்மணோ |
மஹாநுபா⁴வோ ப⁴ரதஷ்²ச தா⁴ர்மிக꞉ |
வ்ருʼதா꞉ ஸுஹ்ருʼத்³பி⁴ஷ்²ச விரேஜுரத்⁴வரே |
யதா² ஸத்³ஸ்ய꞉ ஸஹிதாஸ்த்ரயோ(அ)க்³நய꞉ || 2-104-32
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ சதுருத்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
