வால்மீகிராமாயணே ஆதி³காவ்யே அயோத்⁴யாகாண்டே³ த்ர்யுத்தரஷ²ததம꞉ ஸர்க³꞉
தாம் ஷ்²ருத்வா கருணாம்ʼ வாசம்ʼ பிதுர்மரணஸம்ʼஹிதாம் |
ராக⁴வோ ப⁴ரதேநோக்தாம்ʼ ப³பூ⁴வ க³தசேதந꞉ || 2-103-1
தம்ʼ து வஜ்ரமிவோத்ஸ்ருʼஷ்டமாஹவே தா³நவாரிணா |
வாக்³வஜ்ரம்ʼ ப⁴ரதேநோக்தமமநோஜ்ஞம்ʼ பரம்தப꞉ || 2-103-2
ப்ரக்³ருʼஹ்ய ராமோ பா³ஹூவை புஷிதாக்³ரோ யதா² த்³ரும꞉ |
வநே பரஷு²நா க்ருʼத்தஸ்ததா² பு⁴வி பபாத ஹ || 2-103-3
ததா² நிபதிதம்ʼ ராமம்ʼ ஜக³த்யாம்ʼ ஜக³தீபதிம் |
கூலகா⁴தபரிஷ்²ராந்தம்ʼ பஸுப்தமிவ குஞ்ஜரம் || 2-103-4
ப்⁴ராதரஸ்தே மஹேஷ்வாஸம்ʼ ஸர்வத꞉ ஷோ²ககர்ஷி²தம் |
ருத³ந்த꞉ ஸஹ வைதே³ஹ்யா ஸிஷிபு⁴꞉ ஸலிலேந வை || 2-103-5
ஸ து ஸம்ʼஜ்ஞாம்ʼ புநர்லப்³த்⁴வா நேத்ராப்⁴யாமஸ்ரமுத்ஸ்ருʼஜன் |
உபாக்ராமத காகுத்த்²ஸ꞉ க்ருʼபணம்ʼ ப³ஹு பா⁴ஷிதும் || 2-103-6
ஸ ராம꞉ ஸ்வர்க³தம்ʼ ஷ்²ருத்வா பிதரம் ப்ருʼதி²வீபதிம் |
உவாச ப⁴ரதம்ʼ வாக்யம்ʼ த⁴ர்மாத்மா த⁴ர்மஸம்ʼஹிதம் || 2-103-7
கிம்ʼ கரிஷ்யாம்யயோத்⁴யாயாம்ʼ தாதே தி³ஷ்டாம்ʼ க³திம் க³தே |
கஸ்தாம் ராஜவராத்³தீ⁴நாமயோத்⁴யாம் பாலயிஷ்யதி || 2-103-8
கிம் நு தஸ்ய மயா கார்யம்ʼ து³ர்ஜாதேந மஹாத்மந꞉ |
யோ ம்ருʼதோ மம ஷோ²கேந மயா சாபி ந ஸம்ʼஸ்க்ருʼத꞉ || 2-103-9
அஹோ꞉ ப⁴ரத! ஸித்³தா⁴ர்தோ² யேந ராஜா த்வயாநுக⁴!|
ஷ²த்ருக்⁴நேந ச ஸர்வேஷு ப்ரேதக்ருʼத்யேஷு ஸத்க்ருʼத꞉ || 2-103-10
நிஷ்ப்ரதா⁴நா மநேகாக்³ராம்ʼ நரேந்த்³ரேண விநா க்ருʼதாம் |
நிவ்ருʼத்தவநவாஸோ(அ)பி நாயோத்⁴யாம்ʼ க³ந்துமுத்ஸஹே || 2-103-11
ஸமாப்தவநவாஸம்ʼ மாமயோத்⁴யாயாம் பரம்தப |
கோ(அ)நு ஷா²ஸிஷ்யதி புநஸ்ததே லோகாந்தரம்ʼ க³தே || 2-103-12
புரா ப்ரேக்ஷ்ய ஸுவ்ருʼத்தம்ʼ மாம் பிதா யாந்யாஹ ஸாந்த்வயன் |
வாக்யாநி தாநி ஷ்²ரோஷ்யாமி குத꞉ ஷ்²ரோதஸுகா²ந்யஹம் || 2-103-13
ஏவமுக்த்வா ஸ ப⁴ரதம்ʼ பா⁴ர்யாமப்⁴யேத்ய ராக⁴வ꞉ |
உவாச ஷோ²கஸம்தப்த꞉ பூர்ணசந்த்³ரநிபா⁴நநாம் || 2-103-14
ஸீதே ம்ருʼதஸ்தே ஷ்²வஷு²ர꞉ பித்ரா ஹீநோ(அ)ஸி லக்ஷ்மண |
ப⁴ரதோ கு꞉க²மாசஷ்டே ஸ்வர்க³தம்ʼ ப்ருʼதி²வீபதிம் || 2-103-15
ததோ ப³ஹுகு³ணம் தேஷாம்ʼ பா³ஷ்போ நேத்ரேஷ்வஜாயத |
ததா² ப்³ருவதி காகுத்த்²ஸ குமாராணாம்ʼ யஷ²ஸ்விநாம் || 2-103-16
ததஸ்தே ப்⁴ராதரஸ்ஸர்வே ப்⁴ருʼஷ²மாஷ்²வாஸ்ய ராக⁴வம் |
அப்³ருவன் ஜக³தீப⁴ர்து꞉ க்ரியதாமுத³கம்ʼ பிது꞉ || 2-103-17
ஸா ஸீதா ஷ்²வஷு²ரம்ʼ ஷ்²ருத்வா ஸ்வர்க³ளோகக³தம் ந்ருʼபம் |
நேத்ராப்⁴யாமஷ்²ருபூர்ணாப்⁴யாமஷ²கந்நேக்ஷிதும்ʼ பதிம் || 2-103-18
ஸாந்த்வயித்வா து தாம்ʼ ராமோ ருத³தீம்ʼ ஜநகாத்மஜாம் |
உவாச லக்ஷ்மணம் தத்ர து³꞉கி²தோ து³꞉கி²தம் வச꞉ || 2-103-19
ஆநயேங்கு³தி³பிண்யாகம்ʼ சீரமாஹர சோத்தரம் |
ஜலக்ரியார்த²ம்ʼ தாதஸ்ய க³மிஷ்யாமி மஹாத்மந꞉ || 2-103-20
ஸீதா புரஸ்தாத்³ர்வஜது த்வமேநாமபி⁴தோ வ்ரஜ |
அஹம்ʼ பஷ்²சாத்³க³மிஷ்யாமி க³தி ர்ஹ்யேஷா ஸுதா³ருணா || 2-103-21
ததோ நித்யாநுக³ஸ்தேஷாம்ʼ விதி³தாத்மா மஹாமதி꞉ |
ம்ருʼது³ர்தா³ந்தஸ்ச ஷா²ந்தஷ்²ச ராமே ச த்³ருʼட⁴ப⁴க்திமான் || 2-103-22
ஸுமந்த்ரஸ்தைர்ந்ருʼபஸுதை꞉ ஸார்த⁴மாஷ்²வாஸ்ய ராக³வம் |
ஆவாதாரயதா³ளம்ப்³ய நதீ³ம் மந்தா³கிநீம் ஷி²வாம் || 2-103-23
தே ஸுதீர்தா²ம் தத꞉ க்ருʼச்ச்²ராது³பாக³ம்ய யஷ²ஸ்விந꞉ |
நதீ³ம் மந்தா³கிநீம் ரம்யாம் ஸதா³ புஷ்பிதகாநநாம் || 2-103-24
ஷீ²க்⁴ரஷ்²ரோதஸமாஸாத்³ய தீர்த²ம் ஷி²மமகர்த³மம் |
ஸிஷிசுஸ்துத³கம்ʼ ராஜ்ஞே தாதைதத்தே ப⁴வத்விதி || 2-103-25
ப்ரக்³ருʼஹ்ய ச மஹீபாலோ ஜலபூரிதமஞ்ஜலிம் |
தி³ஷ²ம் யாம்யாமபி⁴முகோ² ருத³ந்வசநம்ப்³ரவீத் || 2-103-26
ஏதத்தே ராஜஷா²ர்தூ³ள விமலம்ʼ தோயமக்ஷயம் |
பித்ருʼலோகக³தஸ்யாத்³ய மத்³த³த்தமுபதிஷ்ட²து || 2-103-27
ததோ மந்தா³கிநீதீராத்ர்பத்யுத்தீர்ய ஸ ராக⁴வ꞉ |
பிதுஷ்²சகார தேஜஸ்வீ நிவாபம்ʼ ப்³ராத்ருʼபி⁴꞉ ஸஹ || 2-103-28
ஐங்கு³த³ம் ப³த³ரீமிஷ்²ரம் பிண்யாகம் த³ர்ப⁴ஸம்ʼஸ்தரே |
ந்யஸ்ய ராமஸ்ஸ து³꞉கா²ர்தோ ருத³ந்வசநமப்³ரவீத் || 2-103-29
இத³ம்பு⁴ங்க்ஷ்வ மஹாராஜ ப்ரீதோ யத³ஷ²நா வயம் |
யத³ந்ந꞉ புருஷோ ப⁴வதி தத³ந்நா ஸ்தஸ்ய தே³வதா꞉ || 2-103-30
ததஸ்தேநைவ மார்கே³ண ப்ரத்யுத்தீர்ய நதீ³தடாத் |
ஆருரோஹ நரவ்யாக்⁴ரோ ரம்யஸாநும்ʼ மஹித⁴ரம் || 2-103-31
தத꞉ பர்ணகுடீத்³வாரமாஸாத்³ய ஜக³தீபதி꞉ |
பரிஜக்³ராஹ பா³ஹுப்⁴யாமுபௌ⁴ ப⁴ரதலக்ஷ்மணௌ || 2-103-32
தேஷாம்ʼ து ருத³தாம்ʼ ஷ²ப்³தா³த்ப்ரதிஷ்²ருத்கோ(அ)ப⁴வத்³கி³ரௌ |
ப்⁴ராத்ற்^ஊ ஸஹ வைதே³ஹ்யா ஸிம்ʼஹாநாமிவ நர்த⁴தாம் || 2-103-33
மஹாப³லாநாம் ருத³தாஅம்ʼ குர்வதாமுத³கம்ʼ பிது꞉ |
விஜ்ஞாய துமுலம்ʼ ஷ²ப்³த³ம் த்ரஸ்தா ப⁴ரதஸைநிகா꞉ || 2-103-34
ஆப்³ருவம்ʼஷ்²சாபி ராமேண ப⁴ரதஸ்ஸம்ʼக³தோ த்⁴ருவம் |
தேஷாமேவ மஹாஷ²ப்³த³꞉ ஷோ²சதாம்ʼ பிதரம்ʼ ம்ருʼதம் || 2-103-35
அத² வாஸாந்பரித்யஜ்ய தம்ʼ ஸர்வே(அ)பி⁴முகா²꞉ ஸ்வநம் |
அ ப்யேகமநஸோ ஜக்³முர்யதா²ஸ்தா²நம் ப்ரதா⁴விதா꞉ || 2-103-36
ஹயைரந்யே க³ஜைரந்யே ரதை²ரந்யே ஸ்வலம்க்ருʼதை꞉ |
ஸுகுமாராஸ்ததை²வாந்யே பத்³பி⁴ரேவ நரா யய꞉ || 2-103-37
அசிரப்ரோஷிதம் ராமம் சிரவிப்ரோஷிதம்ʼ யதா² |
த்³ரஷ்டுகாமோ ஜநஸ்ஸர்வோ ஜகா³ம ஸஹஸாஷ்²ரமம் || 2-103-38
ப்⁴ராத்றூணாம்ʼ த்வரிதாஸ்தத்ர த்³ரஷ்டுகாமாஸ்ஸமாக³மம் |
யுயுர்ப³ஹுவிதை⁴ர்யாநை꞉ க²ரநேவிஸ்வநாகுலை꞉ || 2-103-39
ஸா பூ⁴மிர்ப³ஹுபி⁴ர்யாநை க²ரநேமிஸம்ரஹதா |
முமோச துமுலம்ʼ ஷ²ப்³த³ம்ʼ த்³யௌரிவாப்⁴ரஸமாக³மே || 2-103-40
தேந வித்ராஸிதா நாகா³꞉ கரேணுபரிவாரிதா꞉ |
ஆவாஸயந்தோ க³ந்தே⁴ந ஜக்³முரந்யத்³வநம் தத꞉ || 2-103-41
வராஹவ்ருʼகஸம்கா⁴ஷ்²ச ஸிம்ʼஹாஷ்²ச மஹிஷா꞉ ஸர்பவாநரா꞉ |
வ்யாக்⁴ரகோ³கர்ணக³வயா꞉ வித்ரேஸு꞉ ப்ருʼஷதைஸ்ஸஹ || 2-103-42
ரதா²ங்க³ஸாஹ்வா நத்யூஹ ஹம்ʼஸா꞉ காரண்ட³வா꞉ ப்லவா꞉ |
ததா² பும்ʼஸ்கோகோலா꞉ க்ரௌஞ்ச விஸம்ஜ்ஞா பே⁴ஜிரே தி³ஷ²꞉ || 2-103-43
தேந ஷ²ப்³தே³ந வித்ரஸ்தைராகாஸம்ʼ பக்ஷிபி⁴ர்வருʼதம் |
மநுஷ்யைராவ்ருʼதா பூ⁴மிருப⁴யம் ப்ரப³பௌ⁴ த தா³ || 2-103-44
தத்தஸ்தம்ʼ புருஷவ்யாக்⁴ரம் யஷ²ஸ்விந மகீலம்ஷம் |
ஆஸீநம்ʼ ஸ்த²ண்டி³லே ராமம் த³த³ர்ஷ² ஸஹஸா ஜந꞉ || 2-103-45
விக³ர்ஹமாண꞉ கைகேயீம்ʼ மந்த²ராஸஹிதாமபி |
அபி⁴க³ம்ய ஜநோ ராமம் பா³ஷ்பபூர்ணமுகோ²(அ)ப⁴வத் || 2-103-46
தாந்நரான் பா³ஷ்பபூர்ணாக்ஷான் ஸமீக்ஷ்யத² ஸுது³꞉கி²தான் |
பர்யஷ்வஜத த⁴ர்மஜ்ஞ꞉ பித்ருʼவந்மாத்ருʼவச்ச ந꞉ || 2-103-47
ஸ தத்ர காம்ʼஷ்²சித் பரிஷந்வஜே நரான் |
நராஷ்²ச கேசித்து தமப்⁴யவாத³யன் |
சகார ஸர்வான் ஸவயஸ்யபா³ந்த⁴வான் |
யதா²ர்ஹ மாஸாத்³ய ததா³ ந்ருʼபாத்மஜ꞉ || 2-103-48
ஸ தத்ர தேஷாம் ருத³தாம்ʼ மஹாத்மநாம்ʼ |
பு⁴வம் ப³ க²ம் சாஷு²நிநாத³யன் ஸ்வந꞉ |
கு³ஹ கி³ரீணாம் ச தி³ஷ்²ஷ்²ச ஸந்ததம்ʼ |
ம்ருʼத³ங்க³கோ⁴ஷப்ரதிம꞉ ப்ரஷு²ஷ்²ருவே || 2-103-49
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ த்ர்யுத்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
