வால்மீகிராமாயணே ஆதி³காவ்யே அயோத்⁴யாகாண்டே³ சது꞉ஸப்ததிதம꞉ ஸர்க³꞉
தாம் ததா² க³ர்ஹயித்வா து மாதரம் ப⁴ரத꞉ ததா³ |
ரோஷேண மஹதா ஆவிஷ்ட꞉ புநர் ஏவ அப்³ரவீத்³ வச꞉ || 2-74-1
ராஜ்யாத் ப்⁴ரம்ஷ²ஸ்வ கைகேயி ந்ருஷ²ம்ஸே து³ஷ்ட சாரிணி |
பரித்யக்தா ச த⁴ர்மேண மா ம்ருதம் ருத³தீ ப⁴வ || 2-74-2
கிம் நு தே அதூ³ஷயத்³ ராஜா ராம꞉ வா ப்⁴ருஷ² தா⁴ர்மிக꞉ |
யயோ꞉ ம்ருத்யுர் விவாஸ꞉ ச த்வத் க்ருதே துல்யம் ஆக³தௌ || 2-74-3
ப்⁴ரூணஹத்யாம் அஸி ப்ராப்தா குலஸ்ய அஸ்ய விநாஷ²நாத் |
கைகேயி நரகம் க³ச்ச மா ச ப⁴ர்து꞉ ஸலோகதாம் || 2-74-4
யத்த்வயா ஹீத்³ருஷ²ம் பாபம் க்ருதம் கோ⁴ரேண கர்மணா |
ஸர்வலோகப்ரியம் ஹித்வா மமாப்யாபாதி³தம் ப⁴யம் || 2-74-5
த்வத் க்ருதே மே பிதா வ்ருத்த꞉ ராம꞉ ச அரண்யம் ஆஷ்²ரித꞉ |
அயஷோ² ஜீவ லோகே ச த்வயா அஹம் ப்ரதிபாதி³த꞉ || 2-74-6
மாத்ரு ரூபே மம அமித்ரே ந்ருஷ²ம்ஸே ராஜ்ய காமுகே |
ந தே அஹம் அபி⁴பா⁴ஷ்யோ அஸ்மி து³ர்வ்ருத்தே பதி கா⁴திநி || 2-74-7
கௌஸல்யா ச ஸுமித்ரா ச யா꞉ ச அந்யா மம மாதர꞉ |
து³ஹ்கே²ந மஹதா ஆவிஷ்டா꞉ த்வாம் ப்ராப்ய குல தூ³ஷிணீம் || 2-74-8
ந த்வம் அஷ்²வ பதே꞉ கந்யா த⁴ர்ம ராஜஸ்ய தீ⁴மத꞉ |
ராக்ஷஸீ தத்ர ஜாதா அஸி குல ப்ரத்⁴வம்ஸிநீ பிது꞉ || 2-74-9
யத் த்வயா தா⁴ர்மிகோ ராம꞉ நித்யம் ஸத்ய பராயண꞉ |
வநம் ப்ரஸ்தா²பித꞉ து³ஹ்கா²த் பிதா ச த்ரிதி³வம் க³த꞉ || 2-74-10
யத் ப்ரதா⁴நா அஸி தத் பாபம் மயி பித்ரா விநா க்ருதே |
ப்⁴ராத்ருப்⁴யாம் ச பரித்யக்தே ஸர்வ லோகஸ்ய ச அப்ரியே || 2-74-11
கௌஸல்யாம் த⁴ர்ம ஸம்யுக்தாம் வியுக்தாம் பாப நிஷ்²சயே |
க்ருத்வா கம் ப்ராப்ஸ்யஸே து அத்³ய லோகம் நிரய கா³மிநீ || 2-74-12
கிம் ந அவபு³த்⁴யஸே க்ரூரே நியதம் ப³ந்து⁴ ஸம்ஷ்²ரயம் |
ஜ்யேஷ்ட²ம் பித்ரு ஸமம் ராமம் கௌஸல்யாய ஆத்ம ஸம்ப⁴வம் || 2-74-13
அந்க³ ப்ரத்யந்க³ஜ꞉ புத்ர꞉ ஹ்ருத³யாச் ச அபி ஜாயதே |
தஸ்மாத் ப்ரியதர꞉ மாது꞉ ப்ரியத்வான் ந து பா³ந்த⁴வ꞉ || 2-74-14
அந்யதா³ கில த⁴ர்மஜ்ஞா ஸுரபி⁴꞉ ஸுர ஸம்மதா |
வஹமாநௌ த³த³ர்ஷ² உர்வ்யாம் புத்ரௌ விக³த சேதஸௌ || 2-74-15
தாவ் அர்த⁴ தி³வஸே ஷ்²ராந்தௌ த்³ருஷ்ட்வா புத்ரௌ மஹீ தலே |
ருரோத³ புத்ர ஷோ²கேந பா³ஷ்ப பர்யாகுல ஈக்ஷணா || 2-74-16
அத⁴ஸ்தாத் வ்ரஜத꞉ தஸ்யா꞉ ஸுர ராஜ்ஞோ மஹாத்மந꞉ |
பி³ந்த³வ꞉ பதிதா கா³த்ரே ஸூக்ஷ்மா꞉ ஸுரபி⁴ க³ந்தி⁴ந꞉ || 2-74-17
இந்த்³ரோ(அ)ப்யஷ்²ருநிபாதம் தம் ஸ்வகா³த்ரே புண்யக³ந்தி⁴நம் |
ஸுரபி⁴ம் மந்யதே த்³ருஷ்ட்வா பூ⁴யஸீம் தாம் ஸுரேஷ்²வர꞉ || 2-74-18
நிரீக்ஸமாண꞉ ஷ²க்ரஸ்தாம் த³த³ர்ஷ² ஸுரபி⁴ம் ஸ்தி²தாம் |
ஆகாஷே² விஷ்டி²தாம் தீ³நாம் ருத³தீம் ப்⁴ருஷ²து³꞉கி²தாம் || 2-74-19
தாம் த்³ருஷ்ட்வா ஷோ²க ஸம்தப்தாம் வஜ்ர பாணிர் யஷ²ஸ்விநீம் |
இந்த்³ர꞉ ப்ராந்ஜலிர் உத்³விக்³ந꞉ ஸுர ராஜோ அப்³ரவீத்³ வச꞉ || 2-74-20
ப⁴யம் கச்சின் ந ச அஸ்மாஸு குதஷ்²சித் வித்³யதே மஹத் |
குத꞉ நிமித்த꞉ ஷோ²க꞉ தே ப்³ரூஹி ஸர்வ ஹித ஏஷிணி || 2-74-21
ஏவம் உக்தா து ஸுரபி⁴꞉ ஸுர ராஜேந தீ⁴மதா |
பத்யுவாச தத꞉ தீ⁴ரா வாக்யம் வாக்ய விஷா²ரதா³ || 2-74-22
ஷா²ந்தம் பாதம் ந வ꞉ கிஞ்சித் குதஷ்²சித் அமர அதி⁴ப |
அஹம் து மக்³நௌ ஷோ²சாமி ஸ்வ புத்ரௌ விஷமே ஸ்தி²தௌ || 2-74-23
ஏதௌ த்³ருஷ்ட்வா க்ருஷௌ தீ³நௌ ஸூர்ய ரஷ்²மி ப்ரதாபிநௌ |
அர்த்⁴யமாநௌ ப³லீ வர்தௌ³ கர்ஷகேண ஸுர அதி⁴ப || 2-74-24
மம காயாத் ப்ரஸூதௌ ஹி து³ஹ்கி²தௌ பா⁴ர பீடி³தௌ |
யௌ த்³ருஷ்ட்வா பரிதப்யே அஹம் ந அஸ்தி புத்ர ஸம꞉ ப்ரிய꞉ || 2-74-25
யஸ்யா꞉ புத்ர ஸஹஸ்த்ரைஸ்து க்ருத்ஸ்நம் வ்யாப்தமித³ம் ஜக³த் |
தாம் த்³ருஷ்ட்வா ருத³தீம் ஷ²க்ரோ ந ஸுதாந்மந்யதே பரம் || 2-74-26
ஸதா³(அ)ப்ரதிமவ்ருத்தாயா லோகதா⁴ரணகாம்யயா |
ஷ்²ரீமத்யா கு³ணநித்யாயா꞉ ஸ்வபா⁴வபரிசேஷ்டயா || 2-74-27
யஸ்யா꞉ புத்ரஸஹஸ்ராணி ஸாபி ஷோ²சை காமது⁴க் |
கிம் புநர் யா விநா ராமம் கௌஸல்யா வர்தயிஷ்யதி || 2-74-28
ஏக புத்ரா ச ஸாத்⁴வீ ச விவத்ஸா இயம் த்வயா க்ருதா |
தஸ்மாத் த்வம் ஸததம் து³ஹ்க²ம் ப்ரேத்ய ச இஹ ச லப்ஸ்யஸே || 2-74-29
அஹம் ஹி அபசிதிம் ப்⁴ராது꞉ பிது꞉ ச ஸகலாம் இமாம் |
வர்த⁴நம் யஷ²ஸ꞉ ச அபி கரிஷ்யாமி ந ஸம்ஷ²ய꞉ || 2-74-30
ஆநாயயித்வா தநயம் கௌஸல்யாயா மஹா த்³யுதிம் |
ஸ்வயம் ஏவ ப்ரவேக்ஷ்யாமி வநம் முநி நிஷேவிதம் || 2-74-31
ந ஹ்யஹம் பாபஸம்கல்பே பாபே பாபம் த்வயா க்ருதம் |
ஷ²க்தோ தா⁴ரயிதும் பௌரைரஷ்²ருகண்டை² ர்நிரீக்ஷித꞉ || 2-74-32
ஸா த்வமக்³நிம் ப்ரவிஷ² வா ஸ்வயம் வா த³ண்ட³காந்விஷ² |
ரஜ்ஜும் ப³தா⁴ந வா கண்டே² ந ஹி தே(அ)ந்யத்பராயணம் || 2-74-33
அஹமப்யவநிம் ப்ராப்தே ராமே ஸத்யபராக்ரமே |
க்ருதக்ருத்யோ ப⁴விஷ்யாமி விப்ரவாஸிதகல்மஷ꞉ || 2-74-34
இதி நாகை³வ அரண்யே தோமர அந்குஷ² சோதி³த꞉ |
பபாத பு⁴வி ஸம்க்ருத்³தோ⁴ நிஹ்ஷ்²வஸந்ன் இவ பந்நக³꞉ || 2-74-35
ஸம்ரக்த நேத்ர꞉ ஷி²தி²ல அம்ப³ர꞉ ததா³ |
விதூ⁴த ஸர்வ ஆப⁴ரண꞉ பரம்தப꞉ |
ப³பூ⁴வ பூ⁴மௌ பதித꞉ ந்ருப ஆத்மஜ꞉ |
ஷ²சீ பதே꞉ கேதுர் இவ உத்ஸவ க்ஷயே || 2-74-36
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ சது꞉ஸப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
